UMÁKI 16
16
Ujísɔ̄si le héyī ŋmá ɔlékwū
(Umát 28.1-8; Ulúk 24.1-12; Ujɔ́n 20.1-10)
1Eko nɛ̄ Usábāti le gla ā, Umerí kú Umágāda mla Umerí ɛ́nɛ́ Ujɛ́mīsi mla Usalómi lɛ anɔ̄ okpócu lá kéē géē nyɔ̄ í le nya okwū kú Ujísɔ̄si iyē. 2Ɔ̄cɔ̄ɔ̄cī bli kú ɛ̄cī aflɛ́yí kú aláadi, é le tá únóji ā ɛplá nɛ̄ ɛnɔ le bɛ̄cɛ ā. 3Abɔ̄ nēé bá yɔ̄ í nyɔ̄ ā é da iyī uwā ɔ̄kā ka, ɔ̄nyɛ ɔ́ɔ géē míya ɛcɔ̄ ā ŋmá okónu únóji ā lɛ uwá ā. 4Amáŋ eko nēe je eyī gicō ā, é le má ka, é lɛ ɛcɔ̄ ā míya ŋmá okónu únóji ā. 5Anɔ́ɔ é le bēé ga ipú únóji ā, é má ɔyípɛ̄ oklobīya nɔ̄nyīlɔ éyi yāajɛ abɔ̄lɔ́ná kú ipú unóji ā, lɛ awulú nɛhɛ̄ pélúú wu iyē. É le hɛ́gilígilí. 6Amáŋ ó da uwá kahíníī, “Aá hɛ́gilígilí ŋ́. Aá gē tine Ujísɔ̄si ɔ̄cɛ Unásārēt, nēé nyɔ́kpá ā. Ó le héyī ɛɛ́. Ó yɔ̄ amānyā gɛ ŋ́. Aá má ɛga nēé le okwū nū gwutá tɛtɛ ā. 7#Umát 26.32; Umák 14.28Aá nyɔ̄ abālɔbányā gaá le da ayíkpó kú nū mla Upíta ka, ó yɔ̄ í nyɔ̄ Ugálili gbēyī uwā. Aá géē má ɔ́ abɔ́ɔ ɛ́gɛ́nɛ̄ ó tɛtɛ da aá gbɔbū, ɛ́ɛ nēé ŋmó ɔ̄ ā.” Anɔ́ɔ é le pɛ́ wɛ̄ɛcɛ, le inya kwu ŋmá ɛgiyí únóji ā, bá í fīyégbúlú nɛ̄hi, ɔtū kú uwā le kpó wogodo. É kōō ka ɔdā dúúmā lɛ ɔ̄cɛ dúú glá ŋ́, ohígbū ka ufi yá uwā nɛ̄hi. 8Anɔ́ɔ é lɛ ukɔ́ nɛ̄ alelékwū-ōtɛ̄hɔ̄ ā tū uwā ā kpó ka lɛ Upíta mla aɔ́mpa nū á. Anɔ́ɔ Ujísɔ̄si abɔ̄yī nū le uwá tɛ̄hɔ̄ gɛcɛ ŋmá ɛnɔ̄ɔ̄cī ga ɛnɔ̄ɔ̄nɛ̄ kéē bī olɛhɔ̄ otīihɔ nōo ī nya ācɛ tá nōo gē je oyēeyī opiyoo lɛ ācɛ ā gaá ka lɛ alɛɛcɛ.
Ujísɔ̄si lɛ iyínū mafú lɛ Umerí kú Umágāda
(Umát 28.9,10; Ujɔ́n 20.11-18)
9Ɛplá nɛ̄ Ujísɔ̄si le héyī ŋmá ɔlekwu ɛ̄cī aflɛ́yí kú aláadi ā, ó lɛ iyīnu mafú aflɛ́yí lɛ Umerí kú Umágāda, ɔ̄cɛnyā nōó nū aálelékwū obɔ̄bí ahāapa ŋmá ipú kú nū ā. 10Ó le yɛ gaá le da ācɛ nēe tɛtɛ bá mla anú ā. É bá yɔ̄ ī yɔ́tūnōbí klla bá yɔ̄ ī jikwū. 11Anɔ́ɔ eko nɛ̄ ó le da uwá ka Ujísɔ̄si ɔ́ɔ le héyī ā, é cɛ̄ ɛlā nōó ka ā ŋ́.
