Ọyịkụra 23
23
Ọda ọkarẹyị ana vọrọ
1 #
Kụra 20.16; Ire 19.11,12; Ọda 5.20 Asị ụ na gana ịrẹyị ireche hị́ ẹtẹ. Ọza ọ̀ọ mẹ̀ ịsa odivi, asị ụ na dọ ivenu ireche ka wa sị gụ ọ ụvọ. 2Asị ụ na saasa ọkọnị aza na mẹ̀ ịsa odivi. Àa hị́ wụ ivenu ịnị ịrẹyị asị ụ na saasa aza ọrụrụ dọ ivenu ireche. Ẹngụ ivenu ọnọọ ọ mā zẹẹ ka à mẹ̀ ọkarẹyị ana vọrọ. 3#Ire 19.15Onosiye ọ̀ọ mẹ ịrẹyị asị ụ sị gụ́ ọ. 4#Ọda 22.1-4Wàa jịrị imaaru ọnịrẹyị awụ àa vị ịkẹrịkẹtẹ anị ka ộ jị tụ́ avị, sị ọ va yọ. 5Wèe ne tù ka ịkẹrịkẹtẹ ọza ana aa kụ́ ayị awụ ka ộ hyẹdụ nya ẹtẹ e ne kune ẹnya tụra a, sị ọ kwẹẹtẹ, asị ụ vavọọ naavọ tụ́ ịzọọ. 6#Ire 19.15; Ọda 16.19Aza ẹ̀ẹ nyị ịrẹyị asị ụ na jị ịvị yị ọza ana rị ịhị ka ộ mẹhị vị onosiye. 7Asị ụ dà ịrẹyị kú ọza. Asị ụ rẹ na wụ̀ ọza ẹnẹ ẹ̀ yị nyị ịsị ọ mẹ. Ọza ana àa vavọọ mẹ, ọ vaa rị ịvị amị. 8Asị ụ dọ ochirerenu. Ochirerenu vi eneē gu ọza eyi. Ọza anaā vịdịị ka ịzẹyịza ọ̀ọ na sị ochirerenu dọ, ọ yị kụkụ zụ kà ịzẹyịza. 9#Kụra 22.21; Ire 19.33,34; Ọda 24.17,18; 27.19Asị ụ na mẹ ehuna yị ọzọga. Ẹwụ nịnị ụvọta ộ yẹ ịsị ọzọgaā hụraa ro agụvị ka wâ vịdị vị ọzọga tụ́ Ijipiti nịnị da.
Ọda ụmẹ Ụhwọtụ
10 #
Ire 25.1-7
Ịnị akakana ịrayị ịhịnọnyị di u chire ịsa hi ịnị aarẹ awụ nịnị. Ịsa ẹnẹẹ ẹ̀ẹ sị mẹ, dị ụ rẹ mẹ̀ ẹ nịnị. 11Wéē re ana tụ́ ọ ịrayị ịhịmba, asị a nyị ẹtẹ awụ nịnị ọnyọọnyị ọnị ụ kụ́ ịrịkụ nịnị. Ọvarịrayị ana àa chị hi ọ, aza ana vị onosiye ịnị awụ nịnị ẹ na mẹ̀ ẹ dị ẹ̀ naa rị ọ. Ana àa vọ tụ́ ọ, di uye ịnị avị nịnị ẹ̀ẹ rị ọ. Avọọ ụ mẹ̀ rẹ vaa mẹ ụbazị awụ nịnị ọnịrị ịzị ụ chire ọchị ana aā hị́ orivi ana aā sị ẹtụtụ anịị mẹ angwẹ tụ́ nị. 12#Kụra 20.9-11; 31.15; 34.21; 35.2; Ire 23.3; Ọda 5.13,14Ịnị akakana ẹkụhị ịhịnọnyị ụ va sị mẹ̀ ụkọrọ nị. Asị a nyị ụkọrọ ọnị ụ mẹ ịhị ẹ tụ́ ọ ẹkụhị ịhịmba. Ọnọọ vaa mẹ ka imaaru ọnịrị ịkẹrịkẹtẹ awụ è re oze tụ́ ụhwọ. Ọrịhị ana a ma ini eehi awụ ọnịrị azọga ene hi ịda awụ ẹnị re vee re oze tụ́ ụhwọ dị ẹngụ ẹnịnị tana. 13Re ka avaba ịsị mị kà wụ aanị, wâ sị eyi pè e waa saasa a. Asị ụ na hị́ ịrẹha ori ọnyọọnyị, asị a hyakụ wụ́ ka wa si irenu awụ kà ịrẹyị ẹnịnị.
