Ọyịkụra 1
1
 chamayị yị Anisirẹrị nịnị ịnị ẹtẹ Ijipiti
1 #
Oyn 46.8-27
Ịrẹha ezi Ijekọvụ ẹnị ẹnịrị anineehi ẹnịnị saasa Ijekọvụ nọ ịnị Ijipiti ẹ vị: 2Irubẹnị, Isimiyọnị, Ireevi, Ijuda, 3Iisaka, Izeburuni, Ịbẹnjamịnị. 4Ịdaanị, Inahwitari, Igadi ọnịrị Aseri. 5Avaba ezi ana hụrẹ ịpa Ijekọvụ vẹ ẹhẹ vị ẹnị ẹtarẹwụ. Ijosẹẹhụ ọnị ộ vịdị zị nọ Ijipiti. 6A màa yị mẹ̀ ẹ na, Ijosẹẹhụ ọnịrị ẹnẹbẹnị anị nịnị beri ọhụva anị ê wusu. Avaba anụmẹ ọnọọ ẹnị e re wusu. 7#Ụkọ 7.17Ama Anisirẹrị nịnị vị ana nyayịnẹ ha ẹnẹmẹhị. Ẹnịnị ệ rụrụ ẹtẹẹtẹrẹ dị ẹ kụkụ gwẹtẹ kẹnẹ nị.
8 #
Ụkọ 7.18
 vana nyị ụmẹ ọnya dị a nyị ohinọyị ọwọọwa ana rị Ijipiti nị ohinọyị ọnọọ ọ yị yẹ ẹngụ ọza oni Ijosẹẹhụ vị. 9Ẹkụhị ọnya dị ọ hị́ aza anị dị ọ ka, “Wáá yẹ ka Anisirẹrị ẹnẹnị aa rụrụ baaba. Ẹnịnị ee vee huna ẹnị. 10#Ụkọ 7.19Dị ọ ka ẹ mẹ̀ maanị sị rụrụ aanị àa na nyị aza ọnị ịrẹkụ chị́ yị ẹnịrịị Anisirẹrị ẹ nyayịnẹ na vaka aza ẹnẹẹ dị ẹ baku ẹnị. Ịjọnọọọ di e si zwe hụụ ịzọọ. Dị ọ ka agụvị avọọ à vẹ ẹnị e sì oze dị ẹnị ẹ̀ za ụrụrụ ẹnịnị jẹẹ.” 11Ịzẹyịza dị ẹ na nyị aza ana aā kụ́ azaa mẹ̀ ụkọrọ ka ẹ̀ vaa kụ́ Anisirẹrị naa mẹ̀ ụkọrọ ọkatẹngụ nị.  sị ụkọrọ ọkatẹngụ yị wa. A ka ẹ̀ẹ dà ụhwọ yị ohinọyị Anijipiti Ipitomi ọnịrị Iramesisi. 12Ama Ịjị e nyima dị a maanị aa sị ụyaa rị wa, dị ahịka ịjọnọọ Anisirẹrị aa rụrụụ hu avọọ nị. Ịjọnọọ dị Anijipiti kuku ee hị́ angwa Anisirẹrị, dị ẹ rẹ yaa kụ́ ayị ẹnịnị ẹtẹẹtẹrẹ nị. 13Di Anijipiti aa za waa mẹ̀ ụkọrọ edivi-edivi nị. 14A ka ẹ̀ẹ ba ụvụ, dị ẹ̀ẹ jị ọ dị ẹ̀ rẹẹ mẹ̀ ụkọrọ ịnị aarẹ. Ọsọnị ộ mẹ̀ ka Anisirẹrị ẹ̀ rị ụya ana ngụ ajẹ. Di Anijipiti aa mẹ wa ẹnị ẹzụụ̄ mẹ ẹvụ nị.
