Ọyịkụra 19
19
Anisirẹrị ẹ na sị ngụ ịnị ataba Ịsịnayị.
1Ịhị ẹ tụ́ ọ ụhwẹ ẹẹta anị Anisirẹrị nịnị hụrẹ Ijipiti, ịhị ọnọọ gẹdẹ-gẹdẹ ẹnịnị va ngụ ịnị ụnọmị Ịsịnayị. 2Irepihwimi ẹ hụrẹ dị ẹ na ngụ ịnị ụnọmị Ịsịnayị. Di Anisirẹrị kụ́ udi tụ́ ọvịdị ataba ịnị ụnọmị ịzọọ nị. 3Di Imosiisi hịrẹ ne tù Ohomorihi ịnị ataba ịzọọ, dị Ẹnẹyịmavara yà ịnị ataba ịzọọ dị ọ hị́ ọ nị. Di Ohomorihi ka, “Maanị ka ịrẹyị ọnọnị yị Anisirẹrị ana chị hụrẹ ịpa Ijekọvụ. 4Kà a ka ọnị ụvọta ê re ịsa ọnị mị mẹ Anijipiti nịnị, dị ahịka mị kụ́ ẹnị jịnẹ hụrẹ Ijipiti anka ukokoro mẹ̀ẹ kụ́ ezi anịị hi ịnị avaka di o hira avọọ nị. Dị mị vavọọ kụ́ wa va yị ẹngụ amị nị. 5#1 Ipi 2.9#Ọda 4.20; 7.6; 14.2; 26.18; Ịta 2.14Kà a ka ẹ̀ẹ wụ́ ịrẹyị amị, dị ẹ jẹẹ pè avaba ọda ọnị mị mẹ. Ẹnị mị vaa sịị mẹ ogu amị ịnị avaba anẹkụra ene hi ẹhẹ nị. Ịzẹyịza ẹma nyị avaba ẹhẹ nị, 6#Ẹtẹ 1.6; 5.10ama ẹnị mị vaa sị mẹ ohirẹsụ irehi Ohomorihi amị nị di ẹ vị anẹkụra amị. Maanị kà a yị Anisirẹrị nịnị.” 7Ịzẹyịza di Imosiisi na, dị ọ na hị́ azọkụ Anisirẹrị nịnị gụ nị. Dị ọ maanị kà ịrẹyị ẹnị Ẹnẹyịmavara kà ọ̀ kà yị wa nị. 8Dị aza ẹnẹẹ sị irenu tọ̀ ọnya dị ẹ ka avaba ịsa ẹnị Ẹnẹyịmavara kà ẹnị vaa mẹ nị. Di Imosiisi rẹ vavọọ sị ohi ẹnịnị na kà yị Ẹnẹyịmavara nị. 9Dị Ẹnẹyịmavara kà a yi Imosiisi dị ọ ka, “Mị vaa yà ini eguhi ene hozi di mi ve tù wu nịnị, dị aza ẹnẹẹ ẹ̀ wụ́ m mèe pè wuu kà ịrẹyị. Ọnọọ vaa mẹ ka ẹ̀ẹ dọ ịrẹyị awụụ tụ́ ịzọọ pooro nị.” Di Imosiisi kà ịrẹyị ana aza ẹnẹẹ kà yị Ẹnẹyịmavara nị. 10Dị Ẹnẹyịmavara kà a yi Imosiisi dị ọ ka, “Na kà a yị aza ẹnẹẹ ka è tenyi ẹngụ ẹnịnị dị asị ẹ kà pè ọnẹẹ ajịnị ọnịrị ụhwọọ. Kà a ka ẹ̀ nyịna ịta ẹnịnị, 11di e tenyi ẹngụ tịtẹ ịhyẹgwẹta anị. Kà a ka ịhị ọnọọ, ẹmị Ẹnẹyịmavara vee chii hi ịrẹsụ ataba Ịsịnayị éyi avaba ẹnịnị. 12#Ihib 12.18-20Sị ịsa tẹ ẹhwị jesi kara ataba ọnọọ ịzị aza ẹnẹẹ vee tùu jẹẹ. Kà ẹ yị wa ka è si eyi pè ẹngụ ẹnịnị. Kà a ka asị ẹ hịrẹ ataba ọnọọ, asị ẹ hyakụ kanyị iruvo ataba ọnọọ. Kà a ka ọza ana àa kanyị ataba ọnọọ vị ana aa wụ. 13Ọza ọ̀ yị sị ịrẹta wụ̀ ọ di e che e ọpa, ụvọ ọza ọ yị vaa kanyị ọza ọnọọ. Ọ̀ọ vị ọza ọ̀ọ daka vi uye ọ kanyị ataba ọnọọ nị vị aa wụ̀ ọ nị. Ịjị eè hú ọpanyị ịdẹba ọgọdọ, dị aza ẹnẹẹ ẹ̀ vaa hịrẹ ataba ọgọnị.” 14Ịjị Imosiisi si chi hụụnị ataba ne tù aza ẹnẹẹ, dị ọ kà a yị wa ka ọzọza ò tenyi ẹngụ anị nị. Dị ọzọza nyịna ịta anị nị. 15Di Imosiisi kà a yị wa dị ọ ka, “Tenyi ẹngụ awụ nịnị ne tù uhurenyi. Asị a nyị ọza ene tere pè ọnẹẹ.” 16#Ẹtẹ 4.5#Ọda 4.11,12Ịnị ẹnẹnẹ, uhurenyi ọnọọ mè si tù, dị apaana ihinẹba aa ha, dị ịnyanya aa rị nị. Di eguhi chire jijiji kú ataba ọnọọ, dị ọpanyị aa kà boro-boro nị. Dị avaba aza ene hi ịnị ajẹngụ aa dá ẹgahị nị. 17Di Imosiisi kụ́ aza ẹnẹẹ jịnẹ hụụnị ajẹngụ aa naa gẹrị Ohomorihi nị. Dị ẹ na jẹẹ iruvo ataba nị. 18Ẹnẹyịmavara vị ana vẹ anka ịra avọọ di o chi hi ịrẹsụ ataba ọnọọ nị. Di areyi ọnọọ aa dà dụụmẹ vaa hịrẹ anka areyi ọrịra ụnọmị avọọ nị. Dị avaba ataba ọnọọ ee henyi jigi-jigi nị. 19Di ọpanyị aa sịị sụ ịrẹyịị hu avọọ nị. Di Imosiisi aa kà ịrẹyị di Ohomorihi ee tụ́ o ohi nị. 20Dị Ẹnẹyịmavara chi hi ịrẹsụ ataba Ịsịnayị dị ọ hí Imosiisi nọ ịrẹsụ ataba ọnọọ nị. Di Imosiisi hịrẹ na, 21dị Ẹnẹyịmavara kà: “Chi na di we ne hú aza ẹnẹẹ ụvọ ka asị ẹ na para ẹhwị ịzị a sị ịsa jị ẹtẹ ka vị ẹnị aa vaa dà eyi gẹ re mi nị. Kà a ka ẹ̀ẹ vavọọ mẹ ọrụrụ-ọrụrụ ẹnịnị vi ene ee su ha. 22Kà a ka ohirẹsụ irehi Ohomorihi nịnị ana àa kà a pè mi è re ka ẹnị ê tenyi ẹngụ ẹnịnị di ẹ̀ nị̄, ka à yị vị avọọ mị va sị ụya rị wa.” 23Di Imosiisi va kà a yị Ẹnẹyịmavara dị ọ ka, “Wáá yẹ ka aza ẹnịnị ẹ yị nyayịnẹ vẹ ịrẹsụ ataba Ịsịnayị. Ẹwụ ụvọta ô vịdị reè hú yi ụvọ ka ya sị ịsa tẹ ẹhwị kara ataba ọnọọ, di ya yẹ ẹhwị ana vị awụ.” 24Dị Ẹnẹyịmavara kà: “Chi na dụ wa na sị Eerọnị dị ẹwụrị ọ ọ̀ hịrẹ vẹ. Ama asị ụ zẹẹ ka ohirẹsụ irehi Ohomorihi ọnịrị aza ẹnẹẹ ẹ̀ para ẹhwị ịzị a sị ịsa jị ẹtẹ hu ka ẹnị è ve re mi. Ẹ̀ẹ para ẹhwị hú, m maa sị ụyaa rị wa nị.” 25Ịzẹyịza di Imosiisi chi ne tù aza ẹnẹẹ dị ọ vavọọ kà a yị wa nị.
