Chukusakị 5
5
Adam Ḅe Furoḅie Pakaḅo Apụ
(1 Mịẹ 1.1-4)
1Mịn anị Adam ḅe furoḅie pakaḅo apụma ḅụ ḅẹrẹ-ẹ. (Tamụnọ Ḅe ò tomoniḅọ ḅe tẹmẹ sịkị, ori ọ̀ ḅụ ḍikima ini tẹmẹmẹ. 2Owuḅọ na eremeniḅọ na ọ̀ nwọ tẹmẹmẹ, ori ini ḅẹlẹma seni nwọse ini chịnmẹ “Tomoniḅọ.”) 3Adam ḅe ò ḅo kụra sonioasi oyi fịnjị lasịkị, ori na kịkịna gbọrị owutọkụ ọ̀ nwọ yimẹ, Sẹt ọ̀ nwọse ọ̀ chịnmẹ. 4Anị ḅọrọseso, Adam ḅe ọ̀ pịkịna kụra mẹndẹ lamẹ. Se jịn awọ na yimẹ 5se ò ḅo kụra mẹndẹ sọnọasi fịnjị na kụra soi laseni ọ̀ fịmẹ.
6Sẹt ḅe ò ḅo kụra sọnọasi na sọnọ-a kụra nwọ lasịkị, Enọs nwọ chịn gbọrị owutọkụ ọ̀ nwọ yimẹ, 7ọ̀ pịkịna jịn kụra mẹndẹ na sọnọma kụra fịnjị lamẹ. Se jịn awọ na yimẹ 8se ò ḅo kụra mẹndẹ na sọnọasi na oyimaịn kụra fịnjị laseni ọ̀ fịmẹ.
9Ịnọs ḅe ò ḅo kụra iniasi oyi fịnjị lasịkị, Kenan nwọ chịn gbọrị owutọkụ ọ̀ nwọ yimẹ, 10se ọ̀ pịkịna kụra mẹndẹ oyi fịnjị na sọnọ-a kụra lamẹ. Se jịn awọ na yimẹ 11se ò ḅo kụra mẹndẹ sọnọasi fịnjị na sọnọ-a kụra lasịkị ọ̀ fịmẹ.
12Kenan ḅe kụra tesi oyi fịnjị ọ̀ nwọ lasịkị, gbọrị owutọkụ ọ̀ nwọ yimẹ, oria ẹrẹ anị Mahalalẹl, 13ọ̀ pịkịna kụra mẹndẹ na mesi fịnjị lamẹ. Se jịn awọ yimẹ 14se ò ḅo kụra mẹndẹ sọnọasi fịnjị na oyi-a kụra laseni ọ̀ fịmẹ.
15Mahalalẹl ḅe ò ḅo kụra tesi na sọnọ-a kụra fịnjị lasịkị, Jarid nwọ chịn gbọrị owutọkụ ọ̀ nwọ yimẹ, 16ọ̀ pịkịna jịn kụra mẹndẹ na kụra soi lamẹ. Se jịn awọ na yimẹ 17se ò ḅo kụra mẹndẹ sọnọasi na sọnọ-a kụra fịnjị laseni ọ̀ fịmẹ.
18Jarid ḅe kụra nineasi na mama kụra fịnjị ọ̀ nwọ laseni ori Enọk ḅe yimẹ, 19ọ̀ pịkịna kụra mẹndẹ lamẹ. Se jịn awọ na yimẹ 20se ọ̀ pịkịna kụra mẹndẹ na nineasi fịnjị na mama kụra laseni ọ̀ fịmẹ.
21Enọk ḅe kụra tesi na sọnọ-a kụra fịnjị ọ̀ nwọ laseni ọ̀ Mẹtusẹla ḅe yimẹ. 22Anịḅọrọ sịkị, Enọk ḅe ọ̀ Tamụnọ Ḅe na nwẹngị ḍumo kọnmẹ ọkịmun kụra jieasi lamẹ, ọ̀ pịkịna jịn awọ yimẹ. 23Ọ̀ kụra jieasi na tesi sọnọ-a kụra fịnjị lamẹ. 24Oria ḍumo ene mamgba ọ̀ Tamụnọ Ḅe na nwẹngịmẹ, anịeso tomoni ḅarị ori ọrịkẹ, anịatịḅị Tamụnọ ḅe ori ọkịsomẹ.
