Odeyi 3
3
Ipita ộ mẹ̀ oswahụ ọnya ụkụ
1Ẹkụhị ọnya, Ipita ọnịrị Ịjọọnụ ệ nọ ini irehi Ohomorihi ịnị ụmẹ agogo ẹẹta ọọdụ ana vị ụmẹ aduwa. 2Â nyị ọnọrụ ọnya aanị ene sú ahụ hụụnị ịnẹ vẹ. Aā sị ọọ vaa tụ́ oze irehi Ohomorihi ana aā hị́ “Oze Ozoza” ka ọ̀ọ pà aza ana àa ngụ ini irehi Ohomorihi ịsa. 3O mè re Ipita ọnịrị Ịjọọnụ ka ẹyaa ngụ ini irehi Ohomorihi, dị ọ pà wa ịsa nị. 4Dị Ipita ọnịrị Ịjọọnụ kà eyi ngụ ọọ nị, dị Ipita ka, “Re yi!” 5Di o re wa, di ee zí ka ẹ vaa sị ịsaa yị ọnị nị. 6Dị Ipita ka, “Mẹ yị nyị ẹkẹhị vụrụ-vụrụ, ama ịsị mị nyị, m maa sịị yị wụ aanị nị: Ịnị ịrẹha Ijeesu Ikirisiti Anịnazarẹtị, kwẹẹtẹ, waa zị ụsẹ!” 7Dị Ipita sị ụvọ gẹ ẹ ụvọrị, dị ọ sị ọọ kwẹẹtẹ nị. Obooboro, dị ẹchụkụ ahụ anị ọnịrị ataahụ anị sị ụkata nyị nị. 8Di o ji iriga tụ́ ẹba, dị ọ sị ahụ anị jẹẹ, dị aa zị ụsẹẹ zịịzị nị. Dị ọnịrị wa zị ngụ ini irehi Ohomorihi, dị aa zị ụsẹ, di ee ji iriga, dị aa sị ụgaa yị Ohomorihi nị.
9Avaba ọkọnị aza ê re e, ọ màa zị ụsẹ, dị aa sị ụgaa yị Ohomorihi. 10Ẹnịnị ệ yẹ ẹ ka ọza anaā yaayịtẹ Oze Ozoza irehi Ohomorihi, dị aa pà ịsa avọọ yọ nị. Ịsa ana mẹ tù oswahụ ọnọọ, ô hí wa irenu ẹnẹmẹhị.
Ipita ộ kà ịrẹyị Ohomorihi
11Oswahụ ana a mẹ ụkụ aanị, ộ ta Ipita ọnịrị Ịjọọnụ kú. O si hí avaba aza irenu, dị ẹ wụsẹ zwe ne tù ọọ ịzị aā hị́ ajẹhẹ Isoromọnị nị. 12Ípita mè re wa, di o nyima aa kà a yị wa ka, “Ẹwụ nịnị Anisirẹrị, sị ẹ vẹ dị ọ maanị ee hí wu eyi nịnị? Sị ẹ vẹ dị ụ maanị ee re yi nịnị? U wéé ro ka ụkata ayị, à vị ka yâ da nị chẹngụ, ị sị mẹ ka ọnọrụ ọnọnị ọ̀ọ zị ụsẹ nị? 13#Kụra 3.15Ohomorihi Abụrahamị ọnịrị Ayiziiki ne beri Ijekọvụ, Ohomorihi ohiku ayị nịnị ọ maanị sị ụbanyị yị ozi anị Ijeesu nị. Wâ sị Ijeesu ọnọọ chire aza ụvọ nịnị; Ipayireti ô sì ka ọnị ọ̀ hụrẹ ẹ ụvọ, ama wê yi nịnị. 14#Imt 27.15-23; Ịmk 15.6-14; Irk 23.13-23; Ịjọ 19.12-15Wê yi Ọza Ọnịnị ọnịrị Ọnịzẹyịza tịtẹ nịnị, ụ ka à vana hụrẹ ọwọza ụvọ tịtẹ wụ nịnị. 15Ijeesu ọ nyị ụkata ụhwẹ nị; wâ za a, dị ụ wụ ọ nịnị nị. Ama Ohomorihi ọ sị ọ ha hụụnị isu, eyi ayị ọ vị nị. 16Ụkata ana yà ịnị ịrẹha Ijeesu, ọ sị ụkata yị oswahụ ọnọnị aanị nị. Ịsị u wee re, dị ụ rẹ yẹ nịnị aanị, ộ mẹ̀, agụvị ka yâ sị ayị tụra Ijeesu. Ẹdọwụ ọ mẹ ka ẹngụ anị ọ̀ ta éyi avaba awụ nịnị aanị nị.
