Oyinyima 26
26
Ayiziiki ọ na ra Igerari
1Ịnị ụmẹ ọnya ụngwẹ o re nyima aa kụ̀ ịnị ẹtẹ ọnọọ. Ọnọnị vị ụngwẹ irenyi yị ụngwẹ ana vịdị kụ̀ ịnị ụmẹ Abụrahamị. Di Ayiziiki kụ̀ra nọ Igera, ịda ohinọyị ana aā hị́ Abimẹrẹkị nị. Ọnị ọ vị ohinọyị Anihwirisiti nịnị nị. 2Di Ẹnẹyịmavara sị ẹngụ zụ̀ Ayiziiki dị ọ kà a yọ ka, “Asị ọ nọ Ijipiti. Ọ kà ọnị vaa kà a yọ ịzị a vọrọ ka ò ku udi tụ̀ ịnị ẹtẹ ọnọnị. 3#Oyn 22.16-18Ọ kà ọ̀ maanị yà ịnị ẹtẹ ọnọnị, ka ọnị vaa yàa pè e dị ọnị mẹ ka ò zee yọ. Ọ kà ọnịrị ezi anị ịrẹma-ịrẹma ọnị vaa sị avaba ẹtẹ ẹnẹnịị yị nị. Avaba ịsị ọnị hị́ eku ka ọnị vaa mẹ yị ada anị Abụrahamị vị ọnị ọnị vaa mẹẹ yọ. 4Ọ rẹ ka ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị ene hi ini eguhi. Ọ rẹ ka Ezi anị ọnị vaa sị avaba ẹtẹ ẹnẹnị yị nị. Anẹkụra vị ana vaa kà a ka ò zee yị ẹnị anka o mè zee yọ. 5Ọ kà ọnị vavọọ vaa mẹ̀ ẹ agụvị ka Abụrahamị ộ wụ́ ịrẹyị anị, dị ọ rẹ sị ụvọ za avaba ọda anị nị.” 6Ịzẹyịza di Ayiziiki ra Igerari nị.
7 #
Oyn 12.13; 20.2 Ụmẹ ọnya di anọrụ ene hi ịzọọ họ̀ ọ use ka ose anị Irebeka wáá vị nị? Dị ọ ka: Ọyịnyara anịị yọ nọ. Angwa eehi ọ, ọ yị nyayịnẹ kà a ka ose anịị yọ. Ee ro o ka anịzọọ va hụ agụvị Irebeka sị ọnị wụ̀, agụvị ka Irebeka ọnị ô zoza. 8Ọ mẹ̀ dà ku oni Ayiziiki ra ịzọọ, ẹkụhị ọnya di aa kụ́ ụvọọ sisi Irebeka ose anị ẹngụ, dị ẹ yaa mẹ aahẹ nị. Di Abimẹrẹkị ohinọyị Anihwirisiti dà eyi gẹ ini ozokete, dị ọ sị wa re nị. 9Di Abimẹrẹkị va hị́ Ayiziiki dị ọ ka, “Ọ́ọ́ yẹ ka ọnị ọ sị yẹ ka ose anị ọ vị nị? Di ọ rẹ ka sị ẹ vẹ dị ọ ka ọyịnyara anịị yọ nị? Di Ayiziiki tụ́ o ohi dị ọ ka: Vi oni ro ka ọ va hụ agụvị anị wụ ọnị nọ.” 10Di Abimẹrẹkị ka, “Sị ọ ka ọnị aa mẹ aanị? Ọ kà Ọza ịnya ọ nyẹngụ yaanị re ose anị, dị ọ ka ọnịrị ọ aa sụ. Dị ọ yaanị raà mẹ ka ẹnị ẹ rị ịvị Ohomorihi.” 11Di Abimẹrẹkị va hị́ avaba aza anị dị ọ kà wa ọ̀nọ̀, dị ọ ka ọza ana àa kanyị ọnọrụ ọnọọ àa vị ose anị, vị a vaa wụ̀ ọ nị.
