Iruuku 17
17
Ịvị ọnịrị ẹvagu
(Imt 18.6-7,15,21-22; Ịmk 9.42)
1Ijeesu ộ kà a yị ezirẹma anị ka, “Ẹ yị zụ nyị ka ịsị ẹẹ̄ mẹ ọzaa mẹ ịvị, ọ yị vẹ; ama ọza ana àa kụ́ ọọ vẹ, ọ sị dà. 2Ọza ana àa mẹ ka ọnya ini ezi eweyi ẹnẹnị ọ̀ mẹ ịvị, ọ yaanị dahi huu yọ ka à sị ịrẹtọkwayị ọbanyị, di è kuru ọọ gẹ ẹ ọrọkọ, di è ne e ngụ oku. 3#Imt 18.15Sị eyi pe ẹngụ awụ nịnị! Ọhụva awụ ọ̀ọ rị ịvị awụ, ụ tụ́ ọọ ohuvọ! Òo ro ịnẹ varẹma, dị ụ vagu ọọ! 4Ọ̀ọ daka rị ịvị awụ ụpẹ ịhịmba ịnị ẹkụhị, dị ọ rẹ vẹ ụpẹ ịhịmba ọnọọ dị ọ ka aarịhịnị ka vị ọnị ọ̀ yị yẹ nị, ụ vagu ọọ!”
Ịrẹyị ẹdọwụ
(Imt 17.20)
5Dị odeyi nịnị kà a yị Ananyị yị ka, “Aarịhịnị, mẹ ka ẹdọwụ ayị ọ̀ banyị hu avọọ!” 6Dị Ananyị yị ka, “Ẹdọwụ awụ nịnị ọ̀ọ banyị anka ihu ikonya ene weyi hu keekere, wa zụ kà a yị ọchị ọnọnị nịnị ka ọnịrị ẹpa anị ò hu, dị ọ̀ hị́ ẹngụ anị tụ́ ini òkū, vị aa wụ́ ịrẹyị awụ nịnị nị.”
Ezk ahụ e mē sì avọ
7“À kà a ka wâ nyị ozi ahụ nịnị, dị ọ yà ịnị aarẹ aa kụ́ ịrịkụ, à vị ka dị ọ̀ọ sị eyii pe ịsụpa nị, ọ̀ọ hụụnị aarẹ vẹ, ụ wáá vaa kà a yọ nịnị ka ọ̀ wụsẹ na yaayịtẹ, dị ọ̀ọ rị ịsa nị? 8Eyiye! Ịsị ụ vaa kà a yọ, ọ vị ka: ‘Mẹ ịsa oruva amị tịtẹ mị! Dị ụ wa vara awuru awụ dị ụ wa jẹẹ pe mi, màaa rị ịsa! Màa sị ịsa rị, dị ụ wa va na rị ịsa awụ!’ 9Àa mẹ ọda yị ozi ahụ, dị ọ mẹ̀ ịsa ana a ka ọ̀ mẹ nị, ẹ yị nyị ka ọ̀ dọ avọ. 10Avọọ gẹdẹ-gẹdẹ ẹwụ nịnị mẹ̀ rẹ yà nị. Wàa sị ịsa a mẹ ọda anị yị wụ nịnị mẹ, kà a nịnị ka: ‘Ezi ahụ kẹnẹ ị vị nị. Ẹ yị nyị ka yee sì avọ. Ụkọrọ ana a vọrọ ka ya mẹ kẹnẹ, ị mẹ nị.’ ”
 vọrọ ka yaa kụ́ avọ.
11Íjeesu màa nọ Ijerusarẹmị, dị ọ zị oze ana yà ịnị akakana Ịsamarịya ọnịrị Igariri nị. 12Íjeesu màa ngụ ịnị ẹkụra oweyi ọnya aanị, dị ọnịkụ ọbanyị ẹẹwụ va gẹrị ọọ nị. Dị ẹnịnị jẹẹ ẹnẹẹnẹ, 13di e nowu tụ́ ẹba ka, “Ijeesu Ọga! Vá ayị ayị de!” 14#Ire 14.1-32Dị Ijeesu re wa nị, dị ọ ka, “Waa na nịnị, dị ụ wa sị ẹngụ awụ nịnị na zụ̀ ohirẹsụ irehi Ohomorihi!”
