ILUKU 15
15
Oja nya Ọkpịlọ Obyibyi
(ịMatiyu 18:12-14)
1Ụka ọhẹ, angị nyẹ angịnyị ẹpwa bala alọhọbịrị ịkịla ịhyẹ kele ka ẹga nya iJisọsị juwa wo ẹla ọmẹjẹ nyamwụ. 2Ịnyị, ala ịFarịsii bala ịtịcha ị-mẹ ehile nya iMosisi jẹ ịhyẹ ịlụwa a juwa mwọ ala ya yẹkẹẹ, “Anụ yẹ jaabwọ ká ọlẹng ọwẹ jam ye alọhọbịrị i-hi deeji ịwẹ ju ụbwọ, juwa ri ang oriri taa ịnyịnyị wẹẹ!” 3Ọọwa lẹ, iJisọsị a jaa oja ọkpịta ọlẹ yẹkẹẹ:
4“Oowo lẹpwarịrị nyanụ a tị́ juwa kọ ri kọ la ịkpịlọ ohu, ká ọkpịlọ ookpokpo lẹpwụ nyaa á kpa ịlọmwụ hwahị gbee kọ gwọọ byi, ká ọngọọwa á ka tụụbwọ hi ịkpịlọ iwo ihikichukụrụ ihikichu ihihi ịkịla ụ-ụwa u-ugbileji, ọ ka rụ kele kaka pịlahị nya ọkpịlọ obyibyi ookpokpo ọọwa gbee kọ ka yọọ ka? 5Ụka ká ọngọọwa á yẹ ọkpịlọ obyibyi nyamwụ ọọwa lẹ, ọ kaa hwoo nọ o-omyi, juwa chị ọkẹkẹnị nya ịlẹhị-ịlẹhị lẹlẹ. 6Ụka kọ nya pwụ ẹpwa kpá lẹ, ọ kaa be ẹkọ wụrụ aligu nyamwụ bala aloye-ẹpwa nyamwụ wuu kaka jịra lẹ, ọ kaa byaa yẹkẹẹ, ‘Anụ kẹwẹ, kaka chị ọkẹkẹnị tam mẹ. Chajị, ọkpịlọ nyam ọlẹ kọ hwahị gbee kọ byi lẹ, m yọọ lẹ!’ ” 7Ọọwa lẹ, iJisọsị a byaa yẹkẹẹ, “Ịnyịnyị, ọ la lẹ, m byinu yẹkẹẹ, ọkẹkẹnị ọtụka ka juwa e-epwoohe u-uhye nya ọngọhọbịrị ookpokpo ọlẹ kọ yẹ irya da gụ ọkẹkẹnị oluhye nya alabwẹla ọnyịịla ohu ine kụrụ iwo, iwo kụrụ ihikichu ịlẹ kị yẹ irya da kpá gbalẹ-gbalẹ ene-ene lẹ.”
Oja nya Ohiri Obyibyi
8IJisọsị myịmyị ja oja ọkpịta ọkịla byaa yẹkẹẹ, “Lee, ọnyang oyina, a tị́ juwa kọ ri kọ la ihiri iwo chiriri, ká ọhẹ lẹpwụ nyaa á gwọọ byi, ká ọnyang ọọwa á ka chị ila ju otinika nyamwụ, ọọ tụ ube nyamwụ yẹẹyẹẹ gbee kọ ka yẹ ohiri obyibyi nyamwụ ọọwa ka? 9Ụka kọ yẹ ohiri ọọwa kpá, ọ kaa be ẹkọ wụrụ aligu nyamwụ bala alọyawụ ẹpwa nyamwụ wuu, kaka byaa yẹkẹẹ, ‘Anụ chị ọkẹkẹnị tam mẹ. Chajị ohiri nyam ọlẹ kọ byi lẹ, m yọọ lẹ!’ ” 10Ọọwa lẹ, iJisọsị a byaa yẹkẹẹ, “Ịnyịnyị, ọ la lẹ, m jam byinu yẹkẹẹ, alegu-ẹrụ nya Ohe Oluhye kaa chị ọkẹkẹnị ọtụka-ọtụka u-uhye nya ọngọhọbịrị ookpokpo ọlẹ kọ yẹ irya da!”
