Ịmaakị 16
16
Ijeesu ộ ha hụụnị isu
(Imt 28.1-8; Irk 24.1-12; Ịjọ 20.1-10)
1Ịjị ẹkụhị ụhwọtụ sị para hu, Imeri Anịmagịdara ọnịrị Ịsarọmị ne beri Imeri ọnyị Ijemiisi ẹ na hị́ eturare ka ẹnị ẹ̀ sị ne sisi oku Ijeesu. 2Ịnị ẹnẹnẹ viri-viri ẹkụhị ọsẹ, ọ́ yị màa yịị hụrẹ kẹnẹ, dị ẹ yaa nọ ini ikuta nị. 3Dị ẹ yaa kà a yị ẹngụ ka, “Ene vee zina ịrẹta ọnọọ ene gù ikuta irenu kwooze yị ajịnị?” 4Agụvị ka ịrẹta ọnọọ ộ banyị ẹtẹẹtẹrẹ. Ẹ mẹ̀ kana eyi, di e re ka a sị ịrẹta ọnọọ zịna kwooze nị. 5Ẹ mẹ̀ ngụ ini ikuta ọnọọ, ê re ozwọọmụha ọnya aanị ene chire awuru ọvwọọvụ, ộ yaayịtẹ éyi ụvọrị. Dị angwa ee hí wa nị. 6Dị ọza ọnọọ ka, “Asị ụ hí angwa nịnị! Ijeesu Anịnazarẹtị ana a kanyị za apavahị u wee sì nịnị nị. Ohomorihi ọ sị ọọ ha hụụnị isu, ọ yị kụkụ yà ịzẹnị. Re, ịzẹnị ẹ vịdị sị ọọ tụ́ nị.” 7#Imt 26.32; Ịmk 14.28Na kà a yị Ipita ọnịrị ezirẹma anị ana vọ ka, “Ọ vaa dọ ọvịdị awụ nịnịị nọ Igariri. U vee re e nịnị ịzọọ anka ọ mẹ̀ vịdị kà a wụ nịnị.” 8Dị ẹ wụsẹ jịnẹ, di e zwe hụụnị ikuta ịzọọ nị, agụvị ka o si hí wa irenu, ẹngụ ẹnịnị o si nyima aa dá ẹgahị papapa. Ẹ yị nyị ịsị ẹ kà yị ọzọnyị-ọzọnyị, agụvị ka angwa ee hí wa.
Íjeesu mẹ̀ ha hụụnị isu, ộ sị ẹngụ zụ̀ aza anị
(Imt 28.9-10,16-20; Irk 24.13-49; Ịjọ 20.19-23; Ụkọ 1.6-8)
9[Íjeesu mẹ̀ yị ha hụụnị isu kẹnẹ ịnị ẹnẹnẹ viri-viri ẹkụhị ọsẹ, dị ahịka Imeri Anịmagịdara ọ vịdị sị ẹngụ zụ̀ nị; ọnị ọ vịdị dụ ụhwẹ echu ịhịmba hụụnị ẹngụ anị nị. 10Dị Imeri na, dị ọ na kà a yị aza anaā vịdịị yà beri Ijeesu nị. Ẹnị vị ana aa ba arụwẹ, dị ẹyaa jị òrèrè nị. 11Ịjị ẹnịnị wụ́ kẹnẹ ka Ijeesu rẹ yàra ọnịrị ka Imeri ô re e bẹẹ, ẹnịnị ẹ yị dọ wụ́. 12Ịjọnọọ ẹnị ẹẹva ịnị ẹnịnị ệ zị oze ịnị avị aa nọ eehi. Ẹ màa na óze, dị Ijeesu sị ẹngụ zụ̀ wa ini oze irenyi nị. 13Dị ẹ varẹma, dị ẹ na kà a yị aza ana vọ nị. Ẹnịnị ẹ yị dọ wa wụ́ bẹẹ. 14Ịrẹma ọnọọ, dị Ijeesu rẹ sị ẹngụ zụ̀ ezirẹma anị ẹwụrọnya, ẹ́nịnị màa rị ịsa nị. Ộ tụ́ wa ohuvọ, agụvị ka ẹnịnị ẹ yị dọ ọnị wụ́, ayị ẹnịnị ọ sị katẹngụ, agụvị ka ẹnịnị ẹ yị dọ aza ene re ọnị ka ọnị ộ ha hụụnị isu wụ́. 