Ẹ́nịnị màa na óze, dị ẹngụ ẹnịnị ta nị. 15Ọ́za ịnyara ẹnịnị mè re ka ẹngụ anị ọ́ọ ta, dị ọ vavẹ, dị ọ sị ọngwẹ anị tụ́ ẹba, dị aa sị ụgaa yị Ohomorihi nị. 16Dị ọ tana tụra ẹtẹ ọ́vịdị Ijeesu, dị aa kụ́ ọọ avọ nị. Ọza ọnọọ vị Anịsamarịya. 17Dị Ijeesu tụ́ ohi, dị ọ ka, “Aanịka ẹ yị vị aza ẹnị ẹẹwụ a mẹ ụkụ? Ịzị aza ẹnị ịhịịna ana vọ yà? 18Ẹ yị nyị ọza ịnya ene e re ana vavẹ va sị ụga yị Ohomorihi, ẹ̀ yị vị ọzọga ọnọnị ịnya kẹnẹẹ?” 19Dị Ijeesu kà a yọ ka, “Kwẹẹtẹ, dị ụ wa na, agụvị ka ẹdọwụ awụ ọ sị wụ mẹ ụkụ!”
Óhomorihi meme ee nyima ịjọva anị
(Imt 24.23-28,37-41)
20Anihwarisi ẹnyị ệ họ̀ Ijeesu use ka, “Ye re ụmẹ oni Ohomorihi vaa sị mẹ ịjọva?” Dị Ijeesu tụ́ ohi, dị ọ ka, “Ẹ yị nyị ịsị ẹ vaa sị zụ̀ ka Ohomorihi aa mẹ ịjọva. 21Ọza ọ yị vaa kà a ka: ‘Ọnị yọ!’ à vị ka: ‘Ọnị ọ vị ọsọọ nị!’ Agụvị ka Ohomorihi o si nyima aa mẹ ịjọva ịnị akakana awụ nịnị da.”
22Dị ọ rẹ kà a yị ezirẹma anị ka, “Ụmẹ aa vẹ oni u vee sì ka we re ẹkụhị ọnya ịnị ẹkụhị ẹmị Ozi ọza onigirima, di u we yi zụ re e nịnị. 23Aza ẹnyị vaa kà a wụ nịnị ka: ‘Re e ịzẹnị!’ à vị ka: ‘Re e ịzọsọọ!’ Ama asị ụ jịnẹ tụ́ ẹhẹ ne sì ọ zịịzị nịnị! 24Ịhị ẹmị Ozi ọza onigirima àaa vẹ aanị, vị ọ vaa sị mẹẹ ị́nyanya mẹ̀ẹ̄ rị hụrẹ eyi ẹnyị naa ngụ eyi ọsa ini ihinẹba avọọ nị. 25Ama â nyị ka ma vịdị rị ụya ọrụrụ-ọrụrụ da, dị anụmẹ ọnọnị è yi mi tịtẹ. 26#Oyn 6.5-8Ịhị ẹmị Ozi ọza onigirima àaa vẹ, vị ọ vaa yà anka ụmẹ Inowa avọọ nị. 27#Oyn 7.6-24Ịnị ụmẹ Inowa, aza vị ana aa rị, di eyee hú, dị anọrụ aa nyị ọnẹẹ, dị anẹẹ aa vá anọrụ. Avọọ ẹ mẹ̀ mẹ pooro ne tù ẹkụhị oni Inowa sị ngụ ịnị ẹpa nị. Dị ọhaara enyi vẹ, dị ọ va kụ́ avaba aza ana vọ nị. 28#Oyn 18.20—19.25Ịnị ụmẹ Ịrọọtị, avọọ rẹ yịị yọ. Aza vị anaa rị, di eyee hú, dị ẹyaa hị́, dị ẹ rẹ yaa ná; eyee chire ịsa, ẹ rẹ yaa dà irehi. 