Oja nya Ọnyị Oluhwo
11IJisọsị myịmyị jaa oja ọkpịta ọkịla yẹkẹẹ, “Adịda ọhẹ juwa ọlẹ kọ ma anyị alẹng imiiye. 12Ọnyị ọlẹ kọ ri onjwo byi adaa yẹkẹẹ, ‘Adada ee, chị ang ugu nyang ebwo, ká hu ọlẹ kọ ka hi pwụm ham alẹ mẹ.’ Ịnyị, adaa a chị ang ugu nyamwụ ebwo imiiye ha anyị nyamwụ ịịwa lẹlẹ. 13Ụka kọ nọ chẹẹ lẹ, ọnyị ọlẹ kọ ri onjwo, a go ang ugu nyamwụ ọọwa wuu ra lẹ, ọ hu okpoko nyamwụ kpa rụ kanyị ka ọpyị ọkịla ọlẹ kọ lụrụ hi ẹpwa lẹlẹ. Ụka kọ pwụ ọpyị ọlụrụ ọọwa lẹ, ọ bịrị okpoko nyamwụ ọọwa ụ-ụwa wuu bwula ụchị ọhọhọ la datị-datị lẹlẹ. 14Ụka ká ọnyị oluhwo ọọwa ya okpoko nyamwụ nyi epepe ju ang ododu kpá wuu lẹ, uhi ọtụka-ọtụka a kpeji ọ-ọpyị ọọwa lẹlẹ. Ma, ọwa ayịdang á tị ye ịngịngịhyẹ ka ri kpong-kpong kaka. 15Ọọwa lẹ, ọ kpa ịlọmwụ kele kaka yẹ ba ọlẹng ọlọpyị ọọwa ọhẹ lẹlẹ. Ayịbamwụ ọọwa byoo, nyị kpẹhị rịrị ikomba nya ọọwa, kịị nyị juwa ya ang oriri haa ri mẹ. 16Ụka ọọwa, imyi nwụ ọnyị oluhwo ọwẹ lụmẹ gbee kọ juwa tịtọ nyọka ri ang oriri nya ikomba ịịwa taa. Ma, ọngọngọhẹ á tị myị ya họọ ri kpong-kpong kaka. 17Ịnyị, ụka ká ọnyị ọọwa da ọhụ pịlẹ, kọ jẹ́ ịlọmwụ ogu kpá lẹ, ọ byi ịlọmwụ yẹkẹẹ, ‘Ahyu! Angịlẹ kị lalẹẹ họ ụkụrwọ nya okpoko ha adam lẹ, ang oriri dịda haa, gbee kị lalẹẹ kpa da ajwọ. Ọọwa lẹ, am ọnyị nyamwụ a mwọọgịlẹ lẹẹ ka gbu igu imyi ẹ-ẹgẹlẹ lẹka? 18Eheehe! M ka wuleji kam ka rụ tịrẹkpẹ kele ka ẹga nya adam, kam ka byoo yẹkẹẹ, Adada ee, am họ ang onyobyi ba Ohe Oluhye bala ahụ ayịdang lụmẹ kaka kpoye lẹ. 19Lẹ, ḿ chịla ká ka wụrụm ọnyị nyang kaka. Ma, hum lala ọngọhẹ ẹ-ẹpwụ nya angịlẹ ká diro-diro kaka họ ụkụrwọ nya okpoko hang mẹ.’ 20Ọọwa lẹ, ọ wuleji, hu ang juwa rụ ka ẹga nya adamwụ ịnyịlẹhị lẹlẹ. Ma, ụka ọlẹ ká adamwụ chẹhị kaka yọọ ẹ-ẹga ọlụrụ kọ juwa nya wẹ ẹpwa lẹ, ọ la adamwụ ahyẹẹrwẹrwa lụmẹ lẹlẹ. Ọọwa lẹ, ọ rụnyẹ kele kaka tọọ ụ-ụgbẹyị, juwa woo ba ajẹ, juwa jwoo ọnụ ụ-ụwa ịnyịnyị lẹlẹ. 21Ịnyị, ọnyị oluhwo ọọwa a byi adamwụ yẹkẹẹ, ‘Adada ee, am họ ang onyobyi ba Ohe Oluhye bala ahụ ayịdang lụmẹ kaka kpoye lẹlẹ, ḿ chịla ká ka wụrụm ọnyị nyang kaka.’ 22Ma, ụka ọọwa, adamwụ byi anchẹ nyamwụ yẹkẹẹ, ‘Anụ rụnyẹ kele kaka hu awụrụ ogbileji ọlẹ kọ hiigu gụ ịkịla wuu warị kaka