Ọyịkụra 8
8
Ọnyọ́ ệ chaka hi ẹtẹ Ijipiti
1Dị Ẹnẹyịmavara rẹ kà a yi Imosiisi dị ọ ka: ọ̀ na kà a yị Ihwarawo ka ọnị Ẹnẹyịmavara kà ọnị ka ọ̀ hụrẹ aza anị ụvọ dị ẹ̀ na dị ẹ̀ na hẹkẹ ọnị. 2Ọ kà ẹ̀ kà a ka ọnị ka ọ̀ yị zẹẹ ka ẹ̀ na, ọnị vaa mẹ ka ọnyọ ẹ̀ chaka hi avaba aha ịnị ẹtẹ anị. Anijipiti nịnị ẹ mā rị ọnyọ, vị ọọ̄ nyị wa ịhyẹrẹ anka iruvu avọọ nị. 3Okuha Ịnayịrị vaa vị ọnyọ-ọnyọ. Ọnyọ vị ana vaa gwẹtẹ ini eehi anị ọnịrị aku ana aā sụ́ ne beri ịbẹẹdị anị bẹẹ. Ọ kà Imosiisi ọ kà a ka ọnyọ ẹnẹẹ vi ene re vee hi ini eehi aza ene pe e sị ụvọ za ịjọva ọnịrị aza anị. Arasị anị ọnịrị ẹnya eneē sii pō ịbụrẹẹdịị yọ vị ọnị ọnyọ vee jii hi. 4Ọ kà ọ̀ rẹ kà a yọ ka ọnyọ ẹnẹẹ vee jii hịrẹ ẹ ọnịrị avaba anụkọrọ anị ne beri avaba aza anị.
5Dị Ẹnẹyịmavara kà a yi Imosiisi dị ọ ka ọ̀ kà a yị Eerọnị ka ọ̀ sị okutẹ anị dị ọ̀ tana a hi orosi ọnịrị imisi, dị ọ̀ sị kụ́ ọnyọ vẹ ịnị ẹtẹ Ijipiti. 6Ịzẹyịza dị Eerọnị tana ụvọ hi enyi ene hi Ijipiti nị. Dị ọnyọ jịnẹ hi ẹhẹ, di avaba ẹtẹ ọnọọ kụkụ vị ọnyọ-ọnyọ nị. 7Dị ọnịvọpa Ihwarawo ẹnị rẹ mẹ ịvọpa dị ẹ sị kụ́ ọnyọ hi ẹtẹ ịnị ẹtẹ Ijipiti nị. 8Di Ihwarawo va tụ́ na hị́ Imosiisi ọnịrị Eerọnị dị ọ ka: Aarịhịnị ẹ̀ dá ịpẹ yị Ẹnẹyịmavara kà ọ̀ kụ́ ọnyọ ẹnẹnị kwooze yị ọnịrị aza anị. Ọ kà ọ̀ọ raà kụ́ wa ọnị vaa zẹẹ ka aza Imosiisi nịnị ẹ̀ na dị ẹ̀ na mẹ̀ ịsọvọ yị Ẹnẹyịmavara. 9Di Imosiisi tụ́ Ihwarawo ohi dị ọ ka: Ọ̀ jị̄ ẹkụhị oni o òo sì ka ọnị ọ̀ sị na kà a yị Ẹnẹyịmavara. Ọ kà ịhị ọ̀ọ jị kẹnẹ ọnị aa na nị, dị ọnị na mẹ̀ aduwa yị ọnịrị anụkọrọ anị beri aza anị. Dị ọ rẹ ka ọnị vaa dá ịpẹ ka Ẹnẹyịmavara ọ kụ́ ọnyọ kwooze hụụnị eehi ẹnịnị. Dị ahịka ini okuha Ịnayịrị kẹnẹ e kuku hi nị. 10Di Ihwarawo ka ụhwọọ yọ nị. Di Imosiisi ka ọ mẹ̀ kà a avọọ, ọ vavọọ vaa yà, dị ọ̀ yẹ ka ẹ yị nyị ọza anka Ẹnẹyịmavara ana vi Ohomorihi ayị. 11Ọ kà ọnyọ ẹnẹẹ vaa hụụ ịnị ẹngụ anị dị ẹ rẹ hụụnị eehi anụkọrọ anị ọnịrị aza anị. Ọ kà ini okuha Ịnayịrị kẹnẹ e kuku vee hi nị.
