Ịjọọnụ 9
9
Ijeesu ộ há eyi ọnọrụ ọnya ana a ma ogweyi
1Íjeesu màa na óze, ô re ọza ịnya aanị ana a ma ogweyi. 2Dị ezirẹma anị họ̀ ọ ka, “Ọga, ẹnẹ vị ana mẹ ịvị, ana mẹ ka à ma ọnọrụ ọnọnị ogweyi? Ọnị ụvọta wáá yọ nị, à vị aza ana ma a?” 3Dị Ijeesu tụ́ wa ohi, dị ọ ka, “Ẹ yị vị agụvị ka ọnọrụ ọnọnị ộ mẹ̀ ịvị, ẹ yị rẹ vị agụvị ka aza ana ma a, ộ mẹ̀ ịvị. Ama Ohomorihi ee sì ka à sị ụkọrọ anị zụ̀ aza ịnị ẹngụ ọnọrụ ọnọnị. 4Â nyị ka ya mẹ̀ ụkọrọ Ọza ana tụ́ mị vẹ ẹhẹ dị ọyị ọ̀ va ta. Ọyị vaa ta, ịjọnọọ ọza ọ yị kụkụ va zụụ mẹ̀ ụkọrọ. 5#Imt 5.14; Ịjọ 8.12M mẹ̀ yị yà ịnị ẹhẹ aanị, ẹma vị ẹtohweyi yị anẹhẹ nị.”
6Ịjị ọ vavọọ sị ịrẹyị kà, dị ọ jị atẹ hi ẹtẹ, dị ọ sị tọ̀ ụvụ, dị ọ kụ́ ọọ sisi ogweyi ọnọọ eyi nị. 7Dị Ijeesu kà a yọ ka, “Na, dị ụ wa na nyịna eyi awụ ini adagu Ịsayịrọmị.” (Iruvo “Ịsayịrọmị” ọ vị “â tụ́ ọọ”.) Ịzẹyịza, dị ọnọrụ ọnọọ na, dị ọ na nyịna eyi anị, di o kuku ee re ẹtẹẹ vẹ nị.
8Ịjị anokokooro ogweyi ọnọọ beri aza eneē vidii re e ka ọọ̄ pà ịsaa rị re e, dị ẹ ka, “Aanịka ẹ yị vị ọza anaā vịdịị yaayịtẹ dị aa pà ịsaa rị avọọ yị?” 9Dị aza ẹnyị ka ọnịị yọ, dị ọsa ka vi o véné e nị. Dị ọza ọnọọ ụvọta ka, “Ẹmịị yọ nọ!” 10Dị ẹ va họ̀ ọ ka, “Éyi awụ mẹmẹ va há?” 11Di o tụ́ ohi, dị ọ ka, “Ọnọrụ ọnya aanị ana aā hị́ Ijeesu, ọ tọ̀ ụvụ, di o si sisi mi eyi nị. Dị ọ kà a mị ka ma na nyịna eyi amị ini adagu Ịsayịrọmị nị. Ịzẹyịza, dị mị na nyịna eyi amị kẹnẹ, di mi kuku ee re ẹtẹ nị.” 12Dị ẹnịnị họ̀ ọ use ka, “Ịzị ọza ọnọọ yà aanị?” Dị ọnọrụ ọnọọ ka, “Mẹ yị yẹ, ọ.”
Anihwarisi nịnị ê sì iruvo ịrẹyị ọnọọ
13Dị aza ẹnẹẹ sị ọnọrụ ọnọọ ene vịdị gu eyi aanị ne tù Anihwarisi nịnị nị. 14Ẹkụhị ụhwọtụ Íjeesu vavọọ sị tọ̀ ụvụ, dị ọ ha eyi nị. 15Dị Anihwarisi nịnị ẹnị rẹ họ̀ ọ ka, o meme kuku vee re ẹtẹ nị. Dị ọ rẹ kà a yị wa ka, “Ộ sị ụvụ sisi mi eyi, dị mị na nyịna a, di mi kuku ee re ẹtẹ nị.” 16Dị Anihwarisi ẹnyị ka, “Ọza ana vavọọ mẹ, ọ yị vị ọza Ohomorihi, agụvị ka o yi sị eyi pe ẹkụhị ụhwọtụ.” Dị aza ẹnyị ẹnịnị rẹ ka, “Wéé ro ka ọza ana vị ọnịvị ộ vavọọ zụ mẹ̀ ụkọrọ apọtẹrẹwa nịnị?” Ẹnịnị ẹ kụ́ gà hi.
