Luke 7:21-22

Ia te saaita naa hoki Jisas e tokonaki tammaki na tama lavvea ia ma na tama e hakalono llihu i na maahana ia ma na tama e ttau ria na tipua sakkino eaa, tena Aia ki mee tammaki na tama karemata sseni raa no kkite. Tena Jisas ki meake tokorua na disaipol Jon raa ma, “Vakkai hakaraoi no meake Jon hea koorua ni kkite ia ma hea koorua ni llono raa: Na tama karemata sseni raa ku kkite, na tama na vae e mmate raa ku hahaere, na tama e kaina te manumanu haeo raa ku taualleka, na tama katarina tturi raa ku llono, na tama e mate raa ku ora hakaraoi, tena na tama hakaalloha raa ku llono te Rono Tauareka TeAtua raa.