12Di Imosiisi ọnịrị Eerọnị sị hụụ ịdị Ihwarawo nị. Di Imosiisi ve nowu na za Ẹnẹyịmavara ịnị ịrẹyị ọnyọ ọnị ọ kụ́ ve tù Ihwarawo nị. 13Dị Ẹnẹyịmavara mẹ̀ ịsa oni Imosiisi da ịpẹ anịị yọ nị. Di avaba ọnyọ ene hi ini eehi ọnịrị ịnị ịkatamba ohinọyị ne beri ịnị aarẹ sú nị. Dị a kụ́ wa jẹẹ guugu nị. 14Dị avaba ẹtẹ ọnọọ ta ngụ agụ nị. 15Ama Ịjị Ihwarawo re ka ẹtẹ ọ sị rọ, dị ọ rẹ sị ayị anị kà geri-geri nị, Anka Ẹnẹyịmavara mẹ̀ vịdị kà a, Ihwarawo ọ yị dọ ịrẹyị Imosiisi ọnịrị Eerọnị tụ́ ịzọọ.
Ịhyama ệ chaka hi Ijipiti.
16Dị Ẹnẹyịmavara rẹ hị́ Imosiisi dị ọ ka, “Ọ̀ kà a yị Eerọnị ka ọ̀ tana okutẹ anị, dị ọ̀ sị nya ezi ene hi ini eteesu. Ọ kà ọ̀ọ sị sị nya a, avaba ezi ene hi avaba ẹtẹ Ijipiti vaa vara ịhyama.” 17Ịzẹyịza dị ẹ vavọọ mẹ nị. Eerọnị mẹ̀ tana okutẹ anị dị ọ sị nya ezi ene hi ini eteesu, dị ịhyama chaka kú avaba aza ọnịrị ịsụpa nị. 18Dị ọnịvọpa nịnị ẹnị rẹ sị vụrị ka ẹnị ẹpa ịva dị ịhyama ọ̀ vẹ nị. Ama ẹnịnị ẹ yị zụ mẹ̀ ẹ. Dị ịhyama hi ịnị ẹngụ aza ọnịrị ịsụpa nị. 19#Irk 11.20Dị ọnịvọpa nini va kà a yi Ihwarawo ka Ohomorihi ọ maanị mẹ̀ nị. Ama anka Ẹnẹyịmavara mẹ̀ vịdị kà a, Ihwarawo ọ sị ayị anị kà geri-geri, ọ yị zẹẹ ka ọnị ọ̀ wụ́ ịrẹyị.
Ịsị ẹnị ẹ rẹ chaka ku Anijipiti.