29Ama ịhị ọnị Ịrọọtị jịnẹ hụụnị ẹkụra Isodọmị gẹdẹ-gẹdẹ, ịhị ọnọọ orihi ịra ọnịrị ata ịra-ịra zụ̀ hụrẹ ẹbẹẹba vẹ dị ọ rị avaba aza ana vọ ịra và ha nị. 30Avọọ ọ mẹ̀ rẹ vaa yà gẹdẹ-gẹdẹ, ịhị ẹmị Ozi ọza onigirima ọ̀ọ sị ẹngụ zụ̀ nị. 31#Imt 24.17,18; Ịmk 13.15,16Ịhị ọnọọ, ọza ana àa yà ịrẹsụ irehi, dị ẹnya anị hi ini eehi nị, asị ọ kà a ka oni èe chí naa kụ́ ọọ! Ọza ana àa rẹ yà ịnị aarẹ, asị ọnị rẹ varẹma nọ ini eehi! 32#Oyn 19.26Tamayị ịrẹyị ose Ịrọọtị nịnị o! 33#Imt 10.39; 16.25; Ịmk 8.35; Irk 9.24; Ịjọ 12.25Ọza ene èe sì ka oni èe tenyi ụhwẹ anịị tẹ, vi ee vú ọọ nị. Ọza ene èe ne ụhwẹ anị ta, ọnị ọ sị ọọ tẹ nị. 34Dị ma kà a wụ nịnị ka ịnị ịrahụ ọnọọ, aza ẹnị ẹẹva vaa hụtụ aha ọnya, dị a sị ọnya, dị a navọ ọsa tịtẹ. 35Anyẹnẹẹ ẹẹva vaa yà aha ọnya, di e dudu aa kwọ̀ ịsa; dị a sị ọza ịnya ẹnịnị, dị a navọ ọsa. 36[Aza ẹnị ẹẹva rẹ vaa yà ịnị aarẹ, dị a sị ọnyara ẹnịnị, dị a rẹ navọ ọsa.”] 37Dị ezirẹma anị kà a yọ ka, “Ịzọọ vị, Ananyị yị?” Dị Ijeesu kà a yị wa ka: “Ịzị oku ọ̀ọ yà, ịzọọ ụ́ba nịnịị̄ hi nị.”
Currently Selected:
Iruuku 17: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Iruuku 17
17
Ịvị ọnịrị ẹvagu
(Imt 18.6-7,15,21-22; Ịmk 9.42)
1Ijeesu ộ kà a yị ezirẹma anị ka, “Ẹ yị zụ nyị ka ịsị ẹẹ̄ mẹ ọzaa mẹ ịvị, ọ yị vẹ; ama ọza ana àa kụ́ ọọ vẹ, ọ sị dà. 2Ọza ana àa mẹ ka ọnya ini ezi eweyi ẹnẹnị ọ̀ mẹ ịvị, ọ yaanị dahi huu yọ ka à sị ịrẹtọkwayị ọbanyị, di è kuru ọọ gẹ ẹ ọrọkọ, di è ne e ngụ oku. 3#Imt 18.15Sị eyi pe ẹngụ awụ nịnị! Ọhụva awụ ọ̀ọ rị ịvị awụ, ụ tụ́ ọọ ohuvọ! Òo ro ịnẹ varẹma, dị ụ vagu ọọ! 4Ọ̀ọ daka rị ịvị awụ ụpẹ ịhịmba ịnị ẹkụhị, dị ọ rẹ vẹ ụpẹ ịhịmba ọnọọ dị ọ ka aarịhịnị ka vị ọnị ọ̀ yị yẹ nị, ụ vagu ọọ!”
Ịrẹyị ẹdọwụ
(Imt 17.20)
5Dị odeyi nịnị kà a yị Ananyị yị ka, “Aarịhịnị, mẹ ka ẹdọwụ ayị ọ̀ banyị hu avọọ!” 6Dị Ananyị yị ka, “Ẹdọwụ awụ nịnị ọ̀ọ banyị anka ihu ikonya ene weyi hu keekere, wa zụ kà a yị ọchị ọnọnị nịnị ka ọnịrị ẹpa anị ò hu, dị ọ̀ hị́ ẹngụ anị tụ́ ini òkū, vị aa wụ́ ịrẹyị awụ nịnị nị.”
