Ubutukilo 27
27
Isake yawahisa Yakoba
1Isake te habwa kashinakaji, ni meso jenyi haalaa. Yatambika mwanenyi mutangu Esau, yamwamba ngwenyi, “Mwanami!”
Esau ngwenyi: “Vulie tata.”
2Isake ngwenyi: “Unamono, hinabwa kulu kashinakaji, ni Chanyingikine tangwa lize mungufwa. 3Anda uta we wa kwasa, yako mu yambu ungushihile yifwo, 4ungutelekele yakulia yiyema, ngwe chize nakuzanga. Ungunehene yo ngulie, hanga ngukuwahise shimbu kanda nguchifwa.”
5Rebeka te kanevu yeswe yize Isake alwezele mwanenyi Esau. Kashika muze Esau haya mu yambu ni kushihila tato yifwo, 6Rebeka yambila Yakoba ngwenyi: “Hinevwa tatenu malweza Esau ngwenyi: 7‘Ngunehene yifwo, ngutelekele yakulia. Muze hinalia mba mungukuwahisa ku meso ja Mwene Zambi shimbu kanda nguchifwa.’ 8Haliabwila mwanami, ngwivwe. Linga chize ngunambe. 9Yako mu tanga, ukwate misamba a pembe a maji. Wize no kuno hanga ngwashihe, ngwateleke ngwe chize akuzanga tatenu. 10Umutwalile tatenu hanga alie, hanga akuwahise shimbu kanda achifwa.”
11Alioze Yakoba yambila naye ngwenyi: “Unanyingika ngwe, mujimba wa yaya Esau uli wa ukulukumbwa, alioze yami kunasenena. 12Hanji tata mangupapata, kumangunyingika. Nyi chocho mangumona nguli mukwa kalimbalimba, mangushinga kwami, kechi kunguwahisa.”
13Naye ngwenyi: “Mwanami, Shingo lize libwe hali yami. Alioze yena, linga chize ngunakwambe, yako ungunehene pembe aali.” 14Yakoba yaya ni kwakwata, yaanehena naye. Mba Rebeka yateleka yakulia yiyema ngwe chize akuzanga Isake. 15Mwe Rebeka yanda mahina abema a Esau, yaajika Yakoba. 16Yanda e makubu a misamba ja pembe, yaajingilika ha moko ni ha kota ya Yokoba kuze te kwasenena. 17Mba yamwaha yakulia yiyema ni mbolo yize alingile.
18Mba mwe Yakoba yanjila maha tato, yamba ngwenyi: “Tata!”
Isake ngwenyi: “Ewa, yena iya, mwanami?”
19Yakoba ngwenyi: “Tata, yami Esau, mwanenu wa mukulwana. Hinalinga yeswe ngwe chize nwangulwezanga. Hindukenu mwane, nutwame, nulie yakulia yize nanunehena hanga nunguwahise kama.”
20Isake yamuhula ngwenyi: “Ngwe kuchi hiwamona lume yifwo nikawashi chichize, mwanami?”
Yakoba ngwenyi: “Mwene Zambi, Zambi yenu, mwe wangukwasa ha kuyimona.”
21Isake yambila Yakoba ngwenyi: “Ngukundame mwanami, ngukupapate kama. Chamwenemwene uli mwanami Esau, nyi ka?” 22Yakoba yakundama kuli tato, neye yamupapata. Yamba ngwenyi: “Liji lie lili ngwe lia Yakoba, alioze moko je, muze hinakupapata, ngunevu ngwe moko ja Esau.” 23Kanyingikine ngwenyi, kali Yakoba, mumu moko jenyi yabwa aukulukumbwa ngwe moko ja Esau. Isake yamba kumuwahisa, 24alioze yahula nawa ngwenyi: “Chamwenemwene yena uli mwanami Esau, nyi?”
Yakoba ngwenyi: “Ewa, mwane.”
25Isake ngwenyi: “Ngunehene yifwo ngulie, mba hanga ngukuwahise.” Yakoba yamwaha yakulia, yamutwalila nawa vinyu. 26Mba Isake yamulweza ngwenyi: “Mwanami, ngukundame, ngushise.” 27Muze te Yakoba anashise tato, Isake yevwa vumba lia mahina jenyi, yamwamba ngwenyi:
“Vumba libema lia mwanami
lili ngwe vumba lia yambu
yize Zambi hanawahisa.
28Zambi akakwehe mume wa kwilu,
ni chinuno cha hashi.
Akakwehe mbuto ni vinyu yinji.
29Mavungu akwo akakulingile,
atu akwo akakuhetamine.
Ukayule usoko we eswe, vungu lia naye akahetame ku meso je.
Mweswawo makakushinga, neye akashingiwe.
Mweswawo makakuwahisa, neye akawahe.”