17“Ẹwụ nịnị ẹyịnyara amị, booro aanị, mâ yẹ ka ịsị ẹwụrị ọdọvịdị nịnị mẹ Ijeesu, vị ọnị ụ mẹ nịnị ini eyogu. 18Ịsị Ohomorihi vịdị kà tịtẹ ini oze ọnịsẹ nịnị ka â nyị ka Ikirisiti ọ̀ rị ụya, ọ vavọọ sị sẹ nị. 19Agụvị avọọ ro ịnẹ varẹma, dị ụ wa và ká Ohomorihi vẹ nịnị, agụvị ò du ịvị awụ nịnị kwooze! 20Ụkata vaa hụụ ịdị Ananyị yịị vẹ, dị ayị awụ nịnị nẹtẹ. Ụmẹ ọnọọ, Ohomorihi vaa tụ́ Ijeesu Ikirisiti, ọnị ọ vịdị sị nyị tịtẹ yị wụ nịnịị vẹ. 21Â nyị ka Ijeesu ọ̀ yà ẹbẹẹba pooro dị ịsavị-ịsavị ẹ̀ vara ọwọọwa, anka Óhomorihi mẹ̀ vịdị kà a ini oze ọnịsẹ ọnịnị nịnị, a mẹ̀ hụrẹ mẹ ẹhẹ. 22#Ọda 18.15,18Imosiisi ộ vịdị kà a ka: ‘Ananyị yị Ohomorihi awụ nịnị vaa tụ́ ọnịsẹ ọnyaa hi wu nịnị, anka ọ mẹ̀ tụ́ mị, anda awụ nịnị ọ vaa vị nị. Avaba ịsị ọ̀ọ kà wụ nịnị, ụ sị ụtọ pe e nịnị. 23#Ọda 18.19Ọza ẹnẹ ẹ̀ yị batọ ịrẹyị ọnịsẹ ọnọọ, a vaa dụ ọ hụụnị aza Ohomorihi, di o vu ẹtẹ.’ 24Ịsamụwẹrị ọnịrị avaba ọnịsẹ ana vana tụra a vẹ, ẹ rẹ kà ịrẹyị ini oze ụmẹ ọnọnị. 25#Oyn 22.18Ozi ọnịsẹ nịnị ụ vị nịnị nị. Wâ nyị tụ́ ịnị oto oni Ohomorihi wo yi ohiku awụ nịnị. Oto ọnọọ ọ vị ka Ohomorihi ộ kà a yị Abụrahamị ka: ‘Ini oze ozi ewu mị vaa zịị mẹ ka ò zé yị avaba anẹhẹ nị.’ 26Agụvị avọọ dị Ohomorihi nyị Ozi anị nị, dị ọ vịdị tụ́ ọ hi wu nịnị ka ọ̀ va mẹ ka ò zé yị wụ nịnị, ịnị ka avaba awụ nịnị ọ̀ và hụụnị oze odivi awụ nịnị.”
Currently Selected:
Odeyi 3: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Odeyi 3
3
Ipita ộ mẹ̀ oswahụ ọnya ụkụ
1Ẹkụhị ọnya, Ipita ọnịrị Ịjọọnụ ệ nọ ini irehi Ohomorihi ịnị ụmẹ agogo ẹẹta ọọdụ ana vị ụmẹ aduwa. 2Â nyị ọnọrụ ọnya aanị ene sú ahụ hụụnị ịnẹ vẹ. Aā sị ọọ vaa tụ́ oze irehi Ohomorihi ana aā hị́ “Oze Ozoza” ka ọ̀ọ pà aza ana àa ngụ ini irehi Ohomorihi ịsa. 3O mè re Ipita ọnịrị Ịjọọnụ ka ẹyaa ngụ ini irehi Ohomorihi, dị ọ pà wa ịsa nị. 4Dị Ipita ọnịrị Ịjọọnụ kà eyi ngụ ọọ nị, dị Ipita ka, “Re yi!” 5Di o re wa, di ee zí ka ẹ vaa sị ịsaa yị ọnị nị. 6Dị Ipita ka, “Mẹ yị nyị ẹkẹhị vụrụ-vụrụ, ama ịsị mị nyị, m maa sịị yị wụ aanị nị: Ịnị ịrẹha Ijeesu Ikirisiti Anịnazarẹtị, kwẹẹtẹ, waa zị ụsẹ!” 7Dị Ipita sị ụvọ gẹ ẹ ụvọrị, dị ọ sị ọọ kwẹẹtẹ nị. Obooboro, dị ẹchụkụ ahụ anị ọnịrị ataahụ anị sị ụkata nyị nị. 8Di o ji iriga tụ́ ẹba, dị ọ sị ahụ anị jẹẹ, dị aa zị ụsẹẹ zịịzị nị. Dị ọnịrị wa zị ngụ ini irehi Ohomorihi, dị aa zị ụsẹ, di ee ji iriga, dị aa sị ụgaa yị Ohomorihi nị.
9Avaba ọkọnị aza ê re e, ọ màa zị ụsẹ, dị aa sị ụgaa yị Ohomorihi. 10Ẹnịnị ệ yẹ ẹ ka ọza anaā yaayịtẹ Oze Ozoza irehi Ohomorihi, dị aa pà ịsa avọọ yọ nị. Ịsa ana mẹ tù oswahụ ọnọọ, ô hí wa irenu ẹnẹmẹhị.