20Dị Ẹnẹyịmavara rẹ hị́ Imosiisi dị ọ ka: Ọ̀ kwẹẹtẹ ẹnẹnẹ viri-viri dị ọ̀ vara gẹrị Ihwarawo aa nọ ini okuha. Ọ kà dị ọ kà a yọ kà ọ̀ hụrẹ aza anị ụvọ vị ẹ̀ na dị ẹ̀ na hẹkẹ ọnị. 21Ọ kà ọ̀ kà a ka ọ̀ yị zẹẹ ka aza anị ẹ̀ na, ọnị vaa ká isii kú ọnịrị anụkọrọ anị beri aza anị ọnịrị ini eehi anị. Ọ kà ọ̀ kà a ka irehi Anijipiti vaa vi ịsị-ịsị. Eteesu ẹnị ẹ yà rẹ vaa vi ịsị-ịsị bẹẹ. 22Dị ọ ka ịhị òo si tù, ẹtẹ Igoseni ịzị aza anị hi vị ọnị ọnị vaa dàa tịtẹ vaa nyị ịsị ịzọọ. Ọ kà ọ̀ kà a ka ọ vaa yẹ ịhị ọnọọ ka ọnị Ẹnẹyịmavara yà ịnị ẹtẹ ọnọnị. 23Dị ọ ka ọ̀ rẹ kà a yọ ka ọnị vaa sị irenyi tụ́ ịnị akakana aza anị ọnịrị aza Ihwarawo. Ọ kà ọ̀ Kà a yọ ka ụhwọọ apọtẹrẹwa ọnọọ vaa vị nị. 24Ịzẹyịza dị ahịka avọọ Ẹnẹyịmavara mẹ̀ mẹ nị. Di isi maanị ká dúù ne hi ini eehi Ihwarawo nị. Avọọ ọ mẹ rẹ ka ne hi ini eehi anụkọrọ anị ọnịrị avaba Ijipiti nị. Di isi kụ́ ẹngụkata tụ̀ avaba ẹtẹ Ijipiti kẹnẹ nị. 25Di ohinọyị va tụ́ na hị́ Imosiisi ọnịrị Eerọnị dị ọ ka ẹ̀ va na mẹ̀ ịsọvọ yị Ohomorihi ẹnịnị ịzẹnị kẹ. 26Di Imosiisi ka ọ yị vọrọ ka ẹnị ẹ̀ vavọọ mẹ. Ọ kà ọọ̄ yẹ ka ịsị ẹnịị sịị̄ mẹ ịsọvọọ yị Ẹnẹyịmavara ana vị Ohomorihi ẹnịnị vi eneē du Anijipiti ẹngụ. Ọ kà ẹnị ẹ̀ẹ na sị ịsa ene eē du wa ẹngụụ mẹ̀ ịsọvọ éyi ẹnịnị, ẹ yị vị ẹ yaa sị ịrẹtaa wụ ẹnị? 27Ọ kà a nyị ka ẹnị ẹ zị ụsẹ ẹkụhị ẹẹta nọ ịnị ụnọmị dị ya na mẹ̀ ịsọvọ yị Ẹnẹyịmavara ana vị Ohomorihi ẹnịnị. Ka avọọ ọ mẹ̀ mẹ̀ ẹ ọdaa yị ẹnị nị. 28Di Ihwarawo ka ọnị aa navọ wa dị ẹ̀ na mẹ̀ ịsọvọ yị Ẹnẹyịmavara ana vị Ohomorihi ẹnịnị ịnị ụnọmị. Ama asị ẹ zị noze kẹnẹ. Dị ọ ka aarịhịnị Imosiisi ọ̀ dá ịpẹ ka à kụ́ ịsị ẹnẹnị kwooze yị ọnị. 29Di Imosiisi ka ọnị ọ̀ọ sị hụụ ịda Ihwarawo ịzẹnị kẹnẹ, ọnị aa naa dá ịpẹẹ yị Ẹnẹyịmavara. Ọ kà ụhwọọ ịsị ẹnẹẹ vaa hụrẹ ẹ ẹngụ ọnịrị anụkọrọ anị ne beri aza anị. Ọ kà ama asị o kuku vene ọnị kẹnẹ, o. Ọ kà òo si tù asị ọ rẹ na kà a ka ọnị ọ yị zẹẹ ka aza ẹnẹẹ ẹ̀ na mẹ̀ ịsọvọ yị Ẹnẹyịmavara. 30Di Imosiisi hụụ ịda Ihwarawo, dị ọ na dá ịpẹ yị Ẹnẹyịmavara nị. 31Dị Ẹnẹyịmavara mẹ̀ ịsa oni Imosiisi dá ịpẹ anịị yọ nị. Di ịsị ẹnẹẹ sị hụrẹ ẹngụ Ihwarawo ọnịrị anụkọrọ anị ne beri aza anị nị; kụkụ nyị ịsị ikonya ana vọ. 32Ama Ihwarawo vị ana sị sị ayị anị kà geri-geri ịnị ụmẹ ọnọnị bẹẹ. Ọ yị zẹẹ ka aza ẹnẹẹ ẹ̀ na.
