Suku-saakị 9
9
Tamụnọ Noha Na Ọḅọkụ Fịm
1 #
Suk 1.28
Tamụnọ nwẹnị Noha na ori owiapụ-awọmẹ na boma tẹ ịn ḅẹẹ, “Ọmịnị iyima-iyima tẹ lolo-kama tẹ tomikiri mẹ ḅin. 2Tomikiri mẹ ḅụ simearị piri-ḅio-ḅẹ nama goyegoye na, So-tọrụ ḅẹ feni goyegoye na, kiri mẹ ọgọnọ ikiriarị ye goyegoye na, tọrụ minji ḅẹ inji mamgba na siye ḅụụ la ḅẹ kuroma na, opu ḅalafa na nyana ọ́ pịrị ḅa; àrị ịn ḅọrọma ọmịna ḅara-ḅio suu tẹ. 3Àrị eleleinda tọrụ sụa asịn ma kẹ ọ́ pịrị ḅara, ḍumo tẹ mẹnjịarị ye goyegoye pẹị-pẹị ye sọ ọ́ pịrị ḅa. Ye goyegoye à kẹ ọ́ pịrịm. 4#Lẹv 7.26,27; 17.10-14; 19.26; Dit 12.16,23; 15.23Ọ́ pẹị ḅẹ meni mẹ ḅẹ ḍumo anie anị ḅẹ ọmbie mẹ; ọ́ kẹ anị na sụa pẹị ma. 5Kẹ gotẹ ọkọ ḅẹẹarị, tụkụma ḅara ḅụ jụmọ ọmbie ọsụma ḅọ goḅọ-goḅọ, ini mḅọ ọmbie sọ ọsụma ḅa. Piri-ḅio-ḅẹ nama tomḅọ ọmbie ọsụmam ḅẹḅẹ, ini ò ḍumo fama ḅa. 6#Pks 20.13; Suk 1.26Tomḅọ ọmbie ọsụma ḅọ ọsụma ḅọ, mḅọ pembema tomḅọ pịkị mḅọ ọmbie sọ ọsụma ḅa, kẹ gotẹ ọkọ ḅẹẹarị, Tamụnọ tomi kẹ ọ̀ ḅụụ kịkama tẹmẹm. 7#Suk 1.28Ọ́ tọnwa ḅara kẹ iyi-iyi saraa tomikiri mẹ ḅụ, tẹ anị ḅio kamaa.”
8Anịtẹso Tamụnọ nwẹnị Noha na ori owiapụ-awọmẹ na kẹ ọ̀ ḅụụ sụa ḅẹẹ, 9“Ḍikii àrị ị̀ ọḅọkụ kẹ ọmịnị na, ọ́ ḅọrọ so tẹ ọmịna ḅụụ ḅụ paka-ḅo ḅarị apụ ma na fịarị, 10pịkị tẹmẹ tẹ ḍumo wararị tẹ ọmịnị na emi ye goyegoye, feni amẹẹ ma na, opu anama ma na, piri-ḅio-ḅẹ nama goyegoye, ọmịnị na opu arụ mẹ ḅio koro ḅo aị ma kịẹn-ḅịḅị la ḅara, la ḅara kẹ ọmịna ḅụụ sụa. 11Àrị ị̀ ọḅọkụ kẹ ọmịnị na fịarị, mịnẹ à ḅarị gbala-gbala jen-maaịn kẹ opu minji kẹ meni sụa aị mamgba ḅaa guluguluma ḅịa, anịsakị opu minji pịkị ḅarị gbala-gbala jen-maaịn kẹ tomikiri mẹ guluguluma ḅịa.” 12Tẹ Tamụnọ nwẹnị pịkị ḅẹẹ, “Miemẹ anie ọḅọkụ mẹ tẹ yẹrị na, ọmịnị na, tẹmẹ tẹ ḍumo wararị ye goyegoye tẹ ọmịnị na emi ye na, tọrọkọ-jụ ḅọ ḅarị ḅụọ-ḅẹ-atomi mamgba na fị ọḅọkụ mẹ tẹ wamịna ogboku simearị ye mẹ ḅẹ elekima mẹ: 13àrị ì ogono mẹ kẹ kpiti So-tọrụ mẹ ḅụ sụarị, anịsakị anị yẹrị na, tomikiri mẹ na ogboku simearị ọḅọkụ mẹ ḅẹ elekima sọ ḅa. 14À kpiti So-tọrụ kẹ ḅo tomikiri mẹ gbaịn sakị, gbaịn sakị ọmịnị ogono mẹ ẹrị-ẹrị, 15àrị ị̀ ọḅọkụ mẹ tẹ yẹrị na, ọmịnị na, tẹmẹ tẹ ḍumo wararị ye goyegoye ḅẹ meni, mamgba na ogboku simearị ye mẹ kẹ ḅiokoroma ḅa; anịsakị minji mẹ ḅarị gbala-gbala jen-maaịn kẹ ḅo opu minji sọ tẹ meni mamgba ḅaa guluguluma ḅịa. 16Ogono mẹ kpiti So-tọrụ ma ọgọnọ emi nwẹn ḅẹẹ sakị, arị anị ḍiki ḅa tẹ Tamụnọ na, tẹmẹ tẹ ḍumo wararị ye goyegoye ḅẹ meni, mamgba tẹ kiri mẹ ọgọnọ simearị aị ma na ogboku simearị sime gbamaso ọḅọkụ mẹ kẹ ḅiokoroma ḅa.” 17Tamụnọ nwẹnị Noha ḅẹẹ, “Miemẹ anie ọḅọkụ mẹ tẹ yẹrị na, meni mamgba tẹ tomikiri mẹ ḅụ simearị aị ma na ogboku ḅụ fị tẹ ye mẹ ḅẹ elekima mẹ.”