17Dị ẹnịnị rẹ va họ̀ ọza ene vịdị gu eyi aanị ka, “Ọza ana há wụ eyi aanị, sị ụ zụ kà ini oze anị?” Dị ọnọrụ ọnọọ ka ọnịsẹ ọ vị nị. 18Ama Aniju nịnị e yi sì ka ẹnị ẹ̀ dọ wụ́ ka ọnọrụ ọnọọ ô vịdị gu eyi da, di o vee re ẹtẹ booro aanị. Agụvị avọọ dị ẹ hị́ aza ana ma ọza ana a há eyi aanị, 19dị ẹ họ̀ wa ka, “Ozi ewu nịnị ọnị ụ kà a ka wâ ma ogweyi nịnị wáá yị? Ọ mẹ̀ zị ọọ, di o vee re ẹtẹ booro aanị?” 20Dị aza ana ma ọnọrụ ọnọọ tụ́ wa ohi ka, “Ịzẹyịza ozi eyi yị, ogweyi ị vịdị ma a nị. 21Ama ọ mẹ̀ zị ọọ, di o vee re ẹtẹ booro aanị, yẹ yị yẹ. Yẹ yị rẹ yẹ ọza ana há a eyi. Ọnị ụvọta ọ sị vịra, na họ̀ ọ use nịnị! Ọ vaa kà irenu anị.” 22Aza ana ma ọnọrụ ọnọọ, ệ vavọọ kà, agụvị ka eyee hí angwa Aniju nịnị. Aniju nịnị ệ vịdị sị eyi gẹ ka àa nyị ọza ana dọ ka Ijeesu ọ vị Ikirisiti ọnọọ nị, à dụ ọọ jịnẹ hụụnị irehi Ohomorihi. 23Agụvị avọọ aza ana ma a kà a ka, “Ọ sị vịra, na họ̀ ọ use nịnị!” nị.
24Dị Aniju nịnị re tenyi ọza ene vịdị gu eyi aanị hị́ nị. Dị ẹ kà a yọ ka, “Ẹwà kà ịrẹyị ịzẹyịza Ohomorihi; ẹyị â yẹ ka ọnọrụ ọnọọ vị ọnịvị.” 25Dị ọza ene vịdị gu eyi aanị, tụ́ ohi, dị ọ ka, “À vị ọnịvị ọ vị nị oo, à vị ọ yị vị ọnịvị oo, ẹmị ẹ yị yẹ. Ịsa ọnya kẹnẹ mị yẹ nị, mâ yẹ ka mê vịdị gu eyi, ama mee re ẹtẹ booro aanị.” 26Dị ẹ rẹ họ̀ ọ ka, “Sị ọ mẹ wụ? Ọ mẹmẹ há wụ eyi?” 27Dị ọnọrụ tụ́ ohi, dị ọ ka, “Mâ vịdị rẹ sị ọọ kà a wụ nịnị, wẹ yị zẹẹ ka wa wụ́ nịnị. Sị ẹ vẹ di u ree sì ka me tenyi ọọ kà a wụ nịnị? Vi u wee sì ka ẹwụ nịnị ọ̀ rẹ vị ezirẹma anị nị?” 28Dị ẹyaa kụ̀ ọọ ụhụ nị, dị ẹ ka, “Ẹwụ nya kẹnẹ ọ vị ozirẹma anị, ẹ yị vị ezirẹma Imosiisi. 29Imosiisi kẹnẹ ị yẹ ka Ohomorihi ộ kà ịrẹyịị yị nị; àa vị ọta amị ọnọọ yọ, yẹ yị yẹ ịzọọ hụrẹ vẹ.” 30Dị ọnọrụ ọnọọ kà a yị wa ka, “Ho! Ịrẹyị ọnị ụ waa kà nịnị aanị, o si hí mi eyi. Ụ ka wẹ yị yẹ ịzọọ hụrẹ vẹ nịnị, ama ọnị ọ há ẹmị eyi nị. 31Yâ yẹ ka Ohomorihi ọ mā sị ụtọ pe ịrẹyị ọnịvị. Ọza ana àa hẹkẹ Ohomorihi, dị ọ raa mẹ̀ ịsa oni Ohomorihi sì nị, ọnị Óhomorihiī sị ụtọọ pe nị. 32A mẹ̀ hụrẹ mẹ ẹhẹ, ọza ọọ̀ yị wụ́ da ka â nyị ọza ana há eyi ọza ana a ma ogweyi. 33Ẹ̀ yị vị ọza Ohomorihi ọ́nọrụ ọnọọ vị, ẹ yị nyị ịsị ọ yaanị zụ mẹ.” 34Dị ẹnịnị tụ́ ọọ ohi, dị ẹ ka, “Ẹwụ ana a ma, da a rẹ sị enyi ịvị kà, ee sì ka wa zụ̀ yị ịsa nịị? Dị ẹ dụ ọọ kwooze nị.”
