Oyinyima 49
49
Ịrẹyị ọdịrẹma ọnị Ijekọvụ ka yi ezi anị.
1Ijekọvụ ộ hị́ ezi anị dị ọ ka ẹ̀ kụ́ ẹngụ gụ dị ọnị ọ kà a yị wa ịsị e vee tù wa ịrẹma ụhwọọ nị. 2Dị ọ ka: Ẹwụ nịnị ezi emi, kụ́ ẹngụ gụ dị wa wụ́ ịrẹyị nịnị. Va wụ́ ịrẹyị oni ẹmị ada awụ nịnị aa vaa kà.
3Irubẹnị, ẹwa vi ozi ọzọkụ amị nị. Ẹwa sị zụ ka ọnọrụ mị vị nị. Ẹwụ mi ma ịnị ụmẹ ọnị mi sị jẹẹ ịnị ọmụha nị. Ẹwa nyị ụbanyị hu avaba ezi emi ana vọ, dị ụ rẹ nyị ụkata hu wa nị. 4Ama ẹ yị vị ewee kuku vee hu ini ezi emi, agụvị ka wẹ yị jẹẹ aha ọnya anka enyi avọọ. Ẹwụrị onyeehi amị ộ sụ. Wa raà sị ọnọọ du mi ẹngụ.
5Isimiyọnị ọnịrị Ireevi ọnya ụ vị nịnị nị. Ụhwọ awụ nịnị vị ẹnya ịrẹkụ ẹnị ẹ sịị wụ̀ ọza. 6Mẹ yị vaa bẹ tụ́ ini eyọgẹ awụ nịnị, mẹ yị rẹ vaa yaayịtẹ pè wu nịnị, ịzị wàa kụ́ gụ tụ́. Wa kụ́ ayị, wa yà ịnị anị sị ọza wụ̀, wa za ụnọ wa jị wa ọzị ahụ o mè zee wu nịnị eyi. 7Ohomorihi vaa sị ụyaa rị wu nịnị agụvị ọyịkụ awụ nịnị ọnọọ, agụvị ka ọyịkụ awụ nịnị vi ịrịịra ọnịrị ọyịkụ odivi. Ohomorihi vị ana ha wụ nịnị hị́, dị ọ gara evere awụ nịnị hị́ ịnị ẹtẹ Isirẹrị.
8Ijuda, ẹwụ, ẹyịnyara anị vaa kà ọyịza anị nị. Ewee vee hu ọnịvị awụ ẹtẹ nị. Adẹnyara awụ vi ene vee kú ẹtẹ yị wụ. 9#Ịrị 24.9; Ẹtẹ 5.5Idu ọ vị nị. Idu ọ̀ọ sị uye wụ rị, dị ọ rẹ varẹma aa nọ ịnị ụsị anị, dị ọ na tana tịtẹ anka ohinọyị. Ẹ yị nyị ọza ana nyayịnẹ mẹ ka ọ̀ kwẹẹtẹ. 10Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro. 11Ọchị ịvayịnị awụ vaa rụrụ pooro, dị ahịka vị ụ kụkụ aa za ịkẹrịkẹtẹ ọnị waa tụra zụ tụ́ ịnị ọchị ịvayịnị ene zoza hu nị. Eche ịvayịnị awụ ọnọọ vaa rụrụ pooro dị ahịka eche waa sịị nyịna ịta nị. 12O mè hú eche eyi anị kuku ee vi kẹnẹ. Ô hú inono pooro anyị anị kụkụ aa vwẹtẹ. 13Izeburuni, ẹwụ vị ana vaa ra ụtọ okù. Ịnị ụtọ okù ọnị ụ ra ẹpa nịnị vaa jẹẹ nị. Ẹhwị ẹtẹ awụ vee tù Ịsịdọnị.
