Chukusakị 21
21
Aịzịk Ḅe Yi Mị
1Nyanaḅọ Ḅe Sera ma ḅẹlẹmamẹ, anị ò ḅereni á pịrị ḅaraḅụ, 2á furamẹ se gbọrị owutọkụ yi Ebraham ḅe pịrịmẹ ò ḅo olomu sịkị, Tamụnọ Ḅe ḍuko na ini ò yiḅịa nwọ ḅe sịkị mị ḅụ. 3Ebraham ḅe nwọse ọ̀ chịnmẹ Aịzịk, 4Aịzịk ḅe ḅo nine-a ḍin lasịkị, Ebraham ḅe ọ̀ ḅụpẹlẹmẹ, Tamụnọ Ḅe tọnsa ḅaraḅụ. 5Ebraham ḅe ọ̀ kụra sọnọasi lasam ini Aịzịk ḅe yisịkị. 6Sera ma nwọ ḅẹmẹ, “Tamụnọ Ḅe ḅieḅẹlẹ na ḍẹrị na ọ̀ nwọse ị̀ pịrịsam. Anị naaḅọ goyegoye ị̀rị̀ na ḍẹrịḅịa.” 7Á pịkịna nwọ ḅẹmẹ, “Tụḅọ ḍuko Ebraham ḅe pịrịḅe na Sera ma árị ndo se awọmẹnị pịrịḅịa-ẹ? Anịẹḅẹ sọnị oria olomu sịkịḅụ à gbọrị owutọkụ yi ọ̀ pịrịsam.”
8Tọkụ ḅe ọ̀ sẹnịmẹ, se ori ndo kụma ene Ebraham ḅe ori opu fịaye chụọsara se alalị fịmẹ.
Hega Ma Na Ishmẹl Ḅe Na Ini Ini Desinmẹ
9Gbọrị ene Ishmẹl anị Hega Ijipt omoni eremeniḅọ ma yi Ebraham ḅe pịrị tọkụ ḅe na Aịzịk Sera tọkụ ḅe na tiaḅẹ. 10Sera ma ini ọrị seni nwọse Ebraham ḅe ḅẹmẹ, “Mà omoniḅọ ma na árịa tọkụ ḅe na depakụma. Mà eremeniḅọ ma tọkụ ḅe ị́ya ngọma ḅie gbọrịye sọnị ọ̀ ḅara lama, anị sime ị̀ya tọkụ Aịzịk ḅe pịrịḅịa ngọma.” 11Mịn ye mị anị iḅiọkụma Ebraham ḅe ḅụḅẹlẹkẹ, anịatịḅị Ishmẹl ḅe sọnị oria tọkụ-ẹ. 12Ọkụma Tamụnọ Ḅe nwọse Ebraham ḅe ḅẹmẹ, “Ḅụḅalaḅala nyanama, tọkụ ḅe na ị́ya omoniḅọ, Hega ma na gose. Sera ma se ị́ ḅe yegoyegoye ọkọ se anị mịẹ, anịatịḅị Aịzịk ḅe ḅụ mị à se ị́ karị awọ mamgba pakaḅoḅịaye-ẹ. 13À pịkịna ḅakama awọmẹnị seni omoniḅọ ma tọkụ ḅe pịrịḅịa, mịẹso sịkị ini sọnị iniḅo sẹ sọḅịa. Anịatịḅị ori sọnị ị́ya tọkụ-ẹ.”
14Jịn eneḅa dedeḅie dedeḅie Ebraham ḅe fịaye na mengi ḅie ḅein nama-apụra-akpa na seni Hega ma pịrịmẹ. Ọ̀ tọkụ ḅe se á koku kpọ seni á depakụmamẹ. Á warị mị wẹrịso se mun Biashiba piri ele mị ḅie gelegelema nwẹngịma ḅọrọmẹ. 15Mengi mị ḅo faso sịkị, á tọkụ ḅe seni gbọrị piri ḅie gbin koromamẹ 16seni kuḅu-a sọnọasi laḅịaye nwọse ọ̀ ḅụsikima mun simemẹ. Á nwọse á ḅụ ḅẹmẹ, “Àrị ineda tọrụse ị̀ya tọkụ ḅe fị mị ọrịẹkẹ.” Anịnyọ á simearịogbo anị tọkụ ḅe ọ̀ pụkọ dekichịẹma se owuye-ẹ.