25Mẹtusẹla ḅe tẹrẹfa kụra eseniasi oyi fịnjị lasịkị ọ̀ Lemẹk ḅe yimẹ, 26se ọ̀ pịkịna jịn maịnfasi kụra ofori kụra mẹndẹ fịnjị lamẹ. Se jịn awọ na yimẹ 27se ọ̀ pịkịna kụra mẹndẹ nineasi fịnjị na esenie-a kụra nwọ laseni ọ̀ fịmẹ.
28Lemẹk ḅe ḅo kụra eseniasi na mama kụra fịnjị lasịkị, ọ̀ gbọrị owutọkụ yimẹ, 29se ọ̀ nwọḅẹmẹ, “Nyanaḅọ Ḅe worinime se pịrị kiri mị gose wa nwẹngịsa kụrọ à fịrịma ḅụ, ḅe tọkụ ḅe, ò kuḅie kụrọ ọkịḅo wa pịrịḅịa;” anịgose ọ̀ nwọse ọ̀ chịnmẹ Noa. 30Lemẹk ḅe ò jịn sọnọ-a kụra ofori kụra ẹndẹ oyiasi fịnjị lamẹ. Se jịn awọ na yimẹ 31se ọ̀ pịkịna jịn sitẹrẹ-a kụra fịnjị ofori kụra mẹndẹ fịnjị laseni ọ̀ fịmẹ.
32Noa ḅe ò ḅo kụra ẹndẹ sọnọasi fịnjị lasịkị, tẹrẹ awọ ọ̀ nwọ yimẹ, Shẹm ḅe na, Ham ḅe na, pịkị Jafẹtị ḅe na.
Currently Selected:
Chukusakị 5: OBTP
Highlight
Share
Copy
Want to have your highlights saved across all your devices? Sign up or sign in
The Bible Society of Nigeria
Chukusakị 5
5
Adam Ḅe Furoḅie Pakaḅo Apụ
(1 Mịẹ 1.1-4)
1Mịn anị Adam ḅe furoḅie pakaḅo apụma ḅụ ḅẹrẹ-ẹ. (Tamụnọ Ḅe ò tomoniḅọ ḅe tẹmẹ sịkị, ori ọ̀ ḅụ ḍikima ini tẹmẹmẹ. 2Owuḅọ na eremeniḅọ na ọ̀ nwọ tẹmẹmẹ, ori ini ḅẹlẹma seni nwọse ini chịnmẹ “Tomoniḅọ.”) 3Adam ḅe ò ḅo kụra sonioasi oyi fịnjị lasịkị, ori na kịkịna gbọrị owutọkụ ọ̀ nwọ yimẹ, Sẹt ọ̀ nwọse ọ̀ chịnmẹ. 4Anị ḅọrọseso, Adam ḅe ọ̀ pịkịna kụra mẹndẹ lamẹ. Se jịn awọ na yimẹ 5se ò ḅo kụra mẹndẹ sọnọasi fịnjị na kụra soi laseni ọ̀ fịmẹ.
6Sẹt ḅe ò ḅo kụra sọnọasi na sọnọ-a kụra nwọ lasịkị, Enọs nwọ chịn gbọrị owutọkụ ọ̀ nwọ yimẹ, 7ọ̀ pịkịna jịn kụra mẹndẹ na sọnọma kụra fịnjị lamẹ. Se jịn awọ na yimẹ 8se ò ḅo kụra mẹndẹ na sọnọasi na oyimaịn kụra fịnjị laseni ọ̀ fịmẹ.
9Ịnọs ḅe ò ḅo kụra iniasi oyi fịnjị lasịkị, Kenan nwọ chịn gbọrị owutọkụ ọ̀ nwọ yimẹ, 10se ọ̀ pịkịna kụra mẹndẹ oyi fịnjị na sọnọ-a kụra lamẹ. Se jịn awọ na yimẹ 11se ò ḅo kụra mẹndẹ sọnọasi fịnjị na sọnọ-a kụra lasịkị ọ̀ fịmẹ.
