Ọyịkụra 17
17
Enyi ana tụ̀ hụụnị ịda
(Ịrị 20.1-13)
1 #
Ịrị 20.2-13
Avaba Anisirẹrị ệ kwẹẹtẹ hụrẹ ịnị ụnọmị Isini. Ịzị Ẹnẹyịmavara ọ̀ọ kà ka ẹ̀ nọ, dị ahịka ịzọọ ẹ rẹ nọ nị. Dị ẹ na kụ́ udi tụ́ Irepihwimi nị. Ama ẹ yị nyị enyi ịzọọ ana vọrọ ka aza ẹnẹẹ è hú. 2Di e nyima di eyee pè Imosiisi zyaazị nị. Dị ẹ ka Imosiisi ọ̀ sị enyi yị ẹnị dị ẹnị è hú nị. Dị Imosiisi ka, “Sị ẹ vẹ dị waa zyaazị hi mi nịnị? Wáá yẹ ka Ẹnẹyịmavara ụ waa zama a re nịnị aanị nị?” 3Enyi aa kụ̀ aza ẹnẹẹ ịzọọ ẹtẹẹtẹrẹ, dị ẹ yaa rị ihuhuu hi Imosiisi nị. Dị ẹ ka, “Sị ẹ vẹ dị ụ kụ́ yị hụrẹ Ijipiti vẹ ịzẹnị ka asị i re enyi hú dị ẹyịrị ezi eyi ne beri ịsụpa ayị è sú?” 4Di Imosiisi ve nowu na za Ẹnẹyịmavara nị. Dị ọ ka, “Sị mị vaa sị mẹ aza ẹnẹnị aanị? Eyee vee ne mi ịrẹta ộ.” 5Dị Ẹnẹyịmavara tụ́ Imosiisi ohi dị ọ ka, “Nyị azọkụ ẹnịnị, dị wa sị okutẹ ọnị ụ sị nya okuha Ịnayịrị dị wa tụ́ ọvịdị aza ẹnẹẹ wa na. 6Maa naa jẹẹ zi wụ ịnị ịda ana yà Ịhọrẹbị. Wèe tụ́ ịnị ịda ọnọọ. Wàa raà sị nya a, enyi vaa jịnẹ hụụnị anịị vẹ dị aza ẹnẹẹ è hú ọ.” Ịzẹyịza di Imosiisi yà eyi azọkụ Anisirẹrị dị ọ vavọọ mẹ̀ ẹ nị. 7Di Imosiisi kụkụ aa hị́ ịzọọ Imasa ọnịrị Imeriba nị. Iruvo ọ vị ka ịzọọ Anisirẹrị yà zyaazị dị ẹ rẹ zama Ẹnẹyịmavara re nị, “Dị ẹ ka Ẹnẹyịmavara wáá vana yị yà ịnị akakana ẹnịnị à vị ọ yị yà ịzọọ?”
Anisirẹrị ẹnịrị Anamarẹkị ệ kụ̀ ịrẹkụ.
8Anamarẹkị ệ kụ́ ịrẹkụ ve tù Anisirẹrị Irepihwimi. 9Di Imosiisi ka Ijosuwa ọ̀ nyị anọrụ di è ne pè Anamarẹkị kụ́ ịrẹkụ nị. Ọ kà ọnị vaa sị okutẹ oni Ohomorihi ka ọnị ọ̀ sị rị ụvọ dị ọnị na jẹẹ ịrẹsụ ataba ụhwọọ. 10Ịzẹyịza di Ijosuwa ne pè Anamarẹkị kụ́ ịrẹkụ anka Imosiisi mẹ̀ kà a yọ nị. Di Imosiisi ọnịrị Eerọnị ne beri Ihuri ẹnị nọ ịnị ataba nị. 11Imosiisi ọ̀ọ sị ụvọ amị tụ́ ẹba, di Anisirẹrị ee huna Anamarẹkị. Ama ọ̀ọ rọ̀ ụvọ anị chi, di Anamarẹkị ee huna Anisirẹrị. 12Ụvọ Imosiisi mẹ̀ sị kata dị ẹ sị ịrẹta yọ dị ọ yaayịtẹ ịnị anị nị. Di Eerọnị ọnịrị Ihuri za a ụvọ ẹyịva tụ́ ẹba nị. Avọọ ẹ mẹ sị ọ tụ́ ẹba pooro dị ọyị aa ngụ ẹtẹ nị. 13Di Ijosuwa sị ụ̀hwọ̀ wụ̀ isoja Anamarẹkị và ha nị. 14#Ọda 25.17-19; 1 Ịsa 15.2-9Dị Ẹnẹyịmavara kà a yi Imosiisi dị ọ ka, “Chẹrẹ ịrẹyị ọnọnị tụ́ ini iwe dị àa tamayị anị. Kà a zụ̀ Ijosuwa dị ọ̀ wụ́. Anamarẹkị vi oni mee vú ẹtẹ dị ọza ọ mā vana wụ́ ịrẹha ẹnịnị ịnị ẹhẹ.” 15Di Imosiisi hi ụta dị ọ ka ọnị ọ rị “Ẹnẹyịmavara, ọnọ vị uyi amị nị.” 16Ọ kà iruvo ịrẹha ọnọọ ọ vị ka, “â tana ụvọ hi ịzị Ẹnẹyịmavara yà.” Ọ kà Ẹnẹyịmavara vị ene vee pè Anamarẹkịị kụ̀ ịrẹkụ pooro.
