Oyinyima 22
22
Ohomorihi ộ zama Abụrahamị re.
1 #
Ihib 11.17-19
Ộ dà kù che ẹnị ẹ maanị hị́ eku yị ẹngụ, di Ohomorihi va zama Abụrahamị re ịnị ụmẹ ọnya nị. Di Ohomorihi hị́ Abụrahamị, di Abụrahamị ka, “Hèé, ụmẹ ka.” 2#2 Ịtọ 3.1Di Ohomorihi ka ọ sị ozi anị Ayiziiki, ozi anị ikonya gene-gene ọnọọ ọnị ọ vavọọ sì ịrẹyị anị, dị ọ̀ọ nọ ịnị ẹtẹ Imoriya. Ọ kà òo tù ịzọọ, dị ọ nọ ịnị ataba ọnya ọnị ọnị vaa sị zụ̀ ọ, dị ọ wụ̀ ozi anị ọnọọ, dị ọ̀ rị ọ ịra mẹ̀ ịsọvọ yị ọnị.
3Ịzẹyịza, ẹnẹnẹ viri-viri ini eyinẹhẹ anị, dị ọ dà ọkụ ọnị ọ vaa sị rị ịsọvọ ọnọọ ịra, di o tenyi ịkẹrịkẹtẹ anị, Dị ọ kụ́ ezi ahụ aanị ẹẹva beri Ayiziiki, dị ẹ kwẹẹtẹ dị ẹ yaa nọ ịzị Ohomorihi kà yọ nị. 4Ịhyẹgwẹta eni e nyima ụsẹ, di Abụrahamị kana eyi, di ee re ịzọọ ẹ́nẹẹnẹ nị. 5Dị Abụrahamị kà a yị ezi ahụ ọnị ọnịrịị zị dị ọ ka, “Ẹnịrị ịkẹrịkẹtẹ ọnọnị ọ̀ jẹẹ ịzẹnị zi ọnị, ka ọnịrị ozi ọnọrụ ọnọnị aa nọ ịzọsọọ naa hẹkẹ Ohomorihi dị ẹnị ẹ vavẹ ve tù wa.” 6Dị Abụrahamị kụ́ ọkụ ana aa sị naa rị ịsa ịsọvọ ọnọọ ịra dị ọ sị tụra Ayiziiki ozi anị nị. Dị ọnị sị ịra ọnịrị ụhwọ nị, di ẹnị ẹyịva aa na nị. 7Di Ayiziiki va kà a yị ada anị dị ọ ka, “Ada amị.” Di ada anị ka, “Hèé, ụ mẹ̀ kà, ozi emi?” Di Ayiziiki ka, “Ho! ịra ọnịrị ọkụ yị, ye re atẹmẹ ọnị ẹnị aa sị naa mẹ̀ ịsọvọ ọnọọ?” 8Dị Abụrahamị ka, “Ozi emi, Ohomorihi ọnị ụvọta vee re ka â nyị ọnị ịdẹbaa ọnị ị vaa sị mẹ̀ ịsọvọ ọnọọ.” Dị ẹnịnị a nịị na nị.
9 #
Ije 2.21
Ịjị e tù ịzị Ohomorihi kà yị Abụrahamị, dị Abụrahamị mẹ aha ụta ịsọvọ ọnya tụ́ ịzọọ nị. Dị ọ tụ́ ọkụ ọnọọ hi ọ, dị ọ sị Ayiziiki ozi anị dị ọ sụ́ ọ dị ọ sị ọ tụra ụta ọnọọ nị. 10Di Abụrahamị tana ụvọ sị ụhwọ ka ọnị ọ̀ sị wụ ozi anị nị. 11Ama di anggẹẹrị Ẹnẹyịmavara vana yà ẹbẹẹba dị ọ hị́ Abụrahamị dị ọ ka, “Abụrahamị, Abụrahamị.” Di Abụrahamị ka, “Hèé, ụ mẹ ka?” 12Dị anggẹẹrị ọnọ ka, “Asị ọ sị ụvọ kanyị ozi ọnọọ, asị a nyị ịsị ọ sị mẹ̀ ẹ. Ọ kà ọnị ọ sị yẹ aanị ka ô hí angwa Ohomorihi ọ yị kà a ka ọnị aa si ozi anị ana vị ozi anị ikonya gene-gene tẹẹ yị ọnị.” 13Di Abụrahamị kụ̀rà eyi tụ́ ẹba nị. Ọ mẹ̀ kana eyi, di o re ka â nyị ịdẹba ọnya aanị ẹnị ẹchịchị za ọpanyị tụ́ ịrẹma anị nị. Di Abụrahamị na sị ịdẹba ọnọọ, dị ọ wụ̀ ọ dị ọ rị ọ ịra mẹ̀ ịsọvọ yị Ohomorihi nị. Ọnị ọ vana sị dọ ozi anị ịrẹsụ nị. 14Di Abụrahamị kụkụ ka ịrẹha ịzọọ ọ rị Ẹnẹyịmavara vee re tụ ọ. Avọọ a mẹ̀ kụkụ aa hị́ ọ pooro ve tù ajịnị nị. Ịrẹsụ ataba anị ọnọọ Ẹnẹyịmavara vee re tụ́ ọ nị.
