Ọyịkụra 4
4
Ohomorihi ộ sị ụkata ịvọpa yị Imosiisi
1Di Imosiisi tụ́ Ẹnẹyịmavara ohi dị ọ ka: ọ́ọ́ yẹ ka ẹnịnị ẹ yị vaa dọ ka ịzẹyịza ọnị aa kà nị. Ọ kà ẹnịnị ẹ yị vaa wụ́ ịrẹyị anị. Ọ kà ẹnịnị vị ana vaa kà a ka ireche ọnị ee che nị, ka oni o yi re Ẹnẹyịmavara. 2Dị Ẹnẹyịmavara họ̀ Imosiisi dị ọ ka, “Sị ẹ yà ịnị ụvọ anị avọọ?” Di Imosiisi ka okutẹ yọ nị. Dị Ẹnẹyịmavara rẹ ka o ne e tịtẹ. 3Di Imosiisi ne okutẹ ọnọọ tịtẹ, dị ọ sị vara ẹ́wụ́ nị. Di Imosiisi wụsẹ kà nọ ịrẹma nị. 4Dị Ẹnẹyịmavara rẹ kà a yi Imosiisi dị ọ ka, “Ọ tana ụvọ dị ọ̀ sị ọ omuta.” Di Imosiisi tana ụvọ dị sị ọ omuta, dị ẹwụ ọnọọ rẹ sị vara okutẹ tụ́ ịnị ụvọ anị nị. 5Dị Ẹnẹyịmavara kà a yị Imosiisi dị ọ ka: Òo tù ịzọọ ọ̀ vavọọ mẹ̀ ịsa ẹnẹnị. Ọnọọ vaa sị zụ̀ Anisirẹrị ka ọnị Ẹnẹyịmavara ana vị Ohomorihi oni ohiku ẹnịnị Abụrahamị, Ayiziiki ọnịrị Ijekọvụ hẹkẹ o re nị. 6Dị Ẹnẹyịmavara rẹ kà a yi Imosiisi dị ọ ka: Ọ̀ sị ụvọ chire ịrachị anị. Di Imosiisi sị ụvọ chire ịrachị anị nị nị. Ịjị ọ tụ̀ ọ di o re ka ụvọ anị vị iguha-iguha, anka ụkụ ọbanyị ọ̀ọ za ọza avọọ nị. 7Di Ohomorihi rẹ ka ọ̀ varẹma rẹ sị ụvọ anị chire ịrachị anị. Dị ọ varẹma sị ụvọ anị chire ịrachị nị. Ịjị ọ tụ̀ ọ, ụkụ ịsọọnị ộ ta hụụnị ụvọ anị, dị ụvọ anị ọnọọ kụkụ yà anka ẹngụ anị ana vọ nị. 8Di Ohomorihi ka, “Ẹ yị dọ ka ịzẹyịza aa kà nị, dị ẹ̀ yị rẹ dọ apẹrẹ ịpaapa nị, â vọrọ ka ẹ dọ apẹrẹ ọhụva.” 9Ọ kà ẹ̀ yị daka na dọ apẹrẹ ẹẹva ẹnẹnị, dị ẹ̀ yị sị ụtọ pè Imosiisi nị, dị ọ̀ ká enyi hụụnị okuha Ịnayịrị, dị ọ̀ và a hi ini eteesu. Ọ kà enyi ọnị ọ ká hụụnị Ịnayịrị avọọ vaa vara a tụ́ ini eteesu. 10Di Imosiisi ka: Ẹnẹyịmavara ọnị, ọ́ọ́ yẹ ka dị ọ va kà ịrẹyị ọnị ọ mā vịdị zị zụ kà ịrẹyị. 11Dị Ẹnẹyịmavara va ka, “Ẹnị ẹ mẹ irenu yị ọza? Ẹ̀nị ẹẹ̄ mẹ ka ọza ò gu irenu? Ẹ̀nị ẹẹ̄ mẹ ka ọza ò gu ụtọ à vị ka òo re ẹtẹ à vị ka ò gu eyi? Aanị ka ẹ yị vị ọnị Ẹnẹyịmavara? 