Esau yaliumba kuli tato amuwahise
30Muze Isake hawahisa Yakoba, neye machituhuka mu zuwo lia tato, shimbu lizeliene Esau yahiluka ku chihunda. 31Neye nawa yateleka yakulia yiyema, mba yatwalila tato. Yamba ngwenyi: “Lisesa tata, hindukenu nulie yakulia yami, yize nanunehena yami mwane, hanga nunguwahise kama.”
32Tato Isake yamuhula ngwenyi: “Yena iya?”
Esau ngwenyi: “Tata, yami mwanenu wa mukulwana, Esau.”
33Isake yabutuka kuchikima nganganga, ngwenyi: “Mba iya yoze wangushihila yifwo, hangunehena yo kuno? He haliabwila lume nayilia muze kanda uchiheta! Mba hinamuwahisa kulu. Kumakawaha ndoo ku miaka yeswe, chahashile kuchichiza nawa.”
34Esau yevwa kusasaminya mu mbunge ha maliji wano, yalila ni liji linene, yaliumba ngwenyi: “Tata nalemba, ni yami, nguwahise kama.”
35Isake ngwenyi: “Mwanakwenu heza kuno, hangwonga, hatambula kuwahisa che cheswe.”
36Esau ngwenyi: “Chino chisuho cha muchaali Yakoba hangwonga! Kuma jina lia Yakoba#27:36 YAKOBA mu hebreu ha kulivuluka linalifu ni “kalimbalimba.” kuliamuta. Hatangu yangutambula uswana wami, ni haliabwila nawa hangutambula kuwahisa chize tata azanganga kunguwahisa nacho. Tata, kuwahisa cheswe kuchahwa lume? Nichimwe kuchasalile ko, nyi?”
37Isake yakumbulula Esau ngwenyi: “Hinamupwisa mwata we, ni usoko wenyi eswe naapwisa ngamba jenyi. Hinamwaha yakulia ni vinyu. Mba kuchi mungukulinga nawa yena, mwanami?”
38Esau yalembejeka tato ngwenyi: “Tata, nwakuwahisa lume chisuho chimuwika? Ni yami nguwahisenu kama, tata.” Mba yabutuka nawa kulila.
39Isake yamwamba ngwenyi:
“Muukafulwa mume wa kwilu
ni chinuno cha hashi.
40Muukabwa ni mwono ku tachi ja mukwale we.
Muukalingila mwanakwenu.
Alioze muze muukasa tachi,
muukatusuka ku chiyulo chenyi.”
41Esau yevwila kole Yakoba ha kuwahisa chize amuwahishile kuli tato. Yalinyonga mu mbunge yenyi ngwenyi: “Kwasala hakepe tulile tata. Nyi kulila hichahwa mungukashiha Yakoba.”
42Alioze atu yaanyingikisa Rebeka nyonga lia mwanenyi wa mukulwana, Esau. Mba Rebeka yatambika mwanenyi wa kanuke, Yakoba, nikwamba ngwenyi: “Banjika, yayenu Esau kanafupu kulikala ha kukushiha. 43Haliabwila ngwivwe. Linga chize ngunakulweze. Chinyina maha ndumbwami Labane, ku limbo lia Harane. 44Ukatwame ko amwe matangwa ndoo ufwatulo wa yayenu muukatuluka, 45ni ndoo kuze mavulama yize hiwamulinga. Mba mungukatumina mutu ha kukusaka. Mumu yika mungufulwa ana eswe aali mu tangwa limuwika?”
Isake yatuma Yakoba maha Labane
46Rebeka yambila Isake ngwenyi: “Mapwo ja Esau, Ahite, haanguhongesa kuhiana. Yakoba, nyi wambata nawa pwo wa ku vungu lino lia Ahite, chibema ngufwe lume.”
Currently Selected:
Ubutukilo 27: CHK1970
Highlight
Share
Copy
Want to have your highlights saved across all your devices? Sign up or sign in
The Bible in Chokwe © Bible Society of the Democratic Republic of Congo and Bible Society of Zambia, 1970, 1991.
Ubutukilo 27
27
Isake yawahisa Yakoba
1Isake te habwa kashinakaji, ni meso jenyi haalaa. Yatambika mwanenyi mutangu Esau, yamwamba ngwenyi, “Mwanami!”
Esau ngwenyi: “Vulie tata.”
2Isake ngwenyi: “Unamono, hinabwa kulu kashinakaji, ni Chanyingikine tangwa lize mungufwa. 3Anda uta we wa kwasa, yako mu yambu ungushihile yifwo, 4ungutelekele yakulia yiyema, ngwe chize nakuzanga. Ungunehene yo ngulie, hanga ngukuwahise shimbu kanda nguchifwa.”