14Iisaka, ẹwụ vị ana sị mẹẹ anka ịkẹrịkẹtẹ ana nyị ụkata ana hụtụ ịnị akakana ọba atẹmẹ. 15Wê re ka aha ụhwọtụ ọnọọ ô zoza, dị ẹtẹ ọnọọ re zee wu eyi nị. Di u tenyi ịrẹma awụ dị vaa sịị za ẹnya, dị ụ dọ ra vaa mẹ ọrịhị ọza nị.
16Ịdaanị, ẹwa vaa mẹ̀ ọkarẹyị yị aza awụ anka ịrẹsụ Anisirẹrị ana vọ. 17Vị ụ vaa sị mẹẹ anka ẹ́wụ́ ana yà ụtọ oze avọọ nị. Vị ụ vaa yà anka ụha nị. Ọ̀ọ jị umaata ịrẹrụ, dị o ne ọza ana tụra a hụrẹ na nya ẹtẹ ịrẹma-ịrẹma.
18Ẹnẹyịmavara ẹwụ m mee zi ka ọ̀ va dọ mị ha nị. 19Ẹwụ Igadi, oyi anaā dụ ọza vị ana vaa dụ wụ, ama dị ụ vara eyi dị ụ dụ wa varẹma.
20Aseri, u vee re ịsa ozoza. Ẹtẹ awụ vaa mẹ̀ ịsa ẹtẹẹtẹrẹ. Ẹwa vaa sị ịsa yị ohinọyị nị. 21Inahwitari, ẹwụ vị ana sị mẹẹ anka akọnọ ene ee zwee zị avọọ, ana aa ma ezi ozoza ozoza.
22Ijosẹẹhụ, ẹwụ vị ana sị mẹẹ anka ịkẹrịkẹtẹ ịnị avị avọọ. Vị ụ sị mẹẹ anka ịkẹrịkẹtẹ ịnị avị ana yà ụtọ enyi nị. Mị ka vị ụ sị mẹẹ anka ịkẹrịkẹtẹ ịnị avị ana yà akaha ataba avọọ nị. 23Ọnịvị awụ ệ kụ́ ọkịta ọnịrị ọpa aa dụ wụ, eyee ne wụ ọpa ẹ yaa dụ wụ 24ama, dị ụ sị ụvọ ngụ ọkịta awụ nị. Ụvọ awụ ọ yị da ẹgahị. Ohomorihi amị ana nyị ụkata ọ vavọọ sị ụkata wụ nị. Ohomorihi vị ene ee sere wu anka oseratẹmẹ mèe sere atẹmẹ anị avọọ. Ọnị ọ vị aha ụkata ịzị Anisirẹrị vaa sị ịrẹsụ ẹnịnị na tẹ̀ nị. Ẹ yị nyị ịsị ẹ zụ kanyị wa ịzọọ. 25Ohomorihi amị ọnọọ re vee sere wu. Ohomorihi Ochẹtẹẹngụ vaa mẹ ka ò zee wu. Ọ vaa mẹ ka orihi ọ̀ zụ̀ wụ dị ọ rẹ sị enyi ini eteesu yị wụ. Ese ewu va ma ezi dị ịsụpa awụ ẹnị rẹ ma ezi. 26Ịsa ozoza ọnị mị ka Ohomorihi ọ mẹ̀ wụ vee huna ịsa ozoza oni ohiku amị kà a ka Ohomorihi ọ̀ mẹ mị. Ẹnịnị vị ana sị mẹẹ anka ataba ọnẹba ọnọọ. Ataba ẹnẹẹ vị ana jẹẹ pooro zịna-zịna. Avaba ọyịza-ọyịza ẹnẹnị ọ vaa vẹ ịrẹsụ ẹwụ Ijosẹẹhụ nị. Ohomorihi ọ raà nyị wụ tụ́ irenyi hụụnị akakana ẹnẹbẹnị awụ nịnị.
