Iruuku 13
13
Navọ we ro ịnẹ varẹma nịnị!
1Ịnị ụmẹ ọnọọ, â nyị aza ẹnyị ana yà ịzọọ. Dị ẹ kà a yị Ijeesu, Ípayireti mẹmẹ wụ̀ Anigariri ẹnyị, ẹ màa mẹ ịsọvọ hi Ohomorihi nị. 2Dị Ijeesu tụ́ ohi, dị ọ kà a yị wa ka, “U wéé ro nịnị ka agụvị ka Anigariri ẹnẹẹ ệ mẹ ịvị hu Anigariri ana vọ, ẹ vavọọ sị rị ụya nị? 3Jẹẹ ma kà a wụ nịnị ka ẹ yị vị avọọ. Ama ẹ̀ yị vị ụ ro ịnẹ varẹma nịnị, avọọ ẹwụ nịnị mè re vee vu ẹtẹ nị. 4Rẹ tamayị aza ẹnị ẹwụrịhịnta, oni irehi ọgọdọ Ịsayịrọmị wú za, dị ọ wụ̀ wa. Wéé ro ka ẹnị ẹ vị ọnịvị hu ịnị avaba aza ene hi Ijerusarẹmị nị? 5Jẹẹ ma kà a wụ ka ẹ yị vị avọọ. Ẹ̀ yị vị ụ ro ịnẹ varẹma nịnị, avọọ ẹwụ nịnị mè ree vu ẹtẹ nị.”
Ụhịrẹyị ọchị ẹnẹ ẹ̀ yị tụ́ ẹtụtụ
6Dị Ijeesu ve che ụhịrẹyị ọnọnị yị wa nị ka, “Â nyị ọnọrụ ọnya ene chire ọchị ọnya aanị, ana sị mẹẹ anka ezu tụ́ ịnị ụbazị anị. Ộ vẹ ka ọnị ọ̀ va há ẹtụtụ hụụnị anị, ama o yi re há. 7Dị ọ kà a yị ọza enee tenyii hi ụbazị anị ka: ‘Re! Hụrẹ ịrayị ẹẹta ọnị mị hụrẹ ee sì ẹtụtụ ịrẹsụ ọchị ọnọnị yị, ama me yi re ikonya há. Má a kwooze! Sị ọ yà ịzẹnị ee du ẹtẹẹ haa mẹ!’ 8Dị ọza ene ee tenyii hi ụbazị ọnọọ ka, Ọga, rẹ sị ayịrọnị tụ́ ọọ yọ. Maa chị ẹtẹẹ kara a, dị ma kụ́ ịhyẹrẹ ụnọ hi ọ. 9Ọ̀ọ na tụ́ ẹtụtụ ụpọsa, ô zoza; ọ̀ yị na tụ́, dị ụ kụkụ má a kwooze!”
Ijeesu ộ mẹ̀ ọnẹẹ ụkụ ịnị ẹkụhị ụhwọtụ
10Ịnị ẹkụhị ụhwọtụ ọnya, di Ijeesu aa zụ̀ aza ịsa ini irehi Ohomorihi Aniju nị. 11Â nyị ọnẹẹ ọnya aanị ịzọọ ana nyị ụhwẹ echu. Ụhwẹ echu ọnọọ ộ sị ụkụ za a mẹ ịrayị ẹwụrịhịnta, dị ọ sị yá, dị ọ̀ yị kụkụ zụ kụ̀rà ẹngụ anị jẹẹ nị. 12Íjeesu mè re e, ộ hị́ ọ, dị ọ ka, “Ọnẹẹ ọnọnị, a sị wụ ngwara hụụnị ụkụ awụ!” 13Dị ọ sị ụvọ tụra a nị. Obooboro ọnọọ dị ọnẹẹ ọnọọ vọrọ jẹẹ, dị aa sị ụgaa yị Ohomorihi nị.