Ezk ahụ e mē sì avọ
7“À kà a ka wâ nyị ozi ahụ nịnị, dị ọ yà ịnị aarẹ aa kụ́ ịrịkụ, à vị ka dị ọ̀ọ sị eyii pe ịsụpa nị, ọ̀ọ hụụnị aarẹ vẹ, ụ wáá vaa kà a yọ nịnị ka ọ̀ wụsẹ na yaayịtẹ, dị ọ̀ọ rị ịsa nị? 8Eyiye! Ịsị ụ vaa kà a yọ, ọ vị ka: ‘Mẹ ịsa oruva amị tịtẹ mị! Dị ụ wa vara awuru awụ dị ụ wa jẹẹ pe mi, màaa rị ịsa! Màa sị ịsa rị, dị ụ wa va na rị ịsa awụ!’ 9Àa mẹ ọda yị ozi ahụ, dị ọ mẹ̀ ịsa ana a ka ọ̀ mẹ nị, ẹ yị nyị ka ọ̀ dọ avọ. 10Avọọ gẹdẹ-gẹdẹ ẹwụ nịnị mẹ̀ rẹ yà nị. Wàa sị ịsa a mẹ ọda anị yị wụ nịnị mẹ, kà a nịnị ka: ‘Ezi ahụ kẹnẹ ị vị nị. Ẹ yị nyị ka yee sì avọ. Ụkọrọ ana a vọrọ ka ya mẹ kẹnẹ, ị mẹ nị.’ ”
 vọrọ ka yaa kụ́ avọ.
11Íjeesu màa nọ Ijerusarẹmị, dị ọ zị oze ana yà ịnị akakana Ịsamarịya ọnịrị Igariri nị. 12Íjeesu màa ngụ ịnị ẹkụra oweyi ọnya aanị, dị ọnịkụ ọbanyị ẹẹwụ va gẹrị ọọ nị. Dị ẹnịnị jẹẹ ẹnẹẹnẹ, 13di e nowu tụ́ ẹba ka, “Ijeesu Ọga! Vá ayị ayị de!” 14#Ire 14.1-32Dị Ijeesu re wa nị, dị ọ ka, “Waa na nịnị, dị ụ wa sị ẹngụ awụ nịnị na zụ̀ ohirẹsụ irehi Ohomorihi!”
Ẹ́nịnị màa na óze, dị ẹngụ ẹnịnị ta nị. 15Ọ́za ịnyara ẹnịnị mè re ka ẹngụ anị ọ́ọ ta, dị ọ vavẹ, dị ọ sị ọngwẹ anị tụ́ ẹba, dị aa sị ụgaa yị Ohomorihi nị. 16Dị ọ tana tụra ẹtẹ ọ́vịdị Ijeesu, dị aa kụ́ ọọ avọ nị. Ọza ọnọọ vị Anịsamarịya. 17Dị Ijeesu tụ́ ohi, dị ọ ka, “Aanịka ẹ yị vị aza ẹnị ẹẹwụ a mẹ ụkụ? Ịzị aza ẹnị ịhịịna ana vọ yà? 18Ẹ yị nyị ọza ịnya ene e re ana vavẹ va sị ụga yị Ohomorihi, ẹ̀ yị vị ọzọga ọnọnị ịnya kẹnẹẹ?” 19Dị Ijeesu kà a yọ ka, “Kwẹẹtẹ, dị ụ wa na, agụvị ka ẹdọwụ awụ ọ sị wụ mẹ ụkụ!”
Óhomorihi meme ee nyima ịjọva anị
(Imt 24.23-28,37-41)
20Anihwarisi ẹnyị ệ họ̀ Ijeesu use ka, “Ye re ụmẹ oni Ohomorihi vaa sị mẹ ịjọva?” Dị Ijeesu tụ́ ohi, dị ọ ka, “Ẹ yị nyị ịsị ẹ vaa sị zụ̀ ka Ohomorihi aa mẹ ịjọva. 21Ọza ọ yị vaa kà a ka: ‘Ọnị yọ!’ à vị ka: ‘Ọnị ọ vị ọsọọ nị!’ Agụvị ka Ohomorihi o si nyima aa mẹ ịjọva ịnị akakana awụ nịnị da.”
