Iruuku 4
4
Echu ộ zama Ijeesu re
(Imt 4.1-11; Ịmk 1.12-13)
1Ụhwẹ Ọnịnị ộ dọ avaba ayị Ijeesu, dị ọ và hụrẹ Ijodani vẹ nị. Dị Ụhwẹ Ọnịnị sị Ijeesu nọ ịnị ụnọmị nị. 2Ịzọọ Échu na yà zama a re mẹ ẹkụhị ẹbẹẹva nị. Ịnị avaba ụmẹ ọnọọ, ẹ yị nyị ịsị Ijeesu rị. Ịjị ẹkụhị ẹbẹẹva sị gụ, dị ụngwẹ aa kụ̀ ọ nị. 3Dị Echu kà a yị Ijeesu dị ọ ka, “Àa vị Ozi Ohomorihi ụ vị nị, mẹ ọda ka ịrẹta ọnọnị ọ̀ vara akara!” 4#Ọda 8.3Ama dị Ijeesu tụ́ ohi, dị ọ kà a yọ ka, “Â chẹrẹ ẹ ka: ‘Ẹ yị vị ịsọyịrị kẹnẹ, ọ zụ sị ọza vị ọza, ẹ̀ yị vị avaba ịrẹyị oni Ohomorihi kà!’ ”
5Dị Echu rẹ sị ọ nọ ịrẹsụ ataba ana nẹba ẹtẹẹtẹrẹ nị. Dị ọ wụsẹ sị avaba ẹkụra irenyi-irenyi ene hi ẹhẹ ọnọnị zụ̀ ọọ nị. 6Dị Echu kà a yọ ka, “Mị vaa sị avaba ẹkụra ẹnẹnị ọnịrị ụbanyị ẹnịnịị chire wu ụvọ. E reè si chire ẹmị ụvọ, ọza ene èe zé mi eyi, mị nyẹngụ sị yị. 7Agụvị avọọ, wàa zẹẹ ka wa tana tụra ẹtẹ yị mị, mị vaa sị avaba anịị yị wụ.” 8#Ọda 6.13Ịjọnọọ dị Ijeesu kà a yọ ka, “Â chẹrẹ ẹ ka: ‘Waa tanaa tụra ẹtẹẹ yị Ohomorihi Ananyị yị, ọnị ịnyara kẹnẹ ụ rẹ vaa hẹkẹ nị.’ ”
9Dị Echu rẹ sị ọọ nọ Ijerusarẹmị, dị ọ sị ọọ na tụ́ oregerege ini irehi Ohomorihi nị. Dị ọ kà a yọ ka, “Àa vị Ozi Ohomorihi ụ vị nị, ji hụụ ịzọọ ve hi ẹtẹ! 10#Ahẹ 91.11,12Wâ yẹ ka a sị ọọ chẹrẹ ka: ‘Ọ vaa mẹ ọda yị anggẹẹrị anị dị ẹ̀ sị eyi pe wu. 11Dị ẹ gụ wụ rị ụvọ, agụvị asị u ne gù ahụ awụ chire ịrẹta.’ ” 12#Ọda 6.16Dị Ijeesu re tụ́ ọ ohi, dị ọ ka, “A rẹ chẹrẹ ẹ ka: ‘Wẹ yị nyayịnẹ zama Ananyị yị Ohomorihi awụ re.’ ” 13Ịjị Echu sị ọ zama re ta, dị ọ hụụ ịdị anị chee nị.
Anịnazarẹtị e yi sì Ijeesu
(Imt 4.12-17; 13.53-58; Ịmk 1.14-15; 6.1-6)
14Ijeesu ộ và nọ Igariri, dị ụkata Ụhwẹ Ọnịnị yà rị ọọ nị. Ịrẹyị anị ọ sị ngụ ịrẹyị ngụ avaba ịzọọ zị. 15Dị aa zụ̀ wa ịsa ini irehi Ohomorihi ẹnịnị nị. Dị avaba aza aa ga a nị.