kụrwọọ, kanụ hu ọmapẹ jwọọ ụ-ụkụchụ, kanụ go egbatẹ jwọọ a-ata ahyaahị mẹ. 23Kanụ kele kaka wu ụgba nya ẹna o-ju eyo warị, kanụ nwọọ, kanụ ya họ ang oriri ọtụka-ọtụka kahị ri, juwa chị ọkẹkẹnị mẹ. 24Chajị ọnyị nyam ọlẹ lala ịnyaa gbugbu ene-ene, ma, lẹẹlẹẹ lẹ, ọ tị la ọhịhị lẹ. Ịnọ, ọ gum byi gbalẹ-gbalẹ, ma, lẹẹlẹẹ lẹ, m tị yọọ ịnyịnyị lẹ.’ ”
“Ịnyị lẹ, ịwa wuu a juwa chị ọkẹkẹnị ọtụka-ọtụka ịnyịlẹhị lẹlẹ. 25Ụka ọọwa lẹ, ọnyị ọgbahị nya ọlẹng ọwẹ ka ẹrụ. Ịnyị, ụka ká ọnyị ọgbahị ọọwa juwa jẹ nya bwu ẹrụ kọ pwụ ọnụ ẹpwa nyaa lẹ, ọ chị ụrụ kaka wo iru nya alayịlọ odudu bala ewo ọchịchị kị juwa chị ọkẹkẹnị ọtụka-ọtụka ẹ-ẹpwa nya adamwụ lẹlẹ. 26Ụka kọ nya pwụ ẹpwa, ọ be ẹkọ wụrụ ọnchẹ nya adamwụ ọhẹ kaka tọọ wo nya ang odudu kị juwa chị ọkẹkẹnị ọtụka ọọwa. 27Ọnchẹ nya adamwụ ọọwa wẹ byoo yẹkẹẹ, ‘Ọnyịnang ọlẹ kọ rụ ka obyibyi lẹ, ọ nya alẹ lẹ! Ọọwa, adang a nwụ ẹna o-ju eyo, jam chị ọkẹkẹnị chajị nyọlẹ kọ nya la okpunyi bala ịnyịrọ gogo lẹ!’ 28Ma, ẹla ọọwa hu agbama ju ọnyị ọgbahị ọọwa, jahị da adamwụ lụmẹ kaka kpoye. Ọọwa lẹ, ọ pwa, ọwa nyị́ ka jụ ka ẹpwa kaka lẹlẹ. Adamwụ bọọ kpehe kele kaka raabwọ bịlọọ yẹkẹẹ, nyị chuchuu, kịị nyị wẹ ẹpwa mẹ. 29Ọọwa lẹ, ọnyị ọgbahị ọwẹ a wẹ byi adamwụ yẹkẹẹ, ‘Adada ee, yẹ wẹẹ! Ang amalẹ kaka, kam jam myị ẹrụ hang la iru nya ẹka lụmẹ-lụmẹ lẹ. M kaa ju ẹla myị́ ẹla ọlọnụ nyang ihi ịnyịnyị. Ma, á tị byẹjẹ wu ugbe-ẹmwụ ochiche ọhẹ-lọhẹ nwụ ham kpụ, m ka kpa chị ọkẹkẹnị ta aligu nyam ẹnẹnẹhẹ lẹka. 30Ọọwa lẹ, ọnyị nyang ọlẹ kọ kịla iru nya ikpoko nyang, kpa kaka họ ụchị bala alakpara a nya wẹ ẹpwa alẹ lẹ, a mwọọgịlẹ wu ụgba nya ẹna o-ju eyo nwụ họọ wẹ lẹ ka, lee?’ 31Adamwụ wẹ byoo yẹkẹẹ, ‘Ọnyị nyam, yẹ mẹ! Ahụ ká jam ẹ-ẹpwa tam lẹ, ang myị́ ang nyam wuu ri ịnyang lụbwọ-lẹta. 32Lẹ, a wụ ẹjẹ ka. Ọ ri ang ọchịla-chịla kahị ka chị ọkẹkẹnị u-uhye nya ọnyanya nya ọnyịnang ọlẹ. Chajị ọ-lala ịnyaa gbugbu ene-ene. Ma, lẹẹlẹẹ lẹ, ọ tị jam hịhị lẹ. Ịnọ, ọ byibyi ene-ene, ma, lẹẹlẹẹ lẹ, ahị tị yọọ lẹ.’ ”
Currently Selected:
ILUKU 15: IBNO
Highlight
Share
Copy
Want to have your highlights saved across all your devices? Sign up or sign in
Igede Bible © The Bible Society of Nigeria, 2019.