15Di anggẹẹrị Ẹnẹyịmavara yà ẹbẹẹba dị ọ rẹ hị́ Abụrahamị ụpọhụva, 16#Ihib 6.13,14dị ọ ka: Ẹnẹyịmavara kà ọnị ọ raà sị ẹngụ anị hị́ eku ka ọnị vaa mẹ ka ò zee yọ ịzẹyịza, agụvị ịsa ọnị ọ mẹ dị ọ yị sị ozi ọnị, ana vị ozi anị ikonya gene-gene tẹ yị ọnị. 17#Ihib 11.12Ọ kà ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị avọọ ọnịrị ààrẹ ene hi ụtọ òkū. Ọ kà ụnaka anị e vee huna ọnịvị ẹnịnị nị dị ẹ dọ wa ẹkụra ẹnịnị. 18#Ụkọ 3.25Ọ kà ọ mẹ̀ maanị wụ́ ịrẹyị anị, ọ ka anẹkụra vị ana vaa kà a ka ọ maa navọ ò zee yị ẹnị anka o mè zee yị ezi anị ịrẹma-ịrẹma. 19Di Abụrahamị varẹma ne tù ezi ahụ anị di e dudu kwẹẹtẹ, dị ẹ varẹma nọ Ịbẹẹsẹba nị. Di Abụrahamị ra Ịbẹẹsẹba ịzọọ nị.
Evere Ịnahọ̀
20Ịrẹma ọnị ịrẹyị ẹnẹnị maanị sị mẹ, dị a va ka à yị Abụrahamị dị a ka: Ọ́ọ́ yẹ ka Imirika ọnị ọ rẹ si ezi ma yị Ịnahọ̀ ọyịnyara Abụrahamị 21Ozi ịpaapa anị ọ rị Uzi, dị ọhụva anị rị Ibuzi nị. Ana vọ yị: Ikemụwẹrị ana vana vị ada Aramị, 22Ikesedi, Ihazo, Ipiridasi, Ijidirahwi, ne beri Ibetuwẹrị. 23Ibetuwẹrị ọ vana vị ada Irebeka nị. Ezi ịhịnta ẹnẹnị Imirika ma yị Ịnahọ̀ ana vị ọyịnyara Abụrahamị nị. 24Onyeehi Ịnahọ ana rị Iruma ọ ma Iteba, Igahami ọnịrị Itahasi ne beri Imaaka yọ nị.
Currently Selected:
Oyinyima 22: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Oyinyima 22
22
Ohomorihi ộ zama Abụrahamị re.
1 #
Ihib 11.17-19
Ộ dà kù che ẹnị ẹ maanị hị́ eku yị ẹngụ, di Ohomorihi va zama Abụrahamị re ịnị ụmẹ ọnya nị. Di Ohomorihi hị́ Abụrahamị, di Abụrahamị ka, “Hèé, ụmẹ ka.” 2#2 Ịtọ 3.1Di Ohomorihi ka ọ sị ozi anị Ayiziiki, ozi anị ikonya gene-gene ọnọọ ọnị ọ vavọọ sì ịrẹyị anị, dị ọ̀ọ nọ ịnị ẹtẹ Imoriya. Ọ kà òo tù ịzọọ, dị ọ nọ ịnị ataba ọnya ọnị ọnị vaa sị zụ̀ ọ, dị ọ wụ̀ ozi anị ọnọọ, dị ọ̀ rị ọ ịra mẹ̀ ịsọvọ yị ọnị.
3Ịzẹyịza, ẹnẹnẹ viri-viri ini eyinẹhẹ anị, dị ọ dà ọkụ ọnị ọ vaa sị rị ịsọvọ ọnọọ ịra, di o tenyi ịkẹrịkẹtẹ anị, Dị ọ kụ́ ezi ahụ aanị ẹẹva beri Ayiziiki, dị ẹ kwẹẹtẹ dị ẹ yaa nọ ịzị Ohomorihi kà yọ nị. 4Ịhyẹgwẹta eni e nyima ụsẹ, di Abụrahamị kana eyi, di ee re ịzọọ ẹ́nẹẹnẹ nị. 5Dị Abụrahamị kà a yị ezi ahụ ọnị ọnịrịị zị dị ọ ka, “Ẹnịrị ịkẹrịkẹtẹ ọnọnị ọ̀ jẹẹ ịzẹnị zi ọnị, ka ọnịrị ozi ọnọrụ ọnọnị aa nọ ịzọsọọ naa hẹkẹ Ohomorihi dị ẹnị ẹ vavẹ ve tù wa.” 6Dị Abụrahamị kụ́ ọkụ ana aa sị naa rị ịsa ịsọvọ ọnọọ ịra dị ọ sị tụra Ayiziiki ozi anị nị. Dị ọnị sị ịra ọnịrị ụhwọ nị, di ẹnị ẹyịva aa na nị. 7Di Ayiziiki va kà a yị ada anị dị ọ ka, “Ada amị.” Di ada anị ka, “Hèé, ụ mẹ̀ kà, ozi emi?” Di Ayiziiki ka, “Ho! ịra ọnịrị ọkụ yị, ye re atẹmẹ ọnị ẹnị aa sị naa mẹ̀ ịsọvọ ọnọọ?” 8Dị Abụrahamị ka, “Ozi emi, Ohomorihi ọnị ụvọta vee re ka â nyị ọnị ịdẹbaa ọnị ị vaa sị mẹ̀ ịsọvọ ọnọọ.” Dị ẹnịnị a nịị na nị.