12Ịnị ịrayị ọnọọ, Ayiziiki ô chire ịsa tụ́ ịnị ẹtẹ ọnọọ, dị ọ mẹ ẹtẹẹtẹrẹ. Ịsị o chire ọ varẹma re e sị oze ẹchẹhị. Ẹnẹyịmavara ộ mẹ̀ ka ò zee yọ, 13dị ọ sị vara ọzọbanyị nị. Avọọ ọ màa yịị rị ọgụ tụ́ ịnị ọgụ, dị ọ sị vara opisa nị. 14Ộ nyị atẹmẹ ọnịrị imaaru rụrụ. Avọọ ọ mẹ̀ rẹ nyị ezi ahụ nị. Ụbanyị anị ọnọnị ộ mẹ̀ ka Anihwirisiti è kukuu pè e kụ́ ụ̄hị́. 15Ịnị ụmẹ ana Abụrahamị ada Ayiziiki sị yà ẹhẹ, ezi ahụ anị ệ chị ịkangga ẹnyị aanị hi ịzọọ. Di Anihwirisiti kụ́ ezi hi ịnị ịkangga ẹnẹẹ, di e hi ọ nị. 16Ẹkụhị ọnya di Abimẹrẹkị kà a yị Ayiziiki dị ọ ka, “Ọ̀ huu ịda ẹnịnị ịzẹnị, agụvị ka ọ sị ụkata nyị huna ẹnị.”
17Ịzẹyịza di Ayiziiki hụụ ịzọọ, dị ọ na jị ajẹngụ tụ́ ini ozi Igera, dị ọ yà ịzọọ nị. 18Di Ayiziiki rẹ varẹma chị ịkangga ẹnẹẹ ana ada anị Abụrahamị vịdị chị di Anihwirisiti nịnị kụ́ ezi hi ọ nị Abụrahamị mè wusu nị. Di ahịka ịrẹha ana ada anị vịdị aa hị́ ịkangga ẹnẹẹ ọnị raa hị́ wa nị. 19Ụmẹ ọnya ezi ahụ Ayiziiki ệ chị ịkangga ini ozi ịzọọ, dị e ne tụ́ enyi ene ee vuwe nị. 20Di Anigerari ana aa kụ́ ịsụpaa rị ee pe aza Ayiziiki ana raa kụ́ ịsụpaa rị zune ịkangga ọnọọ nị. Ẹnịnị ka ẹnị ẹ nyị enyi ọnọọ nị. Agụvị avọọ di Ayiziiki ka ịkangga ọnọọ ọ rị “Ịkangga Ịrazị” nị, agụvị ka ê pe e zune e. 21Ezi ahụ Ayiziiki ẹ rẹ chị ịkangga ọsa, di aza ẹnẹẹ re pè e zune e nị. Di Ayiziiki ka ịkangga ọnọọ ọ rị “ọnịvị” nị. 22Ayiziiki ộ hụrị eyi ọnọọ, dị ọ nọ aha ọsa nị. Ộ rẹ chị ịkangga ọsa tụ́ ịzọọ, ama ọza ọ yị daba pè e zune ọnọọ. Dị ọ ka ọnọọ ọ rị “Ẹtẹ ộ tịnọ” nị. Ọ kà Ẹnẹyịmavara ọ raà mẹ ka ẹtẹ ọ tịnọ yị, o vee zee yi ịzẹnị.
23Di Ayiziiki hụụ ịzọọ, di aa nọ Ịbẹẹsẹba nị. 24Ịrahụ ịhị ọnọọ, Ẹnẹyịmavara ọ sị ẹngụ zụ ọ, dị ọ kà a yọ dị ọ ka, “Ẹma vị Ohomorihi Abụrahamị ada awụ nị. Asị u hí angwa agụvị ka mị yà pè wu. Mị vaa hụ agụvị Abụrahamị ozi ahụ amị dị mị mẹ ka ò zee wu, dị mị mẹ ka ezi ewu ẹ̀ rụrụ.” 25Di Ayiziiki hi ụta tụ́ ịzọọ, di aa mẹ̀ aduwa hi Ẹnẹyịmavara nị. Dị ọ jị ajẹngụ anị tụ́ ịzọọ nị. Di ezi ahụ anị rẹ chị ịkangga tụ́ ịzọọ nị.