17Tamụnọ Ḅe tọkụ ḅe kọn àrị owu mị naamẹ; anị Tamụnọ enjẹlḅọ soḅie ḅụ wẹrị ọkwẹịn Hega ma pịrịye-ẹ, “Cheye ị́ ḅụfụkama-ao, Hega? Ḅalafama. Tọkụ ḅe kọn àrị owu mị Tamụnọ Ḅe ọ̀ naasam. 18Sịsẹ se mun tọkụ ḅe deki se ò kuḅie kụrọma. À mịẹḅịa ò furo ḅie pakaḅoḅịa awọma opu sẹ sọḅịa.” 19Se Tamụnọ Ḅe á tọrụmgbọlụma finji seni á mengi olulu ọrịmẹ. Á sịsẹ mun mengi seni nama apụra akpa mị ḅeinma, se mengi seni tọkụ ḅe pịrị se ò ḅumẹ. 20Tamụnọ Ḅe ọ̀ tọkụ ḅe ḅụ omi-ẹ, se ọ̀ sẹnị pakaḅomẹ; Peran piri ele mị ḅie ori angamẹ; se ò ḅo opuma namatẹịn ḍinḅọ sọmẹ. 21Nyọngọrọma Ijipt eremeni tọkụ á nwọ ḍọkị ọ̀ pịrị se ori árị na simemẹ.
Ebraham Ḅe Na Abimẹlẹk Ḅe Na Nyana Ḅịpịogbosọ Mị
22Anịsịkị mị ḅụ, Abimẹlẹk ḅe na oria ọmụogbo tịḅịdaḅọ Fịkọl ḅe na Ebraham ḅe damamunmẹ, se nwọse ọ̀ ḅẹmẹ, “Tamụnọ Ḅe ori ị́rị́ na omi-ẹ ị́ mịẹarịye goyegoye ḅụ. 23Anịẹrẹchị mịanga Tamụnọ Ḅe tọrụkuḅu yekarịfị ị̀ pịrị na ị̀rị̀ na ị̀ya awọma na pịkị ị̀ furo ḅie pakaḅoḅịa apụ goyegoye na, ị́ epele se wa ti ẹkẹ. Àrị iḅiọkụ ị́rị́ na angamẹ, anịgose ị́rị́ sọnị yeḅereni ị̀ pịrị na, ị́ iḅiọkụma ị̀rị̀ na pịkị mị ị́ anga àrị sẹ mị na iḅiḅara se angaḅịa.”
24Ebraham ḅe nwọ ḅẹmẹ, “À ḅerenimẹ.”
25Ebraham ḅe Abimẹlẹk fịrịnwẹngịapụma ọ̀ ḅara kọrị ọkị mengi olulu mị ḅẹrẹ seni Abimẹlẹk ḅe suamẹ. 26Abimẹlẹk ḅe nwọ ḅẹmẹ, “Mịn ye mị mịẹḅọ à nemikẹ. Anị gbakịmaye ị́ pịkị ḍuko ị̀ pịrịkẹ, mị à pịkị tatarị anị naa àrị sịkị-ẹ.” 27Se Ebraham ḅe anana na nambulo na seni Abimẹlẹk ḅe pịrịmẹ, anịḅụ ini mama apụma ḅo ḅịpịogbosọ nwọ nyanamẹ. 28Ebraham ḅe oria ananama ḅie sọnọma ayamburama anana nwọ sẹlẹ pakụmaḅomẹ, 29Abimẹlẹk ḅe ò gbelamẹ, “Cheye gose ị́ mịn mị mịẹ?”
30Ebraham ḅe ọ̀ pẹkẹrẹmẹ, “Ma sọnọma ayamburama ananama ọkị. Ị́ àrị ọkị mị ḍiepakụmaḅịa na mengi olulu ma ị́ ḅerenisam na ị̀rị̀ anị sokumẹ.” 31Anịgose nyọ mịn ini anị chịnmẹ Biashiba, anịatịḅị anị nyọ mị ini mama apụma ọḅọkụ fịye-ẹ.
32Biashiba ḅụ ini mị ọḅọkụ mị fị so sịkị, Abimẹlẹk ḅe na Fịkọl ḅe na pịkịmaso Filistia ama mị nwọ mun mẹ. 33Ebraham ḅe Biashiba mị ḅie gbọrị tamarisk eje nwọ ḍipimẹ se anị nyọ ḅụ Nyanaḅọ, Ḍumo gbaso Tamụnọ Ḅe tẹkẹtẹkẹmẹ. 34Ebraham ḅe Filistia ama mị ḅie ori anga ḅọlọsịkị lamẹ.
