San Marcos 9:28-29

Ta tá na̱ndi̱hvi Jesús ini in vehe xi̱hín na̱ xíca tuun xi̱hi̱n á já na̱nda̱ca̱ tu̱hún je̱hé na̱ mé á já cáchí na̱ já xi̱hi̱n á: —Ndáva̱ha co̱ó na̱cuu caja nde̱he̱ tavá nde̱ ínima̱ quini na̱sa̱ndaca̱a̱n ini da̱ loho ja̱n —na̱cachi na. Já na̱cachi Jesús já xi̱hi̱n ná: —Tá cúni̱ ndó tavá ndo̱ tá ínima̱ quini táhan rí yóho ndítahan cajuhun ndó ta ca̱ca̱ ta̱hví ndo̱ nu̱ Ndióxi̱ —na̱cachi a.