Aza ene gu eyi tụ́ ịnị ịsa Ohomorihi
35Ijeesu ộ wụ́ ka ẹ sị ọnọrụ ọnọọ dụ kwooze. Ịjị o re e, ộ họ̀ ọ use ka, “Wáá sị ayị tụra Ozi Ohomorihi?” 36Dị ọnọrụ ọnọọ tụ́ ohi, dị ọ ka, “Ọga, aarịhịnị ẹnẹ ọ vị, dị ma zụ sị ayị tụra a?” 37Dị Ijeesu kà a yọ ka, “Wê vịdị si oo re da; ọnị ọ raa kà ịrẹyịị wụ aanị nị.” 38Dị ọnọrụ ọnọọ ka, “Ananyị yị, mâ sị ayị tụra wụ”, dị ọ tana tụra ẹtẹ ọ́vịdị Ijeesu nị. 39Dị Ijeesu ka, “Mâ vẹ ẹhẹ ọnọnị ka ma va mẹ̀ ọkarẹyị, dị ogweyi nịnị èe re ẹtẹ, dị aza ana ka eni ee re ẹtẹ è gu eyi.” 40Anihwarisi ẹnyị ene hi ịzọọ ệ wụ́, Íjeesu mẹ̀ vavọọ kà. Dị ẹ họ̀ ọ use ka, “Aanịka ogweyi ẹ́yị rẹ vị bẹẹ nị?” 41Dị Ijeesu tụ́ wa ohi, dị ọ ka, “Wàa yaanị vị ogweyi nịnị, wẹ yị yaanị rị ịvị nịnị; ama ụ ka wee re ẹtẹ nịnị, agụvị avọọ ịvị awụ nịnị yị yà wụ nịnị ịrẹsụ.”
Currently Selected:
Ịjọọnụ 9: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịjọọnụ 9
9
Ijeesu ộ há eyi ọnọrụ ọnya ana a ma ogweyi
1Íjeesu màa na óze, ô re ọza ịnya aanị ana a ma ogweyi. 2Dị ezirẹma anị họ̀ ọ ka, “Ọga, ẹnẹ vị ana mẹ ịvị, ana mẹ ka à ma ọnọrụ ọnọnị ogweyi? Ọnị ụvọta wáá yọ nị, à vị aza ana ma a?” 3Dị Ijeesu tụ́ wa ohi, dị ọ ka, “Ẹ yị vị agụvị ka ọnọrụ ọnọnị ộ mẹ̀ ịvị, ẹ yị rẹ vị agụvị ka aza ana ma a, ộ mẹ̀ ịvị. Ama Ohomorihi ee sì ka à sị ụkọrọ anị zụ̀ aza ịnị ẹngụ ọnọrụ ọnọnị. 4Â nyị ka ya mẹ̀ ụkọrọ Ọza ana tụ́ mị vẹ ẹhẹ dị ọyị ọ̀ va ta. Ọyị vaa ta, ịjọnọọ ọza ọ yị kụkụ va zụụ mẹ̀ ụkọrọ. 5#Imt 5.14; Ịjọ 8.12M mẹ̀ yị yà ịnị ẹhẹ aanị, ẹma vị ẹtohweyi yị anẹhẹ nị.”
6Ịjị ọ vavọọ sị ịrẹyị kà, dị ọ jị atẹ hi ẹtẹ, dị ọ sị tọ̀ ụvụ, dị ọ kụ́ ọọ sisi ogweyi ọnọọ eyi nị. 7Dị Ijeesu kà a yọ ka, “Na, dị ụ wa na nyịna eyi awụ ini adagu Ịsayịrọmị.” (Iruvo “Ịsayịrọmị” ọ vị “â tụ́ ọọ”.) Ịzẹyịza, dị ọnọrụ ọnọọ na, dị ọ na nyịna eyi anị, di o kuku ee re ẹtẹẹ vẹ nị.