12Igbīhi ɛ̄nyā Ujísɔ̄si klla le hɛ́bɛ̄cɛ ɔwɛ ɛyɛ́ɛ́yí ɔtāhɛ̄ ācɛ ɔlɛ́ uwā nēe yɔ̄ ī ga ipɔ́lɛ́ ɔhá ā. 13Anɔ́ɔ é kwúcē nyɔ̄ gaá le ka lɛ ācɛ ohile ā, amáŋ é cɛ̄ ŋ́.
Ujísɔ̄si lɛ iyīnū mafú lɛ ayíkpó igwóléyi ā
(Umát 28.16-20; Ulúk 24.36-49; Ujɔ́n 20.19-20; Ācot 1.6-8)
14Ámōōmɛ ā, o le hɛ́bɛ̄cɛ ɔtāhɛ̄ ayíkpó igwóléyi eko nēé bá gē lé ɔdōlé ā. Ó le ífulá ka tū uwā, ohígbū kéē cɛ̄ɛ̄lā ā ŋ́, é klla lɛ ɔtū olɔfú nɛ̄hi nōó cɛ̄ lɛ uwá, cɛɛlā kú ācɛ nēé má ɔ̄ eko nɛ̄ ó le héyī ŋmá ɔlekwu ā ŋ́. 15#Ācot 1.8Ó da uwá kahíníī, “Aá nyɔ̄ ga ɛga dóódu kú ɛcɛ ā gaá tɔ́ɔna kú Ɔ̄kōōlɔhi ā lɛ alɛɛcɛ dóódu. 16Ɔ̄cɛ dúú nōo cɛ̄ nēé lɛ ubatísim yá ɔ̄, é géē nyā ɔ́ tá. Amáŋ ɔ̄cɛ dúú nɛ̄ ó cɛ̄ ŋ́, é géē ŋmó ɔ̄ ɛpɔ̄bí ɛ̄cī nēé géē kɛpɔ̄ tū ācɛ ā. 17É géē je ɔfú lɛ ācɛ nēe cɛ̄ɛ̄lā ā kéē yúklɔ́ o hídáagó nēe bá nyā, o ŋmá lɛ iye kú um é géē nū aálelékwū obɔ̄bí ŋmá ipú iyē kú ācɛ, é géē kɛlā okónu ucē ɛ̄yīpɛ̄. 18Ɔ́dāŋ́ nēé kōō kwú ɛgwā ú ŋmáajɛ, ámāŋ kéē kōō lɛ ɔdā ō ŋmó ɔ̄cɛ glá gwá nááná, ó gáā yá uwā ɔdā dúúmā ŋ́. É géē lɛ abɔ̄ ce ācɛ o doōcē ɛyí, ōcē kú uwā kē í mɛ.”
É kwú Ujísɔ̄si ú ga ɔkpáncō
(Ulúk 24.50-53; Ācot 1.9-11)
19 #
Ācot 1.9-11
Eko nɛ̄ Óndú Ujísɔ̄si le ɛlā ka lɛ uwá kwɛyí ā, é kwú ɔ̄ ú ga ɔkpáncō gaá cīce abɔ̄lɔ́ná kú Ɔwɔicō. 20Anɔ́ɔ ayíkpó ā nyɛ̄ɛ̄ ŋmá abɔ́ɔ gaá gbɔɔ́ ō tɔ́ɔna kú Ɔ̄kōōlɔhi ā ɛga dóódu á. Óndú ā kē yɔ̄ ī yúklɔ́ mla uwá klla cɛ̄ uwā ijáalí ku ɛlā ā, ɔ́ɔ wɛ ɔkwɛ̄yi, ŋmá lɛ ɔdā ō hídáagó nēe yá ā. Aamí.