Noha Na Ori Owiapụ-Awọmẹ Na
18Noha owiapụ-awọmẹ ma tẹ opu arụ mẹ ḅio koro ḅo apụ ma anie. Sẹmụ na, Hamụ na, Jafẹtị na. Hamụ anie Kenanị ḍa. 19Mịna tẹra apụ ma anie Noha owiapụ-awọmẹ ma anịsakị mịna apụ ḅụụ ḅụ mie tomi iyima-iyima bebe tomikiri mẹ ḅin ye.
20Noha anie ḍụọ-ḍiḅiḅọ. Ori anie tarị-tarị girepu nwẹn-sịn sịnmgbọlụ ḅẹ ḍụọ ḍiḅi ḅọọ. 21Ori anị ḅụ paka-ḅo iru ḅuum, tẹ iru ọ̀ tọrụ ḅaam, tẹ ọ̀ paụ tẹ ori akpụrụ-warị ḅio ḅọlọlọ simem. 22Hamụ, Kenanị ḍa ḅe nwẹnị mu ọ̀ ḍa paụ ẹrị, tẹ nwẹnị mu etela-ogbo ḅụ ḍuko ori maa owiapụ-amịnapụ pịrị. 23Anịtẹso Sẹmụ na Jafẹtị na nwẹnị gbọrụ opu kapa ọkị, anị ḅẹ maa sịḅị ma kẹ ịna apana ọgọnọ gbana tẹ ọḅụ-ḅụ-ḅụ kẹ mẹnjị mu anị kẹ ịna ḍaḅọ paụ mẹ gbaịnm; ini ịna atọrụ pịkị sikimam, tẹ ịna ḍaḅọ paụ mẹ ẹrị-a. 24Noha tọrụ ò ḅuu iru mẹ kasa tẹ ọ̀ saakị tẹ ori ịrụ-tẹịn owiḅọtụḅọ kẹ ọ̀ mịẹ ye mẹ naa tẹso,
25ọ̀ nwẹnị ḅẹẹ,
“Wori-nume sime Kenanị pịrịị;
ori omoni-sọ ori owiapụ-amịnapụ ma
omoniapụ pịrị ḅa.”
26Ọ̀ pịkị ḅẹẹm,
“KỊNỊNYANAḄỌ ị̀ Tamụnọ ḅe ḅara ḅẹ boma
sime Sẹmụ pịrịị;
anịsakị yee Kenanị ori omoniḅọ sọ.
27Tamụnọ mịẹtẹ Jafẹtị ḍụḅa,
anịsakị yee ọ̀ Sẹmụ akpụrụ-awarị ma ḅio anga;
anịsakị yee Kenanị ori omoniḅọ sọ.”
28Opu minji mẹ ḅọrọ tẹrẹmẹ Noha kụra jeia si mesi oyi finji (350) kẹ ḍumo-simem. 29Noha sịḅị ḅọrọ aḍin mamgba gboloma, kụra maa ẹndẹ sọnọa si finji na kụra amesi oyi finji (950) tẹ ọ̀ fịịm.