Currently Selected:
Chukusakị 21: OBTP
Highlight
Share
Copy
Want to have your highlights saved across all your devices? Sign up or sign in
The Bible Society of Nigeria
Chukusakị 21
21
Aịzịk Ḅe Yi Mị
1Nyanaḅọ Ḅe Sera ma ḅẹlẹmamẹ, anị ò ḅereni á pịrị ḅaraḅụ, 2á furamẹ se gbọrị owutọkụ yi Ebraham ḅe pịrịmẹ ò ḅo olomu sịkị, Tamụnọ Ḅe ḍuko na ini ò yiḅịa nwọ ḅe sịkị mị ḅụ. 3Ebraham ḅe nwọse ọ̀ chịnmẹ Aịzịk, 4Aịzịk ḅe ḅo nine-a ḍin lasịkị, Ebraham ḅe ọ̀ ḅụpẹlẹmẹ, Tamụnọ Ḅe tọnsa ḅaraḅụ. 5Ebraham ḅe ọ̀ kụra sọnọasi lasam ini Aịzịk ḅe yisịkị. 6Sera ma nwọ ḅẹmẹ, “Tamụnọ Ḅe ḅieḅẹlẹ na ḍẹrị na ọ̀ nwọse ị̀ pịrịsam. Anị naaḅọ goyegoye ị̀rị̀ na ḍẹrịḅịa.” 7Á pịkịna nwọ ḅẹmẹ, “Tụḅọ ḍuko Ebraham ḅe pịrịḅe na Sera ma árị ndo se awọmẹnị pịrịḅịa-ẹ? Anịẹḅẹ sọnị oria olomu sịkịḅụ à gbọrị owutọkụ yi ọ̀ pịrịsam.”
8Tọkụ ḅe ọ̀ sẹnịmẹ, se ori ndo kụma ene Ebraham ḅe ori opu fịaye chụọsara se alalị fịmẹ.
Hega Ma Na Ishmẹl Ḅe Na Ini Ini Desinmẹ
9Gbọrị ene Ishmẹl anị Hega Ijipt omoni eremeniḅọ ma yi Ebraham ḅe pịrị tọkụ ḅe na Aịzịk Sera tọkụ ḅe na tiaḅẹ. 10Sera ma ini ọrị seni nwọse Ebraham ḅe ḅẹmẹ, “Mà omoniḅọ ma na árịa tọkụ ḅe na depakụma. Mà eremeniḅọ ma tọkụ ḅe ị́ya ngọma ḅie gbọrịye sọnị ọ̀ ḅara lama, anị sime ị̀ya tọkụ Aịzịk ḅe pịrịḅịa ngọma.” 11Mịn ye mị anị iḅiọkụma Ebraham ḅe ḅụḅẹlẹkẹ, anịatịḅị Ishmẹl ḅe sọnị oria tọkụ-ẹ. 12Ọkụma Tamụnọ Ḅe nwọse Ebraham ḅe ḅẹmẹ, “Ḅụḅalaḅala nyanama, tọkụ ḅe na ị́ya omoniḅọ, Hega ma na gose. Sera ma se ị́ ḅe yegoyegoye ọkọ se anị mịẹ, anịatịḅị Aịzịk ḅe ḅụ mị à se ị́ karị awọ mamgba pakaḅoḅịaye-ẹ. 13À pịkịna ḅakama awọmẹnị seni omoniḅọ ma tọkụ ḅe pịrịḅịa, mịẹso sịkị ini sọnị iniḅo sẹ sọḅịa. Anịatịḅị ori sọnị ị́ya tọkụ-ẹ.”
14Jịn eneḅa dedeḅie dedeḅie Ebraham ḅe fịaye na mengi ḅie ḅein nama-apụra-akpa na seni Hega ma pịrịmẹ. Ọ̀ tọkụ ḅe se á koku kpọ seni á depakụmamẹ. Á warị mị wẹrịso se mun Biashiba piri ele mị ḅie gelegelema nwẹngịma ḅọrọmẹ. 15Mengi mị ḅo faso sịkị, á tọkụ ḅe seni gbọrị piri ḅie gbin koromamẹ 16seni kuḅu-a sọnọasi laḅịaye nwọse ọ̀ ḅụsikima mun simemẹ. Á nwọse á ḅụ ḅẹmẹ, “Àrị ineda tọrụse ị̀ya tọkụ ḅe fị mị ọrịẹkẹ.” Anịnyọ á simearịogbo anị tọkụ ḅe ọ̀ pụkọ dekichịẹma se owuye-ẹ.