22Dị ọ rẹ kà a yị ezirẹma anị ka, “Ụmẹ aa vẹ oni u vee sì ka we re ẹkụhị ọnya ịnị ẹkụhị ẹmị Ozi ọza onigirima, di u we yi zụ re e nịnị. 23Aza ẹnyị vaa kà a wụ nịnị ka: ‘Re e ịzẹnị!’ à vị ka: ‘Re e ịzọsọọ!’ Ama asị ụ jịnẹ tụ́ ẹhẹ ne sì ọ zịịzị nịnị! 24Ịhị ẹmị Ozi ọza onigirima àaa vẹ aanị, vị ọ vaa sị mẹẹ ị́nyanya mẹ̀ẹ̄ rị hụrẹ eyi ẹnyị naa ngụ eyi ọsa ini ihinẹba avọọ nị. 25Ama â nyị ka ma vịdị rị ụya ọrụrụ-ọrụrụ da, dị anụmẹ ọnọnị è yi mi tịtẹ. 26#Oyn 6.5-8Ịhị ẹmị Ozi ọza onigirima àaa vẹ, vị ọ vaa yà anka ụmẹ Inowa avọọ nị. 27#Oyn 7.6-24Ịnị ụmẹ Inowa, aza vị ana aa rị, di eyee hú, dị anọrụ aa nyị ọnẹẹ, dị anẹẹ aa vá anọrụ. Avọọ ẹ mẹ̀ mẹ pooro ne tù ẹkụhị oni Inowa sị ngụ ịnị ẹpa nị. Dị ọhaara enyi vẹ, dị ọ va kụ́ avaba aza ana vọ nị. 28#Oyn 18.20—19.25Ịnị ụmẹ Ịrọọtị, avọọ rẹ yịị yọ. Aza vị anaa rị, di eyee hú, dị ẹyaa hị́, dị ẹ rẹ yaa ná; eyee chire ịsa, ẹ rẹ yaa dà irehi. 29Ama ịhị ọnị Ịrọọtị jịnẹ hụụnị ẹkụra Isodọmị gẹdẹ-gẹdẹ, ịhị ọnọọ orihi ịra ọnịrị ata ịra-ịra zụ̀ hụrẹ ẹbẹẹba vẹ dị ọ rị avaba aza ana vọ ịra và ha nị. 30Avọọ ọ mẹ̀ rẹ vaa yà gẹdẹ-gẹdẹ, ịhị ẹmị Ozi ọza onigirima ọ̀ọ sị ẹngụ zụ̀ nị. 31#Imt 24.17,18; Ịmk 13.15,16Ịhị ọnọọ, ọza ana àa yà ịrẹsụ irehi, dị ẹnya anị hi ini eehi nị, asị ọ kà a ka oni èe chí naa kụ́ ọọ! Ọza ana àa rẹ yà ịnị aarẹ, asị ọnị rẹ varẹma nọ ini eehi! 32#Oyn 19.26Tamayị ịrẹyị ose Ịrọọtị nịnị o! 33#Imt 10.39; 16.25; Ịmk 8.35; Irk 9.24; Ịjọ 12.25Ọza ene èe sì ka oni èe tenyi ụhwẹ anịị tẹ, vi ee vú ọọ nị. Ọza ene èe ne ụhwẹ anị ta, ọnị ọ sị ọọ tẹ nị. 34Dị ma kà a wụ nịnị ka ịnị ịrahụ ọnọọ, aza ẹnị ẹẹva vaa hụtụ aha ọnya, dị a sị ọnya, dị a navọ ọsa tịtẹ. 35Anyẹnẹẹ ẹẹva vaa yà aha ọnya, di e dudu aa kwọ̀ ịsa; dị a sị ọza ịnya ẹnịnị, dị a navọ ọsa. 36[Aza ẹnị ẹẹva rẹ vaa yà ịnị aarẹ, dị a sị ọnyara ẹnịnị, dị a rẹ navọ ọsa.”] 37Dị ezirẹma anị kà a yọ ka, “Ịzọọ vị, Ananyị yị?” Dị Ijeesu kà a yị wa ka: “Ịzị oku ọ̀ọ yà, ịzọọ ụ́ba nịnịị̄ hi nị.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.