15#Ụkọ 1.8Dị Ijeesu kà a yị wa ka, “Waa nọ avaba ẹhẹ nịnị, dị ụ waa kà enube ọyịza yị avaba anẹhẹ nịnị. 16Ọza ana àa dọ wụ́, dị a mẹ̀ ọyịhwọzenyi yọ nị, ọ vaa há. Ama ọza ẹnẹ ẹ̀ yị dọ wụ vị ana a vaa jị ịvịị yị. 17Aza ana àa dọ wụ́, apọtẹrẹwa ẹnẹnị vaa saasa wa: Ịnị ịrẹha amị ẹ vaa dụ ụhwẹ echu nịnị jịnẹ hụụnị ẹngụ aza. Ẹ rẹ vaa sị ẹkụra ọwọọwaa kà ịrẹyị. 18Ẹ̀ẹ sị ẹwụ rị ụvọ, ẹ̀ẹ daka hú ịsa ana nyẹngụ wụ̀ ọza, ẹ yị nyị ịsị ọ vaa mẹ wa. Ẹ vaa sị ụvọọ tụra ọnịkụ nịnị, dị ẹngụ ẹnịnị nịya.”
Ijeesu ộ nọ ẹbẹẹba ịdị Ohomorihi
(Irk 24.50-53; Ụkọ 1.9-11)
19 #
Ụkọ 1.9-11
Ịjị Ananyị yị maanị sị wa pe kà ịrẹyị, dị a sị ọọ nọ ẹbẹẹba nị, dị ọ na yaayịtẹ é yi ụvọrị Ohomorihi nị. 20Dị ezirẹma anị na, dị ẹ naa kà enube ọyịza avaba aha nị. Ananyị yị aa mẹ ọgụvọọ yị wa, dị aa sịị zụ ka ịrẹyị ẹnẹ ẹyaa ka vị ịzẹyịza zị oze ini oze apọtẹrẹwa ana aa mẹ nị.]
Currently Selected:
Ịmaakị 16: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ịmaakị 16
16
Ijeesu ộ ha hụụnị isu
(Imt 28.1-8; Irk 24.1-12; Ịjọ 20.1-10)
1Ịjị ẹkụhị ụhwọtụ sị para hu, Imeri Anịmagịdara ọnịrị Ịsarọmị ne beri Imeri ọnyị Ijemiisi ẹ na hị́ eturare ka ẹnị ẹ̀ sị ne sisi oku Ijeesu. 2Ịnị ẹnẹnẹ viri-viri ẹkụhị ọsẹ, ọ́ yị màa yịị hụrẹ kẹnẹ, dị ẹ yaa nọ ini ikuta nị. 3Dị ẹ yaa kà a yị ẹngụ ka, “Ene vee zina ịrẹta ọnọọ ene gù ikuta irenu kwooze yị ajịnị?” 4Agụvị ka ịrẹta ọnọọ ộ banyị ẹtẹẹtẹrẹ. Ẹ mẹ̀ kana eyi, di e re ka a sị ịrẹta ọnọọ zịna kwooze nị. 5Ẹ mẹ̀ ngụ ini ikuta ọnọọ, ê re ozwọọmụha ọnya aanị ene chire awuru ọvwọọvụ, ộ yaayịtẹ éyi ụvọrị. Dị angwa ee hí wa nị. 6Dị ọza ọnọọ ka, “Asị ụ hí angwa nịnị! Ijeesu Anịnazarẹtị ana a kanyị za apavahị u wee sì nịnị nị. Ohomorihi ọ sị ọọ ha hụụnị isu, ọ yị kụkụ yà ịzẹnị. Re, ịzẹnị ẹ vịdị sị ọọ tụ́ nị.” 7#Imt 26.32; Ịmk 14.28Na kà a yị Ipita ọnịrị ezirẹma anị ana vọ ka, “Ọ vaa dọ ọvịdị awụ nịnịị nọ Igariri. U vee re e nịnị ịzọọ anka ọ mẹ̀ vịdị kà a wụ nịnị.” 8Dị ẹ wụsẹ jịnẹ, di e zwe hụụnị ikuta ịzọọ nị, agụvị ka o si hí wa irenu, ẹngụ ẹnịnị o si nyima aa dá ẹgahị papapa. Ẹ yị nyị ịsị ẹ kà yị ọzọnyị-ọzọnyị, agụvị ka angwa ee hí wa.