Currently Selected:
Ọyịkụra 19: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ọyịkụra 19
19
Anisirẹrị ẹ na sị ngụ ịnị ataba Ịsịnayị.
1Ịhị ẹ tụ́ ọ ụhwẹ ẹẹta anị Anisirẹrị nịnị hụrẹ Ijipiti, ịhị ọnọọ gẹdẹ-gẹdẹ ẹnịnị va ngụ ịnị ụnọmị Ịsịnayị. 2Irepihwimi ẹ hụrẹ dị ẹ na ngụ ịnị ụnọmị Ịsịnayị. Di Anisirẹrị kụ́ udi tụ́ ọvịdị ataba ịnị ụnọmị ịzọọ nị. 3Di Imosiisi hịrẹ ne tù Ohomorihi ịnị ataba ịzọọ, dị Ẹnẹyịmavara yà ịnị ataba ịzọọ dị ọ hị́ ọ nị. Di Ohomorihi ka, “Maanị ka ịrẹyị ọnọnị yị Anisirẹrị ana chị hụrẹ ịpa Ijekọvụ. 4Kà a ka ọnị ụvọta ê re ịsa ọnị mị mẹ Anijipiti nịnị, dị ahịka mị kụ́ ẹnị jịnẹ hụrẹ Ijipiti anka ukokoro mẹ̀ẹ kụ́ ezi anịị hi ịnị avaka di o hira avọọ nị. Dị mị vavọọ kụ́ wa va yị ẹngụ amị nị. 5#1 Ipi 2.9#Ọda 4.20; 7.6; 14.2; 26.18; Ịta 2.14Kà a ka ẹ̀ẹ wụ́ ịrẹyị amị, dị ẹ jẹẹ pè avaba ọda ọnị mị mẹ. Ẹnị mị vaa sịị mẹ ogu amị ịnị avaba anẹkụra ene hi ẹhẹ nị. Ịzẹyịza ẹma nyị avaba ẹhẹ nị, 6#Ẹtẹ 1.6; 5.10ama ẹnị mị vaa sị mẹ ohirẹsụ irehi Ohomorihi amị nị di ẹ vị anẹkụra amị. Maanị kà a yị Anisirẹrị nịnị.” 7Ịzẹyịza di Imosiisi na, dị ọ na hị́ azọkụ Anisirẹrị nịnị gụ nị. Dị ọ maanị kà ịrẹyị ẹnị Ẹnẹyịmavara kà ọ̀ kà yị wa nị. 8Dị aza ẹnẹẹ sị irenu tọ̀ ọnya dị ẹ ka avaba ịsa ẹnị Ẹnẹyịmavara kà ẹnị vaa mẹ nị. Di Imosiisi rẹ vavọọ sị ohi ẹnịnị na kà yị Ẹnẹyịmavara nị. 9Dị Ẹnẹyịmavara kà a yi Imosiisi dị ọ ka, “Mị vaa yà ini eguhi ene hozi di mi ve tù wu nịnị, dị aza ẹnẹẹ ẹ̀ wụ́ m mèe pè wuu kà ịrẹyị. Ọnọọ vaa mẹ ka ẹ̀ẹ dọ ịrẹyị awụụ tụ́ ịzọọ pooro nị.” Di Imosiisi kà ịrẹyị ana aza ẹnẹẹ kà yị Ẹnẹyịmavara nị. 10Dị Ẹnẹyịmavara kà a yi Imosiisi dị ọ ka, “Na kà a yị aza ẹnẹẹ ka è tenyi ẹngụ ẹnịnị dị asị ẹ kà pè ọnẹẹ ajịnị ọnịrị ụhwọọ. Kà a ka ẹ̀ nyịna ịta ẹnịnị, 11di e tenyi ẹngụ tịtẹ ịhyẹgwẹta anị. Kà a ka ịhị ọnọọ, ẹmị Ẹnẹyịmavara vee chii hi ịrẹsụ ataba Ịsịnayị éyi avaba ẹnịnị. 