15Ụmẹ ọnya di ohinọyị Anijipiti rẹ na hị́ anyẹnẹẹ anaā gụ anẹẹ Anihiburu ụvọ ẹ̀ẹ yaa ma ozi nị. Anẹẹ ẹnẹẹ ẹ rị Isipira ọnịrị Ipuwa nị. 16Di ohinọyị ka: ẹ̀ẹ yaa naa gụ anẹẹ Anihiburu ụvọ ẹ̀ẹ yaa ma ozi dị ẹ̀ si eyi pè wa. Ọ kà àa vị ozi ọnọrụ aa ma nị, dị ẹ̀ wụ̀ ọ. Ama àa vi ozi ọnẹẹ yọ nị, dị ẹ̀ naavọ. 17Ama anẹẹ ana aā mẹ ọgụvọọ yị anẹẹ Anihiburu aanị ẹnị ệ nyị angwahi Ohomorihi. Ẹnịnị ẹ yị sị ịrẹyị ohinọyị Anijipiti mẹ̀ ụkọrọ. Èe re ka ozi ana aa ma vị ọnọrụ, ẹnịnị ẹ yị wụ̀ ọ. 18Di ohinọyị Ijipiti va hị́ anẹẹ ẹnẹẹ dị ọ ka: Sị ẹ yaa mẹ aanị? Ọ kà sị ẹ vẹ dị ẹ̀ yị wụ ozi ọnọrụ Anihiburu. 19Dị anẹẹ ana aā mẹ ọgụvọọ yị anẹẹ Anihiburu tụ́ ohinọyị ohi dị ẹ ka, “Wáá yẹ ka anyẹnẹẹ Anihiburu e yi vene anyẹnẹẹ Anijipiti? Ẹ ka ẹnị ẹ̀ẹ naa ngụ ịda ẹnịnị, ẹnị ne tù ka e si ozi ẹnịnị ma. Ẹ ka ozi ọ ma tụ́ wa akanya.” 20Ohomorihi ô mẹ ka ò zee yị anẹẹ ẹyịva ana aā gụ anẹẹ Anihiburu ụvọ, di Anisirẹrị ẹnị raa yịị rụrụụ hu avọọ pooro kẹnẹ nị. 21Agụvị ka ê hí angwa anị, dị Ohomorihi mẹ ka è re ozi ma ẹtẹẹtẹrẹ nị. 22#Ụkọ 7.19Di Ihwarawo kụkụ va mẹ ọda dị ọ kà a yị avaba aza anị dị ọ ka, “Avaba ozi ọnọrụ anị Anihiburu ọ̀ọ ma è ne ne wa ngụ irehu Ịnayịrị. Ama à navọ ozi ọnẹẹ ẹnị ẹ̀ẹ ma.”
Currently Selected:
Ọyịkụra 1: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ọyịkụra 1
1
 chamayị yị Anisirẹrị nịnị ịnị ẹtẹ Ijipiti
1 #
Oyn 46.8-27
Ịrẹha ezi Ijekọvụ ẹnị ẹnịrị anineehi ẹnịnị saasa Ijekọvụ nọ ịnị Ijipiti ẹ vị: 2Irubẹnị, Isimiyọnị, Ireevi, Ijuda, 3Iisaka, Izeburuni, Ịbẹnjamịnị. 4Ịdaanị, Inahwitari, Igadi ọnịrị Aseri. 5Avaba ezi ana hụrẹ ịpa Ijekọvụ vẹ ẹhẹ vị ẹnị ẹtarẹwụ. Ijosẹẹhụ ọnị ộ vịdị zị nọ Ijipiti. 6A màa yị mẹ̀ ẹ na, Ijosẹẹhụ ọnịrị ẹnẹbẹnị anị nịnị beri ọhụva anị ê wusu. Avaba anụmẹ ọnọọ ẹnị e re wusu. 7#Ụkọ 7.17Ama Anisirẹrị nịnị vị ana nyayịnẹ ha ẹnẹmẹhị. Ẹnịnị ệ rụrụ ẹtẹẹtẹrẹ dị ẹ kụkụ gwẹtẹ kẹnẹ nị.
