Ịjọọnụ ỌYỊSỊZỤ
ỌYỊSỊZỤ
Iwe Enube ọyịza Ịjọọnụ aa sị zụ̀ ka Ijeesu ọ vị Ịrẹyị Ohomorihi nị. Ịrẹyị ọnọọ vị ana yà ịzọọ pooro zịna-zịna. Ọ kà ịrẹyị ọnọọ ộ vara ọzarẹyịrẹsụ, dị ọ́ ra ịnị akakana ayị nị. Â kà a tụ ini iwe ọnọnị ụvọta ka, Enube ọyịza ọnọnị vị ana a chẹrẹ agụvị aza anaa kà a ẹ̀ zụ dọ wụ ka Ijeesu ọ vị Ọdọzaha ọnị Ohomorihi kà a ka ọnị vaa tụ́ụ vẹ ẹhẹ nị, dị ọ vị ozi Ohomorihi nị, ọnịrị ka ẹ̀ẹ vavọọ sị ayị tụra a, ẹ vaa yàra (20.31).
Ịrẹma ịrẹyị ana a sị ha Enube ọyịza ọnọnị irenu ana a sị zụ̀ ka Ijeesu ọ vị Ịrẹyị Ohomorihi nị, ohu ịpaapa Enube ọyịza ọnọnị ộ sị zụ ụkọrọ ịvọpa irenyi-irenyi ana sị zụ ka Ijeesu ọ vị Ọdọzaha ana a kà ịrẹyị anị nị. Ọnị ọ vị Ozi Ohomorihi nị. Ịrẹyị ana a sị mẹ ẹhahi ịsị ịvọpa ẹnẹnị jẹẹ yị ẹ vana vatụra ẹsẹnị nị. Ịpa ọnọnị ini iwe ọnọnị ộ kà a aza ẹnyị mẹmẹ dọ Ijeesu wụ, dị ẹ vara ezirẹma anị, ịzọọ aza ẹnyị yị ka ẹnị ẹ yị dọ ọ wụ, dị ẹ kwẹẹtẹ tu ọ nị. Â chẹrẹ ẹ tụ ịnị ịrẹsụ ẹwụrẹta na ngụ ẹwụrịhịmba (13-17) uze ana yà ịnị akakana Ijeesu ọnịrị ezirẹma anị ịrahụ ịhị ana va za a. Â rẹ kà ịrẹyị ọnị ọ ka dị ọ sị hụ́ wa ayọvị, dị ọ rẹ sị tụ́ wa ọtụtụrụma ọ mẹ̀ sị vị ụhwọ anaa kanyị ọ za apavahị. Ịrẹsụ ana a sị za iwe ọnọnị ẹtẹ vị ana ka ịrẹyị a mẹmẹ za Ijeesu, dị ọ ma kụ́ irenu anị, a mẹmẹ kanyị ọ za apavahị, ọnịrị ọ mẹmẹ ha hụụnị isu, beri ọ mẹmẹ sị ẹngụ zụ ezirẹma anị ọ mẹ̀ ha hụụnị isu.
Ịtọpa ọnẹẹ ana na sẹ̀ ịrẹka dị a za a (8.1-11) vị ana a sị ịsa kara agụvị ka iwe ọrụrụ ana vịdị mẹ̀ ẹ yị nyị ọ, ama ẹnyị vị ana sị ọ tụ aha irenyi-irenyi. Ịjọọnụ ộ hú ọ ụvọ ẹtẹẹtẹrẹ ka zi oze ọnị ịpa Ijeesu ọza zịị̄ yara zịna-zịna nị. Ẹngụ ẹhẹ ọnọnị vị ẹyịza ana a sịị̄ yị aza ana sị dọ ka Ijeesu ọ vị Oze, dị ọ vị ịzẹyịza, dị ọ rẹẹ̄ mẹ ka ọza ọ̀ yàra nị. Ịsa ọnya ana hịka ọ sị ẹngụ zụ̀ ẹtẹẹtẹrẹ ini iwe ọnọnị ọnị Ịjọọnụ chẹrẹ aanị ọ vị ọ mẹmẹ sị ịsa oni yee re eyinị-eyinị zụ̀ aza ịsa obooro ịnị ụhwẹ nị. Ẹnyị ịnị ẹngụ ịsa ẹnẹẹ ẹ vị enyi, ịbụrẹẹdị, ẹtohweyi, Oseratẹmẹ ọnịrị atẹmẹ anị, ọnịrị ụbazị ịvayịnị ọnịrị ẹtụtụ anị nị.
