OHÚTU 45
45
Ujósɛ̄fu lɛ īyī nū mafū lɛ ayínɛ́ nū
1 #
Ācot 7.13
Ujósɛ̄fu í kwú ɔtū kú nū tū glá gɛ ŋ́ ipēyī ācocɛ̄hɔ̄ kú nū. Anɔ́ɔ ó le odúúdú uwā nū bɛ̄cɛ ŋmá ipú inu. Anɔ́ɔ ɔ̄cɛ dúúmā ɔhá í yɔ̄ ɛgiyí Ujósɛ̄fu eko nōó da ayínɛ́ nū ɔ̄cɛ nōó wɛ ā ŋ́ má 2Ó jikwū gbōmgbōm nōo yá kú ācɛ kú Íjīpiti kéē le pó, é kē le da ācɛ ɔlɛ́ Uféro lɛyíkwu ikwū nōó je ā dúú. 3Anɔ́ɔ Ujósɛ̄fu da ayínɛ́ nū kahíníī, “Ami wɛ Ujósɛ̄fu á. Ádā um yēeyī kpɔ́ ɛ́ɛ̄?” Amáŋ abɔ̄ ayínɛ́ nū le ɛlā ā pó ā, ó le hɛ́ uwā ohí nɛ̄ɛ̄nɛ̄hi nōó cɛ̄ lɛ uwá ka ɔdā dúú glá ŋ́.
4Anɔ́ɔ Ujósɛ̄fu da ayínɛ́ nū ā kahíníī, “Aá kócōō túblá um káá.” É le túblá anú, anɔ́ɔ ó kahíníī, “N wɛ ɔyínɛ́ aá Ujósɛ̄fu, nɛ̄ aá je lá ga Íjípiti ā. 5Abālɔbányā, ɔ́ɔ híī kwú aá iyē gɛ ŋ́, ɛ́ɛ́ nɛ̄ aá ī kpɛ́lāce iyī aá abɔ̄ aá je um lá wā amānyā ŋ́. Ohígbū ka Ɔwɔicō tū um ɛhɔ̄ wā amānyā gbɔbū lɛ aá, cɛ́ɛ́ kú n̄ lɛ oyēeyī kú ācɛ nyatá á. 6Ɔkpɛtā ā gbɔɔ́ ō ŋmó iháyí ɛpa kllɔ́dɔ́ ipú ajɛ ā. Íháyí ɛhɔ̄ ɔhá kōō hile kpɔ́ ɛ́ɛ́ nɛ̄ ɔ̄cɛ dúú í gáā hɛ́hɔ̄ glá ŋ́ ɛ́ɛ́ nēé gē cē ɔdɛ̄hɔ̄ ŋ́. 7Ɔwɔicō le um tɛ̄hɔ̄ wā amānyā gbɔbū lɛ aā kú n̄ lɛ ajɛ tútū lɛ aá ɔwɛ oyéyīji nyā, o yá kú aá mɛ́mla ipɔ́ɔma kú aá kóō yēeyī. 8Ohígbū ɔ́ɔmā, ó wɛ aá tū um ɛhɔ̄ wā amānyā ŋ́, amáŋ Ɔwɔicō nɛ̄. Ó lɛ um pīya igabɔ̄ nōo fíyɛ́ dúú kú Uféro, nōo lɛbɛ̄ɛka ádā lɛ Uféro, mɛ́mla ɔkpani kú odúúdú ɔlɛ́ nū, mɛ́mla odúúdú ajɛ kú Íjīpiti. 9#Ācot 7.14“Aá nyɔ̄ fíyaa ga ɛgiyí ádā um, kú aá da ɔ́ kahíníī, ‘Abɔ̄ Ujósɛ̄fu ɔyí uwɔ ka lɛ á. Ɔwɔicō lɛ um pīya ɔkpani kú odúúdú ajɛ kú Íjīpiti. Wā ɛgiyí um, ā kpó eko bónū ŋ́. 