16Ijeesu ộ vẹ Ịnazarẹtị, ịzị a yà pá a. Ẹ́kụhị ụhwọtụ mè si tù, dị ọ rẹ nọ ini irehi Ohomorihi Aniju nịnị nị, anka ọ mẹ̀ vịdị yị mẹ. Dị ọ kwẹẹtẹ ka ọnị ọ̀ kà Iwe Ohomorihi nị. 17Â sị iwe ọnịsẹ Ayịsaya yọ. Ọ mẹ̀ hụ̀ iwe ọnọọ, di o re ịzị a chẹrẹ ịsa ọnọnị tụ́ nị: 18#Ayị 61.1,2“Ụhwẹ Ọnịnị Ohomorihi ộ dọ avaba ayị amị, agụvị ka ọ sị mị nyị ka ma kà enube ọyịza yị onosiye nịnị. Ộ tụ́ mị ka ma kà a yị aza ana a sụ́ ka a vaa ngwa waa tịtẹ, dị ma rẹ mẹ ogweyi nịnị ka èe re ẹtẹ; dị ma rẹ dọ aza ana aa mẹ ehunaa yịị tịtẹ; 19ộ nyị mị ka ma rẹ nọ ọ yị aza ịrayị oni Ohomorihi vaa sị dọ aza anịị há.” 20Dị Ijeesu kú iwe ọnọọ oku, dị ọ rẹ sị yị ọza ana sị eyi pe iwe, dị ọ na yaayịtẹ nị. Dị aza ene hi ini irehi Ohomorihi ọnọọ sị eyi pe Ijeesu, di eyee re e gegege nị. 21Dị Ijeesu nyima, dị aa kà a yị wa ka, “Ajịnị ị́rẹyị ọnọọ sẹ nị, anka ụ mẹ̀ wụ́ ọọ nịnị ịsọọnị.” 22Ẹnịnị ệ dọ ivenu ịrẹyị ọnị ọ kà, di o hí wa irenu nị, agụvị ka ịrẹyị anị ô zoza ẹtẹẹtẹrẹ.
Dị ẹ ka, “Aanịka ẹ yị vị ozi Ijosẹẹhụ ọnọọ yị?” 23Dị Ijeesu rẹ kà a yị wa ka, “Mâ yẹ ka u vee che ụhịrẹyị ọnọnịị mị nịnị ka: ‘Omahọnọ, wẹ rẹ̀ mẹ ẹngụ awụ ụkụụ! Avaba ịsị yaa wụ́ ka wâ mẹ Ìkapanawumi, rẹ mẹẹ ẹkụra awụ ịzẹnị bẹẹ!’ ” 24#Ịjọ 4.44Dị ọ kà a yị wa ka, “Ịzẹyịza, m maa kà a wụ nịnị nị, ọza ọ mā dọ ọnịsẹ ẹkụra anị.” 25#1 Ohi 17.1Dị ma kà ịzẹyịza wụ nịnị ka osoku ọrụrụ-ọrụrụ e hi ịnị ẹtẹ Isirẹrị ịnị ụmẹ Erija nị. Ụmẹ ọnọọ, ộ mẹ̀ ịrayị ẹẹta tụra ụhwẹ ịhịnọnyị, orihi ọ yị zụ̀. Dị ụngwẹ aa kụ̀ ẹtẹẹtẹrẹ ịnị avaba ẹtẹ ọnọọ nị. 26#1 Ohi 17.8-16Ama Ohomorihi ọ yị tụ́ Erija nọ ịdị osoku ọnyọọnyị, ẹ̀ yị vị osoku ana yà ẹkụra Ịzarẹhwatị kẹnẹ ịnị ẹtẹ Ịsịdọnị. 27#2 Ohi 5.1-14Ọnịkụ ọbanyị ọrụrụ-ọrụrụ e re hi ịnị ẹtẹ Isirẹrị nị ịnị ụmẹ Erisa ana vị ọnịsẹ. Ama ẹ yị nyị ọnyara ẹnịnị ana a mẹ ụkụ, ẹ̀ yị vị Ịnaamanị ana vị Anisiriya kẹnẹ.
28Ịjị aza ene hi ini irehi Ohomorihi ọnọọ maanị wụ́, ayị ọ sị wa kụ́ ẹtẹẹtẹrẹ. 29Dị ẹ kwẹẹtẹ, di e tura Ijeesu hụụnị ẹkụra, dị ẹ sị ọọ nọ ịrẹsụ ataba ana a dà ẹkụra ẹnịnị tụ, ka ẹnị ẹ̀ na tụ̀ ọ ụvọ zina nị. 30Ama di Ijeesu zị oze ịnị akakana ẹnịnị, di o si hu aa na nị.