Eyi Ịrẹyị
Ọ̀yịharẹyị irenu 1.1-18
Ịjọọnụ ọhwọzenyi ọnịrị ezirẹma Ijeesu ịpaapa 1.19-51
Ụkọrọ ọnị Ijeesu mẹ ana aza re 2.1—12.50
Ẹkụhị ọdịrẹma ọnị Ijeesu mẹ Ijerusarẹmị ọnịrị ọ̀ sị gụrị ọ 13.1—19.42
Ananyị yị mẹmẹ ha hụụnị isu ọnịrị ọ mẹmẹ sị ẹngụ zụ̀ 20.1-31
Ịsị a sị za iwe ọnọnị ịrẹsụ: Ijeesu mẹmẹ rẹ sị ẹngụ zụ̀ Igariri. 21.1-25
Currently Selected:
Ịjọọnụ ỌYỊSỊZỤ: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịjọọnụ ỌYỊSỊZỤ
ỌYỊSỊZỤ
Iwe Enube ọyịza Ịjọọnụ aa sị zụ̀ ka Ijeesu ọ vị Ịrẹyị Ohomorihi nị. Ịrẹyị ọnọọ vị ana yà ịzọọ pooro zịna-zịna. Ọ kà ịrẹyị ọnọọ ộ vara ọzarẹyịrẹsụ, dị ọ́ ra ịnị akakana ayị nị. Â kà a tụ ini iwe ọnọnị ụvọta ka, Enube ọyịza ọnọnị vị ana a chẹrẹ agụvị aza anaa kà a ẹ̀ zụ dọ wụ ka Ijeesu ọ vị Ọdọzaha ọnị Ohomorihi kà a ka ọnị vaa tụ́ụ vẹ ẹhẹ nị, dị ọ vị ozi Ohomorihi nị, ọnịrị ka ẹ̀ẹ vavọọ sị ayị tụra a, ẹ vaa yàra (20.31).
Ịrẹma ịrẹyị ana a sị ha Enube ọyịza ọnọnị irenu ana a sị zụ̀ ka Ijeesu ọ vị Ịrẹyị Ohomorihi nị, ohu ịpaapa Enube ọyịza ọnọnị ộ sị zụ ụkọrọ ịvọpa irenyi-irenyi ana sị zụ ka Ijeesu ọ vị Ọdọzaha ana a kà ịrẹyị anị nị. Ọnị ọ vị Ozi Ohomorihi nị. Ịrẹyị ana a sị mẹ ẹhahi ịsị ịvọpa ẹnẹnị jẹẹ yị ẹ vana vatụra ẹsẹnị nị. Ịpa ọnọnị ini iwe ọnọnị ộ kà a aza ẹnyị mẹmẹ dọ Ijeesu wụ, dị ẹ vara ezirẹma anị, ịzọọ aza ẹnyị yị ka ẹnị ẹ yị dọ ọ wụ, dị ẹ kwẹẹtẹ tu ọ nị. Â chẹrẹ ẹ tụ ịnị ịrẹsụ ẹwụrẹta na ngụ ẹwụrịhịmba (13-17) uze ana yà ịnị akakana Ijeesu ọnịrị ezirẹma anị ịrahụ ịhị ana va za a. Â rẹ kà ịrẹyị ọnị ọ ka dị ọ sị hụ́ wa ayọvị, dị ọ rẹ sị tụ́ wa ọtụtụrụma ọ mẹ̀ sị vị ụhwọ anaa kanyị ọ za apavahị. Ịrẹsụ ana a sị za iwe ọnọnị ẹtẹ vị ana ka ịrẹyị a mẹmẹ za Ijeesu, dị ọ ma kụ́ irenu anị, a mẹmẹ kanyị ọ za apavahị, ọnịrị ọ mẹmẹ ha hụụnị isu, beri ọ mẹmẹ sị ẹngụ zụ ezirẹma anị ọ mẹ̀ ha hụụnị isu.
Ịtọpa ọnẹẹ ana na sẹ̀ ịrẹka dị a za a (8.1-11) vị ana a sị ịsa kara agụvị ka iwe ọrụrụ ana vịdị mẹ̀ ẹ yị nyị ọ, ama ẹnyị vị ana sị ọ tụ aha irenyi-irenyi. Ịjọọnụ ộ hú ọ ụvọ ẹtẹẹtẹrẹ ka zi oze ọnị ịpa Ijeesu ọza zịị̄ yara zịna-zịna nị. Ẹngụ ẹhẹ ọnọnị vị ẹyịza ana a sịị̄ yị aza ana sị dọ ka Ijeesu ọ vị Oze, dị ọ vị ịzẹyịza, dị ọ rẹẹ̄ mẹ ka ọza ọ̀ yàra nị. Ịsa ọnya ana hịka ọ sị ẹngụ zụ̀ ẹtẹẹtẹrẹ ini iwe ọnọnị ọnị Ịjọọnụ chẹrẹ aanị ọ vị ọ mẹmẹ sị ịsa oni yee re eyinị-eyinị zụ̀ aza ịsa obooro ịnị ụhwẹ nị. Ẹnyị ịnị ẹngụ ịsa ẹnẹẹ ẹ vị enyi, ịbụrẹẹdị, ẹtohweyi, Oseratẹmẹ ọnịrị atẹmẹ anị, ọnịrị ụbazị ịvayịnị ọnịrị ẹtụtụ anị nị.
Eyi Ịrẹyị
Ọ̀yịharẹyị irenu 1.1-18
Ịjọọnụ ọhwọzenyi ọnịrị ezirẹma Ijeesu ịpaapa 1.19-51
Ụkọrọ ọnị Ijeesu mẹ ana aza re 2.1—12.50
Ẹkụhị ọdịrẹma ọnị Ijeesu mẹ Ijerusarẹmị ọnịrị ọ̀ sị gụrị ọ 13.1—19.42
Ananyị yị mẹmẹ ha hụụnị isu ọnịrị ọ mẹmẹ sị ẹngụ zụ̀ 20.1-31
Ịsị a sị za iwe ọnọnị ịrẹsụ: Ijeesu mẹmẹ rẹ sị ẹngụ zụ̀ Igariri. 21.1-25
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.