27Ịbẹnjamịnị, ẹwụ vị ana yà anka akatapooro anaā nyị ẹngụrẹyị avọọ. Ọ̀ọ wụ̀ uye ẹnẹnẹ oruva dị ọ ga a. 28Ịrẹsụ ẹwụrẹva ana vi Anisirẹrị ẹ vị ẹnẹẹ nị. Ịrẹyị ana ada ẹnịnị kà yị wa ọ màa mẹ̀ aduwaa yị wa ọ rẹ vị ẹnẹẹ nị. Aduwa ene rere ọzọza ọ mẹ yị ọzọza nị.
29Di Ijekọvụ kà a yi ezi anị dị ọ ka, “Mee vee sú booro aanị. Mèe wusu di u ne mi pè ada amị nịnị ịnị ụtẹha ana yà ịnị aarẹ Ehwironi, ana vi Anihiti. 30#Oyn 23.3-20Ụtẹha ọnọọ vị ana yà ịnị ẹtẹ Imakipera gụrị Imamire ịnị ẹtẹ Ikenani. Abụrahamị ọ hị́ ụtẹha ọnọọ ka ọnị òo ne okuu tụ́ ọ nị. Ịnị ụvọ Ehwironi Anihiti ọ hị́ ọ hụrẹ beri ẹtẹ ọnọọ nị. 31#Oyn 25.9,10; Oyn 35.29Ịzọọ e ne Abụrahamị ọnịrị Isera ose anị tụ́ nị. Ịzọọ a rẹ ne Ayiziiki ọnịrị Irebeka ose anị tụ́ nị. Ịzọọ mị re ne Iriya tụ́ nị. 32Ẹtẹ ọnọọ ọnịrị ụtẹha ana yà ịnị anị vị ana a hị́ hụụnị ụvọ Anihiti nịnị.” 33#Ụkọ 7.15Ịjị Ijekọvụ maanị sị ịrẹyị ẹnẹnị kà yi ezi anị, dị ọ kara ahụ anị hi aha ọyịsụ anị, di o sú nị.
Currently Selected:
Oyinyima 49: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Oyinyima 49
49
Ịrẹyị ọdịrẹma ọnị Ijekọvụ ka yi ezi anị.
1Ijekọvụ ộ hị́ ezi anị dị ọ ka ẹ̀ kụ́ ẹngụ gụ dị ọnị ọ kà a yị wa ịsị e vee tù wa ịrẹma ụhwọọ nị. 2Dị ọ ka: Ẹwụ nịnị ezi emi, kụ́ ẹngụ gụ dị wa wụ́ ịrẹyị nịnị. Va wụ́ ịrẹyị oni ẹmị ada awụ nịnị aa vaa kà.
3Irubẹnị, ẹwa vi ozi ọzọkụ amị nị. Ẹwa sị zụ ka ọnọrụ mị vị nị. Ẹwụ mi ma ịnị ụmẹ ọnị mi sị jẹẹ ịnị ọmụha nị. Ẹwa nyị ụbanyị hu avaba ezi emi ana vọ, dị ụ rẹ nyị ụkata hu wa nị. 4Ama ẹ yị vị ewee kuku vee hu ini ezi emi, agụvị ka wẹ yị jẹẹ aha ọnya anka enyi avọọ. Ẹwụrị onyeehi amị ộ sụ. Wa raà sị ọnọọ du mi ẹngụ.
5Isimiyọnị ọnịrị Ireevi ọnya ụ vị nịnị nị. Ụhwọ awụ nịnị vị ẹnya ịrẹkụ ẹnị ẹ sịị wụ̀ ọza. 6Mẹ yị vaa bẹ tụ́ ini eyọgẹ awụ nịnị, mẹ yị rẹ vaa yaayịtẹ pè wu nịnị, ịzị wàa kụ́ gụ tụ́. Wa kụ́ ayị, wa yà ịnị anị sị ọza wụ̀, wa za ụnọ wa jị wa ọzị ahụ o mè zee wu nịnị eyi. 7Ohomorihi vaa sị ụyaa rị wu nịnị agụvị ọyịkụ awụ nịnị ọnọọ, agụvị ka ọyịkụ awụ nịnị vi ịrịịra ọnịrị ọyịkụ odivi. Ohomorihi vị ana ha wụ nịnị hị́, dị ọ gara evere awụ nịnị hị́ ịnị ẹtẹ Isirẹrị.