Currently Selected:
UMÁKI 16: IFBCL
Highlight
Share
Copy
Want to have your highlights saved across all your devices? Sign up or sign in
UMÁKI 16
16
Ujísɔ̄si le héyī ŋmá ɔlékwū
(Umát 28.1-8; Ulúk 24.1-12; Ujɔ́n 20.1-10)
1Eko nɛ̄ Usábāti le gla ā, Umerí kú Umágāda mla Umerí ɛ́nɛ́ Ujɛ́mīsi mla Usalómi lɛ anɔ̄ okpócu lá kéē géē nyɔ̄ í le nya okwū kú Ujísɔ̄si iyē. 2Ɔ̄cɔ̄ɔ̄cī bli kú ɛ̄cī aflɛ́yí kú aláadi, é le tá únóji ā ɛplá nɛ̄ ɛnɔ le bɛ̄cɛ ā. 3Abɔ̄ nēé bá yɔ̄ í nyɔ̄ ā é da iyī uwā ɔ̄kā ka, ɔ̄nyɛ ɔ́ɔ géē míya ɛcɔ̄ ā ŋmá okónu únóji ā lɛ uwá ā. 4Amáŋ eko nēe je eyī gicō ā, é le má ka, é lɛ ɛcɔ̄ ā míya ŋmá okónu únóji ā. 5Anɔ́ɔ é le bēé ga ipú únóji ā, é má ɔyípɛ̄ oklobīya nɔ̄nyīlɔ éyi yāajɛ abɔ̄lɔ́ná kú ipú unóji ā, lɛ awulú nɛhɛ̄ pélúú wu iyē. É le hɛ́gilígilí. 6Amáŋ ó da uwá kahíníī, “Aá hɛ́gilígilí ŋ́. Aá gē tine Ujísɔ̄si ɔ̄cɛ Unásārēt, nēé nyɔ́kpá ā. Ó le héyī ɛɛ́. Ó yɔ̄ amānyā gɛ ŋ́. Aá má ɛga nēé le okwū nū gwutá tɛtɛ ā. 7#Umát 26.32; Umák 14.28Aá nyɔ̄ abālɔbányā gaá le da ayíkpó kú nū mla Upíta ka, ó yɔ̄ í nyɔ̄ Ugálili gbēyī uwā. Aá géē má ɔ́ abɔ́ɔ ɛ́gɛ́nɛ̄ ó tɛtɛ da aá gbɔbū, ɛ́ɛ nēé ŋmó ɔ̄ ā.” Anɔ́ɔ é le pɛ́ wɛ̄ɛcɛ, le inya kwu ŋmá ɛgiyí únóji ā, bá í fīyégbúlú nɛ̄hi, ɔtū kú uwā le kpó wogodo. É kōō ka ɔdā dúúmā lɛ ɔ̄cɛ dúú glá ŋ́, ohígbū ka ufi yá uwā nɛ̄hi. 8Anɔ́ɔ é lɛ ukɔ́ nɛ̄ alelékwū-ōtɛ̄hɔ̄ ā tū uwā ā kpó ka lɛ Upíta mla aɔ́mpa nū á. Anɔ́ɔ Ujísɔ̄si abɔ̄yī nū le uwá tɛ̄hɔ̄ gɛcɛ ŋmá ɛnɔ̄ɔ̄cī ga ɛnɔ̄ɔ̄nɛ̄ kéē bī olɛhɔ̄ otīihɔ nōo ī nya ācɛ tá nōo gē je oyēeyī opiyoo lɛ ācɛ ā gaá ka lɛ alɛɛcɛ.
Ujísɔ̄si lɛ iyínū mafú lɛ Umerí kú Umágāda
(Umát 28.9,10; Ujɔ́n 20.11-18)
9Ɛplá nɛ̄ Ujísɔ̄si le héyī ŋmá ɔlekwu ɛ̄cī aflɛ́yí kú aláadi ā, ó lɛ iyīnu mafú aflɛ́yí lɛ Umerí kú Umágāda, ɔ̄cɛnyā nōó nū aálelékwū obɔ̄bí ahāapa ŋmá ipú kú nū ā. 10Ó le yɛ gaá le da ācɛ nēe tɛtɛ bá mla anú ā. É bá yɔ̄ ī yɔ́tūnōbí klla bá yɔ̄ ī jikwū. 11Anɔ́ɔ eko nɛ̄ ó le da uwá ka Ujísɔ̄si ɔ́ɔ le héyī ā, é cɛ̄ ɛlā nōó ka ā ŋ́.