10A géē lā ajɛ kú Ugóssɛn, ɛga nɛ̄ awɔ mɛ́mla ayí uwɔ̄, ayí kú ayí uwɔ, aálá mɛ́mla aɛ́na kú aá, mɛ́mla odúúdú ɔdā nɛ̄ a lɛ ā, géē kwu um ajaajɛ. 11N géē je ɔdōlé ga uwɔ abɔ́ɔ. Ɔkpɛtā ā kē í ŋmó ga iháyí ɛhɔ̄ kpɔ́ ɛ́ɛ́, ohígbū ɔ́ɔmā, ń dɔ̄ɔ̄ka kú ɔkpɛtā kóō ŋmó awɔ mɛ́mla ācɛ ɔlɛ́ uwɔ mɛ́mla ɔdā dóódu nɛ̄ a lɛ ā ŋ́.’ 12Abālɔbányā,odúúdú aá mɛ́mla ɔyínɛ̄ um, Ubɛ́njamīn kē le má ka n wɛ Ujósɛ̄fu ɔkwɔ̄ɔ̄kwɛ̄yi nɛ. 13Aá géē da ádā um ɛ́gɛ́nɛ̄ um lɔfú ajɛ kú Íjīpiti amānyā mɛ́mla odúúdú ɔdā nɛ̄ aá má kpɛ́mm ā. Aá páápá nyɔ̄ í lɛ ádā um bī wā amānyā.” 14Ó le Ubɛ́njamīn kwú bɔ́ɔ́tū, gbɔɔ́ ō jikwū. Ubɛ́njamīn kē jikwū abɔ̄ nɛ̄ Ujósɛ̄fu kwú ɔ̄ bɔ́ɔ́tū ā. 15Anɔ́ɔ abɔ̄ ó yɔ̄ ī jikwū kpɔ́ ɛ́ɛ́ mā, ó le ayínɛ́ nū éyééye kwú bɔ́ɔ́tū, klla jikwū klā uwā. Anɔ́ɔ igbīhi ɛ̄nyā ā, ayínɛ́ nū gbɔɔ́ o kɛlā mɛ́mla anú mɛ́ɛ́lɛ́.
16Eko nɛ̄ Uféro le pó ka ayínɛ́ kú Ujósɛ̄fu ɔ́ɔ gā ā, ó le he Uféro mɛ́mla odúúdú aígabɔ̄ kú nū ɔtū nɛ̄hi. 17Anɔ́ɔ Uféro da Ujósɛ̄fu kahíníī, “Da ayínɛ́ uwɔ̄ kéē lɛ iyó kú uwā gbō ce aɛ́bɛ́ ɔlɛ́ kú uwā cɛ́ɛ́ kéē nyɔ̄ ajɛ kú Ukénan. 18Kéē lɛ ádā uwā mɛ́mla odúúdú ācɛ kú ipɔ́nū ɔlɛ́ uwā kpó wā amānyā. N géē je ajɛ nōo lɔhi fíyɛ́ kpɛ́mm kú ajɛ kú Íjīpiti ā lɛ uwá, 19Da uwá dúú kéē kwú aúgbɔ́ɔnya #45.19 aúgbɔ́ɔnya ɔdā nōo lɛbɛ̄ɛka utrɔ́kwu nɛ̄ ɔnya gē pi ú ŋmá ajɛ kú Íjīpiti, ohígbū ayí uwā mɛ́mla anyā uwā, kéē lɛ ádā uwā bī wā. 20É híī lɛ ɛlá wu iyó kú uwā nōo bá igbihi ā ŋ́. Aɔ́dā nōo lɔhi fíyɛ́ kpɛ́mm ipú ajɛ kú Íjīpiti géē wɛ akú uwā.” 21Ayí kú Ujékɔ̄pu le yá ɛ́gɛ́nɛ̄ é da uwá lɛ ā. Anɔ́ɔ Ujósɛ̄fu le aúgbɔ́ɔnya kpó lɛ uwá ɛ́gɛ́nɛ̄ Uféro ka ā. Ó klla le ɔdōlé kú iyāwu ā kpó lɛ uwá. 22Ó le īlī ifa ɛ̄yīpɛ̄ kpó lɛ ɔnyɔɔnyɛ kú uwá, amáŋ ó le īlī ifa ɛ̄yīpɛ̄ ɛhɔ̄ mɛ́mla ije kú oje nɛ̄hɛ́ ofu igwɛ́ɛhɔ̄ kpó lɛ Ubɛ́njamīn. 