Ijeesu ộ nyị ọda
(Ịmk 1.21-28)
31Ijeesu ộ nọ ẹkụra Ikapanawumi ịnị ẹtẹ Igariri. Dị aa zụ̀ wa ịsa ịnị ẹkụhị ụhwọtụ nị. 32#Imt 7.28,29Oze ana aa zịị zụ̀ wa ịsa vị ene hí wa irenu, agụvị ka ịrẹyị anị ộ nyị ụkata.
33Â nyị ọnọrụ ọnya aanị ana yà ini irehi Ohomorihi Aniju ịzọọ, ộ nyị ụhwẹ echu. Di o nowu tụ́ ẹba, 34dị ọ ka, “Navọ yị hẹẹ, sị ẹ jị gẹ ẹyịrị ẹwụ, Ijeesu Anịnazarẹtị? Ụ wáá vẹ ka wa va wụ yị nị? Mâ yẹ ọza ọnị ụ vị, ẹwa vị Ọza Ọnịnị Ohomorihi nị.” 35Dị Ijeesu tụ́ ọ ohuvọ, dị ọ ka, “Wụsẹ mẹ hẹẹ, dị ụ wa jịnẹ hụụnị ẹngụ ọnọrụ ọnọọ!” Ụ́hwẹ echu ọnọọ mè ne ọnọrụ ọnọọ nya ẹtẹ éyi aza ẹnẹẹ, dị ọ jịnẹ hụụnị ẹngụ anị nị, ama ọ yị tụ̀ ọ ụnava. 36O si hí avaba aza ẹnẹẹ irenu ẹtẹẹtẹrẹ, agụvị avọọ dị ẹ yaa kà a yị ẹngụ ka, “Ẹngụ ịrẹyị sẹ vị ọnọnị aanị? Aa sị ụkataa mẹ ọdaa tụra ụhwẹ echu nịnị ịrẹsụ, dị ẹ yaa jịnẹẹ tụ́ ẹhẹ nị!” 37Dị ịrẹyị Ijeesu sị ngụ ịrẹyị ngụ avaba ẹkụra ọnọọ zịịzị nị.
Ijeesu ộ mẹ̀ aza ụkụ
(Imt 8.14-17; 4.23; Ịmk 1.29-34)
38Dị Ijeesu hụụnị irehi Ohomorihi ọnọọ, dị ọ nọ ini eehi Ịsayịmọnị nị. Ọnyị ose Ịsayịmọnị vị ọnị ọvanggoro za ẹtẹẹtẹrẹ, dị ẹ na dá ịpẹ yị Ijeesu agụvị anị nị. 39Dị Ijeesu na jẹẹ pee, dị ọ tụ́ ọvanggoro ọnọọ ohuvọ, dị ọvanggoro ọnọọ ta nị. Dị ọnẹẹ ọnọọ wụsẹ kwẹẹtẹ, di o kuku ee sì wa ọzọga nị.
40Ịjị oruva si tù, dị ọyị aa naa ngụ ẹtẹ, dị avaba aza ana nyị ọnịkụ irenyi-irenyi kụ́ wa ká Ijeesu vẹ nị. Dị ọ sị ụvọ tụra wa bemi-bemi, dị ọ mẹ wa ụkụ saka-saka nị. 41Dị ụhwẹ echu nịnị ẹnị rẹ jịnẹ hụụnị ẹngụ ọza ọrụrụ-ọrụrụ, di eyee nowu ka, “Ẹwa vị Ozi Ohomorihi nị!” Ọ màa tụ́ wa ohuvọ, ọ yị zẹẹ ka ẹ̀ kà ịrẹyị, agụvị ka ẹnịnị ệ yẹ ka Ikirisiti ọ vị nị.
42Eyinẹhẹ anị, ẹ́tẹ mèe yii vee hweyi kẹnẹ, dị Ijeesu kwẹẹtẹ, dị ọ nọ aha ọnya aanị ịzị aza ẹ̀ yị yà nị. Dị aza ee sì ọọ nị. Ịjị e si oo re, dị ẹ yị zẹẹ ka ọ̀ hụụ ịdị ẹnịnị nị. 43Ama dị ọ kà a yị wa ka, “Â nyị ka ma rẹ kà enube ọyịza, Óhomorihi mẹmẹ aa mẹ ịjọva yị anẹkụra ọsa; agụvị ka ụvị avọọ Óhomorihi tụ́ mị vẹ ẹhẹ nị.” 44Di aa kà ịrẹyị Ohomorihi ini irehi ahẹkẹ Aniju nịnị Ígariri nị.
