Ubutukilo 13
13
Abrama ni Lote yaalihandununa
1Abrama yatuhuka mu chifuchi cha Egiptu, yahiluka ku sali lia ku sude mu chifuchi cha Kanana, iye ni pwo lienyi ni yuma yenyi yeswe. Lote neye yaya hamwe nenyi. 2Abrama yabwa pichi munene kuhiana. Yabita yimuna, ni prata, ni oru yinji. 3Yendangana ni kututujoka ndoo yaheta homa haze abwile hatangu, hakachi ka chihunda cha Betele ni chihunda cha Ayi, 4haze atungile chilumbilo. Mba yawayila Mwene Zambi.
5Lote neye te kakwete nawa mazuwo jenyi a makubu, ni mapanga, ni pembe, ni ngombe. 6No kaahashile ko kutwama hamuwika mumu te chifuchi chikepe ni yimuna yo yinji. 7Tufunga twa yimuna twa Abrama ni Lote te kaakuzwela chinji. (Ha matangwa waze akwa Kanana ni akwa Perize te achili mu chifuchi chize).
8Mba Abrama yambila Lote ngwenyi: “Yami nguli tatenu, yena uli mwanami. Kuchatambile yetu hanji tufunga twa yimuna yetu kuzwela. 9Tala chifuchi chino cheswe, kusolo kuchimona, nyi? Tulihandunune. Nyi yena muya ku chimeso, yami munguya ku chindume. Nyi yena muya ku chindume, yami munguya ku chimeso.”
10Mba Lote yatala sali ni sali, yamona ngwenyi, chana cheswe chize chakatuka ku lwiji Yordau ndoo ku limbo lia Zoare#13:10 ZOARE ku sali lia sude ni lia chivumbuko lia chitende cha Kufwa. chili ni meya anji. Chili ngwe munda wa Mwene Zambi, hanji ngwe chifuchi cha Egiptu. (Ha matangwa waze te Mwene Zambi kanda achonona membo ja Sodome ni Gomora). 11Lote yalitongwela chana cheswe cha Yordau, yakatuka, yatalikisa ku chivumbuko. Chenacho Abrama ni Lote alihandunwine. 12Abrama yatwama mu chifuchi cha Kanana. Lote yatunga mu membo a mu chana chize, chakusulangana ni limbo lia Sodome. 13Akwa limbo lize te yingulungulu, yibi yinji alingile lingile ku meso ja Mwene Zambi.
Abrama yatunga ku Hebrone
14Muze Lote haya, Mwene Zambi yambila Abrama ngwenyi: “Hetuka utale ku norde ni ku sude, ni ku chivumbuko ni ku chitokelo. 15Chifuchi cheswe chize unamono mungukwaha cho, yena ni vungu lie, ndoo ku miaka yeswe. 16Mungukokesa vungu lie ngwe masekeseke. Nyi atu maahasa kwalula masekeseke, ni vungu lie nawa kumaahasa kwaalula. 17Haliabwila katuka wendese chifuchi cheswe, mumu mungukwaha cho.” 18Kashika Abrama yatutulula zuwo lienyi lia makubu, yaya ni kutunga hehi ni mitondo ya Mamre ku limbo lia Hebrone#13:18 LIMBO LIA HEBRONE kilometro 32 ku sude ni ku chitokelo cha Yerusaleme., kuze te atu akuwayila. Yatunga ko chilumbilo cha kuwayila Mwene Zambi.
Currently Selected:
Ubutukilo 13: CHK1970
Highlight
Share
Copy
Want to have your highlights saved across all your devices? Sign up or sign in
The Bible in Chokwe © Bible Society of the Democratic Republic of Congo and Bible Society of Zambia, 1970, 1991.
Ubutukilo 13
13
Abrama ni Lote yaalihandununa
1Abrama yatuhuka mu chifuchi cha Egiptu, yahiluka ku sali lia ku sude mu chifuchi cha Kanana, iye ni pwo lienyi ni yuma yenyi yeswe. Lote neye yaya hamwe nenyi. 2Abrama yabwa pichi munene kuhiana. Yabita yimuna, ni prata, ni oru yinji. 3Yendangana ni kututujoka ndoo yaheta homa haze abwile hatangu, hakachi ka chihunda cha Betele ni chihunda cha Ayi, 4haze atungile chilumbilo. Mba yawayila Mwene Zambi.
5Lote neye te kakwete nawa mazuwo jenyi a makubu, ni mapanga, ni pembe, ni ngombe. 6No kaahashile ko kutwama hamuwika mumu te chifuchi chikepe ni yimuna yo yinji. 7Tufunga twa yimuna twa Abrama ni Lote te kaakuzwela chinji. (Ha matangwa waze akwa Kanana ni akwa Perize te achili mu chifuchi chize).
8Mba Abrama yambila Lote ngwenyi: “Yami nguli tatenu, yena uli mwanami. Kuchatambile yetu hanji tufunga twa yimuna yetu kuzwela. 9Tala chifuchi chino cheswe, kusolo kuchimona, nyi? Tulihandunune. Nyi yena muya ku chimeso, yami munguya ku chindume. Nyi yena muya ku chindume, yami munguya ku chimeso.”
10Mba Lote yatala sali ni sali, yamona ngwenyi, chana cheswe chize chakatuka ku lwiji Yordau ndoo ku limbo lia Zoare#13:10 ZOARE ku sali lia sude ni lia chivumbuko lia chitende cha Kufwa. chili ni meya anji. Chili ngwe munda wa Mwene Zambi, hanji ngwe chifuchi cha Egiptu. (Ha matangwa waze te Mwene Zambi kanda achonona membo ja Sodome ni Gomora). 11Lote yalitongwela chana cheswe cha Yordau, yakatuka, yatalikisa ku chivumbuko. Chenacho Abrama ni Lote alihandunwine. 12Abrama yatwama mu chifuchi cha Kanana. Lote yatunga mu membo a mu chana chize, chakusulangana ni limbo lia Sodome. 13Akwa limbo lize te yingulungulu, yibi yinji alingile lingile ku meso ja Mwene Zambi.
Abrama yatunga ku Hebrone
14Muze Lote haya, Mwene Zambi yambila Abrama ngwenyi: “Hetuka utale ku norde ni ku sude, ni ku chivumbuko ni ku chitokelo. 15Chifuchi cheswe chize unamono mungukwaha cho, yena ni vungu lie, ndoo ku miaka yeswe. 16Mungukokesa vungu lie ngwe masekeseke. Nyi atu maahasa kwalula masekeseke, ni vungu lie nawa kumaahasa kwaalula. 17Haliabwila katuka wendese chifuchi cheswe, mumu mungukwaha cho.” 18Kashika Abrama yatutulula zuwo lienyi lia makubu, yaya ni kutunga hehi ni mitondo ya Mamre ku limbo lia Hebrone#13:18 LIMBO LIA HEBRONE kilometro 32 ku sude ni ku chitokelo cha Yerusaleme., kuze te atu akuwayila. Yatunga ko chilumbilo cha kuwayila Mwene Zambi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Chokwe © Bible Society of the Democratic Republic of Congo and Bible Society of Zambia, 1970, 1991.