12Dị ọ ka ọ̀ọ na, ka ọnị vaa mẹ ka ọ zụ ka ịrẹyị. Ọ rẹ ka ọnị rẹ vaa sị zụ̀ ọ ịsị a vọrọ ka ọ̀ kà.” 13Di Imosiisi ka Ẹnẹyịmavara, ọnị ka aarịhịnị ọ navọ ọ̀ tụ́ ọza ẹnẹsa nị. 14Ịjọnọọ di ebira oni Imosiisi aa mẹ sị kụ Ẹnẹyịmavara ayị nị. Dị ọ ka, “Aanị ka Eerọnị ẹnẹbẹnị anị ana vị Anireevi ọ yị yà ịzọọ? Ọ kà ọnị ộ yẹ ka ọnị ọ zụ kà ịrẹyị ẹtẹẹtẹrẹ. Ọ kà ọ hyakụ aa vẹ oze aanị, aa vaa gẹrị ọ. Ka ịnẹ anị vee hine òo re e. 15Dị ọ ka Imosiisi ọ vaa kà a yọ ịrẹyị ana àa vọrọ ka ọ̀ kà nị. Ẹnẹyịmavara ọnị vaa jẹẹ wa ịrẹma ẹ̀ẹ yaa ka ịrẹyị. Ọ kà ọnị rẹ vaa sị zụ̀ wa ịsị a vọrọ ka ẹ̀ kà. 16Dị ọ rẹ ka Eerọnị vị ana vaa dọ Imosiisi ịrẹyị ị kà a yị aza ẹnẹẹ, ọnị ọ vaa vị irenu ọkarẹyị anị nị. Ọ kà Eerọnị vị ana vaa jẹẹ yọ anka Ohomorihi mẹ reree sị ịrẹyị tụ́ ọnịsẹ anị irenu avọọ. 17Dị ọ ka Imosiisi ọ̀ sị okutẹ ọnọọ rị ụvọ, ọnị ọ vaa sịị mẹ̀ ụkọrọ ịvọpa nị.”
18Di Imosiisi varẹma ne tù Ijetiro ana vị ọyẹ anị dị ọ ka ọ̀ jẹẹ ọnị ọ̀ varẹma nọ Ijipiti di ọnị ò ne hee anda ẹnịnị ene hi ịzọọ ẹnịnị ẹ̀ẹ da hi. Dị Ijetiro ka ọ̀ naavẹ nị. 19Imosiisi mẹ yị yà Imidiyani, dị Ẹnẹyịmavara kà a yọ dị ọ ka, “Ọ̀ varẹma nọ Ijipiti agụvị ka avaba aza ene sì ka ẹnị ẹ̀ wụ̀ ọ ê wusu.” 20Di Imosiisi sị ose anị, dị ọ kụ́ ezi anị vaka a dị ọ kụ́ wa tụra ịkẹrịkẹtẹ dị ẹ sị varẹma aa nọ Ijipiti nị. Ộ sị okutẹ oni Ohomorihi ka ọ̀ sị za. 21Dị Ẹnẹyịmavara kà a yị Imosiisi dị ọ ka òo tù Ijipiti, re ka wâ mẹ avaba ịvọpa ọnị ọnị sị ụkata yọ ka ọ̀ mẹ éyi Ihwarawo. Ọ kà ama ọnị vaa mẹ ka Ihwarawo ọ̀ za ayị anị katẹngụ, dị ọ yị zẹẹ ka aza anị ẹ̀ na. 22Ọ kà dị ọ kà a yị Ihwarawo ka ọnị Ẹnẹyịmavara kà Anisirẹrị vị ozi ọzọkụ anị. 23#Kụra 12.29Kà ọnị ka ọ̀ navọ ozi anị ọ̀ na dị ọ̀ na hẹkẹ ọnị. Ọ kà a ka ọ̀ yị zẹẹ ka ẹ̀ na, ọ̀ yẹ ka vị ọnị vaa wụ̀ ozi ọzọkụ Ihwarawo nị.