8Ịjị anokokooro ogweyi ọnọọ beri aza eneē vidii re e ka ọọ̄ pà ịsaa rị re e, dị ẹ ka, “Aanịka ẹ yị vị ọza anaā vịdịị yaayịtẹ dị aa pà ịsaa rị avọọ yị?” 9Dị aza ẹnyị ka ọnịị yọ, dị ọsa ka vi o véné e nị. Dị ọza ọnọọ ụvọta ka, “Ẹmịị yọ nọ!” 10Dị ẹ va họ̀ ọ ka, “Éyi awụ mẹmẹ va há?” 11Di o tụ́ ohi, dị ọ ka, “Ọnọrụ ọnya aanị ana aā hị́ Ijeesu, ọ tọ̀ ụvụ, di o si sisi mi eyi nị. Dị ọ kà a mị ka ma na nyịna eyi amị ini adagu Ịsayịrọmị nị. Ịzẹyịza, dị mị na nyịna eyi amị kẹnẹ, di mi kuku ee re ẹtẹ nị.” 12Dị ẹnịnị họ̀ ọ use ka, “Ịzị ọza ọnọọ yà aanị?” Dị ọnọrụ ọnọọ ka, “Mẹ yị yẹ, ọ.”
Anihwarisi nịnị ê sì iruvo ịrẹyị ọnọọ
13Dị aza ẹnẹẹ sị ọnọrụ ọnọọ ene vịdị gu eyi aanị ne tù Anihwarisi nịnị nị. 14Ẹkụhị ụhwọtụ Íjeesu vavọọ sị tọ̀ ụvụ, dị ọ ha eyi nị. 15Dị Anihwarisi nịnị ẹnị rẹ họ̀ ọ ka, o meme kuku vee re ẹtẹ nị. Dị ọ rẹ kà a yị wa ka, “Ộ sị ụvụ sisi mi eyi, dị mị na nyịna a, di mi kuku ee re ẹtẹ nị.” 16Dị Anihwarisi ẹnyị ka, “Ọza ana vavọọ mẹ, ọ yị vị ọza Ohomorihi, agụvị ka o yi sị eyi pe ẹkụhị ụhwọtụ.” Dị aza ẹnyị ẹnịnị rẹ ka, “Wéé ro ka ọza ana vị ọnịvị ộ vavọọ zụ mẹ̀ ụkọrọ apọtẹrẹwa nịnị?” Ẹnịnị ẹ kụ́ gà hi.
17Dị ẹnịnị rẹ va họ̀ ọza ene vịdị gu eyi aanị ka, “Ọza ana há wụ eyi aanị, sị ụ zụ kà ini oze anị?” Dị ọnọrụ ọnọọ ka ọnịsẹ ọ vị nị. 18Ama Aniju nịnị e yi sì ka ẹnị ẹ̀ dọ wụ́ ka ọnọrụ ọnọọ ô vịdị gu eyi da, di o vee re ẹtẹ booro aanị. Agụvị avọọ dị ẹ hị́ aza ana ma ọza ana a há eyi aanị, 19dị ẹ họ̀ wa ka, “Ozi ewu nịnị ọnị ụ kà a ka wâ ma ogweyi nịnị wáá yị? Ọ mẹ̀ zị ọọ, di o vee re ẹtẹ booro aanị?” 20Dị aza ana ma ọnọrụ ọnọọ tụ́ wa ohi ka, “Ịzẹyịza ozi eyi yị, ogweyi ị vịdị ma a nị. 21Ama ọ mẹ̀ zị ọọ, di o vee re ẹtẹ booro aanị, yẹ yị yẹ. Yẹ yị rẹ yẹ ọza ana há a eyi. Ọnị ụvọta ọ sị vịra, na họ̀ ọ use nịnị! Ọ vaa kà irenu anị.” 22Aza ana ma ọnọrụ ọnọọ, ệ vavọọ kà, agụvị ka eyee hí angwa Aniju nịnị. Aniju nịnị ệ vịdị sị eyi gẹ ka àa nyị ọza ana dọ ka Ijeesu ọ vị Ikirisiti ọnọọ nị, à dụ ọọ jịnẹ hụụnị irehi Ohomorihi. 23Agụvị avọọ aza ana ma a kà a ka, “Ọ sị vịra, na họ̀ ọ use nịnị!” nị.