Eche ẹbanyị-ẹbanyị ẹẹta ọnị Anisirẹrị vaa rị ịrayị-ịrayị
(Kụra 34.18-26; Ọda 16.1-17)
14Eche amị ọnị ụ vaa rị nịnị vị ụpẹ ẹẹta ịnị ịrayị. 15#Kụra 12.14-20; Ire 23.6-8; Ịrị 28.17-25Ụ vaa rị Eche ọnị ọza ọ̀ yị ma sị owu tụ́ ịnị ịsa anị. Ịnị ẹkụhị ịhịmba wẹ yị vaa sị owuu tụ́ ịnị ịsa awụ nịnị. Wâ tamayị ka avọọ m mẹ̀ vịdị mẹ̀ ẹ ọdaa wụ nị. Ụmẹ anị òo si tụ́ ịnị ụhwẹ Abibi du u re ka wâ vavọọ mẹ̀ ẹ. Wáā yẹ ka ịnị ụhwẹ ọnọọ ụ jịnẹ hụrẹ Ijipiti nịnị nị. Wàa vavọọ aa vaa hẹkẹ mị nịnị, asị a nyị ọza ana jị avọ osusu vẹ. 16#Ire 23.15-21; Ịrị 28.26-31; Ire 23.39-43Ụ rẹ vaa rị Eche ụmẹ ọnị ịsa ịnị aarẹ sị mẹ. Wàa naa sị ịsa ịnị aarẹ ana vịdị mẹ ụ vaa rị Eche ọnọọ nịnị nị. Ịrayị ọ̀ọ sị gẹ dị waa naa kụ́ ịsa ịnị aarẹ naa tẹ nịnị nị, ụ rẹ vaa rị Eche ụmẹ ọnị aa sịị kụ́ ịsa nee hi ịnị ụhwọ. 17Ịnị ụpẹ ẹyịta ini ụmẹ Eche ẹnẹnị ịnị ịrayị-ịrayị, anọrụ awụ nịnị vaa vẹ vaa hẹkẹ ẹmị Ẹnẹyịmavara ana vi Ohomorihi awụ nịnị. 18Wàa sị ịsụpa vaa mẹ̀ ịsọvọ mị nịnị, asị ụ zẹẹ ka ịsa ọnị waa mẹẹ tụ́ ọ ọ̀ nyị òwù. Asị ụ navọ ụhị uye ọnị wàa sị va mẹ̀ ịsọvọ mị nịnị tịtẹ nẹẹhẹ. 19#Ọda 26.2; Kụra 34.26; Ọda 14.21Ịsa ịpaapa ọnị ụ wàa sị hụụnị aarẹ awụ ụ sị ọ vẹ ini eehi ẹmị Ẹnẹyịmavara ana vi Ohomorihi awụ. Wàa chịnẹ ozi ẹvụ, asị ụ sị inono ọnyị anị tụ́ ọ chịnẹ.