Ayiziiki ọnịrị Abimẹrẹkị ệ hị́ eku yị ẹngụ
26 #
Oyn 21.22
Ẹkụhị ọnya Abimẹrẹkị ọnịrị Ahuza ana vi onuwọjị anị ne beri ọga isoja anị ana aā hị́ Ipikori ệ hụrẹ Igera ne heyi Ayiziiki. 27Di Ayiziiki ka, “Si ee vee hee ọnị aa mẹ? Áá vị ọnị aa kụ́ ayị anị, dị ọ dụ ọnị hụụ ịda anị.” 28Dị ẹnịnị ka, “Ẹnị é reè re e booro aanị ka Ẹnẹyịmavara vị ana yà pè e. Dị ẹnị ka ẹnị ẹ hị́ eku yị ẹngụ nị. Ọ kà ẹ̀ vẹ ẹnị ẹ̀ hị́ eku yị ẹngụ 29ka ọ yị vaa kanyị ẹnị. Ọ kà ọ yẹ ka ẹnị ẹ yị rẹ kanyị ọ, ẹnị ẹ yị mẹ̀ ẹ odivi. Ọyịza ẹnị mẹ̀ ẹ nị, dị ẹnị sị ẹngwọọrọ kà a yọ ka ọ̀ hụụ ịda ẹnịnị nị. Ẹnẹyịmavara ọ raà mẹ ka ò zee yọ.” 30Ayiziiki ộ mẹ̀ ịsa yị wa, dị ẹ rị di e hú nị. 31Ẹnẹnẹ, di e jintu kwẹẹtẹ, di e dudu hị́ eku yị ẹngụ nị. Di Ayiziiki sị wa na tụ́ dị ẹ yaa nọ eehi ẹnịnị ẹngwọọrọ-ẹngwọọrọ nị. 32Ịhị ọnọọ gẹdẹ-gẹdẹ di ezi ahụ Ayiziiki va ka a yọ ka ẹnị ẹ sị enyi re ịnị ịkangga ọnị ẹnị aa chị nị. 33Di Ayiziiki ka ịkangga ọnọọ ọ rị “Ịzị a hị́ eku” nị. Agụvị avọọ a kụkụ aa hị́ ẹkụra ọnọọ Ịbẹẹsẹba ve tù ajịnị nị (Oyn 21.31).
Anẹẹ anikinamị oni Iisọ nyị
34Iisọ mẹ̀ sị gụ ịrayị ẹbẹẹva, dị ọ na nyị Ijuditi ka ọ̀ vi ose anị nị. Ijuditi vị ozi Ibeeri Anihiti. Dị ọ rẹ na nyị ọnẹẹ ana aā hị́ Ibasemati nị. Ibasemati ọnị rẹ vị ozi Ẹrọnị Anihiti. 35Ẹnịnị ệ kụ́ ọ zigi Ayiziiki ọnịrị Irebeka ẹtẹẹtẹrẹ.
Currently Selected:
Oyinyima 26: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Oyinyima 26
26
Ayiziiki ọ na ra Igerari
1Ịnị ụmẹ ọnya ụngwẹ o re nyima aa kụ̀ ịnị ẹtẹ ọnọọ. Ọnọnị vị ụngwẹ irenyi yị ụngwẹ ana vịdị kụ̀ ịnị ụmẹ Abụrahamị. Di Ayiziiki kụ̀ra nọ Igera, ịda ohinọyị ana aā hị́ Abimẹrẹkị nị. Ọnị ọ vị ohinọyị Anihwirisiti nịnị nị. 2Di Ẹnẹyịmavara sị ẹngụ zụ̀ Ayiziiki dị ọ kà a yọ ka, “Asị ọ nọ Ijipiti. Ọ kà ọnị vaa kà a yọ ịzị a vọrọ ka ò ku udi tụ̀ ịnị ẹtẹ ọnọnị. 3#Oyn 22.16-18Ọ kà ọ̀ maanị yà ịnị ẹtẹ ọnọnị, ka ọnị vaa yàa pè e dị ọnị mẹ ka ò zee yọ. Ọ kà ọnịrị ezi anị ịrẹma-ịrẹma ọnị vaa sị avaba ẹtẹ ẹnẹnịị yị nị. Avaba ịsị ọnị hị́ eku ka ọnị vaa mẹ yị ada anị Abụrahamị vị ọnị ọnị vaa mẹẹ yọ. 4Ọ rẹ ka ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị ene hi ini eguhi. Ọ rẹ ka Ezi anị ọnị vaa sị avaba ẹtẹ ẹnẹnị yị nị. Anẹkụra vị ana vaa kà a ka ò zee yị ẹnị anka o mè zee yọ. 5Ọ kà ọnị vavọọ vaa mẹ̀ ẹ agụvị ka Abụrahamị ộ wụ́ ịrẹyị anị, dị ọ rẹ sị ụvọ za avaba ọda anị nị.” 6Ịzẹyịza di Ayiziiki ra Igerari nị.