ILUKU 15
15
Oja nya Ọkpịlọ Obyibyi
(ịMatiyu 18:12-14)
1Ụka ọhẹ, angị nyẹ angịnyị ẹpwa bala alọhọbịrị ịkịla ịhyẹ kele ka ẹga nya iJisọsị juwa wo ẹla ọmẹjẹ nyamwụ. 2Ịnyị, ala ịFarịsii bala ịtịcha ị-mẹ ehile nya iMosisi jẹ ịhyẹ ịlụwa a juwa mwọ ala ya yẹkẹẹ, “Anụ yẹ jaabwọ ká ọlẹng ọwẹ jam ye alọhọbịrị i-hi deeji ịwẹ ju ụbwọ, juwa ri ang oriri taa ịnyịnyị wẹẹ!” 3Ọọwa lẹ, iJisọsị a jaa oja ọkpịta ọlẹ yẹkẹẹ:
4“Oowo lẹpwarịrị nyanụ a tị́ juwa kọ ri kọ la ịkpịlọ ohu, ká ọkpịlọ ookpokpo lẹpwụ nyaa á kpa ịlọmwụ hwahị gbee kọ gwọọ byi, ká ọngọọwa á ka tụụbwọ hi ịkpịlọ iwo ihikichukụrụ ihikichu ihihi ịkịla ụ-ụwa u-ugbileji, ọ ka rụ kele kaka pịlahị nya ọkpịlọ obyibyi ookpokpo ọọwa gbee kọ ka yọọ ka? 5Ụka ká ọngọọwa á yẹ ọkpịlọ obyibyi nyamwụ ọọwa lẹ, ọ kaa hwoo nọ o-omyi, juwa chị ọkẹkẹnị nya ịlẹhị-ịlẹhị lẹlẹ. 6Ụka kọ nya pwụ ẹpwa kpá lẹ, ọ kaa be ẹkọ wụrụ aligu nyamwụ bala aloye-ẹpwa nyamwụ wuu kaka jịra lẹ, ọ kaa byaa yẹkẹẹ, ‘Anụ kẹwẹ, kaka chị ọkẹkẹnị tam mẹ. Chajị, ọkpịlọ nyam ọlẹ kọ hwahị gbee kọ byi lẹ, m yọọ lẹ!’ ” 7Ọọwa lẹ, iJisọsị a byaa yẹkẹẹ, “Ịnyịnyị, ọ la lẹ, m byinu yẹkẹẹ, ọkẹkẹnị ọtụka ka juwa e-epwoohe u-uhye nya ọngọhọbịrị ookpokpo ọlẹ kọ yẹ irya da gụ ọkẹkẹnị oluhye nya alabwẹla ọnyịịla ohu ine kụrụ iwo, iwo kụrụ ihikichu ịlẹ kị yẹ irya da kpá gbalẹ-gbalẹ ene-ene lẹ.”
Oja nya Ohiri Obyibyi
8IJisọsị myịmyị ja oja ọkpịta ọkịla byaa yẹkẹẹ, “Lee, ọnyang oyina, a tị́ juwa kọ ri kọ la ihiri iwo chiriri, ká ọhẹ lẹpwụ nyaa á gwọọ byi, ká ọnyang ọọwa á ka chị ila ju otinika nyamwụ, ọọ tụ ube nyamwụ yẹẹyẹẹ gbee kọ ka yẹ ohiri obyibyi nyamwụ ọọwa ka? 9Ụka kọ yẹ ohiri ọọwa kpá, ọ kaa be ẹkọ wụrụ aligu nyamwụ bala alọyawụ ẹpwa nyamwụ wuu, kaka byaa yẹkẹẹ, ‘Anụ chị ọkẹkẹnị tam mẹ. Chajị ohiri nyam ọlẹ kọ byi lẹ, m yọọ lẹ!’ ” 10Ọọwa lẹ, iJisọsị a byaa yẹkẹẹ, “Ịnyịnyị, ọ la lẹ, m jam byinu yẹkẹẹ, alegu-ẹrụ nya Ohe Oluhye kaa chị ọkẹkẹnị ọtụka-ọtụka u-uhye nya ọngọhọbịrị ookpokpo ọlẹ kọ yẹ irya da!”