14 #
Kụra 20.9,10; Ọda 5.13,14 Ọdọvịdị irehi Ohomorihi ọnọọ aa kụ́ ayị ka Ijeesu ộ mẹ̀ ọza ụkụ ịnị ẹkụhị ụhwọtụ. Dị ọdọvịdị ọnọọ kà a yị aza ka, “Yâ nyị ẹkụhị ịhịnọnyị ana a vọrọ ka ọza ọ̀ sị mẹ̀ ụkọrọ. Vẹ nịnị ịnị akakana ẹkụhị ịhịnọnyị ẹnẹẹ, dị à mẹ wụ nịnị ụkụ, asị ụ rẹ̀ vẹ ịnị ẹkụhị ụhwọtụ nịnị!” 15Dị Ananyị yị kà a yọ ka, “Ẹwụ nịnị ọmọzakụyẹ ẹnẹnị, aanịka wẹ mā ngwara imaaru ọnịrị ịkẹrịkẹtẹ awụ nịnị ka è ne hú enyi ịnị ẹkụhị ụhwọtụ? 16Ọnẹẹ ọnọnị vị ozi Abụrahamị. Echu ọ sị ọọ sụ́ hụrẹ ịrayị ẹwụrịhịnta. Wéé ro ka ẹ yị vọrọ ka à ngwa a ịnị ẹkụhị ụhwọtụ?” 17Ịjị ọ maanị sị kà, dị ụhị kụkụ aa nyị avaba ọnịvị anị nị. Dị avaba aza ana vọ ẹnị aa jẹ agụvị ịsa ọbanyị ana aa mẹ nị.
Ụhịrẹyị ihu oweyi ọnya
(Imt 13.31-32; Ịmk 4.30-32)
18Dị Ijeesu ka, “Sị a nyẹngụ sị juwe ịjọva Ohomorihi kẹ, si o véné? 19Vị ọ sị mẹẹ anka ihu oweyi ọnya kiiki aanị, ọnị ọza ịnya aanị sị, di o ne e ngụ ịnị ụbazị anị nị. Dị ọ hụ, dị ọ vara ọchị ọbanyị, di inomi nịnị mẹ ịrẹngwẹ hi ịnị avọ anị nị.”
Ụhịrẹyị òwù
(Imt 13.33)
20Dị Ijeesu rẹ ka, “Si e ve sii juwe ịjọva Ohomorihi? 21Vị ọ sị mẹẹ òwù avọọ nị. Ọnẹẹ ọnya ộ sị ọọ, ô si hura ayị ọyịkwọ ịchacha ọnya, di o kuku si oo wù gwẹtẹ nị.”
Oze dẹẹrẹ
(Imt 7.13-14,21-23; 8.11-12)
22Ijeesu aa ngụ ẹkụra ọbanyị ọnịrị ẹkụra oweyii zị, dị aa zụ̀ wa ịsa, dị aa nọ Ijerusarẹmị nị. 23Dị ọza ịnya kà a yọ ka, “Ananyị yị, aanịka aza chee kẹnẹ ọ vaa há nị?” Dị Ijeesu kà a yị wa ka, 24“Sị vụrị dị ụ wa zị oze dẹẹrẹ ngụ eehi nịnị! Dị ma kà a wụ nịnị ka aza ọrụrụ vee sì ka ẹnị ẹ̀ ngụ eehi, dị ẹ̀ yị zụ ngụ ọọ. 25Ịjị adarehi ọ̀ọ sị kwẹẹtẹ dị ọ sị oze gu nị, dị ẹwụ nịnị kụkụ jẹẹ ẹhẹ aa sị ụvọọ ká oze ka: ‘Ananyị yị! Ananyị yị! Na oze yị!’ Di o tụ́ ohi dị ọ ka: ‘Mẹ yị yẹ ịzị ụ hụrẹ vẹ nịnị. Hụrẹ mi eyi, ẹwụ nịnị enebira odivi ẹnẹnị!’ 