Oyinyima 44
44
 za Ịbẹnjamịnị tị Ijipiti
1Ịjị ẹ vavọọ sị ịsa rị, di Ijosẹẹhụ hị́ ozi ahụ ana sị eyi pè irehi anị dị ọ ka: kụ́ akụ hi ịnị achuchu aza ẹnẹẹ nị. Ọ kà Ọpa ẹnị ẹ̀ẹ zụ za kẹnẹ, ẹ vavọọ sị akụ yị wa. Dị ẹ sị ẹkẹhị ọzọza tụ́ ịnị achuchu anịị yọ, 2dị ẹ̀ sị ako anị ọnọọ ana a sị enyusẹ akàaka mẹ avọọ, dị ẹ sị tụ́ ịnị achuchu ana vị ozweyi ẹnịnị keekere. Dị ẹ rẹ sị ẹkẹhị ọnị ọ sị va hị́ akụ tụ́ ini achuchu anị vakaa yọ. Di ozi ahụ ọnọọ ka ooho, dị ọ vavọọ na mẹ̀ ẹ nị. 3Ẹtẹ mèe hweyi kẹnẹ, dị ẹ kụ́ aza ẹnẹẹ ọnịrị ịkẹrịkẹtẹ ẹnịnị na tụ́ nị.
4Ẹ mẹ̀ maanị yị na jịnẹ hụụnị ẹkụra kẹnẹ, di Ijosẹẹhụ hị́ ozi ahụ ana sị eyi pè irehi anị dị ọ kà a yọ dị ọ ka: ọ̀ wụsẹ kwẹẹtẹ dị ọ̀ dụ aza ẹnịnịị na. Ọ kà ọ̀ọ na sị saasa wa dị ọ họ̀ wa ka sị ẹ vẹ dị a mẹ wa ọyịza dị ahịka odivi e si si atọ nị. 5Ọ kà ọ họ̀ wa ka sị ẹ vẹ di e yi ako anị ana a si enyusẹ akàaka mẹ. Ọ kà a kà a yị wa ka ẹ́ẹ́ yẹ ka ako ọnọọ ọnị ee sii hú enyi nị. Ọnị ọnị re sii sì iruvo ịsa nị. Ọ kà ọ ka à ka ịsị ẹ mẹ avọọ o yi zoza. 6Ịjị ozi ahụ Ijosẹẹhụ na sị saasa aza ẹnẹẹ, dị ọ kà ịrẹyị oni Ijosẹẹhụ kà yị wa nị. 7Dị aza ẹnẹẹ tụ́ ohi dị ẹ ka, “Nda, ẹngụ ebira ịsị waa kà aanị kẹ? Ẹ ka ẹnị ẹ yị vavọọ zụ mẹ ẹngụ ebira ẹnẹẹ. Ẹ ka ọchị ọnọọ ịrẹsụ ẹnịnị. 8Ẹ rẹ ka yẹ ka ẹkẹhị oni ẹnị re ini achuchu ẹnịnị vị ọnị ẹnị sị varẹma hụrẹ Ikanaani va yọ. Ẹ ka éé ro ka ẹnị ẹ nyẹngụ ne yi igooru àa vị enyusẹ akàaka hụụ ịda ọga anị? 9Dị ẹ rẹ ka ọza oni òo re ako ọnọọ ịnị ẹnya anị ịnị ẹngụ ayị à wụ̀ ọ. Dị ọ̀ rẹ za ẹnị ana vọ ọrịhị. 10Di ozi ahụ Ijosẹẹhụ ka avọọ yị yọ nị. Ọza ēni èe re ako ọnọọ ịnị ẹnya anị ọ vaa vị ọrịhị ọga anị nị. Ọ kà ẹwụ nịnị ana vọ ẹ yị vaa nyị ịrẹyị.” 11Dị ọzọza wụsẹ chi ẹnya anị hi ẹtẹ, dị ẹ nā achuchu ẹnịnị irenu nị. 12Di ozi ahụ Ijosẹẹhụ nyima dị aa gara ẹnya ẹnịnịị re nị. Ô nyima hụụ ịda ọzọkụ pooro na ngụ ịda ozweyi keekere. Dị ahịka ịnị achuchu Ịbẹnjamịnị e ne re ako ọnọọ nị. 13Ayị ẹnịnị e si du, dị ẹ za ịta ẹnịnị dị ẹ na a nị. Dị ọzọza varẹma kune ẹnya anị tụra ịkẹrịkẹtẹ anị, dị ẹ varẹma aa nọ ịnị ẹkụra nị.