12Igbīhi ɛ̄nyā Ujísɔ̄si klla le hɛ́bɛ̄cɛ ɔwɛ ɛyɛ́ɛ́yí ɔtāhɛ̄ ācɛ ɔlɛ́ uwā nēe yɔ̄ ī ga ipɔ́lɛ́ ɔhá ā. 13Anɔ́ɔ é kwúcē nyɔ̄ gaá le ka lɛ ācɛ ohile ā, amáŋ é cɛ̄ ŋ́.
Ujísɔ̄si lɛ iyīnū mafú lɛ ayíkpó igwóléyi ā
(Umát 28.16-20; Ulúk 24.36-49; Ujɔ́n 20.19-20; Ācot 1.6-8)
14Ámōōmɛ ā, o le hɛ́bɛ̄cɛ ɔtāhɛ̄ ayíkpó igwóléyi eko nēé bá gē lé ɔdōlé ā. Ó le ífulá ka tū uwā, ohígbū kéē cɛ̄ɛ̄lā ā ŋ́, é klla lɛ ɔtū olɔfú nɛ̄hi nōó cɛ̄ lɛ uwá, cɛɛlā kú ācɛ nēé má ɔ̄ eko nɛ̄ ó le héyī ŋmá ɔlekwu ā ŋ́. 15#Ācot 1.8Ó da uwá kahíníī, “Aá nyɔ̄ ga ɛga dóódu kú ɛcɛ ā gaá tɔ́ɔna kú Ɔ̄kōōlɔhi ā lɛ alɛɛcɛ dóódu. 16Ɔ̄cɛ dúú nōo cɛ̄ nēé lɛ ubatísim yá ɔ̄, é géē nyā ɔ́ tá. Amáŋ ɔ̄cɛ dúú nɛ̄ ó cɛ̄ ŋ́, é géē ŋmó ɔ̄ ɛpɔ̄bí ɛ̄cī nēé géē kɛpɔ̄ tū ācɛ ā. 17É géē je ɔfú lɛ ācɛ nēe cɛ̄ɛ̄lā ā kéē yúklɔ́ o hídáagó nēe bá nyā, o ŋmá lɛ iye kú um é géē nū aálelékwū obɔ̄bí ŋmá ipú iyē kú ācɛ, é géē kɛlā okónu ucē ɛ̄yīpɛ̄. 18Ɔ́dāŋ́ nēé kōō kwú ɛgwā ú ŋmáajɛ, ámāŋ kéē kōō lɛ ɔdā ō ŋmó ɔ̄cɛ glá gwá nááná, ó gáā yá uwā ɔdā dúúmā ŋ́. É géē lɛ abɔ̄ ce ācɛ o doōcē ɛyí, ōcē kú uwā kē í mɛ.”
É kwú Ujísɔ̄si ú ga ɔkpáncō
(Ulúk 24.50-53; Ācot 1.9-11)
19 #
Ācot 1.9-11
Eko nɛ̄ Óndú Ujísɔ̄si le ɛlā ka lɛ uwá kwɛyí ā, é kwú ɔ̄ ú ga ɔkpáncō gaá cīce abɔ̄lɔ́ná kú Ɔwɔicō. 20Anɔ́ɔ ayíkpó ā nyɛ̄ɛ̄ ŋmá abɔ́ɔ gaá gbɔɔ́ ō tɔ́ɔna kú Ɔ̄kōōlɔhi ā ɛga dóódu á. Óndú ā kē yɔ̄ ī yúklɔ́ mla uwá klla cɛ̄ uwā ijáalí ku ɛlā ā, ɔ́ɔ wɛ ɔkwɛ̄yi, ŋmá lɛ ɔdā ō hídáagó nēe yá ā. Aamí.
Currently Selected:
:
Highlight
Share
Copy
Want to have your highlights saved across all your devices? Sign up or sign in