12Kenan ḅe kụra tesi oyi fịnjị ọ̀ nwọ lasịkị, gbọrị owutọkụ ọ̀ nwọ yimẹ, oria ẹrẹ anị Mahalalẹl, 13ọ̀ pịkịna kụra mẹndẹ na mesi fịnjị lamẹ. Se jịn awọ yimẹ 14se ò ḅo kụra mẹndẹ sọnọasi fịnjị na oyi-a kụra laseni ọ̀ fịmẹ.
15Mahalalẹl ḅe ò ḅo kụra tesi na sọnọ-a kụra fịnjị lasịkị, Jarid nwọ chịn gbọrị owutọkụ ọ̀ nwọ yimẹ, 16ọ̀ pịkịna jịn kụra mẹndẹ na kụra soi lamẹ. Se jịn awọ na yimẹ 17se ò ḅo kụra mẹndẹ sọnọasi na sọnọ-a kụra fịnjị laseni ọ̀ fịmẹ.
18Jarid ḅe kụra nineasi na mama kụra fịnjị ọ̀ nwọ laseni ori Enọk ḅe yimẹ, 19ọ̀ pịkịna kụra mẹndẹ lamẹ. Se jịn awọ na yimẹ 20se ọ̀ pịkịna kụra mẹndẹ na nineasi fịnjị na mama kụra laseni ọ̀ fịmẹ.
21Enọk ḅe kụra tesi na sọnọ-a kụra fịnjị ọ̀ nwọ laseni ọ̀ Mẹtusẹla ḅe yimẹ. 22Anịḅọrọ sịkị, Enọk ḅe ọ̀ Tamụnọ Ḅe na nwẹngị ḍumo kọnmẹ ọkịmun kụra jieasi lamẹ, ọ̀ pịkịna jịn awọ yimẹ. 23Ọ̀ kụra jieasi na tesi sọnọ-a kụra fịnjị lamẹ. 24Oria ḍumo ene mamgba ọ̀ Tamụnọ Ḅe na nwẹngịmẹ, anịeso tomoni ḅarị ori ọrịkẹ, anịatịḅị Tamụnọ ḅe ori ọkịsomẹ.
25Mẹtusẹla ḅe tẹrẹfa kụra eseniasi oyi fịnjị lasịkị ọ̀ Lemẹk ḅe yimẹ, 26se ọ̀ pịkịna jịn maịnfasi kụra ofori kụra mẹndẹ fịnjị lamẹ. Se jịn awọ na yimẹ 27se ọ̀ pịkịna kụra mẹndẹ nineasi fịnjị na esenie-a kụra nwọ laseni ọ̀ fịmẹ.
28Lemẹk ḅe ḅo kụra eseniasi na mama kụra fịnjị lasịkị, ọ̀ gbọrị owutọkụ yimẹ, 29se ọ̀ nwọḅẹmẹ, “Nyanaḅọ Ḅe worinime se pịrị kiri mị gose wa nwẹngịsa kụrọ à fịrịma ḅụ, ḅe tọkụ ḅe, ò kuḅie kụrọ ọkịḅo wa pịrịḅịa;” anịgose ọ̀ nwọse ọ̀ chịnmẹ Noa. 30Lemẹk ḅe ò jịn sọnọ-a kụra ofori kụra ẹndẹ oyiasi fịnjị lamẹ. Se jịn awọ na yimẹ 31se ọ̀ pịkịna jịn sitẹrẹ-a kụra fịnjị ofori kụra mẹndẹ fịnjị laseni ọ̀ fịmẹ.
32Noa ḅe ò ḅo kụra ẹndẹ sọnọasi fịnjị lasịkị, tẹrẹ awọ ọ̀ nwọ yimẹ, Shẹm ḅe na, Ham ḅe na, pịkị Jafẹtị ḅe na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of Nigeria