Ohomorihi mẹmẹ vee sere Anisirẹrị ózee
20Mị vaa tụ́ anggẹẹrị amịị dọ ọvịdị awụ nịnị. Ọnị ọ vaa zụ̀ wụ nịnị oze dị ọ sị wụ nịnị na ngụ ịzị mi reè tenyi zi wu nịnị nị. 21Sị ụtọ pè e dị waa wụ́ ịrẹyị anị nịnị. Asị ụ na kụ̀ hịrẹ ẹ nịnị. Wàa na kụ̀ hịrẹ ẹ nịnị, ọ yị vaa vàa hụụnị anị, agụvị ka ẹma tụ̀ ọ nị. 22Wàa wụ́ ịrẹyị anị nịnị, dị waa mẹ avaba ịsị mị kà nị, ọza ana àa ka ọnị aa vị ọnịvị awụ nịnị dị ẹmị rẹ vị ọnịvị anị. Ọza ene èe pè wu nịnị zyaazị di emi ree pè e zyaazị. 23Anggẹẹrị amị vaa tụ́ ọvịdị awụ nịnị dị ọ kụ́ wụ nịnị na ngụ ịnị ẹtẹ anị Anamọrị ọnịrị Anihiti ne beri Aniperizi ọnịrị Anikenaani na vaka Anihivi ọnịrị Anijebusi ra hi ịnị anị. Ẹnị vị ẹnị ẹmị vaa dụụ hụụ ịzọọ. 24Asị u ku ẹtẹ yi ori ẹnịnị, asị ụ rẹ mẹ wa. Asị ụ saasa ịsị ẹ yaa mẹ. Ori ẹnẹẹ vị ọnị ụ vaa chakaa ha, dị ụ gara ịrẹta ịzị a yàa mẹ wa. 25Waa hẹkẹ ẹmị Ẹnẹyịmavara ana vị Ohomorihi awụ. Ịjọnọọ mị vaa mẹ ka wàa rị ịsa, wèe hú enyi, ò zee yị wụ. Mẹ yị vaa zẹẹ ka ụkụ ọ̀ za wụ nịnị. 26Anẹẹ awụ nịnị ẹ yị vaa wọ̀rọ̀ ịrẹẹ, ẹ yị rẹ vaa vị ọbọrị ịnị ẹtẹ awụ nịnị. Ẹ yị nyị ọza ọnị mị vaa dà ẹhẹ anị ẹjịjị. 27Avaba anẹkụra oni u ve nee tù nịnị, mị vaa dọ ọvịdị awụ nịnị dị mị na kụ́ angwahi hi wa ẹngụ, dị ayị ẹnịnị vazi agụvị awụ nịnị. Ọnịvị awụ nịnị vi ene vee zwee wụ nịnị. 28Mị vaa tụ́ ampoo dọ ọvịdị awụ nịnị, dị ọ na dụ Anihivi ọnịrị Anikenaani ne beri Anihiti hụrẹ oze yị wụ nịnị. 29Ama mẹ yị vaa dụ avaba ẹnịnị ịnị ịrayị ọnya. Màa dụ wa ịrayị ọnya dị ẹtẹ tịtẹ osusu nị, uye edivi va sị rụrụ hi ịnị anị dị ụvọ awụ nịnị ọ yị kara wa. 30Agụvị avọọ mị tangwa vaa dụ wa cheechee kwooze yị wụ nịnị nị, pooro dụ wa rụrụ hi ịnị ẹtẹ ọnọọ dụ wa dọ avaba anị nịnị. 31Ẹhwị ẹtẹ awụ nịnị vaa nyima hụrẹ Oku ịkẹ-ịkẹ na ngụ Oku Anihwirisiti nị Ẹwụ nịnị ọ vavọọ vaa nyị ọ hụụnị ụnọmị na ngụ ini Oku nị. Mị vaa navọ ka aza ana vịdị ra hi ịnị ẹtẹ ọnọọ wa dụ wa kwooze nịnị. 32Asị ẹwụrị wa hị́ eku yị ẹngụ tụ́ ịnị ịsa ọnyọọnyị. Asị ụ na zẹẹ ori ẹnịnị ịzẹzẹ. 33Asị ụ zẹẹ ka ẹ ra ịnị ẹtẹ awụ nịnị ka ẹ va mẹ ka wa mẹ ịvị hi mi nịnị. Ẹ̀ ẹ ra pè wu nịnị dị ẹ yaa mẹ ori ẹnịnị nị, ọ sị wụ nịnị nyeeyi, dị ọ kụ́ ịrẹyị odivi tù wu nịnị.