Oja nya Ọnyị Oluhwo
11IJisọsị myịmyị jaa oja ọkpịta ọkịla yẹkẹẹ, “Adịda ọhẹ juwa ọlẹ kọ ma anyị alẹng imiiye. 12Ọnyị ọlẹ kọ ri onjwo byi adaa yẹkẹẹ, ‘Adada ee, chị ang ugu nyang ebwo, ká hu ọlẹ kọ ka hi pwụm ham alẹ mẹ.’ Ịnyị, adaa a chị ang ugu nyamwụ ebwo imiiye ha anyị nyamwụ ịịwa lẹlẹ. 13Ụka kọ nọ chẹẹ lẹ, ọnyị ọlẹ kọ ri onjwo, a go ang ugu nyamwụ ọọwa wuu ra lẹ, ọ hu okpoko nyamwụ kpa rụ kanyị ka ọpyị ọkịla ọlẹ kọ lụrụ hi ẹpwa lẹlẹ. Ụka kọ pwụ ọpyị ọlụrụ ọọwa lẹ, ọ bịrị okpoko nyamwụ ọọwa ụ-ụwa wuu bwula ụchị ọhọhọ la datị-datị lẹlẹ. 14Ụka ká ọnyị oluhwo ọọwa ya okpoko nyamwụ nyi epepe ju ang ododu kpá wuu lẹ, uhi ọtụka-ọtụka a kpeji ọ-ọpyị ọọwa lẹlẹ. Ma, ọwa ayịdang á tị ye ịngịngịhyẹ ka ri kpong-kpong kaka. 15Ọọwa lẹ, ọ kpa ịlọmwụ kele kaka yẹ ba ọlẹng ọlọpyị ọọwa ọhẹ lẹlẹ. Ayịbamwụ ọọwa byoo, nyị kpẹhị rịrị ikomba nya ọọwa, kịị nyị juwa ya ang oriri haa ri mẹ. 16Ụka ọọwa, imyi nwụ ọnyị oluhwo ọwẹ lụmẹ gbee kọ juwa tịtọ nyọka ri ang oriri nya ikomba ịịwa taa. Ma, ọngọngọhẹ á tị myị ya họọ ri kpong-kpong kaka. 17Ịnyị, ụka ká ọnyị ọọwa da ọhụ pịlẹ, kọ jẹ́ ịlọmwụ ogu kpá lẹ, ọ byi ịlọmwụ yẹkẹẹ, ‘Ahyu! Angịlẹ kị lalẹẹ họ ụkụrwọ nya okpoko ha adam lẹ, ang oriri dịda haa, gbee kị lalẹẹ kpa da ajwọ. Ọọwa lẹ, am ọnyị nyamwụ a mwọọgịlẹ lẹẹ ka gbu igu imyi ẹ-ẹgẹlẹ lẹka? 18Eheehe! M ka wuleji kam ka rụ tịrẹkpẹ kele ka ẹga nya adam, kam ka byoo yẹkẹẹ, Adada ee, am họ ang onyobyi ba Ohe Oluhye bala ahụ ayịdang lụmẹ kaka kpoye lẹ. 19Lẹ, ḿ chịla ká ka wụrụm ọnyị nyang kaka. Ma, hum lala ọngọhẹ ẹ-ẹpwụ nya angịlẹ ká diro-diro kaka họ ụkụrwọ nya okpoko hang mẹ.’ 20Ọọwa lẹ, ọ wuleji, hu ang juwa rụ ka ẹga nya adamwụ ịnyịlẹhị lẹlẹ. Ma, ụka ọlẹ ká adamwụ chẹhị kaka yọọ ẹ-ẹga ọlụrụ kọ juwa nya wẹ ẹpwa lẹ, ọ la adamwụ ahyẹẹrwẹrwa lụmẹ lẹlẹ. Ọọwa lẹ, ọ rụnyẹ kele kaka tọọ ụ-ụgbẹyị, juwa woo ba ajẹ, juwa jwoo ọnụ ụ-ụwa ịnyịnyị lẹlẹ. 21Ịnyị, ọnyị oluhwo ọọwa a byi adamwụ yẹkẹẹ, ‘Adada ee, am họ ang onyobyi ba Ohe Oluhye bala ahụ ayịdang lụmẹ kaka kpoye lẹlẹ, ḿ chịla ká ka wụrụm ọnyị nyang kaka.’ 22Ma, ụka ọọwa, adamwụ byi anchẹ nyamwụ yẹkẹẹ, ‘Anụ rụnyẹ kele kaka hu awụrụ ogbileji ọlẹ kọ hiigu gụ ịkịla wuu warị kaka kụrwọọ, kanụ hu ọmapẹ jwọọ ụ-ụkụchụ, kanụ go egbatẹ jwọọ a-ata ahyaahị mẹ. 23Kanụ kele kaka wu ụgba nya ẹna o-ju eyo warị, kanụ nwọọ, kanụ ya họ ang oriri ọtụka-ọtụka kahị ri, juwa chị ọkẹkẹnị mẹ. 24Chajị ọnyị nyam ọlẹ lala ịnyaa gbugbu ene-ene, ma, lẹẹlẹẹ lẹ, ọ tị la ọhịhị lẹ. Ịnọ, ọ gum byi gbalẹ-gbalẹ, ma, lẹẹlẹẹ lẹ, m tị yọọ ịnyịnyị lẹ.’ ”
“Ịnyị lẹ, ịwa wuu a juwa chị ọkẹkẹnị ọtụka-ọtụka ịnyịlẹhị lẹlẹ. 25Ụka ọọwa lẹ, ọnyị ọgbahị nya ọlẹng ọwẹ ka ẹrụ. Ịnyị, ụka ká ọnyị ọgbahị ọọwa juwa jẹ nya bwu ẹrụ kọ pwụ ọnụ ẹpwa nyaa lẹ, ọ chị ụrụ kaka wo iru nya alayịlọ odudu bala ewo ọchịchị kị juwa chị ọkẹkẹnị ọtụka-ọtụka ẹ-ẹpwa nya adamwụ lẹlẹ. 26Ụka kọ nya pwụ ẹpwa, ọ be ẹkọ wụrụ ọnchẹ nya adamwụ ọhẹ kaka tọọ wo nya ang odudu kị juwa chị ọkẹkẹnị ọtụka ọọwa. 27Ọnchẹ nya adamwụ ọọwa wẹ byoo yẹkẹẹ, ‘Ọnyịnang ọlẹ kọ rụ ka obyibyi lẹ, ọ nya alẹ lẹ! Ọọwa, adang a nwụ ẹna o-ju eyo, jam chị ọkẹkẹnị chajị nyọlẹ kọ nya la okpunyi bala ịnyịrọ gogo lẹ!’ 28Ma, ẹla ọọwa hu agbama ju ọnyị ọgbahị ọọwa, jahị da adamwụ lụmẹ kaka kpoye. Ọọwa lẹ, ọ pwa, ọwa nyị́ ka jụ ka ẹpwa kaka lẹlẹ. Adamwụ bọọ kpehe kele kaka raabwọ bịlọọ yẹkẹẹ, nyị chuchuu, kịị nyị wẹ ẹpwa mẹ. 29Ọọwa lẹ, ọnyị ọgbahị ọwẹ a wẹ byi adamwụ yẹkẹẹ, ‘Adada ee, yẹ wẹẹ! Ang amalẹ kaka, kam jam myị ẹrụ hang la iru nya ẹka lụmẹ-lụmẹ lẹ. M kaa ju ẹla myị́ ẹla ọlọnụ nyang ihi ịnyịnyị. Ma, á tị byẹjẹ wu ugbe-ẹmwụ ochiche ọhẹ-lọhẹ nwụ ham kpụ, m ka kpa chị ọkẹkẹnị ta aligu nyam ẹnẹnẹhẹ lẹka. 30Ọọwa lẹ, ọnyị nyang ọlẹ kọ kịla iru nya ikpoko nyang, kpa kaka họ ụchị bala alakpara a nya wẹ ẹpwa alẹ lẹ, a mwọọgịlẹ wu ụgba nya ẹna o-ju eyo nwụ họọ wẹ lẹ ka, lee?’ 31Adamwụ wẹ byoo yẹkẹẹ, ‘Ọnyị nyam, yẹ mẹ! Ahụ ká jam ẹ-ẹpwa tam lẹ, ang myị́ ang nyam wuu ri ịnyang lụbwọ-lẹta. 32Lẹ, a wụ ẹjẹ ka. Ọ ri ang ọchịla-chịla kahị ka chị ọkẹkẹnị u-uhye nya ọnyanya nya ọnyịnang ọlẹ. Chajị ọ-lala ịnyaa gbugbu ene-ene. Ma, lẹẹlẹẹ lẹ, ọ tị jam hịhị lẹ. Ịnọ, ọ byibyi ene-ene, ma, lẹẹlẹẹ lẹ, ahị tị yọọ lẹ.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Igede Bible © The Bible Society of Nigeria, 2019.