7 #
Oyn 12.13; 20.2 Ụmẹ ọnya di anọrụ ene hi ịzọọ họ̀ ọ use ka ose anị Irebeka wáá vị nị? Dị ọ ka: Ọyịnyara anịị yọ nọ. Angwa eehi ọ, ọ yị nyayịnẹ kà a ka ose anịị yọ. Ee ro o ka anịzọọ va hụ agụvị Irebeka sị ọnị wụ̀, agụvị ka Irebeka ọnị ô zoza. 8Ọ mẹ̀ dà ku oni Ayiziiki ra ịzọọ, ẹkụhị ọnya di aa kụ́ ụvọọ sisi Irebeka ose anị ẹngụ, dị ẹ yaa mẹ aahẹ nị. Di Abimẹrẹkị ohinọyị Anihwirisiti dà eyi gẹ ini ozokete, dị ọ sị wa re nị. 9Di Abimẹrẹkị va hị́ Ayiziiki dị ọ ka, “Ọ́ọ́ yẹ ka ọnị ọ sị yẹ ka ose anị ọ vị nị? Di ọ rẹ ka sị ẹ vẹ dị ọ ka ọyịnyara anịị yọ nị? Di Ayiziiki tụ́ o ohi dị ọ ka: Vi oni ro ka ọ va hụ agụvị anị wụ ọnị nọ.” 10Di Abimẹrẹkị ka, “Sị ọ ka ọnị aa mẹ aanị? Ọ kà Ọza ịnya ọ nyẹngụ yaanị re ose anị, dị ọ ka ọnịrị ọ aa sụ. Dị ọ yaanị raà mẹ ka ẹnị ẹ rị ịvị Ohomorihi.” 11Di Abimẹrẹkị va hị́ avaba aza anị dị ọ kà wa ọ̀nọ̀, dị ọ ka ọza ana àa kanyị ọnọrụ ọnọọ àa vị ose anị, vị a vaa wụ̀ ọ nị.
12Ịnị ịrayị ọnọọ, Ayiziiki ô chire ịsa tụ́ ịnị ẹtẹ ọnọọ, dị ọ mẹ ẹtẹẹtẹrẹ. Ịsị o chire ọ varẹma re e sị oze ẹchẹhị. Ẹnẹyịmavara ộ mẹ̀ ka ò zee yọ, 13dị ọ sị vara ọzọbanyị nị. Avọọ ọ màa yịị rị ọgụ tụ́ ịnị ọgụ, dị ọ sị vara opisa nị. 14Ộ nyị atẹmẹ ọnịrị imaaru rụrụ. Avọọ ọ mẹ̀ rẹ nyị ezi ahụ nị. Ụbanyị anị ọnọnị ộ mẹ̀ ka Anihwirisiti è kukuu pè e kụ́ ụ̄hị́. 15Ịnị ụmẹ ana Abụrahamị ada Ayiziiki sị yà ẹhẹ, ezi ahụ anị ệ chị ịkangga ẹnyị aanị hi ịzọọ. Di Anihwirisiti kụ́ ezi hi ịnị ịkangga ẹnẹẹ, di e hi ọ nị. 16Ẹkụhị ọnya di Abimẹrẹkị kà a yị Ayiziiki dị ọ ka, “Ọ̀ huu ịda ẹnịnị ịzẹnị, agụvị ka ọ sị ụkata nyị huna ẹnị.”
17Ịzẹyịza di Ayiziiki hụụ ịzọọ, dị ọ na jị ajẹngụ tụ́ ini ozi Igera, dị ọ yà ịzọọ nị. 18Di Ayiziiki rẹ varẹma chị ịkangga ẹnẹẹ ana ada anị Abụrahamị vịdị chị di Anihwirisiti nịnị kụ́ ezi hi ọ nị Abụrahamị mè wusu nị. Di ahịka ịrẹha ana ada anị vịdị aa hị́ ịkangga ẹnẹẹ ọnị raa hị́ wa nị. 19Ụmẹ ọnya ezi ahụ Ayiziiki ệ chị ịkangga ini ozi ịzọọ, dị e ne tụ́ enyi ene ee vuwe nị. 20Di Anigerari ana aa kụ́ ịsụpaa rị ee pe aza Ayiziiki ana raa kụ́ ịsụpaa rị zune ịkangga ọnọọ nị. Ẹnịnị ka ẹnị ẹ nyị enyi ọnọọ nị. Agụvị avọọ di Ayiziiki ka ịkangga ọnọọ ọ rị “Ịkangga Ịrazị” nị, agụvị ka ê pe e zune e. 21Ezi ahụ Ayiziiki ẹ rẹ chị ịkangga ọsa, di aza ẹnẹẹ re pè e zune e nị. Di Ayiziiki ka ịkangga ọnọọ ọ rị “ọnịvị” nị. 22Ayiziiki ộ hụrị eyi ọnọọ, dị ọ nọ aha ọsa nị. Ộ rẹ chị ịkangga ọsa tụ́ ịzọọ, ama ọza ọ yị daba pè e zune ọnọọ. Dị ọ ka ọnọọ ọ rị “Ẹtẹ ộ tịnọ” nị. Ọ kà Ẹnẹyịmavara ọ raà mẹ ka ẹtẹ ọ tịnọ yị, o vee zee yi ịzẹnị.