24Ọ màa na ózee di e tù ịzị eē chi, dị Ẹnẹyịmavara va gẹrị ọ, dị ọ ka ọnị aa wụ̀ ọ nị. 25Di Izipora va sị ịrẹta apaana, dị ọ sị jị ozi anị ụvẹvẹnẹ nị. Dị ọ sị ụpa ọnọọ kanyị ẹngụ ọnọrụ Imosiisi dị ọ ka, “Ẹwụ ọva amị, ọnị mị sị dọ vavẹ.” 26Dị Ẹnẹyịmavara ve kwooze yọ nị. Agụvị avọọ ọ kụkụ kà ịrẹyị ọnọọ ka: dị ọ ka, “Ẹwụ ọva amị ana a sị ụvẹvẹnẹ vara ịrẹsụ.”
27Dị Ẹnẹyịmavara hị́ Eerọnị dị ọ ka: Ọ na oze ịnị ụnọmị dị ọ na gẹrị Imosiisi. Ịzẹyịza dị aa na, dị ọ na gẹrị ọ, dị ọ hara Imosiisi kú ayị nị. 28Di Imosiisi kà a yị Eerọnị avaba ụtụ ẹnị Ẹnẹyịmavara tụ́ ọ nị. Dị ọ rẹ kà a yọ avaba ịvọpa ẹnị Ẹnẹyịmavara kà a ka ọ̀ mẹ nị. 29Di Imosiisi ọnịrị Eerọnị na, dị ẹ na kụ́ avaba azọkụ Anisirẹrị gụ nị. 30Di Eerọnị kà avaba ịrẹyị ẹnị Ẹnẹyịmavara kà yi Imosiisi nị dị ọ rẹ mẹ̀ ụkọrọ ịvọpa ẹnẹẹ éyi ẹnịnị nị. 31Aza ẹnẹẹ ệ dọ ka ịrẹyị ẹnịnị vị ịzẹyịza. Ịjị ẹ wụ́ ọ ka Ẹnẹyịmavara o reè re ụya ọnị ẹnịnị aa rị, dị ịrẹyị ene tu Anisirẹrị zị ọ ẹngụ nị. Dị ẹ tana tụra ẹtẹ, dị ẹ hẹkẹ ẹ nị.
Currently Selected:
Ọyịkụra 4: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ọyịkụra 4
4
Ohomorihi ộ sị ụkata ịvọpa yị Imosiisi
1Di Imosiisi tụ́ Ẹnẹyịmavara ohi dị ọ ka: ọ́ọ́ yẹ ka ẹnịnị ẹ yị vaa dọ ka ịzẹyịza ọnị aa kà nị. Ọ kà ẹnịnị ẹ yị vaa wụ́ ịrẹyị anị. Ọ kà ẹnịnị vị ana vaa kà a ka ireche ọnị ee che nị, ka oni o yi re Ẹnẹyịmavara. 2Dị Ẹnẹyịmavara họ̀ Imosiisi dị ọ ka, “Sị ẹ yà ịnị ụvọ anị avọọ?” Di Imosiisi ka okutẹ yọ nị. Dị Ẹnẹyịmavara rẹ ka o ne e tịtẹ. 3Di Imosiisi ne okutẹ ọnọọ tịtẹ, dị ọ sị vara ẹ́wụ́ nị. Di Imosiisi wụsẹ kà nọ ịrẹma nị. 4Dị Ẹnẹyịmavara rẹ kà a yi Imosiisi dị ọ ka, “Ọ tana ụvọ dị ọ̀ sị ọ omuta.” Di Imosiisi tana ụvọ dị sị ọ omuta, dị ẹwụ ọnọọ rẹ sị vara okutẹ tụ́ ịnị ụvọ anị nị. 5Dị Ẹnẹyịmavara kà a yị Imosiisi dị ọ ka: Òo tù ịzọọ ọ̀ vavọọ mẹ̀ ịsa ẹnẹnị. Ọnọọ vaa sị zụ̀ Anisirẹrị ka ọnị Ẹnẹyịmavara ana vị Ohomorihi oni ohiku ẹnịnị