Currently Selected:
Ọyịkụra 8: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ọyịkụra 8
8
Ọnyọ́ ệ chaka hi ẹtẹ Ijipiti
1Dị Ẹnẹyịmavara rẹ kà a yi Imosiisi dị ọ ka: ọ̀ na kà a yị Ihwarawo ka ọnị Ẹnẹyịmavara kà ọnị ka ọ̀ hụrẹ aza anị ụvọ dị ẹ̀ na dị ẹ̀ na hẹkẹ ọnị. 2Ọ kà ẹ̀ kà a ka ọnị ka ọ̀ yị zẹẹ ka ẹ̀ na, ọnị vaa mẹ ka ọnyọ ẹ̀ chaka hi avaba aha ịnị ẹtẹ anị. Anijipiti nịnị ẹ mā rị ọnyọ, vị ọọ̄ nyị wa ịhyẹrẹ anka iruvu avọọ nị. 3Okuha Ịnayịrị vaa vị ọnyọ-ọnyọ. Ọnyọ vị ana vaa gwẹtẹ ini eehi anị ọnịrị aku ana aā sụ́ ne beri ịbẹẹdị anị bẹẹ. Ọ kà Imosiisi ọ kà a ka ọnyọ ẹnẹẹ vi ene re vee hi ini eehi aza ene pe e sị ụvọ za ịjọva ọnịrị aza anị. Arasị anị ọnịrị ẹnya eneē sii pō ịbụrẹẹdịị yọ vị ọnị ọnyọ vee jii hi. 4Ọ kà ọ̀ rẹ kà a yọ ka ọnyọ ẹnẹẹ vee jii hịrẹ ẹ ọnịrị avaba anụkọrọ anị ne beri avaba aza anị.
5Dị Ẹnẹyịmavara kà a yi Imosiisi dị ọ ka ọ̀ kà a yị Eerọnị ka ọ̀ sị okutẹ anị dị ọ̀ tana a hi orosi ọnịrị imisi, dị ọ̀ sị kụ́ ọnyọ vẹ ịnị ẹtẹ Ijipiti. 6Ịzẹyịza dị Eerọnị tana ụvọ hi enyi ene hi Ijipiti nị. Dị ọnyọ jịnẹ hi ẹhẹ, di avaba ẹtẹ ọnọọ kụkụ vị ọnyọ-ọnyọ nị. 7Dị ọnịvọpa Ihwarawo ẹnị rẹ mẹ ịvọpa dị ẹ sị kụ́ ọnyọ hi ẹtẹ ịnị ẹtẹ Ijipiti nị. 8Di Ihwarawo va tụ́ na hị́ Imosiisi ọnịrị Eerọnị dị ọ ka: Aarịhịnị ẹ̀ dá ịpẹ yị Ẹnẹyịmavara kà ọ̀ kụ́ ọnyọ ẹnẹnị kwooze yị ọnịrị aza anị. Ọ kà ọ̀ọ raà kụ́ wa ọnị vaa zẹẹ ka aza Imosiisi nịnị ẹ̀ na dị ẹ̀ na mẹ̀ ịsọvọ yị Ẹnẹyịmavara. 9Di Imosiisi tụ́ Ihwarawo ohi dị ọ ka: Ọ̀ jị̄ ẹkụhị oni o òo sì ka ọnị ọ̀ sị na kà a yị Ẹnẹyịmavara. Ọ kà ịhị ọ̀ọ jị kẹnẹ ọnị aa na nị, dị ọnị na mẹ̀ aduwa yị ọnịrị anụkọrọ anị beri aza anị. Dị ọ rẹ ka ọnị vaa dá ịpẹ ka Ẹnẹyịmavara ọ kụ́ ọnyọ kwooze hụụnị eehi ẹnịnị. Dị ahịka ini okuha Ịnayịrị kẹnẹ e kuku hi nị. 10Di Ihwarawo ka ụhwọọ yọ nị. Di Imosiisi ka ọ mẹ̀ kà a avọọ, ọ vavọọ vaa yà, dị ọ̀ yẹ ka ẹ yị nyị ọza anka Ẹnẹyịmavara ana vi Ohomorihi ayị. 11Ọ kà ọnyọ ẹnẹẹ vaa hụụ ịnị ẹngụ anị dị ẹ rẹ hụụnị eehi anụkọrọ anị ọnịrị aza anị. Ọ kà ini okuha Ịnayịrị kẹnẹ e kuku vee hi nị.