23Di Ayiziiki hụụ ịzọọ, di aa nọ Ịbẹẹsẹba nị. 24Ịrahụ ịhị ọnọọ, Ẹnẹyịmavara ọ sị ẹngụ zụ ọ, dị ọ kà a yọ dị ọ ka, “Ẹma vị Ohomorihi Abụrahamị ada awụ nị. Asị u hí angwa agụvị ka mị yà pè wu. Mị vaa hụ agụvị Abụrahamị ozi ahụ amị dị mị mẹ ka ò zee wu, dị mị mẹ ka ezi ewu ẹ̀ rụrụ.” 25Di Ayiziiki hi ụta tụ́ ịzọọ, di aa mẹ̀ aduwa hi Ẹnẹyịmavara nị. Dị ọ jị ajẹngụ anị tụ́ ịzọọ nị. Di ezi ahụ anị rẹ chị ịkangga tụ́ ịzọọ nị.
Ayiziiki ọnịrị Abimẹrẹkị ệ hị́ eku yị ẹngụ
26 #
Oyn 21.22
Ẹkụhị ọnya Abimẹrẹkị ọnịrị Ahuza ana vi onuwọjị anị ne beri ọga isoja anị ana aā hị́ Ipikori ệ hụrẹ Igera ne heyi Ayiziiki. 27Di Ayiziiki ka, “Si ee vee hee ọnị aa mẹ? Áá vị ọnị aa kụ́ ayị anị, dị ọ dụ ọnị hụụ ịda anị.” 28Dị ẹnịnị ka, “Ẹnị é reè re e booro aanị ka Ẹnẹyịmavara vị ana yà pè e. Dị ẹnị ka ẹnị ẹ hị́ eku yị ẹngụ nị. Ọ kà ẹ̀ vẹ ẹnị ẹ̀ hị́ eku yị ẹngụ 29ka ọ yị vaa kanyị ẹnị. Ọ kà ọ yẹ ka ẹnị ẹ yị rẹ kanyị ọ, ẹnị ẹ yị mẹ̀ ẹ odivi. Ọyịza ẹnị mẹ̀ ẹ nị, dị ẹnị sị ẹngwọọrọ kà a yọ ka ọ̀ hụụ ịda ẹnịnị nị. Ẹnẹyịmavara ọ raà mẹ ka ò zee yọ.” 30Ayiziiki ộ mẹ̀ ịsa yị wa, dị ẹ rị di e hú nị. 31Ẹnẹnẹ, di e jintu kwẹẹtẹ, di e dudu hị́ eku yị ẹngụ nị. Di Ayiziiki sị wa na tụ́ dị ẹ yaa nọ eehi ẹnịnị ẹngwọọrọ-ẹngwọọrọ nị. 32Ịhị ọnọọ gẹdẹ-gẹdẹ di ezi ahụ Ayiziiki va ka a yọ ka ẹnị ẹ sị enyi re ịnị ịkangga ọnị ẹnị aa chị nị. 33Di Ayiziiki ka ịkangga ọnọọ ọ rị “Ịzị a hị́ eku” nị. Agụvị avọọ a kụkụ aa hị́ ẹkụra ọnọọ Ịbẹẹsẹba ve tù ajịnị nị (Oyn 21.31).
Anẹẹ anikinamị oni Iisọ nyị
34Iisọ mẹ̀ sị gụ ịrayị ẹbẹẹva, dị ọ na nyị Ijuditi ka ọ̀ vi ose anị nị. Ijuditi vị ozi Ibeeri Anihiti. Dị ọ rẹ na nyị ọnẹẹ ana aā hị́ Ibasemati nị. Ibasemati ọnị rẹ vị ozi Ẹrọnị Anihiti. 35Ẹnịnị ệ kụ́ ọ zigi Ayiziiki ọnịrị Irebeka ẹtẹẹtẹrẹ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.