8Ijuda, ẹwụ, ẹyịnyara anị vaa kà ọyịza anị nị. Ewee vee hu ọnịvị awụ ẹtẹ nị. Adẹnyara awụ vi ene vee kú ẹtẹ yị wụ. 9#Ịrị 24.9; Ẹtẹ 5.5Idu ọ vị nị. Idu ọ̀ọ sị uye wụ rị, dị ọ rẹ varẹma aa nọ ịnị ụsị anị, dị ọ na tana tịtẹ anka ohinọyị. Ẹ yị nyị ọza ana nyayịnẹ mẹ ka ọ̀ kwẹẹtẹ. 10Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro. 11Ọchị ịvayịnị awụ vaa rụrụ pooro, dị ahịka vị ụ kụkụ aa za ịkẹrịkẹtẹ ọnị waa tụra zụ tụ́ ịnị ọchị ịvayịnị ene zoza hu nị. Eche ịvayịnị awụ ọnọọ vaa rụrụ pooro dị ahịka eche waa sịị nyịna ịta nị. 12O mè hú eche eyi anị kuku ee vi kẹnẹ. Ô hú inono pooro anyị anị kụkụ aa vwẹtẹ. 13Izeburuni, ẹwụ vị ana vaa ra ụtọ okù. Ịnị ụtọ okù ọnị ụ ra ẹpa nịnị vaa jẹẹ nị. Ẹhwị ẹtẹ awụ vee tù Ịsịdọnị.
14Iisaka, ẹwụ vị ana sị mẹẹ anka ịkẹrịkẹtẹ ana nyị ụkata ana hụtụ ịnị akakana ọba atẹmẹ. 15Wê re ka aha ụhwọtụ ọnọọ ô zoza, dị ẹtẹ ọnọọ re zee wu eyi nị. Di u tenyi ịrẹma awụ dị vaa sịị za ẹnya, dị ụ dọ ra vaa mẹ ọrịhị ọza nị.
16Ịdaanị, ẹwa vaa mẹ̀ ọkarẹyị yị aza awụ anka ịrẹsụ Anisirẹrị ana vọ. 17Vị ụ vaa sị mẹẹ anka ẹ́wụ́ ana yà ụtọ oze avọọ nị. Vị ụ vaa yà anka ụha nị. Ọ̀ọ jị umaata ịrẹrụ, dị o ne ọza ana tụra a hụrẹ na nya ẹtẹ ịrẹma-ịrẹma.
18Ẹnẹyịmavara ẹwụ m mee zi ka ọ̀ va dọ mị ha nị. 19Ẹwụ Igadi, oyi anaā dụ ọza vị ana vaa dụ wụ, ama dị ụ vara eyi dị ụ dụ wa varẹma.
20Aseri, u vee re ịsa ozoza. Ẹtẹ awụ vaa mẹ̀ ịsa ẹtẹẹtẹrẹ. Ẹwa vaa sị ịsa yị ohinọyị nị. 21Inahwitari, ẹwụ vị ana sị mẹẹ anka akọnọ ene ee zwee zị avọọ, ana aa ma ezi ozoza ozoza.