Currently Selected:
Ọyịkụra 23: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ọyịkụra 23
23
Ọda ọkarẹyị ana vọrọ
1 #
Kụra 20.16; Ire 19.11,12; Ọda 5.20 Asị ụ na gana ịrẹyị ireche hị́ ẹtẹ. Ọza ọ̀ọ mẹ̀ ịsa odivi, asị ụ na dọ ivenu ireche ka wa sị gụ ọ ụvọ. 2Asị ụ na saasa ọkọnị aza na mẹ̀ ịsa odivi. Àa hị́ wụ ivenu ịnị ịrẹyị asị ụ na saasa aza ọrụrụ dọ ivenu ireche. Ẹngụ ivenu ọnọọ ọ mā zẹẹ ka à mẹ̀ ọkarẹyị ana vọrọ. 3#Ire 19.15Onosiye ọ̀ọ mẹ ịrẹyị asị ụ sị gụ́ ọ. 4#Ọda 22.1-4Wàa jịrị imaaru ọnịrẹyị awụ àa vị ịkẹrịkẹtẹ anị ka ộ jị tụ́ avị, sị ọ va yọ. 5Wèe ne tù ka ịkẹrịkẹtẹ ọza ana aa kụ́ ayị awụ ka ộ hyẹdụ nya ẹtẹ e ne kune ẹnya tụra a, sị ọ kwẹẹtẹ, asị ụ vavọọ naavọ tụ́ ịzọọ. 6#Ire 19.15; Ọda 16.19Aza ẹ̀ẹ nyị ịrẹyị asị ụ na jị ịvị yị ọza ana rị ịhị ka ộ mẹhị vị onosiye. 7Asị ụ dà ịrẹyị kú ọza. Asị ụ rẹ na wụ̀ ọza ẹnẹ ẹ̀ yị nyị ịsị ọ mẹ. Ọza ana àa vavọọ mẹ, ọ vaa rị ịvị amị. 8Asị ụ dọ ochirerenu. Ochirerenu vi eneē gu ọza eyi. Ọza anaā vịdịị ka ịzẹyịza ọ̀ọ na sị ochirerenu dọ, ọ yị kụkụ zụ kà ịzẹyịza. 9#Kụra 22.21; Ire 19.33,34; Ọda 24.17,18; 27.19Asị ụ na mẹ ehuna yị ọzọga. Ẹwụ nịnị ụvọta ộ yẹ ịsị ọzọgaā hụraa ro agụvị ka wâ vịdị vị ọzọga tụ́ Ijipiti nịnị da.
Ọda ụmẹ Ụhwọtụ
10 #
Ire 25.1-7
Ịnị akakana ịrayị ịhịnọnyị di u chire ịsa hi ịnị aarẹ awụ nịnị. Ịsa ẹnẹẹ ẹ̀ẹ sị mẹ, dị ụ rẹ mẹ̀ ẹ nịnị. 11Wéē re ana tụ́ ọ ịrayị ịhịmba, asị a nyị ẹtẹ awụ nịnị ọnyọọnyị ọnị ụ kụ́ ịrịkụ nịnị. Ọvarịrayị ana àa chị hi ọ, aza ana vị onosiye ịnị awụ nịnị ẹ na mẹ̀ ẹ dị ẹ̀ naa rị ọ. Ana àa vọ tụ́ ọ, di uye ịnị avị nịnị ẹ̀ẹ rị ọ. Avọọ ụ mẹ̀ rẹ vaa mẹ ụbazị awụ nịnị ọnịrị ịzị ụ chire ọchị ana aā hị́ orivi ana aā sị ẹtụtụ anịị mẹ angwẹ tụ́ nị. 12#Kụra 20.9-11; 31.15; 34.21; 35.2; Ire 23.3; Ọda 5.13,14Ịnị akakana ẹkụhị ịhịnọnyị ụ va sị mẹ̀ ụkọrọ nị. Asị a nyị ụkọrọ ọnị ụ mẹ ịhị ẹ tụ́ ọ ẹkụhị ịhịmba. Ọnọọ vaa mẹ ka imaaru ọnịrị ịkẹrịkẹtẹ awụ è re oze tụ́ ụhwọ. Ọrịhị ana a ma ini eehi awụ ọnịrị azọga ene hi ịda awụ ẹnị re vee re oze tụ́ ụhwọ dị ẹngụ ẹnịnị tana. 13Re ka avaba ịsị mị kà wụ aanị, wâ sị eyi pè e waa saasa a. Asị ụ na hị́ ịrẹha ori ọnyọọnyị, asị a hyakụ wụ́ ka wa si irenu awụ kà ịrẹyị ẹnịnị.
