Yilinga 6
6
Chikungulwila yaasakula malunga shimbiali akwase tumbaji
1Ha matangwa waze, muze tumbaji hooka kuhiana, Ayuda waze te akuhanjika liji lia greke yaaketeka waze te akuhanjika hebreu mumu mapwo jo, waze haanafwisa malunga, te keeshi kwakwasa ha kupangila cha tangwa ha tangwa. 2Kashika tunganda kumi ni aali yaakungulula chizavu cha tumbaji, yaambila ngwo: “Kuchalitele yetu kwehuka milimo ya kulongesa maliji a Zambi mumu ha kupangila yakulia. 3Ha chino, akwetu, Sakulenu a kuli yenwene malunga shimbiali a lufuma mubema, anazala ni Mwiku wa Linanga, akwa mana, hanga twaahe milimo yino. 4Alioze yetu mutunyongonona mu kulemba ni kulongesa liji lia Zambi.” 5Maliji wano yaawahisa mbunga yeswe. No yaasakula Estevau (Etienne), mutu yoze te unazala ni Mwiku wa Linanga, mukwa kufuliela wamwenemwene. Yaatongola nawa Filipe, ni Prokoru, ni Nikanore, ni Timone, ni Parmena, ni Nikalau, wa ku limbo lia Antiokia,#6:5 antiokia: lie limbo lia wanangana wa Aroma mu chifuchi cha Siria, limbo lia muchitatu mu wanangana wa Aroma (limbo litangu Roma, lia muchaali Alexandria). mukwa vungu likwo yoze watayijile longeso lia Ayuda. 6Mbunga yaatwala kuli tunganda. No yaalembela, yaasa moko.
7Mba maliji a Zambi yaafumana. Tumbaji yooka kuhiana mu limbo lia Yerusaleme. Mbunga yinene ya mahako a Zambi yoononokena e maliji.
Ayuda yaakwata Estevau (Etienne)
8Estevau (Etienne) yalinga yipupu yinene ni yikomokeso mukachi ka atu, mumu Zambi yamwaha tachi, yamuwahisa kuhiana. 9Alioze yikukatuka amwe akwa kuvundula a ku zuwo lia kuwayila, lize te akuvuluka ngwo: “Kule.” Mukachi ko yimubwa Ayuda a ku membo ja Sirene, ni Alexandria. No yaabutuka kuhamika ni Estevau (Etienne) hamwe ni Ayuda akwo a ku Silisia ni Asia. 10Alioze kaahashile ko kulimika nenyi, mumu yahanjika ni mana waze amuhele Mwiku wa Linanga. 11Hohene yaavundula amwe atu ku tenga hanga ahanjike maliji a mafwefwe ngwo: “Hitunamwivu mashililika Mose ni Zambi.” 12Chenacho akatwishile mbunga ya atu, ni makulwana, ni alongeshi a Shimbi, yaalundumukina hali Estevau (Etienne), yaamukwata, mba yaamutwala ku meso ja Mbunga ya Ngaji ja Ayuda. 13Yaaneha nawa yela ja mahuza waze ambile ngwo: “Mutu yono keshi kulitwamina kushililika zuwo lia Zambi lia chijila ni Shimbi ja Mose. 14Hitunamwivu mamba ngwenyi: ‘Yesu yono, wa ku Nazare, makonona zuwo lino lia Zambi ni kwalumuna Shimbi jize atuhele Mose.’ ” 15Eswe waze atwamine mu Mbunga ya Ngaji ja Ayuda yaahulikila Estevau (Etienne) meso, yaamona kulifwa cha meso jenyi ngwe a kanganda ka mwilu.
Currently Selected:
Yilinga 6: CHK1970
Highlight
Share
Copy
Want to have your highlights saved across all your devices? Sign up or sign in
The Bible in Chokwe © Bible Society of the Democratic Republic of Congo and Bible Society of Zambia, 1970, 1991.
Yilinga 6
6
Chikungulwila yaasakula malunga shimbiali akwase tumbaji
1Ha matangwa waze, muze tumbaji hooka kuhiana, Ayuda waze te akuhanjika liji lia greke yaaketeka waze te akuhanjika hebreu mumu mapwo jo, waze haanafwisa malunga, te keeshi kwakwasa ha kupangila cha tangwa ha tangwa. 2Kashika tunganda kumi ni aali yaakungulula chizavu cha tumbaji, yaambila ngwo: “Kuchalitele yetu kwehuka milimo ya kulongesa maliji a Zambi mumu ha kupangila yakulia. 3Ha chino, akwetu, Sakulenu a kuli yenwene malunga shimbiali a lufuma mubema, anazala ni Mwiku wa Linanga, akwa mana, hanga twaahe milimo yino. 4Alioze yetu mutunyongonona mu kulemba ni kulongesa liji lia Zambi.” 5Maliji wano yaawahisa mbunga yeswe. No yaasakula Estevau (Etienne), mutu yoze te unazala ni Mwiku wa Linanga, mukwa kufuliela wamwenemwene. Yaatongola nawa Filipe, ni Prokoru, ni Nikanore, ni Timone, ni Parmena, ni Nikalau, wa ku limbo lia Antiokia,#6:5 antiokia: lie limbo lia wanangana wa Aroma mu chifuchi cha Siria, limbo lia muchitatu mu wanangana wa Aroma (limbo litangu Roma, lia muchaali Alexandria). mukwa vungu likwo yoze watayijile longeso lia Ayuda. 6Mbunga yaatwala kuli tunganda. No yaalembela, yaasa moko.
7Mba maliji a Zambi yaafumana. Tumbaji yooka kuhiana mu limbo lia Yerusaleme. Mbunga yinene ya mahako a Zambi yoononokena e maliji.
Ayuda yaakwata Estevau (Etienne)
8Estevau (Etienne) yalinga yipupu yinene ni yikomokeso mukachi ka atu, mumu Zambi yamwaha tachi, yamuwahisa kuhiana. 9Alioze yikukatuka amwe akwa kuvundula a ku zuwo lia kuwayila, lize te akuvuluka ngwo: “Kule.” Mukachi ko yimubwa Ayuda a ku membo ja Sirene, ni Alexandria. No yaabutuka kuhamika ni Estevau (Etienne) hamwe ni Ayuda akwo a ku Silisia ni Asia. 10Alioze kaahashile ko kulimika nenyi, mumu yahanjika ni mana waze amuhele Mwiku wa Linanga. 11Hohene yaavundula amwe atu ku tenga hanga ahanjike maliji a mafwefwe ngwo: “Hitunamwivu mashililika Mose ni Zambi.” 12Chenacho akatwishile mbunga ya atu, ni makulwana, ni alongeshi a Shimbi, yaalundumukina hali Estevau (Etienne), yaamukwata, mba yaamutwala ku meso ja Mbunga ya Ngaji ja Ayuda. 13Yaaneha nawa yela ja mahuza waze ambile ngwo: “Mutu yono keshi kulitwamina kushililika zuwo lia Zambi lia chijila ni Shimbi ja Mose. 14Hitunamwivu mamba ngwenyi: ‘Yesu yono, wa ku Nazare, makonona zuwo lino lia Zambi ni kwalumuna Shimbi jize atuhele Mose.’ ” 15Eswe waze atwamine mu Mbunga ya Ngaji ja Ayuda yaahulikila Estevau (Etienne) meso, yaamona kulifwa cha meso jenyi ngwe a kanganda ka mwilu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Chokwe © Bible Society of the Democratic Republic of Congo and Bible Society of Zambia, 1970, 1991.