26Ịjọnọọ dị ụ ka: ‘Ẹyịrị ẹwụ o dudu aa rị, di yee hú nọ! Wâ zụ̀ aza ịsa ịnị ẹkụra ayị, ọ!’ 27#Ahẹ 6.8Di o tụ́ ohi dị ọ ka: ‘Mẹ yị yẹ ịzị ụ hụrẹ vẹ nịnị. Hụrẹ mi eyi, ẹwụ nịnị enebira odivi ẹnẹnị!’ 28#Imt 22.13; 25.30#Imt 8.11,12Ụ vaa jị òrèrè nịnị, dị ụ waa rị anyị nịnị, Ịjị u wèe re ka Abụrahamị ọnịrị Ayiziiki beri Ijekọvụ ọnịrị avaba ọnịsẹ nịnị hi ịzị Ohomorihi yà aa mẹ ịjọva, di a sị ẹwụ nịnị dụ tụ́ ẹhẹ nị. 29Aza vaa hụrẹ eyi ọnị ọyị aa zịị hụrẹ ọnịrị eyi ọnị ọyị aa zịị na ngụ ẹtẹ vẹ; ẹ rẹ vaa hụrẹ eyi ẹbẹẹba ọnịrị eyi ụvẹtẹẹ vẹ, dị ẹ yaayịtẹ aa rị ịsa ịzị Ohomorihi yà aa mẹ ịjọva. 30#Imt 19.30; 20.16; Ịmk 10.31Aza ẹnyị ana vị ọdịrẹma vaa vị ọdọvịdị, dị aza ana vị ọdọvịdị na vị ọdịrẹma.”
Ijeesu ô sì ịrẹyị Anijerusarẹmị
(Imt 23.37-39)
31Ịhị ọnọọ gẹdẹ-gẹdẹ, dị Anihwarisi ẹnyị vẹ, dị ẹ kà a yọ ka, “Jịnẹ hụụ ịzẹnị, dị ụ wa nọ aha ọsa; agụvị ka Ịhẹrọdị ee sì ka ọnị ọ̀ wụ wụ.” 32Di Ijeesu kà a yị wa ka, “Na, dị ụ wa na kà a yị onirikichi ọnọọ nịnị ka: ‘Re, maa dụ ụhwẹ echuu jịnẹ hụụnị ẹngụ aza, maa mẹ̀ aza ụkụ ajịnị ọnịrị ụhwọọ, Ịhyẹgwẹta anị, mị vaa mẹ̀ ụkọrọ amịị ta.’ 33Â nyị ka ma zị ụsẹ ajịnị ọnịrị ụhwọọ beri uhurenyi. Ẹ yị nyị ka à wụ ọnịsẹ aha ọsa, ẹ̀ yị vị Ijerusarẹmị.”
34“Ijerusarẹmị! Ijerusarẹmị! Ụụ̄ wụ ọnịsẹ nịnị, di u reē ne ọza oni Ohomorihi ọ̀ọ tụ́ hi wu nịnị ịrẹta nị. Wáá yẹ, ụ́pẹ ịrịka yà oni mi sì ka ma sị avaka amị za wụ nịnị kú, anka ụ́ụhwẹ mẹ̀ẹ̄ sị avakaa za ezi anịị kú avọọ; ama dụ wẹ yị zẹẹ nịnị. 35#Ahẹ 118.26A vaa navọ irehi awụụ yị wụ nịnị, dị ọ tụ́ osusu. Dị ma kà a wụ nịnị ka we mē vene re mi nịnị pooro dị ụmẹ ọnọọ ò tù, ọnị ụ vaa kà a nịnị ka: ‘Ohomorihi ọ̀ dà tụ́ ịnị ụbanyị yị ọza ana aa vẹ ịnị ịrẹha Ananyị yị.’ ”
Currently Selected:
Iruuku 13: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Iruuku 13
13
Navọ we ro ịnẹ varẹma nịnị!
1Ịnị ụmẹ ọnọọ, â nyị aza ẹnyị ana yà ịzọọ. Dị ẹ kà a yị Ijeesu, Ípayireti mẹmẹ wụ̀ Anigariri ẹnyị, ẹ màa mẹ ịsọvọ hi Ohomorihi nị. 2Dị Ijeesu tụ́ ohi, dị ọ kà a yị wa ka, “U wéé ro nịnị ka agụvị ka Anigariri ẹnẹẹ ệ mẹ ịvị hu Anigariri ana vọ, ẹ vavọọ sị rị ụya nị? 3Jẹẹ ma kà a wụ nịnị ka ẹ yị vị avọọ. Ama ẹ̀ yị vị ụ ro ịnẹ varẹma nịnị, avọọ ẹwụ nịnị mè re vee vu ẹtẹ nị. 4Rẹ tamayị aza ẹnị ẹwụrịhịnta, oni irehi ọgọdọ Ịsayịrọmị wú za, dị ọ wụ̀ wa. Wéé ro ka ẹnị ẹ vị ọnịvị hu ịnị avaba aza ene hi Ijerusarẹmị nị? 5Jẹẹ ma kà a wụ ka ẹ yị vị avọọ. Ẹ̀ yị vị ụ ro ịnẹ varẹma nịnị, avọọ ẹwụ nịnị mè ree vu ẹtẹ nị.”
Ụhịrẹyị ọchị ẹnẹ ẹ̀ yị tụ́ ẹtụtụ
6Dị Ijeesu ve che ụhịrẹyị ọnọnị yị wa nị ka, “Â nyị ọnọrụ ọnya ene chire ọchị ọnya aanị, ana sị mẹẹ anka ezu tụ́ ịnị ụbazị anị. Ộ vẹ ka ọnị ọ̀ va há ẹtụtụ hụụnị anị, ama o yi re há. 7Dị ọ kà a yị ọza enee tenyii hi ụbazị anị ka: ‘Re! Hụrẹ ịrayị ẹẹta ọnị mị hụrẹ ee sì ẹtụtụ ịrẹsụ ọchị ọnọnị yị, ama me yi re ikonya há. Má a kwooze! Sị ọ yà ịzẹnị ee du ẹtẹẹ haa mẹ!’ 8Dị ọza ene ee tenyii hi ụbazị ọnọọ ka, Ọga, rẹ sị ayịrọnị tụ́ ọọ yọ. Maa chị ẹtẹẹ kara a, dị ma kụ́ ịhyẹrẹ ụnọ hi ọ. 9Ọ̀ọ na tụ́ ẹtụtụ ụpọsa, ô zoza; ọ̀ yị na tụ́, dị ụ kụkụ má a kwooze!”
Ijeesu ộ mẹ̀ ọnẹẹ ụkụ ịnị ẹkụhị ụhwọtụ
10Ịnị ẹkụhị ụhwọtụ ọnya, di Ijeesu aa zụ̀ aza ịsa ini irehi Ohomorihi Aniju nị. 11Â nyị ọnẹẹ ọnya aanị ịzọọ ana nyị ụhwẹ echu. Ụhwẹ echu ọnọọ ộ sị ụkụ za a mẹ ịrayị ẹwụrịhịnta, dị ọ sị yá, dị ọ̀ yị kụkụ zụ kụ̀rà ẹngụ anị jẹẹ nị. 12Íjeesu mè re e, ộ hị́ ọ, dị ọ ka, “Ọnẹẹ ọnọnị, a sị wụ ngwara hụụnị ụkụ awụ!” 13Dị ọ sị ụvọ tụra a nị. Obooboro ọnọọ dị ọnẹẹ ọnọọ vọrọ jẹẹ, dị aa sị ụgaa yị Ohomorihi nị.