Íjeesu mẹ̀ ha hụụnị isu, ộ sị ẹngụ zụ̀ aza anị
(Imt 28.9-10,16-20; Irk 24.13-49; Ịjọ 20.19-23; Ụkọ 1.6-8)
9[Íjeesu mẹ̀ yị ha hụụnị isu kẹnẹ ịnị ẹnẹnẹ viri-viri ẹkụhị ọsẹ, dị ahịka Imeri Anịmagịdara ọ vịdị sị ẹngụ zụ̀ nị; ọnị ọ vịdị dụ ụhwẹ echu ịhịmba hụụnị ẹngụ anị nị. 10Dị Imeri na, dị ọ na kà a yị aza anaā vịdịị yà beri Ijeesu nị. Ẹnị vị ana aa ba arụwẹ, dị ẹyaa jị òrèrè nị. 11Ịjị ẹnịnị wụ́ kẹnẹ ka Ijeesu rẹ yàra ọnịrị ka Imeri ô re e bẹẹ, ẹnịnị ẹ yị dọ wụ́. 12Ịjọnọọ ẹnị ẹẹva ịnị ẹnịnị ệ zị oze ịnị avị aa nọ eehi. Ẹ màa na óze, dị Ijeesu sị ẹngụ zụ̀ wa ini oze irenyi nị. 13Dị ẹ varẹma, dị ẹ na kà a yị aza ana vọ nị. Ẹnịnị ẹ yị dọ wa wụ́ bẹẹ. 14Ịrẹma ọnọọ, dị Ijeesu rẹ sị ẹngụ zụ̀ ezirẹma anị ẹwụrọnya, ẹ́nịnị màa rị ịsa nị. Ộ tụ́ wa ohuvọ, agụvị ka ẹnịnị ẹ yị dọ ọnị wụ́, ayị ẹnịnị ọ sị katẹngụ, agụvị ka ẹnịnị ẹ yị dọ aza ene re ọnị ka ọnị ộ ha hụụnị isu wụ́. 15#Ụkọ 1.8Dị Ijeesu kà a yị wa ka, “Waa nọ avaba ẹhẹ nịnị, dị ụ waa kà enube ọyịza yị avaba anẹhẹ nịnị. 16Ọza ana àa dọ wụ́, dị a mẹ̀ ọyịhwọzenyi yọ nị, ọ vaa há. Ama ọza ẹnẹ ẹ̀ yị dọ wụ vị ana a vaa jị ịvịị yị. 17Aza ana àa dọ wụ́, apọtẹrẹwa ẹnẹnị vaa saasa wa: Ịnị ịrẹha amị ẹ vaa dụ ụhwẹ echu nịnị jịnẹ hụụnị ẹngụ aza. Ẹ rẹ vaa sị ẹkụra ọwọọwaa kà ịrẹyị. 18Ẹ̀ẹ sị ẹwụ rị ụvọ, ẹ̀ẹ daka hú ịsa ana nyẹngụ wụ̀ ọza, ẹ yị nyị ịsị ọ vaa mẹ wa. Ẹ vaa sị ụvọọ tụra ọnịkụ nịnị, dị ẹngụ ẹnịnị nịya.”
Ijeesu ộ nọ ẹbẹẹba ịdị Ohomorihi
(Irk 24.50-53; Ụkọ 1.9-11)
19 #
Ụkọ 1.9-11
Ịjị Ananyị yị maanị sị wa pe kà ịrẹyị, dị a sị ọọ nọ ẹbẹẹba nị, dị ọ na yaayịtẹ é yi ụvọrị Ohomorihi nị. 20Dị ezirẹma anị na, dị ẹ naa kà enube ọyịza avaba aha nị. Ananyị yị aa mẹ ọgụvọọ yị wa, dị aa sịị zụ ka ịrẹyị ẹnẹ ẹyaa ka vị ịzẹyịza zị oze ini oze apọtẹrẹwa ana aa mẹ nị.]
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.