Ipita ộ kà ịrẹyị Ohomorihi
11Oswahụ ana a mẹ ụkụ aanị, ộ ta Ipita ọnịrị Ịjọọnụ kú. O si hí avaba aza irenu, dị ẹ wụsẹ zwe ne tù ọọ ịzị aā hị́ ajẹhẹ Isoromọnị nị. 12Ípita mè re wa, di o nyima aa kà a yị wa ka, “Ẹwụ nịnị Anisirẹrị, sị ẹ vẹ dị ọ maanị ee hí wu eyi nịnị? Sị ẹ vẹ dị ụ maanị ee re yi nịnị? U wéé ro ka ụkata ayị, à vị ka yâ da nị chẹngụ, ị sị mẹ ka ọnọrụ ọnọnị ọ̀ọ zị ụsẹ nị? 13#Kụra 3.15Ohomorihi Abụrahamị ọnịrị Ayiziiki ne beri Ijekọvụ, Ohomorihi ohiku ayị nịnị ọ maanị sị ụbanyị yị ozi anị Ijeesu nị. Wâ sị Ijeesu ọnọọ chire aza ụvọ nịnị; Ipayireti ô sì ka ọnị ọ̀ hụrẹ ẹ ụvọ, ama wê yi nịnị. 14#Imt 27.15-23; Ịmk 15.6-14; Irk 23.13-23; Ịjọ 19.12-15Wê yi Ọza Ọnịnị ọnịrị Ọnịzẹyịza tịtẹ nịnị, ụ ka à vana hụrẹ ọwọza ụvọ tịtẹ wụ nịnị. 15Ijeesu ọ nyị ụkata ụhwẹ nị; wâ za a, dị ụ wụ ọ nịnị nị. Ama Ohomorihi ọ sị ọ ha hụụnị isu, eyi ayị ọ vị nị. 16Ụkata ana yà ịnị ịrẹha Ijeesu, ọ sị ụkata yị oswahụ ọnọnị aanị nị. Ịsị u wee re, dị ụ rẹ yẹ nịnị aanị, ộ mẹ̀, agụvị ka yâ sị ayị tụra Ijeesu. Ẹdọwụ ọ mẹ ka ẹngụ anị ọ̀ ta éyi avaba awụ nịnị aanị nị.
17“Ẹwụ nịnị ẹyịnyara amị, booro aanị, mâ yẹ ka ịsị ẹwụrị ọdọvịdị nịnị mẹ Ijeesu, vị ọnị ụ mẹ nịnị ini eyogu. 18Ịsị Ohomorihi vịdị kà tịtẹ ini oze ọnịsẹ nịnị ka â nyị ka Ikirisiti ọ̀ rị ụya, ọ vavọọ sị sẹ nị. 19Agụvị avọọ ro ịnẹ varẹma, dị ụ wa và ká Ohomorihi vẹ nịnị, agụvị ò du ịvị awụ nịnị kwooze! 20Ụkata vaa hụụ ịdị Ananyị yịị vẹ, dị ayị awụ nịnị nẹtẹ. Ụmẹ ọnọọ, Ohomorihi vaa tụ́ Ijeesu Ikirisiti, ọnị ọ vịdị sị nyị tịtẹ yị wụ nịnịị vẹ. 21Â nyị ka Ijeesu ọ̀ yà ẹbẹẹba pooro dị ịsavị-ịsavị ẹ̀ vara ọwọọwa, anka Óhomorihi mẹ̀ vịdị kà a ini oze ọnịsẹ ọnịnị nịnị, a mẹ̀ hụrẹ mẹ ẹhẹ. 22#Ọda 18.15,18Imosiisi ộ vịdị kà a ka: ‘Ananyị yị Ohomorihi awụ nịnị vaa tụ́ ọnịsẹ ọnyaa hi wu nịnị, anka ọ mẹ̀ tụ́ mị, anda awụ nịnị ọ vaa vị nị. Avaba ịsị ọ̀ọ kà wụ nịnị, ụ sị ụtọ pe e nịnị. 23#Ọda 18.19Ọza ẹnẹ ẹ̀ yị batọ ịrẹyị ọnịsẹ ọnọọ, a vaa dụ ọ hụụnị aza Ohomorihi, di o vu ẹtẹ.’ 24Ịsamụwẹrị ọnịrị avaba ọnịsẹ ana vana tụra a vẹ, ẹ rẹ kà ịrẹyị ini oze ụmẹ ọnọnị. 25#Oyn 22.18Ozi ọnịsẹ nịnị ụ vị nịnị nị. Wâ nyị tụ́ ịnị oto oni Ohomorihi wo yi ohiku awụ nịnị. Oto ọnọọ ọ vị ka Ohomorihi ộ kà a yị Abụrahamị ka: ‘Ini oze ozi ewu mị vaa zịị mẹ ka ò zé yị avaba anẹhẹ nị.’ 26Agụvị avọọ dị Ohomorihi nyị Ozi anị nị, dị ọ vịdị tụ́ ọ hi wu nịnị ka ọ̀ va mẹ ka ò zé yị wụ nịnị, ịnị ka avaba awụ nịnị ọ̀ và hụụnị oze odivi awụ nịnị.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.