23Ó le iyó kú aíjakī igwó kú aɔ́dā nōo lɔhi fíyɛ́ dúú kú ajɛ kú Íjīpiti mɛ́mla iyó kú aíjaki igwó kú igwu, igbō mɛ́mla aódōlé ɛdɔ̄ ɔhá kpó lɛ uwá kú iyawu kú uwā. 24Anɔ́ɔ ó le ayínɛ́ nū ā bītá le úŋmóō tú uwā. Abɔ̄ é bá gē nyɔ̄ ā, ó da uwá kahíníī, “Aá nyɔ̄ ɛbɔ́, aá yá ikpɛ́lā ɔwɛ nóó n.” 25Anɔ́ɔ é le bɛ̄cɛ ŋmá Íjīpiti le táajɛ kú Ukénan ɛgiyí ádā uwā, Ujékɔ̄pu á. 26É da ɔ́ kahíníī, “Ujósɛ̄fu kōō yēeyī kpɔ́ ɛ́ɛ́, anú wɛ igbómína nōo gē gbō ajɛ kú Íjīpiti á.” Ɔ̄kā nɛ̄ Ujékɔ̄pu pó ā le hɛ́ ɔ̄ idáagó. Ó kōō cɛ̄ ɛlā kú uwā ā glá ŋ́. 27Amáŋ, eko nɛ̄ é le odúúdú ɔdā nɛ̄ Ujósɛ̄fu da uwá ā kpó ka lɛ ɔ́ ā, nōó klla le aúgbɔ́ɔnya nɛ̄ Ujósɛ̄fu tɛ̄hɔ̄ kéē bī lɛ je ɔ́ wā ā má ā, ɛ́ɛ́ nɛ̄ ɔtū kú ádā uwā, Ujékɔ̄pu wāajɛ á. 28Anɔ́ɔ Ujékɔ̄pu kahíníī, “Ó jɛ̄ ɛɛ́. Ujósɛ̄fu, ɔyí um yēeyī kpɔ́ ɛ́ɛ́. N géē nyɔ̄ gaá lɛ ɔ́ má ɛ́ɛ́ ká n kwú.”
Currently Selected:
OHÚTU 45: IFBCL
Highlight
Share
Copy
Want to have your highlights saved across all your devices? Sign up or sign in
OHÚTU 45
45
Ujósɛ̄fu lɛ īyī nū mafū lɛ ayínɛ́ nū
1 #
Ācot 7.13
Ujósɛ̄fu í kwú ɔtū kú nū tū glá gɛ ŋ́ ipēyī ācocɛ̄hɔ̄ kú nū. Anɔ́ɔ ó le odúúdú uwā nū bɛ̄cɛ ŋmá ipú inu. Anɔ́ɔ ɔ̄cɛ dúúmā ɔhá í yɔ̄ ɛgiyí Ujósɛ̄fu eko nōó da ayínɛ́ nū ɔ̄cɛ nōó wɛ ā ŋ́ má 2Ó jikwū gbōmgbōm nōo yá kú ācɛ kú Íjīpiti kéē le pó, é kē le da ācɛ ɔlɛ́ Uféro lɛyíkwu ikwū nōó je ā dúú. 3Anɔ́ɔ Ujósɛ̄fu da ayínɛ́ nū kahíníī, “Ami wɛ Ujósɛ̄fu á. Ádā um yēeyī kpɔ́ ɛ́ɛ̄?” Amáŋ abɔ̄ ayínɛ́ nū le ɛlā ā pó ā, ó le hɛ́ uwā ohí nɛ̄ɛ̄nɛ̄hi nōó cɛ̄ lɛ uwá ka ɔdā dúú glá ŋ́.