12#Ihib 12.18-20Sị ịsa tẹ ẹhwị jesi kara ataba ọnọọ ịzị aza ẹnẹẹ vee tùu jẹẹ. Kà ẹ yị wa ka è si eyi pè ẹngụ ẹnịnị. Kà a ka asị ẹ hịrẹ ataba ọnọọ, asị ẹ hyakụ kanyị iruvo ataba ọnọọ. Kà a ka ọza ana àa kanyị ataba ọnọọ vị ana aa wụ. 13Ọza ọ̀ yị sị ịrẹta wụ̀ ọ di e che e ọpa, ụvọ ọza ọ yị vaa kanyị ọza ọnọọ. Ọ̀ọ vị ọza ọ̀ọ daka vi uye ọ kanyị ataba ọnọọ nị vị aa wụ̀ ọ nị. Ịjị eè hú ọpanyị ịdẹba ọgọdọ, dị aza ẹnẹẹ ẹ̀ vaa hịrẹ ataba ọgọnị.” 14Ịjị Imosiisi si chi hụụnị ataba ne tù aza ẹnẹẹ, dị ọ kà a yị wa ka ọzọza ò tenyi ẹngụ anị nị. Dị ọzọza nyịna ịta anị nị. 15Di Imosiisi kà a yị wa dị ọ ka, “Tenyi ẹngụ awụ nịnị ne tù uhurenyi. Asị a nyị ọza ene tere pè ọnẹẹ.” 16#Ẹtẹ 4.5#Ọda 4.11,12Ịnị ẹnẹnẹ, uhurenyi ọnọọ mè si tù, dị apaana ihinẹba aa ha, dị ịnyanya aa rị nị. Di eguhi chire jijiji kú ataba ọnọọ, dị ọpanyị aa kà boro-boro nị. Dị avaba aza ene hi ịnị ajẹngụ aa dá ẹgahị nị. 17Di Imosiisi kụ́ aza ẹnẹẹ jịnẹ hụụnị ajẹngụ aa naa gẹrị Ohomorihi nị. Dị ẹ na jẹẹ iruvo ataba nị. 18Ẹnẹyịmavara vị ana vẹ anka ịra avọọ di o chi hi ịrẹsụ ataba ọnọọ nị. Di areyi ọnọọ aa dà dụụmẹ vaa hịrẹ anka areyi ọrịra ụnọmị avọọ nị. Dị avaba ataba ọnọọ ee henyi jigi-jigi nị. 19Di ọpanyị aa sịị sụ ịrẹyịị hu avọọ nị. Di Imosiisi aa kà ịrẹyị di Ohomorihi ee tụ́ o ohi nị. 20Dị Ẹnẹyịmavara chi hi ịrẹsụ ataba Ịsịnayị dị ọ hí Imosiisi nọ ịrẹsụ ataba ọnọọ nị. Di Imosiisi hịrẹ na, 21dị Ẹnẹyịmavara kà: “Chi na di we ne hú aza ẹnẹẹ ụvọ ka asị ẹ na para ẹhwị ịzị a sị ịsa jị ẹtẹ ka vị ẹnị aa vaa dà eyi gẹ re mi nị. Kà a ka ẹ̀ẹ vavọọ mẹ ọrụrụ-ọrụrụ ẹnịnị vi ene ee su ha. 22Kà a ka ohirẹsụ irehi Ohomorihi nịnị ana àa kà a pè mi è re ka ẹnị ê tenyi ẹngụ ẹnịnị di ẹ̀ nị̄, ka à yị vị avọọ mị va sị ụya rị wa.” 23Di Imosiisi va kà a yị Ẹnẹyịmavara dị ọ ka, “Wáá yẹ ka aza ẹnịnị ẹ yị nyayịnẹ vẹ ịrẹsụ ataba Ịsịnayị. Ẹwụ ụvọta ô vịdị reè hú yi ụvọ ka ya sị ịsa tẹ ẹhwị kara ataba ọnọọ, di ya yẹ ẹhwị ana vị awụ.” 24Dị Ẹnẹyịmavara kà: “Chi na dụ wa na sị Eerọnị dị ẹwụrị ọ ọ̀ hịrẹ vẹ. Ama asị ụ zẹẹ ka ohirẹsụ irehi Ohomorihi ọnịrị aza ẹnẹẹ ẹ̀ para ẹhwị ịzị a sị ịsa jị ẹtẹ hu ka ẹnị è ve re mi. Ẹ̀ẹ para ẹhwị hú, m maa sị ụyaa rị wa nị.” 25Ịzẹyịza di Imosiisi chi ne tù aza ẹnẹẹ dị ọ vavọọ kà a yị wa nị.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.