Currently Selected:
Iruuku 4: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Iruuku 4
4
Echu ộ zama Ijeesu re
(Imt 4.1-11; Ịmk 1.12-13)
1Ụhwẹ Ọnịnị ộ dọ avaba ayị Ijeesu, dị ọ và hụrẹ Ijodani vẹ nị. Dị Ụhwẹ Ọnịnị sị Ijeesu nọ ịnị ụnọmị nị. 2Ịzọọ Échu na yà zama a re mẹ ẹkụhị ẹbẹẹva nị. Ịnị avaba ụmẹ ọnọọ, ẹ yị nyị ịsị Ijeesu rị. Ịjị ẹkụhị ẹbẹẹva sị gụ, dị ụngwẹ aa kụ̀ ọ nị. 3Dị Echu kà a yị Ijeesu dị ọ ka, “Àa vị Ozi Ohomorihi ụ vị nị, mẹ ọda ka ịrẹta ọnọnị ọ̀ vara akara!” 4#Ọda 8.3Ama dị Ijeesu tụ́ ohi, dị ọ kà a yọ ka, “Â chẹrẹ ẹ ka: ‘Ẹ yị vị ịsọyịrị kẹnẹ, ọ zụ sị ọza vị ọza, ẹ̀ yị vị avaba ịrẹyị oni Ohomorihi kà!’ ”
5Dị Echu rẹ sị ọ nọ ịrẹsụ ataba ana nẹba ẹtẹẹtẹrẹ nị. Dị ọ wụsẹ sị avaba ẹkụra irenyi-irenyi ene hi ẹhẹ ọnọnị zụ̀ ọọ nị. 6Dị Echu kà a yọ ka, “Mị vaa sị avaba ẹkụra ẹnẹnị ọnịrị ụbanyị ẹnịnịị chire wu ụvọ. E reè si chire ẹmị ụvọ, ọza ene èe zé mi eyi, mị nyẹngụ sị yị. 7Agụvị avọọ, wàa zẹẹ ka wa tana tụra ẹtẹ yị mị, mị vaa sị avaba anịị yị wụ.” 8#Ọda 6.13Ịjọnọọ dị Ijeesu kà a yọ ka, “Â chẹrẹ ẹ ka: ‘Waa tanaa tụra ẹtẹẹ yị Ohomorihi Ananyị yị, ọnị ịnyara kẹnẹ ụ rẹ vaa hẹkẹ nị.’ ”
9Dị Echu rẹ sị ọọ nọ Ijerusarẹmị, dị ọ sị ọọ na tụ́ oregerege ini irehi Ohomorihi nị. Dị ọ kà a yọ ka, “Àa vị Ozi Ohomorihi ụ vị nị, ji hụụ ịzọọ ve hi ẹtẹ! 10#Ahẹ 91.11,12Wâ yẹ ka a sị ọọ chẹrẹ ka: ‘Ọ vaa mẹ ọda yị anggẹẹrị anị dị ẹ̀ sị eyi pe wu. 11Dị ẹ gụ wụ rị ụvọ, agụvị asị u ne gù ahụ awụ chire ịrẹta.’ ” 12#Ọda 6.16Dị Ijeesu re tụ́ ọ ohi, dị ọ ka, “A rẹ chẹrẹ ẹ ka: ‘Wẹ yị nyayịnẹ zama Ananyị yị Ohomorihi awụ re.’ ” 13Ịjị Echu sị ọ zama re ta, dị ọ hụụ ịdị anị chee nị.
Anịnazarẹtị e yi sì Ijeesu
(Imt 4.12-17; 13.53-58; Ịmk 1.14-15; 6.1-6)
14Ijeesu ộ và nọ Igariri, dị ụkata Ụhwẹ Ọnịnị yà rị ọọ nị. Ịrẹyị anị ọ sị ngụ ịrẹyị ngụ avaba ịzọọ zị. 15Dị aa zụ̀ wa ịsa ini irehi Ohomorihi ẹnịnị nị. Dị avaba aza aa ga a nị.