4Anɔ́ɔ Ujósɛ̄fu da ayínɛ́ nū ā kahíníī, “Aá kócōō túblá um káá.” É le túblá anú, anɔ́ɔ ó kahíníī, “N wɛ ɔyínɛ́ aá Ujósɛ̄fu, nɛ̄ aá je lá ga Íjípiti ā. 5Abālɔbányā, ɔ́ɔ híī kwú aá iyē gɛ ŋ́, ɛ́ɛ́ nɛ̄ aá ī kpɛ́lāce iyī aá abɔ̄ aá je um lá wā amānyā ŋ́. Ohígbū ka Ɔwɔicō tū um ɛhɔ̄ wā amānyā gbɔbū lɛ aá, cɛ́ɛ́ kú n̄ lɛ oyēeyī kú ācɛ nyatá á. 6Ɔkpɛtā ā gbɔɔ́ ō ŋmó iháyí ɛpa kllɔ́dɔ́ ipú ajɛ ā. Íháyí ɛhɔ̄ ɔhá kōō hile kpɔ́ ɛ́ɛ́ nɛ̄ ɔ̄cɛ dúú í gáā hɛ́hɔ̄ glá ŋ́ ɛ́ɛ́ nēé gē cē ɔdɛ̄hɔ̄ ŋ́. 7Ɔwɔicō le um tɛ̄hɔ̄ wā amānyā gbɔbū lɛ aā kú n̄ lɛ ajɛ tútū lɛ aá ɔwɛ oyéyīji nyā, o yá kú aá mɛ́mla ipɔ́ɔma kú aá kóō yēeyī. 8Ohígbū ɔ́ɔmā, ó wɛ aá tū um ɛhɔ̄ wā amānyā ŋ́, amáŋ Ɔwɔicō nɛ̄. Ó lɛ um pīya igabɔ̄ nōo fíyɛ́ dúú kú Uféro, nōo lɛbɛ̄ɛka ádā lɛ Uféro, mɛ́mla ɔkpani kú odúúdú ɔlɛ́ nū, mɛ́mla odúúdú ajɛ kú Íjīpiti. 9#Ācot 7.14“Aá nyɔ̄ fíyaa ga ɛgiyí ádā um, kú aá da ɔ́ kahíníī, ‘Abɔ̄ Ujósɛ̄fu ɔyí uwɔ ka lɛ á. Ɔwɔicō lɛ um pīya ɔkpani kú odúúdú ajɛ kú Íjīpiti. Wā ɛgiyí um, ā kpó eko bónū ŋ́. 10A géē lā ajɛ kú Ugóssɛn, ɛga nɛ̄ awɔ mɛ́mla ayí uwɔ̄, ayí kú ayí uwɔ, aálá mɛ́mla aɛ́na kú aá, mɛ́mla odúúdú ɔdā nɛ̄ a lɛ ā, géē kwu um ajaajɛ. 11N géē je ɔdōlé ga uwɔ abɔ́ɔ. Ɔkpɛtā ā kē í ŋmó ga iháyí ɛhɔ̄ kpɔ́ ɛ́ɛ́, ohígbū ɔ́ɔmā, ń dɔ̄ɔ̄ka kú ɔkpɛtā kóō ŋmó awɔ mɛ́mla ācɛ ɔlɛ́ uwɔ mɛ́mla ɔdā dóódu nɛ̄ a lɛ ā ŋ́.’ 12Abālɔbányā,odúúdú aá mɛ́mla ɔyínɛ̄ um, Ubɛ́njamīn kē le má ka n wɛ Ujósɛ̄fu ɔkwɔ̄ɔ̄kwɛ̄yi nɛ. 13Aá géē da ádā um ɛ́gɛ́nɛ̄ um lɔfú ajɛ kú Íjīpiti amānyā mɛ́mla odúúdú ɔdā nɛ̄ aá má kpɛ́mm ā. Aá páápá nyɔ̄ í lɛ ádā um bī wā amānyā.” 14Ó le Ubɛ́njamīn kwú bɔ́ɔ́tū, gbɔɔ́ ō jikwū. Ubɛ́njamīn kē jikwū abɔ̄ nɛ̄ Ujósɛ̄fu kwú ɔ̄ bɔ́ɔ́tū ā. 15Anɔ́ɔ abɔ̄ ó yɔ̄ ī jikwū kpɔ́ ɛ́ɛ́ mā, ó le ayínɛ́ nū éyééye kwú bɔ́ɔ́tū, klla jikwū klā uwā. Anɔ́ɔ igbīhi ɛ̄nyā ā, ayínɛ́ nū gbɔɔ́ o kɛlā mɛ́mla anú mɛ́ɛ́lɛ́.