14 #
Kụra 20.9,10; Ọda 5.13,14 Ọdọvịdị irehi Ohomorihi ọnọọ aa kụ́ ayị ka Ijeesu ộ mẹ̀ ọza ụkụ ịnị ẹkụhị ụhwọtụ. Dị ọdọvịdị ọnọọ kà a yị aza ka, “Yâ nyị ẹkụhị ịhịnọnyị ana a vọrọ ka ọza ọ̀ sị mẹ̀ ụkọrọ. Vẹ nịnị ịnị akakana ẹkụhị ịhịnọnyị ẹnẹẹ, dị à mẹ wụ nịnị ụkụ, asị ụ rẹ̀ vẹ ịnị ẹkụhị ụhwọtụ nịnị!” 15Dị Ananyị yị kà a yọ ka, “Ẹwụ nịnị ọmọzakụyẹ ẹnẹnị, aanịka wẹ mā ngwara imaaru ọnịrị ịkẹrịkẹtẹ awụ nịnị ka è ne hú enyi ịnị ẹkụhị ụhwọtụ? 16Ọnẹẹ ọnọnị vị ozi Abụrahamị. Echu ọ sị ọọ sụ́ hụrẹ ịrayị ẹwụrịhịnta. Wéé ro ka ẹ yị vọrọ ka à ngwa a ịnị ẹkụhị ụhwọtụ?” 17Ịjị ọ maanị sị kà, dị ụhị kụkụ aa nyị avaba ọnịvị anị nị. Dị avaba aza ana vọ ẹnị aa jẹ agụvị ịsa ọbanyị ana aa mẹ nị.
Ụhịrẹyị ihu oweyi ọnya
(Imt 13.31-32; Ịmk 4.30-32)
18Dị Ijeesu ka, “Sị a nyẹngụ sị juwe ịjọva Ohomorihi kẹ, si o véné? 19Vị ọ sị mẹẹ anka ihu oweyi ọnya kiiki aanị, ọnị ọza ịnya aanị sị, di o ne e ngụ ịnị ụbazị anị nị. Dị ọ hụ, dị ọ vara ọchị ọbanyị, di inomi nịnị mẹ ịrẹngwẹ hi ịnị avọ anị nị.”
Ụhịrẹyị òwù
(Imt 13.33)
20Dị Ijeesu rẹ ka, “Si e ve sii juwe ịjọva Ohomorihi? 21Vị ọ sị mẹẹ òwù avọọ nị. Ọnẹẹ ọnya ộ sị ọọ, ô si hura ayị ọyịkwọ ịchacha ọnya, di o kuku si oo wù gwẹtẹ nị.”
Oze dẹẹrẹ
(Imt 7.13-14,21-23; 8.11-12)
22Ijeesu aa ngụ ẹkụra ọbanyị ọnịrị ẹkụra oweyii zị, dị aa zụ̀ wa ịsa, dị aa nọ Ijerusarẹmị nị. 23Dị ọza ịnya kà a yọ ka, “Ananyị yị, aanịka aza chee kẹnẹ ọ vaa há nị?” Dị Ijeesu kà a yị wa ka, 24“Sị vụrị dị ụ wa zị oze dẹẹrẹ ngụ eehi nịnị! Dị ma kà a wụ nịnị ka aza ọrụrụ vee sì ka ẹnị ẹ̀ ngụ eehi, dị ẹ̀ yị zụ ngụ ọọ. 25Ịjị adarehi ọ̀ọ sị kwẹẹtẹ dị ọ sị oze gu nị, dị ẹwụ nịnị kụkụ jẹẹ ẹhẹ aa sị ụvọọ ká oze ka: ‘Ananyị yị! Ananyị yị! Na oze yị!’ Di o tụ́ ohi dị ọ ka: ‘Mẹ yị yẹ ịzị ụ hụrẹ vẹ nịnị. Hụrẹ mi eyi, ẹwụ nịnị enebira odivi ẹnẹnị!’ 