12Di Imosiisi ọnịrị Eerọnị sị hụụ ịdị Ihwarawo nị. Di Imosiisi ve nowu na za Ẹnẹyịmavara ịnị ịrẹyị ọnyọ ọnị ọ kụ́ ve tù Ihwarawo nị. 13Dị Ẹnẹyịmavara mẹ̀ ịsa oni Imosiisi da ịpẹ anịị yọ nị. Di avaba ọnyọ ene hi ini eehi ọnịrị ịnị ịkatamba ohinọyị ne beri ịnị aarẹ sú nị. Dị a kụ́ wa jẹẹ guugu nị. 14Dị avaba ẹtẹ ọnọọ ta ngụ agụ nị. 15Ama Ịjị Ihwarawo re ka ẹtẹ ọ sị rọ, dị ọ rẹ sị ayị anị kà geri-geri nị, Anka Ẹnẹyịmavara mẹ̀ vịdị kà a, Ihwarawo ọ yị dọ ịrẹyị Imosiisi ọnịrị Eerọnị tụ́ ịzọọ.
Ịhyama ệ chaka hi Ijipiti.
16Dị Ẹnẹyịmavara rẹ hị́ Imosiisi dị ọ ka, “Ọ̀ kà a yị Eerọnị ka ọ̀ tana okutẹ anị, dị ọ̀ sị nya ezi ene hi ini eteesu. Ọ kà ọ̀ọ sị sị nya a, avaba ezi ene hi avaba ẹtẹ Ijipiti vaa vara ịhyama.” 17Ịzẹyịza dị ẹ vavọọ mẹ nị. Eerọnị mẹ̀ tana okutẹ anị dị ọ sị nya ezi ene hi ini eteesu, dị ịhyama chaka kú avaba aza ọnịrị ịsụpa nị. 18Dị ọnịvọpa nịnị ẹnị rẹ sị vụrị ka ẹnị ẹpa ịva dị ịhyama ọ̀ vẹ nị. Ama ẹnịnị ẹ yị zụ mẹ̀ ẹ. Dị ịhyama hi ịnị ẹngụ aza ọnịrị ịsụpa nị. 19#Irk 11.20Dị ọnịvọpa nini va kà a yi Ihwarawo ka Ohomorihi ọ maanị mẹ̀ nị. Ama anka Ẹnẹyịmavara mẹ̀ vịdị kà a, Ihwarawo ọ sị ayị anị kà geri-geri, ọ yị zẹẹ ka ọnị ọ̀ wụ́ ịrẹyị.
Ịsị ẹnị ẹ rẹ chaka ku Anijipiti.