14Ijuda ọnịrị anda ẹnịnị ẹ na sị ngụ ịda Ijosẹẹhụ. Di e ne tù ka Ijosẹẹhụ yị yà ini eehi nị. Dị ẹ tana tụra ẹtẹ ọvịdị anị nị. 15Di Ijosẹẹhụ ka: Sị ẹ mẹ aanị? Ọ kà anị ka e yi ro o ka ẹhụụ ọpa anị aanị aa há ẹva? 16Di Ijuda ka, “Nda, sịị zụ kà aanị? Sị ị vị ana zụ kụ́ dị ya rị ịhị? Ohomorihi ọ raà sị ịvị ayị tụ́ ẹhẹ. Nda, avaba ayị saka ọ vị ọrịhị awụ nị, ẹyị ọnịrị ọza ene e re ako ịnị ụvọ anị.” 17Di Ijosẹẹhụ ka: Ọchọnọyịrẹsụ anị, ọnị ọ yị vavọọ yara mẹ. Ọ kà ọza ene e re ako ịnị ụvọ anị kẹnẹ ọ vaa vị ọrịhị anị nị. Ọ kà ẹnị ẹwụ ana vọ ẹẹ na, ka ẹ yị nyị ịrẹyị. Ọ kà e ne tù ada ẹnịnị.
Ijuda ộ da ịpẹ Ịbẹnjamịnị
18Di Ijuda tere pè Ijosẹẹhụ dị ọ ka: Nda, aarịhịnị ọ̀ navọ ọnị ọ̀ kà ịrẹyị ọnya chire wụ ụtọ de. Ọ kà vị ọ kụkụ sị mẹẹ anka Ihwarawo ọnị ụvọta avọọ nị. Ọ kà aarịhịnị asị ọ kụ́ ayị hi ọnị. 19Nda, ọnị ọ họ̀ ẹnị ka ada ẹnịnị wáá yà ịzọọ nị. Dị ọ họ̀ use ka ẹnị ẹ́ẹ́ nyị ọhụva ọsa nị. 20Dị ẹnị ka ẹnị ệ nyị ada, ama o si bo. Dị ẹnị rẹ ka yâ nyị ọhụva ọsa ana ada ẹnịnị ma ọ mẹ̀ si bo nị. Dị ẹnị ka ọyịnyara ọhụva ẹnịnị ọnọọ ô wusu. Dị ọ ka ẹnị ka Ọhụva ẹnịnị ozweyi ọnọnị ọ kụkụ vọ ini ezi ọnyị ẹnịnị nị, ka ada anị ô sì ịrẹyị anị. 21Ẹ ka dị ọ kà a yị ẹnị ịhị ọnọọ ka ẹnị ẹ̀ na sị ọhụva ẹnịnị ọnọọ vẹ di o re e nị. 22Dị ẹnị kà a yọ ịhị ọnọọ ka ada anị ọ yị vaa hụrẹẹ ụvọ, agụvị ka ọ̀ọ hụrẹ ẹngụ ada anị vị ada anị ee sú nị. 23Ẹ ka ama dị ọ kà a yị ẹnị ka à yị vị ẹnị sị ọhụva ẹnịnị ọnọọ vẹ, asị ẹnị kụkụ jị ahụ ngụ ịda awụ nị. 24Dị ọ ka ẹnị mẹ̀ varẹma nọ eehi, dị ẹnị kà a yị ada ẹnịnị avaba ịsị u pè yị kà nị. 25Dị ada ẹnịnị ka ẹnị ẹ̀ rẹ va hị́ ịsọyịrị vẹ nị. 26Dị ẹnị ka ẹnị ẹ̀ yị vẹ à yị vị ọhụva ẹnịnị ana vị ozweyi saasa ẹnị nị. Dị ẹnị ka ẹnị ẹ yị nyayịnẹ jị ahụ ngụ ịda awụ à yị vị ọhụva