26Ịjọnọọ dị ụ ka: ‘Ẹyịrị ẹwụ o dudu aa rị, di yee hú nọ! Wâ zụ̀ aza ịsa ịnị ẹkụra ayị, ọ!’ 27#Ahẹ 6.8Di o tụ́ ohi dị ọ ka: ‘Mẹ yị yẹ ịzị ụ hụrẹ vẹ nịnị. Hụrẹ mi eyi, ẹwụ nịnị enebira odivi ẹnẹnị!’ 28#Imt 22.13; 25.30#Imt 8.11,12Ụ vaa jị òrèrè nịnị, dị ụ waa rị anyị nịnị, Ịjị u wèe re ka Abụrahamị ọnịrị Ayiziiki beri Ijekọvụ ọnịrị avaba ọnịsẹ nịnị hi ịzị Ohomorihi yà aa mẹ ịjọva, di a sị ẹwụ nịnị dụ tụ́ ẹhẹ nị. 29Aza vaa hụrẹ eyi ọnị ọyị aa zịị hụrẹ ọnịrị eyi ọnị ọyị aa zịị na ngụ ẹtẹ vẹ; ẹ rẹ vaa hụrẹ eyi ẹbẹẹba ọnịrị eyi ụvẹtẹẹ vẹ, dị ẹ yaayịtẹ aa rị ịsa ịzị Ohomorihi yà aa mẹ ịjọva. 30#Imt 19.30; 20.16; Ịmk 10.31Aza ẹnyị ana vị ọdịrẹma vaa vị ọdọvịdị, dị aza ana vị ọdọvịdị na vị ọdịrẹma.”
Ijeesu ô sì ịrẹyị Anijerusarẹmị
(Imt 23.37-39)
31Ịhị ọnọọ gẹdẹ-gẹdẹ, dị Anihwarisi ẹnyị vẹ, dị ẹ kà a yọ ka, “Jịnẹ hụụ ịzẹnị, dị ụ wa nọ aha ọsa; agụvị ka Ịhẹrọdị ee sì ka ọnị ọ̀ wụ wụ.” 32Di Ijeesu kà a yị wa ka, “Na, dị ụ wa na kà a yị onirikichi ọnọọ nịnị ka: ‘Re, maa dụ ụhwẹ echuu jịnẹ hụụnị ẹngụ aza, maa mẹ̀ aza ụkụ ajịnị ọnịrị ụhwọọ, Ịhyẹgwẹta anị, mị vaa mẹ̀ ụkọrọ amịị ta.’ 33Â nyị ka ma zị ụsẹ ajịnị ọnịrị ụhwọọ beri uhurenyi. Ẹ yị nyị ka à wụ ọnịsẹ aha ọsa, ẹ̀ yị vị Ijerusarẹmị.”
34“Ijerusarẹmị! Ijerusarẹmị! Ụụ̄ wụ ọnịsẹ nịnị, di u reē ne ọza oni Ohomorihi ọ̀ọ tụ́ hi wu nịnị ịrẹta nị. Wáá yẹ, ụ́pẹ ịrịka yà oni mi sì ka ma sị avaka amị za wụ nịnị kú, anka ụ́ụhwẹ mẹ̀ẹ̄ sị avakaa za ezi anịị kú avọọ; ama dụ wẹ yị zẹẹ nịnị. 35#Ahẹ 118.26A vaa navọ irehi awụụ yị wụ nịnị, dị ọ tụ́ osusu. Dị ma kà a wụ nịnị ka we mē vene re mi nịnị pooro dị ụmẹ ọnọọ ò tù, ọnị ụ vaa kà a nịnị ka: ‘Ohomorihi ọ̀ dà tụ́ ịnị ụbanyị yị ọza ana aa vẹ ịnị ịrẹha Ananyị yị.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.