9 #
Ije 2.21
Ịjị e tù ịzị Ohomorihi kà yị Abụrahamị, dị Abụrahamị mẹ aha ụta ịsọvọ ọnya tụ́ ịzọọ nị. Dị ọ tụ́ ọkụ ọnọọ hi ọ, dị ọ sị Ayiziiki ozi anị dị ọ sụ́ ọ dị ọ sị ọ tụra ụta ọnọọ nị. 10Di Abụrahamị tana ụvọ sị ụhwọ ka ọnị ọ̀ sị wụ ozi anị nị. 11Ama di anggẹẹrị Ẹnẹyịmavara vana yà ẹbẹẹba dị ọ hị́ Abụrahamị dị ọ ka, “Abụrahamị, Abụrahamị.” Di Abụrahamị ka, “Hèé, ụ mẹ ka?” 12Dị anggẹẹrị ọnọ ka, “Asị ọ sị ụvọ kanyị ozi ọnọọ, asị a nyị ịsị ọ sị mẹ̀ ẹ. Ọ kà ọnị ọ sị yẹ aanị ka ô hí angwa Ohomorihi ọ yị kà a ka ọnị aa si ozi anị ana vị ozi anị ikonya gene-gene tẹẹ yị ọnị.” 13Di Abụrahamị kụ̀rà eyi tụ́ ẹba nị. Ọ mẹ̀ kana eyi, di o re ka â nyị ịdẹba ọnya aanị ẹnị ẹchịchị za ọpanyị tụ́ ịrẹma anị nị. Di Abụrahamị na sị ịdẹba ọnọọ, dị ọ wụ̀ ọ dị ọ rị ọ ịra mẹ̀ ịsọvọ yị Ohomorihi nị. Ọnị ọ vana sị dọ ozi anị ịrẹsụ nị. 14Di Abụrahamị kụkụ ka ịrẹha ịzọọ ọ rị Ẹnẹyịmavara vee re tụ ọ. Avọọ a mẹ̀ kụkụ aa hị́ ọ pooro ve tù ajịnị nị. Ịrẹsụ ataba anị ọnọọ Ẹnẹyịmavara vee re tụ́ ọ nị.
15Di anggẹẹrị Ẹnẹyịmavara yà ẹbẹẹba dị ọ rẹ hị́ Abụrahamị ụpọhụva, 16#Ihib 6.13,14dị ọ ka: Ẹnẹyịmavara kà ọnị ọ raà sị ẹngụ anị hị́ eku ka ọnị vaa mẹ ka ò zee yọ ịzẹyịza, agụvị ịsa ọnị ọ mẹ dị ọ yị sị ozi ọnị, ana vị ozi anị ikonya gene-gene tẹ yị ọnị. 17#Ihib 11.12Ọ kà ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị avọọ ọnịrị ààrẹ ene hi ụtọ òkū. Ọ kà ụnaka anị e vee huna ọnịvị ẹnịnị nị dị ẹ dọ wa ẹkụra ẹnịnị. 18#Ụkọ 3.25Ọ kà ọ mẹ̀ maanị wụ́ ịrẹyị anị, ọ ka anẹkụra vị ana vaa kà a ka ọ maa navọ ò zee yị ẹnị anka o mè zee yị ezi anị ịrẹma-ịrẹma. 19Di Abụrahamị varẹma ne tù ezi ahụ anị di e dudu kwẹẹtẹ, dị ẹ varẹma nọ Ịbẹẹsẹba nị. Di Abụrahamị ra Ịbẹẹsẹba ịzọọ nị.
Evere Ịnahọ̀
20Ịrẹma ọnị ịrẹyị ẹnẹnị maanị sị mẹ, dị a va ka à yị Abụrahamị dị a ka: Ọ́ọ́ yẹ ka Imirika ọnị ọ rẹ si ezi ma yị Ịnahọ̀ ọyịnyara Abụrahamị 21Ozi ịpaapa anị ọ rị Uzi, dị ọhụva anị rị Ibuzi nị. Ana vọ yị: Ikemụwẹrị ana vana vị ada Aramị, 22Ikesedi, Ihazo, Ipiridasi, Ijidirahwi, ne beri Ibetuwẹrị. 23Ibetuwẹrị ọ vana vị ada Irebeka nị. Ezi ịhịnta ẹnẹnị Imirika ma yị Ịnahọ̀ ana vị ọyịnyara Abụrahamị nị. 24Onyeehi Ịnahọ ana rị Iruma ọ ma Iteba, Igahami ọnịrị Itahasi ne beri Imaaka yọ nị.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.