Abụrahamị, Ayiziiki ọnịrị Ijekọvụ hẹkẹ o re nị. 6Dị Ẹnẹyịmavara rẹ kà a yi Imosiisi dị ọ ka: Ọ̀ sị ụvọ chire ịrachị anị. Di Imosiisi sị ụvọ chire ịrachị anị nị nị. Ịjị ọ tụ̀ ọ di o re ka ụvọ anị vị iguha-iguha, anka ụkụ ọbanyị ọ̀ọ za ọza avọọ nị. 7Di Ohomorihi rẹ ka ọ̀ varẹma rẹ sị ụvọ anị chire ịrachị anị. Dị ọ varẹma sị ụvọ anị chire ịrachị nị. Ịjị ọ tụ̀ ọ, ụkụ ịsọọnị ộ ta hụụnị ụvọ anị, dị ụvọ anị ọnọọ kụkụ yà anka ẹngụ anị ana vọ nị. 8Di Ohomorihi ka, “Ẹ yị dọ ka ịzẹyịza aa kà nị, dị ẹ̀ yị rẹ dọ apẹrẹ ịpaapa nị, â vọrọ ka ẹ dọ apẹrẹ ọhụva.” 9Ọ kà ẹ̀ yị daka na dọ apẹrẹ ẹẹva ẹnẹnị, dị ẹ̀ yị sị ụtọ pè Imosiisi nị, dị ọ̀ ká enyi hụụnị okuha Ịnayịrị, dị ọ̀ và a hi ini eteesu. Ọ kà enyi ọnị ọ ká hụụnị Ịnayịrị avọọ vaa vara a tụ́ ini eteesu. 10Di Imosiisi ka: Ẹnẹyịmavara ọnị, ọ́ọ́ yẹ ka dị ọ va kà ịrẹyị ọnị ọ mā vịdị zị zụ kà ịrẹyị. 11Dị Ẹnẹyịmavara va ka, “Ẹnị ẹ mẹ irenu yị ọza? Ẹ̀nị ẹẹ̄ mẹ ka ọza ò gu irenu? Ẹ̀nị ẹẹ̄ mẹ ka ọza ò gu ụtọ à vị ka òo re ẹtẹ à vị ka ò gu eyi? Aanị ka ẹ yị vị ọnị Ẹnẹyịmavara? 12Dị ọ ka ọ̀ọ na, ka ọnị vaa mẹ ka ọ zụ ka ịrẹyị. Ọ rẹ ka ọnị rẹ vaa sị zụ̀ ọ ịsị a vọrọ ka ọ̀ kà.” 13Di Imosiisi ka Ẹnẹyịmavara, ọnị ka aarịhịnị ọ navọ ọ̀ tụ́ ọza ẹnẹsa nị. 14Ịjọnọọ di ebira oni Imosiisi aa mẹ sị kụ Ẹnẹyịmavara ayị nị. Dị ọ ka, “Aanị ka Eerọnị ẹnẹbẹnị anị ana vị Anireevi ọ yị yà ịzọọ? Ọ kà ọnị ộ yẹ ka ọnị ọ zụ kà ịrẹyị ẹtẹẹtẹrẹ. Ọ kà ọ hyakụ aa vẹ oze aanị, aa vaa gẹrị ọ. Ka ịnẹ anị vee hine òo re e. 15Dị ọ ka Imosiisi ọ vaa kà a yọ ịrẹyị ana àa vọrọ ka ọ̀ kà nị. Ẹnẹyịmavara ọnị vaa jẹẹ wa ịrẹma ẹ̀ẹ yaa ka ịrẹyị. Ọ kà ọnị rẹ vaa sị zụ̀ wa ịsị a vọrọ ka ẹ̀ kà. 16Dị ọ rẹ ka Eerọnị vị ana vaa dọ Imosiisi ịrẹyị ị kà a yị aza ẹnẹẹ, ọnị ọ vaa vị irenu ọkarẹyị anị nị. Ọ kà Eerọnị vị ana vaa jẹẹ yọ anka Ohomorihi mẹ reree sị ịrẹyị tụ́ ọnịsẹ anị irenu avọọ. 17Dị ọ ka Imosiisi ọ̀ sị okutẹ ọnọọ rị ụvọ, ọnị ọ vaa sịị mẹ̀ ụkọrọ ịvọpa nị.”