16Eko nɛ̄ Uféro le pó ka ayínɛ́ kú Ujósɛ̄fu ɔ́ɔ gā ā, ó le he Uféro mɛ́mla odúúdú aígabɔ̄ kú nū ɔtū nɛ̄hi. 17Anɔ́ɔ Uféro da Ujósɛ̄fu kahíníī, “Da ayínɛ́ uwɔ̄ kéē lɛ iyó kú uwā gbō ce aɛ́bɛ́ ɔlɛ́ kú uwā cɛ́ɛ́ kéē nyɔ̄ ajɛ kú Ukénan. 18Kéē lɛ ádā uwā mɛ́mla odúúdú ācɛ kú ipɔ́nū ɔlɛ́ uwā kpó wā amānyā. N géē je ajɛ nōo lɔhi fíyɛ́ kpɛ́mm kú ajɛ kú Íjīpiti ā lɛ uwá, 19Da uwá dúú kéē kwú aúgbɔ́ɔnya #45.19 aúgbɔ́ɔnya ɔdā nōo lɛbɛ̄ɛka utrɔ́kwu nɛ̄ ɔnya gē pi ú ŋmá ajɛ kú Íjīpiti, ohígbū ayí uwā mɛ́mla anyā uwā, kéē lɛ ádā uwā bī wā. 20É híī lɛ ɛlá wu iyó kú uwā nōo bá igbihi ā ŋ́. Aɔ́dā nōo lɔhi fíyɛ́ kpɛ́mm ipú ajɛ kú Íjīpiti géē wɛ akú uwā.” 21Ayí kú Ujékɔ̄pu le yá ɛ́gɛ́nɛ̄ é da uwá lɛ ā. Anɔ́ɔ Ujósɛ̄fu le aúgbɔ́ɔnya kpó lɛ uwá ɛ́gɛ́nɛ̄ Uféro ka ā. Ó klla le ɔdōlé kú iyāwu ā kpó lɛ uwá. 22Ó le īlī ifa ɛ̄yīpɛ̄ kpó lɛ ɔnyɔɔnyɛ kú uwá, amáŋ ó le īlī ifa ɛ̄yīpɛ̄ ɛhɔ̄ mɛ́mla ije kú oje nɛ̄hɛ́ ofu igwɛ́ɛhɔ̄ kpó lɛ Ubɛ́njamīn. 23Ó le iyó kú aíjakī igwó kú aɔ́dā nōo lɔhi fíyɛ́ dúú kú ajɛ kú Íjīpiti mɛ́mla iyó kú aíjaki igwó kú igwu, igbō mɛ́mla aódōlé ɛdɔ̄ ɔhá kpó lɛ uwá kú iyawu kú uwā. 24Anɔ́ɔ ó le ayínɛ́ nū ā bītá le úŋmóō tú uwā. Abɔ̄ é bá gē nyɔ̄ ā, ó da uwá kahíníī, “Aá nyɔ̄ ɛbɔ́, aá yá ikpɛ́lā ɔwɛ nóó n.” 25Anɔ́ɔ é le bɛ̄cɛ ŋmá Íjīpiti le táajɛ kú Ukénan ɛgiyí ádā uwā, Ujékɔ̄pu á. 26É da ɔ́ kahíníī, “Ujósɛ̄fu kōō yēeyī kpɔ́ ɛ́ɛ́, anú wɛ igbómína nōo gē gbō ajɛ kú Íjīpiti á.” Ɔ̄kā nɛ̄ Ujékɔ̄pu pó ā le hɛ́ ɔ̄ idáagó. Ó kōō cɛ̄ ɛlā kú uwā ā glá ŋ́. 27Amáŋ, eko nɛ̄ é le odúúdú ɔdā nɛ̄ Ujósɛ̄fu da uwá ā kpó ka lɛ ɔ́ ā, nōó klla le aúgbɔ́ɔnya nɛ̄ Ujósɛ̄fu tɛ̄hɔ̄ kéē bī lɛ je ɔ́ wā ā má ā, ɛ́ɛ́ nɛ̄ ɔtū kú ádā uwā, Ujékɔ̄pu wāajɛ á. 28Anɔ́ɔ Ujékɔ̄pu kahíníī, “Ó jɛ̄ ɛɛ́. Ujósɛ̄fu, ɔyí um yēeyī kpɔ́ ɛ́ɛ́. N géē nyɔ̄ gaá lɛ ɔ́ má ɛ́ɛ́ ká n kwú.”
Currently Selected:
:
Highlight
Share
Copy
Want to have your highlights saved across all your devices? Sign up or sign in