16Ijeesu ộ vẹ Ịnazarẹtị, ịzị a yà pá a. Ẹ́kụhị ụhwọtụ mè si tù, dị ọ rẹ nọ ini irehi Ohomorihi Aniju nịnị nị, anka ọ mẹ̀ vịdị yị mẹ. Dị ọ kwẹẹtẹ ka ọnị ọ̀ kà Iwe Ohomorihi nị. 17Â sị iwe ọnịsẹ Ayịsaya yọ. Ọ mẹ̀ hụ̀ iwe ọnọọ, di o re ịzị a chẹrẹ ịsa ọnọnị tụ́ nị: 18#Ayị 61.1,2“Ụhwẹ Ọnịnị Ohomorihi ộ dọ avaba ayị amị, agụvị ka ọ sị mị nyị ka ma kà enube ọyịza yị onosiye nịnị. Ộ tụ́ mị ka ma kà a yị aza ana a sụ́ ka a vaa ngwa waa tịtẹ, dị ma rẹ mẹ ogweyi nịnị ka èe re ẹtẹ; dị ma rẹ dọ aza ana aa mẹ ehunaa yịị tịtẹ; 19ộ nyị mị ka ma rẹ nọ ọ yị aza ịrayị oni Ohomorihi vaa sị dọ aza anịị há.” 20Dị Ijeesu kú iwe ọnọọ oku, dị ọ rẹ sị yị ọza ana sị eyi pe iwe, dị ọ na yaayịtẹ nị. Dị aza ene hi ini irehi Ohomorihi ọnọọ sị eyi pe Ijeesu, di eyee re e gegege nị. 21Dị Ijeesu nyima, dị aa kà a yị wa ka, “Ajịnị ị́rẹyị ọnọọ sẹ nị, anka ụ mẹ̀ wụ́ ọọ nịnị ịsọọnị.” 22Ẹnịnị ệ dọ ivenu ịrẹyị ọnị ọ kà, di o hí wa irenu nị, agụvị ka ịrẹyị anị ô zoza ẹtẹẹtẹrẹ.
Dị ẹ ka, “Aanịka ẹ yị vị ozi Ijosẹẹhụ ọnọọ yị?” 23Dị Ijeesu rẹ kà a yị wa ka, “Mâ yẹ ka u vee che ụhịrẹyị ọnọnịị mị nịnị ka: ‘Omahọnọ, wẹ rẹ̀ mẹ ẹngụ awụ ụkụụ! Avaba ịsị yaa wụ́ ka wâ mẹ Ìkapanawumi, rẹ mẹẹ ẹkụra awụ ịzẹnị bẹẹ!’ ” 24#Ịjọ 4.44Dị ọ kà a yị wa ka, “Ịzẹyịza, m maa kà a wụ nịnị nị, ọza ọ mā dọ ọnịsẹ ẹkụra anị.” 25#1 Ohi 17.1Dị ma kà ịzẹyịza wụ nịnị ka osoku ọrụrụ-ọrụrụ e hi ịnị ẹtẹ Isirẹrị ịnị ụmẹ Erija nị. Ụmẹ ọnọọ, ộ mẹ̀ ịrayị ẹẹta tụra ụhwẹ ịhịnọnyị, orihi ọ yị zụ̀. Dị ụngwẹ aa kụ̀ ẹtẹẹtẹrẹ ịnị avaba ẹtẹ ọnọọ nị. 26#1 Ohi 17.8-16Ama Ohomorihi ọ yị tụ́ Erija nọ ịdị osoku ọnyọọnyị, ẹ̀ yị vị osoku ana yà ẹkụra Ịzarẹhwatị kẹnẹ ịnị ẹtẹ Ịsịdọnị. 27#2 Ohi 5.1-14Ọnịkụ ọbanyị ọrụrụ-ọrụrụ e re hi ịnị ẹtẹ Isirẹrị nị ịnị ụmẹ Erisa ana vị ọnịsẹ. Ama ẹ yị nyị ọnyara ẹnịnị ana a mẹ ụkụ, ẹ̀ yị vị Ịnaamanị ana vị Anisiriya kẹnẹ.
28Ịjị aza ene hi ini irehi Ohomorihi ọnọọ maanị wụ́, ayị ọ sị wa kụ́ ẹtẹẹtẹrẹ. 29Dị ẹ kwẹẹtẹ, di e tura Ijeesu hụụnị ẹkụra, dị ẹ sị ọọ nọ ịrẹsụ ataba ana a dà ẹkụra ẹnịnị tụ, ka ẹnị ẹ̀ na tụ̀ ọ ụvọ zina nị. 30Ama di Ijeesu zị oze ịnị akakana ẹnịnị, di o si hu aa na nị.
