Luk 7:7-9

ḅara na ị́ damaḅo mị ị̀ gbẹịnmẹ nwọ ḅẹ koroma à pịkị nwọ nyana ị̀ ḅụ pịrịkẹ. Ị́rị́ pa tọn ị̀ya fịrịnwẹngịḅọ ḅe ọ̀ ḅụ iḅiḅịa. Ị̀rị̀ sọnị, ini ị̀ se ị̀ nẹngị owunitịḅịnị chuku koroma ḅọ-ẹ, à pịkị ị̀ chuku ḅie sime owuni nyana waraḅẹ. À tọn mị ḅọ pịrị, ‘Mun!’ ọ̀ pịkị mun mẹ. À tọn ísíḅọ pịrị, ‘Ḅo!’ ọ̀ pịkị ḅomẹ. À pịkị tọn ị̀ya omoniḅọ pịrị, ‘Mun mịn mị mịẹ!’ ori anị mịẹmẹ.” Jizọs Ḅe Ọ̀ ḅụgbiripumẹ Ọ̀ mịn mị naa sịkị; Ò vinpịkị nwọse Ò ḍuko sime tomonikpo mị ḅẹmẹ, “Ma à nwọ sime ḅereni ọrịkẹ, à ḍuko ọ́ pịrịaḅẹ, Izrẹl mị ḅie sọnị!”