20Dị Ẹnẹyịmavara rẹ hị́ Imosiisi dị ọ ka: Ọ̀ kwẹẹtẹ ẹnẹnẹ viri-viri dị ọ̀ vara gẹrị Ihwarawo aa nọ ini okuha. Ọ kà dị ọ kà a yọ kà ọ̀ hụrẹ aza anị ụvọ vị ẹ̀ na dị ẹ̀ na hẹkẹ ọnị. 21Ọ kà ọ̀ kà a ka ọ̀ yị zẹẹ ka aza anị ẹ̀ na, ọnị vaa ká isii kú ọnịrị anụkọrọ anị beri aza anị ọnịrị ini eehi anị. Ọ kà ọ̀ kà a ka irehi Anijipiti vaa vi ịsị-ịsị. Eteesu ẹnị ẹ yà rẹ vaa vi ịsị-ịsị bẹẹ. 22Dị ọ ka ịhị òo si tù, ẹtẹ Igoseni ịzị aza anị hi vị ọnị ọnị vaa dàa tịtẹ vaa nyị ịsị ịzọọ. Ọ kà ọ̀ kà a ka ọ vaa yẹ ịhị ọnọọ ka ọnị Ẹnẹyịmavara yà ịnị ẹtẹ ọnọnị. 23Dị ọ ka ọ̀ rẹ kà a yọ ka ọnị vaa sị irenyi tụ́ ịnị akakana aza anị ọnịrị aza Ihwarawo. Ọ kà ọ̀ Kà a yọ ka ụhwọọ apọtẹrẹwa ọnọọ vaa vị nị. 24Ịzẹyịza dị ahịka avọọ Ẹnẹyịmavara mẹ̀ mẹ nị. Di isi maanị ká dúù ne hi ini eehi Ihwarawo nị. Avọọ ọ mẹ rẹ ka ne hi ini eehi anụkọrọ anị ọnịrị avaba Ijipiti nị. Di isi kụ́ ẹngụkata tụ̀ avaba ẹtẹ Ijipiti kẹnẹ nị. 25Di ohinọyị va tụ́ na hị́ Imosiisi ọnịrị Eerọnị dị ọ ka ẹ̀ va na mẹ̀ ịsọvọ yị Ohomorihi ẹnịnị ịzẹnị kẹ. 26Di Imosiisi ka ọ yị vọrọ ka ẹnị ẹ̀ vavọọ mẹ. Ọ kà ọọ̄ yẹ ka ịsị ẹnịị sịị̄ mẹ ịsọvọọ yị Ẹnẹyịmavara ana vị Ohomorihi ẹnịnị vi eneē du Anijipiti ẹngụ. Ọ kà ẹnị ẹ̀ẹ na sị ịsa ene eē du wa ẹngụụ mẹ̀ ịsọvọ éyi ẹnịnị, ẹ yị vị ẹ yaa sị ịrẹtaa wụ ẹnị? 27Ọ kà a nyị ka ẹnị ẹ zị ụsẹ ẹkụhị ẹẹta nọ ịnị ụnọmị dị ya na mẹ̀ ịsọvọ yị Ẹnẹyịmavara ana vị Ohomorihi ẹnịnị. Ka avọọ ọ mẹ̀ mẹ̀ ẹ ọdaa yị ẹnị nị. 28Di Ihwarawo ka ọnị aa navọ wa dị ẹ̀ na mẹ̀ ịsọvọ yị Ẹnẹyịmavara ana vị Ohomorihi ẹnịnị ịnị ụnọmị. Ama asị ẹ zị noze kẹnẹ. Dị ọ ka aarịhịnị Imosiisi ọ̀ dá ịpẹ ka à kụ́ ịsị ẹnẹnị kwooze yị ọnị. 29Di Imosiisi ka ọnị ọ̀ọ sị hụụ ịda Ihwarawo ịzẹnị kẹnẹ, ọnị aa naa dá ịpẹẹ yị Ẹnẹyịmavara. Ọ kà ụhwọọ ịsị ẹnẹẹ vaa hụrẹ ẹ ẹngụ ọnịrị anụkọrọ anị ne beri aza anị. Ọ kà ama asị o kuku vene ọnị kẹnẹ, o. Ọ kà òo si tù asị ọ rẹ na kà a ka ọnị ọ yị zẹẹ ka aza ẹnẹẹ ẹ̀ na mẹ̀ ịsọvọ yị Ẹnẹyịmavara. 30Di Imosiisi hụụ ịda Ihwarawo, dị ọ na dá ịpẹ yị Ẹnẹyịmavara nị. 31Dị Ẹnẹyịmavara mẹ̀ ịsa oni Imosiisi dá ịpẹ anịị yọ nị. Di ịsị ẹnẹẹ sị hụrẹ ẹngụ Ihwarawo ọnịrị anụkọrọ anị ne beri aza anị nị; kụkụ nyị ịsị ikonya ana vọ. 32Ama Ihwarawo vị ana sị sị ayị anị kà geri-geri ịnị ụmẹ ọnọnị bẹẹ. Ọ yị zẹẹ ka aza ẹnẹẹ ẹ̀ na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.