Ijeesu ộ nyị ọda
(Ịmk 1.21-28)
31Ijeesu ộ nọ ẹkụra Ikapanawumi ịnị ẹtẹ Igariri. Dị aa zụ̀ wa ịsa ịnị ẹkụhị ụhwọtụ nị. 32#Imt 7.28,29Oze ana aa zịị zụ̀ wa ịsa vị ene hí wa irenu, agụvị ka ịrẹyị anị ộ nyị ụkata.
33Â nyị ọnọrụ ọnya aanị ana yà ini irehi Ohomorihi Aniju ịzọọ, ộ nyị ụhwẹ echu. Di o nowu tụ́ ẹba, 34dị ọ ka, “Navọ yị hẹẹ, sị ẹ jị gẹ ẹyịrị ẹwụ, Ijeesu Anịnazarẹtị? Ụ wáá vẹ ka wa va wụ yị nị? Mâ yẹ ọza ọnị ụ vị, ẹwa vị Ọza Ọnịnị Ohomorihi nị.” 35Dị Ijeesu tụ́ ọ ohuvọ, dị ọ ka, “Wụsẹ mẹ hẹẹ, dị ụ wa jịnẹ hụụnị ẹngụ ọnọrụ ọnọọ!” Ụ́hwẹ echu ọnọọ mè ne ọnọrụ ọnọọ nya ẹtẹ éyi aza ẹnẹẹ, dị ọ jịnẹ hụụnị ẹngụ anị nị, ama ọ yị tụ̀ ọ ụnava. 36O si hí avaba aza ẹnẹẹ irenu ẹtẹẹtẹrẹ, agụvị avọọ dị ẹ yaa kà a yị ẹngụ ka, “Ẹngụ ịrẹyị sẹ vị ọnọnị aanị? Aa sị ụkataa mẹ ọdaa tụra ụhwẹ echu nịnị ịrẹsụ, dị ẹ yaa jịnẹẹ tụ́ ẹhẹ nị!” 37Dị ịrẹyị Ijeesu sị ngụ ịrẹyị ngụ avaba ẹkụra ọnọọ zịịzị nị.
Ijeesu ộ mẹ̀ aza ụkụ
(Imt 8.14-17; 4.23; Ịmk 1.29-34)
38Dị Ijeesu hụụnị irehi Ohomorihi ọnọọ, dị ọ nọ ini eehi Ịsayịmọnị nị. Ọnyị ose Ịsayịmọnị vị ọnị ọvanggoro za ẹtẹẹtẹrẹ, dị ẹ na dá ịpẹ yị Ijeesu agụvị anị nị. 39Dị Ijeesu na jẹẹ pee, dị ọ tụ́ ọvanggoro ọnọọ ohuvọ, dị ọvanggoro ọnọọ ta nị. Dị ọnẹẹ ọnọọ wụsẹ kwẹẹtẹ, di o kuku ee sì wa ọzọga nị.
40Ịjị oruva si tù, dị ọyị aa naa ngụ ẹtẹ, dị avaba aza ana nyị ọnịkụ irenyi-irenyi kụ́ wa ká Ijeesu vẹ nị. Dị ọ sị ụvọ tụra wa bemi-bemi, dị ọ mẹ wa ụkụ saka-saka nị. 41Dị ụhwẹ echu nịnị ẹnị rẹ jịnẹ hụụnị ẹngụ ọza ọrụrụ-ọrụrụ, di eyee nowu ka, “Ẹwa vị Ozi Ohomorihi nị!” Ọ màa tụ́ wa ohuvọ, ọ yị zẹẹ ka ẹ̀ kà ịrẹyị, agụvị ka ẹnịnị ệ yẹ ka Ikirisiti ọ vị nị.
42Eyinẹhẹ anị, ẹ́tẹ mèe yii vee hweyi kẹnẹ, dị Ijeesu kwẹẹtẹ, dị ọ nọ aha ọnya aanị ịzị aza ẹ̀ yị yà nị. Dị aza ee sì ọọ nị. Ịjị e si oo re, dị ẹ yị zẹẹ ka ọ̀ hụụ ịdị ẹnịnị nị. 43Ama dị ọ kà a yị wa ka, “Â nyị ka ma rẹ kà enube ọyịza, Óhomorihi mẹmẹ aa mẹ ịjọva yị anẹkụra ọsa; agụvị ka ụvị avọọ Óhomorihi tụ́ mị vẹ ẹhẹ nị.” 44Di aa kà ịrẹyị Ohomorihi ini irehi ahẹkẹ Aniju nịnị Ígariri nị.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.