Currently Selected:
Ọyịkụra 17: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ọyịkụra 17
17
Enyi ana tụ̀ hụụnị ịda
(Ịrị 20.1-13)
1 #
Ịrị 20.2-13
Avaba Anisirẹrị ệ kwẹẹtẹ hụrẹ ịnị ụnọmị Isini. Ịzị Ẹnẹyịmavara ọ̀ọ kà ka ẹ̀ nọ, dị ahịka ịzọọ ẹ rẹ nọ nị. Dị ẹ na kụ́ udi tụ́ Irepihwimi nị. Ama ẹ yị nyị enyi ịzọọ ana vọrọ ka aza ẹnẹẹ è hú. 2Di e nyima di eyee pè Imosiisi zyaazị nị. Dị ẹ ka Imosiisi ọ̀ sị enyi yị ẹnị dị ẹnị è hú nị. Dị Imosiisi ka, “Sị ẹ vẹ dị waa zyaazị hi mi nịnị? Wáá yẹ ka Ẹnẹyịmavara ụ waa zama a re nịnị aanị nị?” 3Enyi aa kụ̀ aza ẹnẹẹ ịzọọ ẹtẹẹtẹrẹ, dị ẹ yaa rị ihuhuu hi Imosiisi nị. Dị ẹ ka, “Sị ẹ vẹ dị ụ kụ́ yị hụrẹ Ijipiti vẹ ịzẹnị ka asị i re enyi hú dị ẹyịrị ezi eyi ne beri ịsụpa ayị è sú?” 4Di Imosiisi ve nowu na za Ẹnẹyịmavara nị. Dị ọ ka, “Sị mị vaa sị mẹ aza ẹnẹnị aanị? Eyee vee ne mi ịrẹta ộ.” 5Dị Ẹnẹyịmavara tụ́ Imosiisi ohi dị ọ ka, “Nyị azọkụ ẹnịnị, dị wa sị okutẹ ọnị ụ sị nya okuha Ịnayịrị dị wa tụ́ ọvịdị aza ẹnẹẹ wa na. 6Maa naa jẹẹ zi wụ ịnị ịda ana yà Ịhọrẹbị. Wèe tụ́ ịnị ịda ọnọọ. Wàa raà sị nya a, enyi vaa jịnẹ hụụnị anịị vẹ dị aza ẹnẹẹ è hú ọ.” Ịzẹyịza di Imosiisi yà eyi azọkụ Anisirẹrị dị ọ vavọọ mẹ̀ ẹ nị. 7Di Imosiisi kụkụ aa hị́ ịzọọ Imasa ọnịrị Imeriba nị. Iruvo ọ vị ka ịzọọ Anisirẹrị yà zyaazị dị ẹ rẹ zama Ẹnẹyịmavara re nị, “Dị ẹ ka Ẹnẹyịmavara wáá vana yị yà ịnị akakana ẹnịnị à vị ọ yị yà ịzọọ?”
Anisirẹrị ẹnịrị Anamarẹkị ệ kụ̀ ịrẹkụ.
8Anamarẹkị ệ kụ́ ịrẹkụ ve tù Anisirẹrị Irepihwimi. 9Di Imosiisi ka Ijosuwa ọ̀ nyị anọrụ di è ne pè Anamarẹkị kụ́ ịrẹkụ nị. Ọ kà ọnị vaa sị okutẹ oni Ohomorihi ka ọnị ọ̀ sị rị ụvọ dị ọnị na jẹẹ ịrẹsụ ataba ụhwọọ. 10Ịzẹyịza di Ijosuwa ne pè Anamarẹkị kụ́ ịrẹkụ anka Imosiisi mẹ̀ kà a yọ nị. Di Imosiisi ọnịrị Eerọnị ne beri Ihuri ẹnị nọ ịnị ataba nị. 11Imosiisi ọ̀ọ sị ụvọ amị tụ́ ẹba, di Anisirẹrị ee huna Anamarẹkị. Ama ọ̀ọ rọ̀ ụvọ anị chi, di Anamarẹkị ee huna Anisirẹrị. 12Ụvọ Imosiisi mẹ̀ sị kata dị ẹ sị ịrẹta yọ dị ọ yaayịtẹ ịnị anị nị. Di Eerọnị ọnịrị Ihuri za a ụvọ ẹyịva tụ́ ẹba nị. Avọọ ẹ mẹ sị ọ tụ́ ẹba pooro dị ọyị aa ngụ ẹtẹ nị. 13Di Ijosuwa sị ụ̀hwọ̀ wụ̀ isoja Anamarẹkị và ha nị. 14#Ọda 25.17-19; 1 Ịsa 15.2-9Dị Ẹnẹyịmavara kà a yi Imosiisi dị ọ ka, “Chẹrẹ ịrẹyị ọnọnị tụ́ ini iwe dị àa tamayị anị. Kà a zụ̀ Ijosuwa dị ọ̀ wụ́. Anamarẹkị vi oni mee vú ẹtẹ dị ọza ọ mā vana wụ́ ịrẹha ẹnịnị ịnị ẹhẹ.” 15Di Imosiisi hi ụta dị ọ ka ọnị ọ rị “Ẹnẹyịmavara, ọnọ vị uyi amị nị.” 16Ọ kà iruvo ịrẹha ọnọọ ọ vị ka, “â tana ụvọ hi ịzị Ẹnẹyịmavara yà.” Ọ kà Ẹnẹyịmavara vị ene vee pè Anamarẹkịị kụ̀ ịrẹkụ pooro.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.