18Di Imosiisi varẹma ne tù Ijetiro ana vị ọyẹ anị dị ọ ka ọ̀ jẹẹ ọnị ọ̀ varẹma nọ Ijipiti di ọnị ò ne hee anda ẹnịnị ene hi ịzọọ ẹnịnị ẹ̀ẹ da hi. Dị Ijetiro ka ọ̀ naavẹ nị. 19Imosiisi mẹ yị yà Imidiyani, dị Ẹnẹyịmavara kà a yọ dị ọ ka, “Ọ̀ varẹma nọ Ijipiti agụvị ka avaba aza ene sì ka ẹnị ẹ̀ wụ̀ ọ ê wusu.” 20Di Imosiisi sị ose anị, dị ọ kụ́ ezi anị vaka a dị ọ kụ́ wa tụra ịkẹrịkẹtẹ dị ẹ sị varẹma aa nọ Ijipiti nị. Ộ sị okutẹ oni Ohomorihi ka ọ̀ sị za. 21Dị Ẹnẹyịmavara kà a yị Imosiisi dị ọ ka òo tù Ijipiti, re ka wâ mẹ avaba ịvọpa ọnị ọnị sị ụkata yọ ka ọ̀ mẹ éyi Ihwarawo. Ọ kà ama ọnị vaa mẹ ka Ihwarawo ọ̀ za ayị anị katẹngụ, dị ọ yị zẹẹ ka aza anị ẹ̀ na. 22Ọ kà dị ọ kà a yị Ihwarawo ka ọnị Ẹnẹyịmavara kà Anisirẹrị vị ozi ọzọkụ anị. 23#Kụra 12.29Kà ọnị ka ọ̀ navọ ozi anị ọ̀ na dị ọ̀ na hẹkẹ ọnị. Ọ kà a ka ọ̀ yị zẹẹ ka ẹ̀ na, ọ̀ yẹ ka vị ọnị vaa wụ̀ ozi ọzọkụ Ihwarawo nị.
24Ọ màa na ózee di e tù ịzị eē chi, dị Ẹnẹyịmavara va gẹrị ọ, dị ọ ka ọnị aa wụ̀ ọ nị. 25Di Izipora va sị ịrẹta apaana, dị ọ sị jị ozi anị ụvẹvẹnẹ nị. Dị ọ sị ụpa ọnọọ kanyị ẹngụ ọnọrụ Imosiisi dị ọ ka, “Ẹwụ ọva amị, ọnị mị sị dọ vavẹ.” 26Dị Ẹnẹyịmavara ve kwooze yọ nị. Agụvị avọọ ọ kụkụ kà ịrẹyị ọnọọ ka: dị ọ ka, “Ẹwụ ọva amị ana a sị ụvẹvẹnẹ vara ịrẹsụ.”
27Dị Ẹnẹyịmavara hị́ Eerọnị dị ọ ka: Ọ na oze ịnị ụnọmị dị ọ na gẹrị Imosiisi. Ịzẹyịza dị aa na, dị ọ na gẹrị ọ, dị ọ hara Imosiisi kú ayị nị. 28Di Imosiisi kà a yị Eerọnị avaba ụtụ ẹnị Ẹnẹyịmavara tụ́ ọ nị. Dị ọ rẹ kà a yọ avaba ịvọpa ẹnị Ẹnẹyịmavara kà a ka ọ̀ mẹ nị. 29Di Imosiisi ọnịrị Eerọnị na, dị ẹ na kụ́ avaba azọkụ Anisirẹrị gụ nị. 30Di Eerọnị kà avaba ịrẹyị ẹnị Ẹnẹyịmavara kà yi Imosiisi nị dị ọ rẹ mẹ̀ ụkọrọ ịvọpa ẹnẹẹ éyi ẹnịnị nị. 31Aza ẹnẹẹ ệ dọ ka ịrẹyị ẹnịnị vị ịzẹyịza. Ịjị ẹ wụ́ ọ ka Ẹnẹyịmavara o reè re ụya ọnị ẹnịnị aa rị, dị ịrẹyị ene tu Anisirẹrị zị ọ ẹngụ nị. Dị ẹ tana tụra ẹtẹ, dị ẹ hẹkẹ ẹ nị.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.