ẹnịnị ana vị ozweyi saasa ẹnị vẹ. 27Ẹ ka dị ada ẹnịnị ka ẹnị ẹẹ̄ yẹ ka ozi ẹẹva ose anị ma yị ọnị nị. 28Ọnya mẹ̀ hụụ ịda anị, dị ọnị ò yi re e dị ọnị ka ọnị ộ yẹ ka uye ịnị avị ẹ sị ọ gara ha nị. Ọ kà ọnị óò yi vene re e hụrẹ ịhị ọnọọ. 29Di Ijuda rẹ ka ọnị ọ̀ọ rẹ ka à rẹ dọ ọnị ọsọnị, dị a na nyị ịsị ẹ mẹ̀ ẹ nị, vị ọnị vaa mẹ ka ọnịrị ayodu ọ̀ na ngụ ẹtẹ ini unobo anị nị. 30-31Dị ọ ka éē re ka ọnị òo ve ne tù ada anị, dị ọnịrị ozi ọnọọ ọ̀ yị zị na nị, dị ahịka o yi re ozi ọnọọ nị, vi ee sú nị. Ọ raà sị ịrẹyị ozi ọnọnị tụ́ ịnị ayị baaba. Ịjọnọọọ dị ahịka ayodu ọnị sị mẹ ka ada anị ọzọkwọọkụ ò su nị. 32Ọ kà ẹngụ anị ọnị sị jẹẹ yị ozi ọnọọ nị, ụvọta ọ sị ọ kà yị ada anị ka ẹ yị nyị ịsị ẹ vaa mẹ ozi ọnọnị. Ọnị ọ kà a yọ ka ẹnị ọ̀ yị rẹ vaa sị ọ vaa naa yọ, ịvị anị ọ̀ yà ịrẹsụ anị pooro. 33Ọ kà aarịhịnị Ijosẹẹhụ ọ̀ za ọnị ọrịhị dị ọ̀ hụrẹ ozi ọnọnị ụvọ. Ọ kà ọ̀ navọ ọ̀ saasa ẹnẹbẹnị anị, dị ẹ̀ẹ nọ eehi. 34Ọ kà o re e dị a re, ọnị mẹmẹ zụ ne tù ada anị dị asị ọnịrị ozi ọnọnị zị? Ọ kà ọnị òo ro ịrẹyị ịsa odivi ene vee tù ada anị agụvị avọọ ẹngụ anị ọ yị zụ dọ ọ.
Currently Selected:
Oyinyima 44: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Oyinyima 44
44
 za Ịbẹnjamịnị tị Ijipiti
1Ịjị ẹ vavọọ sị ịsa rị, di Ijosẹẹhụ hị́ ozi ahụ ana sị eyi pè irehi anị dị ọ ka: kụ́ akụ hi ịnị achuchu aza ẹnẹẹ nị. Ọ kà Ọpa ẹnị ẹ̀ẹ zụ za kẹnẹ, ẹ vavọọ sị akụ yị wa. Dị ẹ sị ẹkẹhị ọzọza tụ́ ịnị achuchu anịị yọ, 2dị ẹ̀ sị ako anị ọnọọ ana a sị enyusẹ akàaka mẹ avọọ, dị ẹ sị tụ́ ịnị achuchu ana vị ozweyi ẹnịnị keekere. Dị ẹ rẹ sị ẹkẹhị ọnị ọ sị va hị́ akụ tụ́ ini achuchu anị vakaa yọ. Di ozi ahụ ọnọọ ka ooho, dị ọ vavọọ na mẹ̀ ẹ nị. 3Ẹtẹ mèe hweyi kẹnẹ, dị ẹ kụ́ aza ẹnẹẹ ọnịrị ịkẹrịkẹtẹ ẹnịnị na tụ́ nị.