22Ijosẹẹhụ, ẹwụ vị ana sị mẹẹ anka ịkẹrịkẹtẹ ịnị avị avọọ. Vị ụ sị mẹẹ anka ịkẹrịkẹtẹ ịnị avị ana yà ụtọ enyi nị. Mị ka vị ụ sị mẹẹ anka ịkẹrịkẹtẹ ịnị avị ana yà akaha ataba avọọ nị. 23Ọnịvị awụ ệ kụ́ ọkịta ọnịrị ọpa aa dụ wụ, eyee ne wụ ọpa ẹ yaa dụ wụ 24ama, dị ụ sị ụvọ ngụ ọkịta awụ nị. Ụvọ awụ ọ yị da ẹgahị. Ohomorihi amị ana nyị ụkata ọ vavọọ sị ụkata wụ nị. Ohomorihi vị ene ee sere wu anka oseratẹmẹ mèe sere atẹmẹ anị avọọ. Ọnị ọ vị aha ụkata ịzị Anisirẹrị vaa sị ịrẹsụ ẹnịnị na tẹ̀ nị. Ẹ yị nyị ịsị ẹ zụ kanyị wa ịzọọ. 25Ohomorihi amị ọnọọ re vee sere wu. Ohomorihi Ochẹtẹẹngụ vaa mẹ ka ò zee wu. Ọ vaa mẹ ka orihi ọ̀ zụ̀ wụ dị ọ rẹ sị enyi ini eteesu yị wụ. Ese ewu va ma ezi dị ịsụpa awụ ẹnị rẹ ma ezi. 26Ịsa ozoza ọnị mị ka Ohomorihi ọ mẹ̀ wụ vee huna ịsa ozoza oni ohiku amị kà a ka Ohomorihi ọ̀ mẹ mị. Ẹnịnị vị ana sị mẹẹ anka ataba ọnẹba ọnọọ. Ataba ẹnẹẹ vị ana jẹẹ pooro zịna-zịna. Avaba ọyịza-ọyịza ẹnẹnị ọ vaa vẹ ịrẹsụ ẹwụ Ijosẹẹhụ nị. Ohomorihi ọ raà nyị wụ tụ́ irenyi hụụnị akakana ẹnẹbẹnị awụ nịnị.
27Ịbẹnjamịnị, ẹwụ vị ana yà anka akatapooro anaā nyị ẹngụrẹyị avọọ. Ọ̀ọ wụ̀ uye ẹnẹnẹ oruva dị ọ ga a. 28Ịrẹsụ ẹwụrẹva ana vi Anisirẹrị ẹ vị ẹnẹẹ nị. Ịrẹyị ana ada ẹnịnị kà yị wa ọ màa mẹ̀ aduwaa yị wa ọ rẹ vị ẹnẹẹ nị. Aduwa ene rere ọzọza ọ mẹ yị ọzọza nị.
29Di Ijekọvụ kà a yi ezi anị dị ọ ka, “Mee vee sú booro aanị. Mèe wusu di u ne mi pè ada amị nịnị ịnị ụtẹha ana yà ịnị aarẹ Ehwironi, ana vi Anihiti. 30#Oyn 23.3-20Ụtẹha ọnọọ vị ana yà ịnị ẹtẹ Imakipera gụrị Imamire ịnị ẹtẹ Ikenani. Abụrahamị ọ hị́ ụtẹha ọnọọ ka ọnị òo ne okuu tụ́ ọ nị. Ịnị ụvọ Ehwironi Anihiti ọ hị́ ọ hụrẹ beri ẹtẹ ọnọọ nị. 31#Oyn 25.9,10; Oyn 35.29Ịzọọ e ne Abụrahamị ọnịrị Isera ose anị tụ́ nị. Ịzọọ a rẹ ne Ayiziiki ọnịrị Irebeka ose anị tụ́ nị. Ịzọọ mị re ne Iriya tụ́ nị. 32Ẹtẹ ọnọọ ọnịrị ụtẹha ana yà ịnị anị vị ana a hị́ hụụnị ụvọ Anihiti nịnị.” 33#Ụkọ 7.15Ịjị Ijekọvụ maanị sị ịrẹyị ẹnẹnị kà yi ezi anị, dị ọ kara ahụ anị hi aha ọyịsụ anị, di o sú nị.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.