17Tamụnọ Ḅe tọkụ ḅe kọn àrị owu mị naamẹ; anị Tamụnọ enjẹlḅọ soḅie ḅụ wẹrị ọkwẹịn Hega ma pịrịye-ẹ, “Cheye ị́ ḅụfụkama-ao, Hega? Ḅalafama. Tọkụ ḅe kọn àrị owu mị Tamụnọ Ḅe ọ̀ naasam. 18Sịsẹ se mun tọkụ ḅe deki se ò kuḅie kụrọma. À mịẹḅịa ò furo ḅie pakaḅoḅịa awọma opu sẹ sọḅịa.” 19Se Tamụnọ Ḅe á tọrụmgbọlụma finji seni á mengi olulu ọrịmẹ. Á sịsẹ mun mengi seni nama apụra akpa mị ḅeinma, se mengi seni tọkụ ḅe pịrị se ò ḅumẹ. 20Tamụnọ Ḅe ọ̀ tọkụ ḅe ḅụ omi-ẹ, se ọ̀ sẹnị pakaḅomẹ; Peran piri ele mị ḅie ori angamẹ; se ò ḅo opuma namatẹịn ḍinḅọ sọmẹ. 21Nyọngọrọma Ijipt eremeni tọkụ á nwọ ḍọkị ọ̀ pịrị se ori árị na simemẹ.
Ebraham Ḅe Na Abimẹlẹk Ḅe Na Nyana Ḅịpịogbosọ Mị
22Anịsịkị mị ḅụ, Abimẹlẹk ḅe na oria ọmụogbo tịḅịdaḅọ Fịkọl ḅe na Ebraham ḅe damamunmẹ, se nwọse ọ̀ ḅẹmẹ, “Tamụnọ Ḅe ori ị́rị́ na omi-ẹ ị́ mịẹarịye goyegoye ḅụ. 23Anịẹrẹchị mịanga Tamụnọ Ḅe tọrụkuḅu yekarịfị ị̀ pịrị na ị̀rị̀ na ị̀ya awọma na pịkị ị̀ furo ḅie pakaḅoḅịa apụ goyegoye na, ị́ epele se wa ti ẹkẹ. Àrị iḅiọkụ ị́rị́ na angamẹ, anịgose ị́rị́ sọnị yeḅereni ị̀ pịrị na, ị́ iḅiọkụma ị̀rị̀ na pịkị mị ị́ anga àrị sẹ mị na iḅiḅara se angaḅịa.”
24Ebraham ḅe nwọ ḅẹmẹ, “À ḅerenimẹ.”
25Ebraham ḅe Abimẹlẹk fịrịnwẹngịapụma ọ̀ ḅara kọrị ọkị mengi olulu mị ḅẹrẹ seni Abimẹlẹk ḅe suamẹ. 26Abimẹlẹk ḅe nwọ ḅẹmẹ, “Mịn ye mị mịẹḅọ à nemikẹ. Anị gbakịmaye ị́ pịkị ḍuko ị̀ pịrịkẹ, mị à pịkị tatarị anị naa àrị sịkị-ẹ.” 27Se Ebraham ḅe anana na nambulo na seni Abimẹlẹk ḅe pịrịmẹ, anịḅụ ini mama apụma ḅo ḅịpịogbosọ nwọ nyanamẹ. 28Ebraham ḅe oria ananama ḅie sọnọma ayamburama anana nwọ sẹlẹ pakụmaḅomẹ, 29Abimẹlẹk ḅe ò gbelamẹ, “Cheye gose ị́ mịn mị mịẹ?”
30Ebraham ḅe ọ̀ pẹkẹrẹmẹ, “Ma sọnọma ayamburama ananama ọkị. Ị́ àrị ọkị mị ḍiepakụmaḅịa na mengi olulu ma ị́ ḅerenisam na ị̀rị̀ anị sokumẹ.” 31Anịgose nyọ mịn ini anị chịnmẹ Biashiba, anịatịḅị anị nyọ mị ini mama apụma ọḅọkụ fịye-ẹ.
32Biashiba ḅụ ini mị ọḅọkụ mị fị so sịkị, Abimẹlẹk ḅe na Fịkọl ḅe na pịkịmaso Filistia ama mị nwọ mun mẹ. 33Ebraham ḅe Biashiba mị ḅie gbọrị tamarisk eje nwọ ḍipimẹ se anị nyọ ḅụ Nyanaḅọ, Ḍumo gbaso Tamụnọ Ḅe tẹkẹtẹkẹmẹ. 34Ebraham ḅe Filistia ama mị ḅie ori anga ḅọlọsịkị lamẹ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of Nigeria