Eche ẹbanyị-ẹbanyị ẹẹta ọnị Anisirẹrị vaa rị ịrayị-ịrayị
(Kụra 34.18-26; Ọda 16.1-17)
14Eche amị ọnị ụ vaa rị nịnị vị ụpẹ ẹẹta ịnị ịrayị. 15#Kụra 12.14-20; Ire 23.6-8; Ịrị 28.17-25Ụ vaa rị Eche ọnị ọza ọ̀ yị ma sị owu tụ́ ịnị ịsa anị. Ịnị ẹkụhị ịhịmba wẹ yị vaa sị owuu tụ́ ịnị ịsa awụ nịnị. Wâ tamayị ka avọọ m mẹ̀ vịdị mẹ̀ ẹ ọdaa wụ nị. Ụmẹ anị òo si tụ́ ịnị ụhwẹ Abibi du u re ka wâ vavọọ mẹ̀ ẹ. Wáā yẹ ka ịnị ụhwẹ ọnọọ ụ jịnẹ hụrẹ Ijipiti nịnị nị. Wàa vavọọ aa vaa hẹkẹ mị nịnị, asị a nyị ọza ana jị avọ osusu vẹ. 16#Ire 23.15-21; Ịrị 28.26-31; Ire 23.39-43Ụ rẹ vaa rị Eche ụmẹ ọnị ịsa ịnị aarẹ sị mẹ. Wàa naa sị ịsa ịnị aarẹ ana vịdị mẹ ụ vaa rị Eche ọnọọ nịnị nị. Ịrayị ọ̀ọ sị gẹ dị waa naa kụ́ ịsa ịnị aarẹ naa tẹ nịnị nị, ụ rẹ vaa rị Eche ụmẹ ọnị aa sịị kụ́ ịsa nee hi ịnị ụhwọ. 17Ịnị ụpẹ ẹyịta ini ụmẹ Eche ẹnẹnị ịnị ịrayị-ịrayị, anọrụ awụ nịnị vaa vẹ vaa hẹkẹ ẹmị Ẹnẹyịmavara ana vi Ohomorihi awụ nịnị. 18Wàa sị ịsụpa vaa mẹ̀ ịsọvọ mị nịnị, asị ụ zẹẹ ka ịsa ọnị waa mẹẹ tụ́ ọ ọ̀ nyị òwù. Asị ụ navọ ụhị uye ọnị wàa sị va mẹ̀ ịsọvọ mị nịnị tịtẹ nẹẹhẹ. 19#Ọda 26.2; Kụra 34.26; Ọda 14.21Ịsa ịpaapa ọnị ụ wàa sị hụụnị aarẹ awụ ụ sị ọ vẹ ini eehi ẹmị Ẹnẹyịmavara ana vi Ohomorihi awụ. Wàa chịnẹ ozi ẹvụ, asị ụ sị inono ọnyị anị tụ́ ọ chịnẹ.