Currently Selected:
Suku-saakị 9: KBTP
Highlight
Share
Copy
Want to have your highlights saved across all your devices? Sign up or sign in
(C) The Bible Society of Nigeria
Suku-saakị 9
9
Tamụnọ Noha Na Ọḅọkụ Fịm
1 #
Suk 1.28
Tamụnọ nwẹnị Noha na ori owiapụ-awọmẹ na boma tẹ ịn ḅẹẹ, “Ọmịnị iyima-iyima tẹ lolo-kama tẹ tomikiri mẹ ḅin. 2Tomikiri mẹ ḅụ simearị piri-ḅio-ḅẹ nama goyegoye na, So-tọrụ ḅẹ feni goyegoye na, kiri mẹ ọgọnọ ikiriarị ye goyegoye na, tọrụ minji ḅẹ inji mamgba na siye ḅụụ la ḅẹ kuroma na, opu ḅalafa na nyana ọ́ pịrị ḅa; àrị ịn ḅọrọma ọmịna ḅara-ḅio suu tẹ. 3Àrị eleleinda tọrụ sụa asịn ma kẹ ọ́ pịrị ḅara, ḍumo tẹ mẹnjịarị ye goyegoye pẹị-pẹị ye sọ ọ́ pịrị ḅa. Ye goyegoye à kẹ ọ́ pịrịm. 4#Lẹv 7.26,27; 17.10-14; 19.26; Dit 12.16,23; 15.23Ọ́ pẹị ḅẹ meni mẹ ḅẹ ḍumo anie anị ḅẹ ọmbie mẹ; ọ́ kẹ anị na sụa pẹị ma. 5Kẹ gotẹ ọkọ ḅẹẹarị, tụkụma ḅara ḅụ jụmọ ọmbie ọsụma ḅọ goḅọ-goḅọ, ini mḅọ ọmbie sọ ọsụma ḅa. Piri-ḅio-ḅẹ nama tomḅọ ọmbie ọsụmam ḅẹḅẹ, ini ò ḍumo fama ḅa. 6#Pks 20.13; Suk 1.26Tomḅọ ọmbie ọsụma ḅọ ọsụma ḅọ, mḅọ pembema tomḅọ pịkị mḅọ ọmbie sọ ọsụma ḅa, kẹ gotẹ ọkọ ḅẹẹarị, Tamụnọ tomi kẹ ọ̀ ḅụụ kịkama tẹmẹm. 7#Suk 1.28Ọ́ tọnwa ḅara kẹ iyi-iyi saraa tomikiri mẹ ḅụ, tẹ anị ḅio kamaa.”
8Anịtẹso Tamụnọ nwẹnị Noha na ori owiapụ-awọmẹ na kẹ ọ̀ ḅụụ sụa ḅẹẹ, 9“Ḍikii àrị ị̀ ọḅọkụ kẹ ọmịnị na, ọ́ ḅọrọ so tẹ ọmịna ḅụụ ḅụ paka-ḅo ḅarị apụ ma na fịarị, 10pịkị tẹmẹ tẹ ḍumo wararị tẹ ọmịnị na emi ye goyegoye, feni amẹẹ ma na, opu anama ma na, piri-ḅio-ḅẹ nama goyegoye, ọmịnị na opu arụ mẹ ḅio koro ḅo aị ma kịẹn-ḅịḅị la ḅara, la ḅara kẹ ọmịna ḅụụ sụa. 11Àrị ị̀ ọḅọkụ kẹ ọmịnị na fịarị, mịnẹ à ḅarị gbala-gbala jen-maaịn kẹ opu minji kẹ meni sụa aị mamgba ḅaa guluguluma ḅịa, anịsakị opu minji pịkị ḅarị gbala-gbala jen-maaịn kẹ tomikiri mẹ guluguluma ḅịa.” 12Tẹ Tamụnọ nwẹnị pịkị ḅẹẹ, “Miemẹ anie ọḅọkụ mẹ tẹ yẹrị na, ọmịnị na, tẹmẹ tẹ ḍumo wararị ye goyegoye tẹ ọmịnị na emi ye na, tọrọkọ-jụ ḅọ ḅarị ḅụọ-ḅẹ-atomi mamgba na fị ọḅọkụ mẹ tẹ wamịna ogboku simearị ye mẹ ḅẹ elekima mẹ: 13àrị ì ogono mẹ kẹ kpiti So-tọrụ mẹ ḅụ sụarị, anịsakị anị yẹrị na, tomikiri mẹ na ogboku simearị ọḅọkụ mẹ ḅẹ elekima sọ ḅa. 14À kpiti So-tọrụ kẹ ḅo tomikiri mẹ gbaịn sakị, gbaịn sakị ọmịnị ogono mẹ ẹrị-ẹrị, 15àrị ị̀ ọḅọkụ mẹ tẹ yẹrị na, ọmịnị na, tẹmẹ tẹ ḍumo wararị ye goyegoye ḅẹ meni, mamgba na ogboku simearị ye mẹ kẹ ḅiokoroma ḅa; anịsakị minji mẹ ḅarị gbala-gbala jen-maaịn kẹ ḅo opu minji sọ tẹ meni mamgba ḅaa guluguluma ḅịa. 16Ogono mẹ kpiti So-tọrụ ma ọgọnọ emi nwẹn ḅẹẹ sakị, arị anị ḍiki ḅa tẹ Tamụnọ na, tẹmẹ tẹ ḍumo wararị ye goyegoye ḅẹ meni, mamgba tẹ kiri mẹ ọgọnọ simearị aị ma na ogboku simearị sime gbamaso ọḅọkụ mẹ kẹ ḅiokoroma ḅa.” 17Tamụnọ nwẹnị Noha ḅẹẹ, “Miemẹ anie ọḅọkụ mẹ tẹ yẹrị na, meni mamgba tẹ tomikiri mẹ ḅụ simearị aị ma na ogboku ḅụ fị tẹ ye mẹ ḅẹ elekima mẹ.”
Noha Na Ori Owiapụ-Awọmẹ Na
18Noha owiapụ-awọmẹ ma tẹ opu arụ mẹ ḅio koro ḅo apụ ma anie. Sẹmụ na, Hamụ na, Jafẹtị na. Hamụ anie Kenanị ḍa. 19Mịna tẹra apụ ma anie Noha owiapụ-awọmẹ ma anịsakị mịna apụ ḅụụ ḅụ mie tomi iyima-iyima bebe tomikiri mẹ ḅin ye.
20Noha anie ḍụọ-ḍiḅiḅọ. Ori anie tarị-tarị girepu nwẹn-sịn sịnmgbọlụ ḅẹ ḍụọ ḍiḅi ḅọọ. 21Ori anị ḅụ paka-ḅo iru ḅuum, tẹ iru ọ̀ tọrụ ḅaam, tẹ ọ̀ paụ tẹ ori akpụrụ-warị ḅio ḅọlọlọ simem. 22Hamụ, Kenanị ḍa ḅe nwẹnị mu ọ̀ ḍa paụ ẹrị, tẹ nwẹnị mu etela-ogbo ḅụ ḍuko ori maa owiapụ-amịnapụ pịrị. 23Anịtẹso Sẹmụ na Jafẹtị na nwẹnị gbọrụ opu kapa ọkị, anị ḅẹ maa sịḅị ma kẹ ịna apana ọgọnọ gbana tẹ ọḅụ-ḅụ-ḅụ kẹ mẹnjị mu anị kẹ ịna ḍaḅọ paụ mẹ gbaịnm; ini ịna atọrụ pịkị sikimam, tẹ ịna ḍaḅọ paụ mẹ ẹrị-a. 24Noha tọrụ ò ḅuu iru mẹ kasa tẹ ọ̀ saakị tẹ ori ịrụ-tẹịn owiḅọtụḅọ kẹ ọ̀ mịẹ ye mẹ naa tẹso,
25ọ̀ nwẹnị ḅẹẹ,
“Wori-nume sime Kenanị pịrịị;
ori omoni-sọ ori owiapụ-amịnapụ ma
omoniapụ pịrị ḅa.”
26Ọ̀ pịkị ḅẹẹm,
“KỊNỊNYANAḄỌ ị̀ Tamụnọ ḅe ḅara ḅẹ boma
sime Sẹmụ pịrịị;
anịsakị yee Kenanị ori omoniḅọ sọ.
27Tamụnọ mịẹtẹ Jafẹtị ḍụḅa,
anịsakị yee ọ̀ Sẹmụ akpụrụ-awarị ma ḅio anga;
anịsakị yee Kenanị ori omoniḅọ sọ.”
28Opu minji mẹ ḅọrọ tẹrẹmẹ Noha kụra jeia si mesi oyi finji (350) kẹ ḍumo-simem. 29Noha sịḅị ḅọrọ aḍin mamgba gboloma, kụra maa ẹndẹ sọnọa si finji na kụra amesi oyi finji (950) tẹ ọ̀ fịịm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(C) The Bible Society of Nigeria