8 #
Ụkọ 7.18
 vana nyị ụmẹ ọnya dị a nyị ohinọyị ọwọọwa ana rị Ijipiti nị ohinọyị ọnọọ ọ yị yẹ ẹngụ ọza oni Ijosẹẹhụ vị. 9Ẹkụhị ọnya dị ọ hị́ aza anị dị ọ ka, “Wáá yẹ ka Anisirẹrị ẹnẹnị aa rụrụ baaba. Ẹnịnị ee vee huna ẹnị. 10#Ụkọ 7.19Dị ọ ka ẹ mẹ̀ maanị sị rụrụ aanị àa na nyị aza ọnị ịrẹkụ chị́ yị ẹnịrịị Anisirẹrị ẹ nyayịnẹ na vaka aza ẹnẹẹ dị ẹ baku ẹnị. Ịjọnọọọ di e si zwe hụụ ịzọọ. Dị ọ ka agụvị avọọ à vẹ ẹnị e sì oze dị ẹnị ẹ̀ za ụrụrụ ẹnịnị jẹẹ.” 11Ịzẹyịza dị ẹ na nyị aza ana aā kụ́ azaa mẹ̀ ụkọrọ ka ẹ̀ vaa kụ́ Anisirẹrị naa mẹ̀ ụkọrọ ọkatẹngụ nị.  sị ụkọrọ ọkatẹngụ yị wa. A ka ẹ̀ẹ dà ụhwọ yị ohinọyị Anijipiti Ipitomi ọnịrị Iramesisi. 12Ama Ịjị e nyima dị a maanị aa sị ụyaa rị wa, dị ahịka ịjọnọọ Anisirẹrị aa rụrụụ hu avọọ nị. Ịjọnọọ dị Anijipiti kuku ee hị́ angwa Anisirẹrị, dị ẹ rẹ yaa kụ́ ayị ẹnịnị ẹtẹẹtẹrẹ nị. 13Di Anijipiti aa za waa mẹ̀ ụkọrọ edivi-edivi nị. 14A ka ẹ̀ẹ ba ụvụ, dị ẹ̀ẹ jị ọ dị ẹ̀ rẹẹ mẹ̀ ụkọrọ ịnị aarẹ. Ọsọnị ộ mẹ̀ ka Anisirẹrị ẹ̀ rị ụya ana ngụ ajẹ. Di Anijipiti aa mẹ wa ẹnị ẹzụụ̄ mẹ ẹvụ nị.
15Ụmẹ ọnya di ohinọyị Anijipiti rẹ na hị́ anyẹnẹẹ anaā gụ anẹẹ Anihiburu ụvọ ẹ̀ẹ yaa ma ozi nị. Anẹẹ ẹnẹẹ ẹ rị Isipira ọnịrị Ipuwa nị. 16Di ohinọyị ka: ẹ̀ẹ yaa naa gụ anẹẹ Anihiburu ụvọ ẹ̀ẹ yaa ma ozi dị ẹ̀ si eyi pè wa. Ọ kà àa vị ozi ọnọrụ aa ma nị, dị ẹ̀ wụ̀ ọ. Ama àa vi ozi ọnẹẹ yọ nị, dị ẹ̀ naavọ. 17Ama anẹẹ ana aā mẹ ọgụvọọ yị anẹẹ Anihiburu aanị ẹnị ệ nyị angwahi Ohomorihi. Ẹnịnị ẹ yị sị ịrẹyị ohinọyị Anijipiti mẹ̀ ụkọrọ. Èe re ka ozi ana aa ma vị ọnọrụ, ẹnịnị ẹ yị wụ̀ ọ. 18Di ohinọyị Ijipiti va hị́ anẹẹ ẹnẹẹ dị ọ ka: Sị ẹ yaa mẹ aanị? Ọ kà sị ẹ vẹ dị ẹ̀ yị wụ ozi ọnọrụ Anihiburu. 19Dị anẹẹ ana aā mẹ ọgụvọọ yị anẹẹ Anihiburu tụ́ ohinọyị ohi dị ẹ ka, “Wáá yẹ ka anyẹnẹẹ Anihiburu e yi vene anyẹnẹẹ Anijipiti? Ẹ ka ẹnị ẹ̀ẹ naa ngụ ịda ẹnịnị, ẹnị ne tù ka e si ozi ẹnịnị ma. Ẹ ka ozi ọ ma tụ́ wa akanya.” 20Ohomorihi ô mẹ ka ò zee yị anẹẹ ẹyịva ana aā gụ anẹẹ Anihiburu ụvọ, di Anisirẹrị ẹnị raa yịị rụrụụ hu avọọ pooro kẹnẹ nị. 21Agụvị ka ê hí angwa anị, dị Ohomorihi mẹ ka è re ozi ma ẹtẹẹtẹrẹ nị. 22#Ụkọ 7.19Di Ihwarawo kụkụ va mẹ ọda dị ọ kà a yị avaba aza anị dị ọ ka, “Avaba ozi ọnọrụ anị Anihiburu ọ̀ọ ma è ne ne wa ngụ irehu Ịnayịrị. Ama à navọ ozi ọnẹẹ ẹnị ẹ̀ẹ ma.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.