Ohomorihi mẹmẹ vee sere Anisirẹrị ózee
20Mị vaa tụ́ anggẹẹrị amịị dọ ọvịdị awụ nịnị. Ọnị ọ vaa zụ̀ wụ nịnị oze dị ọ sị wụ nịnị na ngụ ịzị mi reè tenyi zi wu nịnị nị. 21Sị ụtọ pè e dị waa wụ́ ịrẹyị anị nịnị. Asị ụ na kụ̀ hịrẹ ẹ nịnị. Wàa na kụ̀ hịrẹ ẹ nịnị, ọ yị vaa vàa hụụnị anị, agụvị ka ẹma tụ̀ ọ nị. 22Wàa wụ́ ịrẹyị anị nịnị, dị waa mẹ avaba ịsị mị kà nị, ọza ana àa ka ọnị aa vị ọnịvị awụ nịnị dị ẹmị rẹ vị ọnịvị anị. Ọza ene èe pè wu nịnị zyaazị di emi ree pè e zyaazị. 23Anggẹẹrị amị vaa tụ́ ọvịdị awụ nịnị dị ọ kụ́ wụ nịnị na ngụ ịnị ẹtẹ anị Anamọrị ọnịrị Anihiti ne beri Aniperizi ọnịrị Anikenaani na vaka Anihivi ọnịrị Anijebusi ra hi ịnị anị. Ẹnị vị ẹnị ẹmị vaa dụụ hụụ ịzọọ. 24Asị u ku ẹtẹ yi ori ẹnịnị, asị ụ rẹ mẹ wa. Asị ụ saasa ịsị ẹ yaa mẹ. Ori ẹnẹẹ vị ọnị ụ vaa chakaa ha, dị ụ gara ịrẹta ịzị a yàa mẹ wa. 25Waa hẹkẹ ẹmị Ẹnẹyịmavara ana vị Ohomorihi awụ. Ịjọnọọ mị vaa mẹ ka wàa rị ịsa, wèe hú enyi, ò zee yị wụ. Mẹ yị vaa zẹẹ ka ụkụ ọ̀ za wụ nịnị. 26Anẹẹ awụ nịnị ẹ yị vaa wọ̀rọ̀ ịrẹẹ, ẹ yị rẹ vaa vị ọbọrị ịnị ẹtẹ awụ nịnị. Ẹ yị nyị ọza ọnị mị vaa dà ẹhẹ anị ẹjịjị. 27Avaba anẹkụra oni u ve nee tù nịnị, mị vaa dọ ọvịdị awụ nịnị dị mị na kụ́ angwahi hi wa ẹngụ, dị ayị ẹnịnị vazi agụvị awụ nịnị. Ọnịvị awụ nịnị vi ene vee zwee wụ nịnị. 28Mị vaa tụ́ ampoo dọ ọvịdị awụ nịnị, dị ọ na dụ Anihivi ọnịrị Anikenaani ne beri Anihiti hụrẹ oze yị wụ nịnị. 29Ama mẹ yị vaa dụ avaba ẹnịnị ịnị ịrayị ọnya. Màa dụ wa ịrayị ọnya dị ẹtẹ tịtẹ osusu nị, uye edivi va sị rụrụ hi ịnị anị dị ụvọ awụ nịnị ọ yị kara wa. 30Agụvị avọọ mị tangwa vaa dụ wa cheechee kwooze yị wụ nịnị nị, pooro dụ wa rụrụ hi ịnị ẹtẹ ọnọọ dụ wa dọ avaba anị nịnị. 31Ẹhwị ẹtẹ awụ nịnị vaa nyima hụrẹ Oku ịkẹ-ịkẹ na ngụ Oku Anihwirisiti nị Ẹwụ nịnị ọ vavọọ vaa nyị ọ hụụnị ụnọmị na ngụ ini Oku nị. Mị vaa navọ ka aza ana vịdị ra hi ịnị ẹtẹ ọnọọ wa dụ wa kwooze nịnị. 32Asị ẹwụrị wa hị́ eku yị ẹngụ tụ́ ịnị ịsa ọnyọọnyị. Asị ụ na zẹẹ ori ẹnịnị ịzẹzẹ. 33Asị ụ zẹẹ ka ẹ ra ịnị ẹtẹ awụ nịnị ka ẹ va mẹ ka wa mẹ ịvị hi mi nịnị. Ẹ̀ ẹ ra pè wu nịnị dị ẹ yaa mẹ ori ẹnịnị nị, ọ sị wụ nịnị nyeeyi, dị ọ kụ́ ịrẹyị odivi tù wu nịnị.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.