4Ẹ mẹ̀ maanị yị na jịnẹ hụụnị ẹkụra kẹnẹ, di Ijosẹẹhụ hị́ ozi ahụ ana sị eyi pè irehi anị dị ọ kà a yọ dị ọ ka: ọ̀ wụsẹ kwẹẹtẹ dị ọ̀ dụ aza ẹnịnịị na. Ọ kà ọ̀ọ na sị saasa wa dị ọ họ̀ wa ka sị ẹ vẹ dị a mẹ wa ọyịza dị ahịka odivi e si si atọ nị. 5Ọ kà ọ họ̀ wa ka sị ẹ vẹ di e yi ako anị ana a si enyusẹ akàaka mẹ. Ọ kà a kà a yị wa ka ẹ́ẹ́ yẹ ka ako ọnọọ ọnị ee sii hú enyi nị. Ọnị ọnị re sii sì iruvo ịsa nị. Ọ kà ọ ka à ka ịsị ẹ mẹ avọọ o yi zoza. 6Ịjị ozi ahụ Ijosẹẹhụ na sị saasa aza ẹnẹẹ, dị ọ kà ịrẹyị oni Ijosẹẹhụ kà yị wa nị. 7Dị aza ẹnẹẹ tụ́ ohi dị ẹ ka, “Nda, ẹngụ ebira ịsị waa kà aanị kẹ? Ẹ ka ẹnị ẹ yị vavọọ zụ mẹ ẹngụ ebira ẹnẹẹ. Ẹ ka ọchị ọnọọ ịrẹsụ ẹnịnị. 8Ẹ rẹ ka yẹ ka ẹkẹhị oni ẹnị re ini achuchu ẹnịnị vị ọnị ẹnị sị varẹma hụrẹ Ikanaani va yọ. Ẹ ka éé ro ka ẹnị ẹ nyẹngụ ne yi igooru àa vị enyusẹ akàaka hụụ ịda ọga anị? 9Dị ẹ rẹ ka ọza oni òo re ako ọnọọ ịnị ẹnya anị ịnị ẹngụ ayị à wụ̀ ọ. Dị ọ̀ rẹ za ẹnị ana vọ ọrịhị. 10Di ozi ahụ Ijosẹẹhụ ka avọọ yị yọ nị. Ọza ēni èe re ako ọnọọ ịnị ẹnya anị ọ vaa vị ọrịhị ọga anị nị. Ọ kà ẹwụ nịnị ana vọ ẹ yị vaa nyị ịrẹyị.” 11Dị ọzọza wụsẹ chi ẹnya anị hi ẹtẹ, dị ẹ nā achuchu ẹnịnị irenu nị. 12Di ozi ahụ Ijosẹẹhụ nyima dị aa gara ẹnya ẹnịnịị re nị. Ô nyima hụụ ịda ọzọkụ pooro na ngụ ịda ozweyi keekere. Dị ahịka ịnị achuchu Ịbẹnjamịnị e ne re ako ọnọọ nị. 13Ayị ẹnịnị e si du, dị ẹ za ịta ẹnịnị dị ẹ na a nị. Dị ọzọza varẹma kune ẹnya anị tụra ịkẹrịkẹtẹ anị, dị ẹ varẹma aa nọ ịnị ẹkụra nị.
14Ijuda ọnịrị anda ẹnịnị ẹ na sị ngụ ịda Ijosẹẹhụ. Di e ne tù ka Ijosẹẹhụ yị yà ini eehi nị. Dị ẹ tana tụra ẹtẹ ọvịdị anị nị. 15Di Ijosẹẹhụ ka: Sị ẹ mẹ aanị? Ọ kà anị ka e yi ro o ka ẹhụụ ọpa anị aanị aa há ẹva? 16Di Ijuda ka, “Nda, sịị zụ kà aanị? Sị ị vị ana zụ kụ́ dị ya rị ịhị? Ohomorihi ọ raà sị ịvị ayị tụ́ ẹhẹ. Nda, avaba ayị saka ọ vị ọrịhị awụ nị, ẹyị ọnịrị ọza ene e re ako ịnị ụvọ anị.” 17Di Ijosẹẹhụ ka: Ọchọnọyịrẹsụ anị, ọnị ọ yị vavọọ yara mẹ. Ọ kà ọza ene e re ako ịnị ụvọ anị kẹnẹ ọ vaa vị ọrịhị anị nị. Ọ kà ẹnị ẹwụ ana vọ ẹẹ na, ka ẹ yị nyị ịrẹyị. Ọ kà e ne tù ada ẹnịnị.