24Dị Aniju nịnị re tenyi ọza ene vịdị gu eyi aanị hị́ nị. Dị ẹ kà a yọ ka, “Ẹwà kà ịrẹyị ịzẹyịza Ohomorihi; ẹyị â yẹ ka ọnọrụ ọnọọ vị ọnịvị.” 25Dị ọza ene vịdị gu eyi aanị, tụ́ ohi, dị ọ ka, “À vị ọnịvị ọ vị nị oo, à vị ọ yị vị ọnịvị oo, ẹmị ẹ yị yẹ. Ịsa ọnya kẹnẹ mị yẹ nị, mâ yẹ ka mê vịdị gu eyi, ama mee re ẹtẹ booro aanị.” 26Dị ẹ rẹ họ̀ ọ ka, “Sị ọ mẹ wụ? Ọ mẹmẹ há wụ eyi?” 27Dị ọnọrụ tụ́ ohi, dị ọ ka, “Mâ vịdị rẹ sị ọọ kà a wụ nịnị, wẹ yị zẹẹ ka wa wụ́ nịnị. Sị ẹ vẹ di u ree sì ka me tenyi ọọ kà a wụ nịnị? Vi u wee sì ka ẹwụ nịnị ọ̀ rẹ vị ezirẹma anị nị?” 28Dị ẹyaa kụ̀ ọọ ụhụ nị, dị ẹ ka, “Ẹwụ nya kẹnẹ ọ vị ozirẹma anị, ẹ yị vị ezirẹma Imosiisi. 29Imosiisi kẹnẹ ị yẹ ka Ohomorihi ộ kà ịrẹyịị yị nị; àa vị ọta amị ọnọọ yọ, yẹ yị yẹ ịzọọ hụrẹ vẹ.” 30Dị ọnọrụ ọnọọ kà a yị wa ka, “Ho! Ịrẹyị ọnị ụ waa kà nịnị aanị, o si hí mi eyi. Ụ ka wẹ yị yẹ ịzọọ hụrẹ vẹ nịnị, ama ọnị ọ há ẹmị eyi nị. 31Yâ yẹ ka Ohomorihi ọ mā sị ụtọ pe ịrẹyị ọnịvị. Ọza ana àa hẹkẹ Ohomorihi, dị ọ raa mẹ̀ ịsa oni Ohomorihi sì nị, ọnị Óhomorihiī sị ụtọọ pe nị. 32A mẹ̀ hụrẹ mẹ ẹhẹ, ọza ọọ̀ yị wụ́ da ka â nyị ọza ana há eyi ọza ana a ma ogweyi. 33Ẹ̀ yị vị ọza Ohomorihi ọ́nọrụ ọnọọ vị, ẹ yị nyị ịsị ọ yaanị zụ mẹ.” 34Dị ẹnịnị tụ́ ọọ ohi, dị ẹ ka, “Ẹwụ ana a ma, da a rẹ sị enyi ịvị kà, ee sì ka wa zụ̀ yị ịsa nịị? Dị ẹ dụ ọọ kwooze nị.”
Aza ene gu eyi tụ́ ịnị ịsa Ohomorihi
35Ijeesu ộ wụ́ ka ẹ sị ọnọrụ ọnọọ dụ kwooze. Ịjị o re e, ộ họ̀ ọ use ka, “Wáá sị ayị tụra Ozi Ohomorihi?” 36Dị ọnọrụ ọnọọ tụ́ ohi, dị ọ ka, “Ọga, aarịhịnị ẹnẹ ọ vị, dị ma zụ sị ayị tụra a?” 37Dị Ijeesu kà a yọ ka, “Wê vịdị si oo re da; ọnị ọ raa kà ịrẹyịị wụ aanị nị.” 38Dị ọnọrụ ọnọọ ka, “Ananyị yị, mâ sị ayị tụra wụ”, dị ọ tana tụra ẹtẹ ọ́vịdị Ijeesu nị. 39Dị Ijeesu ka, “Mâ vẹ ẹhẹ ọnọnị ka ma va mẹ̀ ọkarẹyị, dị ogweyi nịnị èe re ẹtẹ, dị aza ana ka eni ee re ẹtẹ è gu eyi.” 40Anihwarisi ẹnyị ene hi ịzọọ ệ wụ́, Íjeesu mẹ̀ vavọọ kà. Dị ẹ họ̀ ọ use ka, “Aanịka ogweyi ẹ́yị rẹ vị bẹẹ nị?” 41Dị Ijeesu tụ́ wa ohi, dị ọ ka, “Wàa yaanị vị ogweyi nịnị, wẹ yị yaanị rị ịvị nịnị; ama ụ ka wee re ẹtẹ nịnị, agụvị avọọ ịvị awụ nịnị yị yà wụ nịnị ịrẹsụ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.