Ijuda ộ da ịpẹ Ịbẹnjamịnị
18Di Ijuda tere pè Ijosẹẹhụ dị ọ ka: Nda, aarịhịnị ọ̀ navọ ọnị ọ̀ kà ịrẹyị ọnya chire wụ ụtọ de. Ọ kà vị ọ kụkụ sị mẹẹ anka Ihwarawo ọnị ụvọta avọọ nị. Ọ kà aarịhịnị asị ọ kụ́ ayị hi ọnị. 19Nda, ọnị ọ họ̀ ẹnị ka ada ẹnịnị wáá yà ịzọọ nị. Dị ọ họ̀ use ka ẹnị ẹ́ẹ́ nyị ọhụva ọsa nị. 20Dị ẹnị ka ẹnị ệ nyị ada, ama o si bo. Dị ẹnị rẹ ka yâ nyị ọhụva ọsa ana ada ẹnịnị ma ọ mẹ̀ si bo nị. Dị ẹnị ka ọyịnyara ọhụva ẹnịnị ọnọọ ô wusu. Dị ọ ka ẹnị ka Ọhụva ẹnịnị ozweyi ọnọnị ọ kụkụ vọ ini ezi ọnyị ẹnịnị nị, ka ada anị ô sì ịrẹyị anị. 21Ẹ ka dị ọ kà a yị ẹnị ịhị ọnọọ ka ẹnị ẹ̀ na sị ọhụva ẹnịnị ọnọọ vẹ di o re e nị. 22Dị ẹnị kà a yọ ịhị ọnọọ ka ada anị ọ yị vaa hụrẹẹ ụvọ, agụvị ka ọ̀ọ hụrẹ ẹngụ ada anị vị ada anị ee sú nị. 23Ẹ ka ama dị ọ kà a yị ẹnị ka à yị vị ẹnị sị ọhụva ẹnịnị ọnọọ vẹ, asị ẹnị kụkụ jị ahụ ngụ ịda awụ nị. 24Dị ọ ka ẹnị mẹ̀ varẹma nọ eehi, dị ẹnị kà a yị ada ẹnịnị avaba ịsị u pè yị kà nị. 25Dị ada ẹnịnị ka ẹnị ẹ̀ rẹ va hị́ ịsọyịrị vẹ nị. 26Dị ẹnị ka ẹnị ẹ̀ yị vẹ à yị vị ọhụva ẹnịnị ana vị ozweyi saasa ẹnị nị. Dị ẹnị ka ẹnị ẹ yị nyayịnẹ jị ahụ ngụ ịda awụ à yị vị ọhụva ẹnịnị ana vị ozweyi saasa ẹnị vẹ. 27Ẹ ka dị ada ẹnịnị ka ẹnị ẹẹ̄ yẹ ka ozi ẹẹva ose anị ma yị ọnị nị. 28Ọnya mẹ̀ hụụ ịda anị, dị ọnị ò yi re e dị ọnị ka ọnị ộ yẹ ka uye ịnị avị ẹ sị ọ gara ha nị. Ọ kà ọnị óò yi vene re e hụrẹ ịhị ọnọọ. 29Di Ijuda rẹ ka ọnị ọ̀ọ rẹ ka à rẹ dọ ọnị ọsọnị, dị a na nyị ịsị ẹ mẹ̀ ẹ nị, vị ọnị vaa mẹ ka ọnịrị ayodu ọ̀ na ngụ ẹtẹ ini unobo anị nị. 30-31Dị ọ ka éē re ka ọnị òo ve ne tù ada anị, dị ọnịrị ozi ọnọọ ọ̀ yị zị na nị, dị ahịka o yi re ozi ọnọọ nị, vi ee sú nị. Ọ raà sị ịrẹyị ozi ọnọnị tụ́ ịnị ayị baaba. Ịjọnọọọ dị ahịka ayodu ọnị sị mẹ ka ada anị ọzọkwọọkụ ò su nị. 32Ọ kà ẹngụ anị ọnị sị jẹẹ yị ozi ọnọọ nị, ụvọta ọ sị ọ kà yị ada anị ka ẹ yị nyị ịsị ẹ vaa mẹ ozi ọnọnị. Ọnị ọ kà a yọ ka ẹnị ọ̀ yị rẹ vaa sị ọ vaa naa yọ, ịvị anị ọ̀ yà ịrẹsụ anị pooro. 33Ọ kà aarịhịnị Ijosẹẹhụ ọ̀ za ọnị ọrịhị dị ọ̀ hụrẹ ozi ọnọnị ụvọ. Ọ kà ọ̀ navọ ọ̀ saasa ẹnẹbẹnị anị, dị ẹ̀ẹ nọ eehi. 34Ọ kà o re e dị a re, ọnị mẹmẹ zụ ne tù ada anị dị asị ọnịrị ozi ọnọnị zị? Ọ kà ọnị òo ro ịrẹyị ịsa odivi ene vee tù ada anị agụvị avọọ ẹngụ anị ọ yị zụ dọ ọ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.