5Rebeka te kanevu yeswe yize Isake alwezele mwanenyi Esau. Kashika muze Esau haya mu yambu ni kushihila tato yifwo, 6Rebeka yambila Yakoba ngwenyi: “Hinevwa tatenu malweza Esau ngwenyi: 7‘Ngunehene yifwo, ngutelekele yakulia. Muze hinalia mba mungukuwahisa ku meso ja Mwene Zambi shimbu kanda nguchifwa.’ 8Haliabwila mwanami, ngwivwe. Linga chize ngunambe. 9Yako mu tanga, ukwate misamba a pembe a maji. Wize no kuno hanga ngwashihe, ngwateleke ngwe chize akuzanga tatenu. 10Umutwalile tatenu hanga alie, hanga akuwahise shimbu kanda achifwa.”
11Alioze Yakoba yambila naye ngwenyi: “Unanyingika ngwe, mujimba wa yaya Esau uli wa ukulukumbwa, alioze yami kunasenena. 12Hanji tata mangupapata, kumangunyingika. Nyi chocho mangumona nguli mukwa kalimbalimba, mangushinga kwami, kechi kunguwahisa.”
13Naye ngwenyi: “Mwanami, Shingo lize libwe hali yami. Alioze yena, linga chize ngunakwambe, yako ungunehene pembe aali.” 14Yakoba yaya ni kwakwata, yaanehena naye. Mba Rebeka yateleka yakulia yiyema ngwe chize akuzanga Isake. 15Mwe Rebeka yanda mahina abema a Esau, yaajika Yakoba. 16Yanda e makubu a misamba ja pembe, yaajingilika ha moko ni ha kota ya Yokoba kuze te kwasenena. 17Mba yamwaha yakulia yiyema ni mbolo yize alingile.
18Mba mwe Yakoba yanjila maha tato, yamba ngwenyi: “Tata!”
Isake ngwenyi: “Ewa, yena iya, mwanami?”
19Yakoba ngwenyi: “Tata, yami Esau, mwanenu wa mukulwana. Hinalinga yeswe ngwe chize nwangulwezanga. Hindukenu mwane, nutwame, nulie yakulia yize nanunehena hanga nunguwahise kama.”
20Isake yamuhula ngwenyi: “Ngwe kuchi hiwamona lume yifwo nikawashi chichize, mwanami?”
Yakoba ngwenyi: “Mwene Zambi, Zambi yenu, mwe wangukwasa ha kuyimona.”
21Isake yambila Yakoba ngwenyi: “Ngukundame mwanami, ngukupapate kama. Chamwenemwene uli mwanami Esau, nyi ka?” 22Yakoba yakundama kuli tato, neye yamupapata. Yamba ngwenyi: “Liji lie lili ngwe lia Yakoba, alioze moko je, muze hinakupapata, ngunevu ngwe moko ja Esau.” 23Kanyingikine ngwenyi, kali Yakoba, mumu moko jenyi yabwa aukulukumbwa ngwe moko ja Esau. Isake yamba kumuwahisa, 24alioze yahula nawa ngwenyi: “Chamwenemwene yena uli mwanami Esau, nyi?”
Yakoba ngwenyi: “Ewa, mwane.”
25Isake ngwenyi: “Ngunehene yifwo ngulie, mba hanga ngukuwahise.” Yakoba yamwaha yakulia, yamutwalila nawa vinyu. 26Mba Isake yamulweza ngwenyi: “Mwanami, ngukundame, ngushise.” 27Muze te Yakoba anashise tato, Isake yevwa vumba lia mahina jenyi, yamwamba ngwenyi:
“Vumba libema lia mwanami
lili ngwe vumba lia yambu
yize Zambi hanawahisa.
28Zambi akakwehe mume wa kwilu,
ni chinuno cha hashi.
Akakwehe mbuto ni vinyu yinji.
29Mavungu akwo akakulingile,
atu akwo akakuhetamine.
Ukayule usoko we eswe, vungu lia naye akahetame ku meso je.
Mweswawo makakushinga, neye akashingiwe.
Mweswawo makakuwahisa, neye akawahe.”
Esau yaliumba kuli tato amuwahise
30Muze Isake hawahisa Yakoba, neye machituhuka mu zuwo lia tato, shimbu lizeliene Esau yahiluka ku chihunda. 31Neye nawa yateleka yakulia yiyema, mba yatwalila tato. Yamba ngwenyi: “Lisesa tata, hindukenu nulie yakulia yami, yize nanunehena yami mwane, hanga nunguwahise kama.”
32Tato Isake yamuhula ngwenyi: “Yena iya?”
Esau ngwenyi: “Tata, yami mwanenu wa mukulwana, Esau.”
33Isake yabutuka kuchikima nganganga, ngwenyi: “Mba iya yoze wangushihila yifwo, hangunehena yo kuno? He haliabwila lume nayilia muze kanda uchiheta! Mba hinamuwahisa kulu. Kumakawaha ndoo ku miaka yeswe, chahashile kuchichiza nawa.”
34Esau yevwa kusasaminya mu mbunge ha maliji wano, yalila ni liji linene, yaliumba ngwenyi: “Tata nalemba, ni yami, nguwahise kama.”
35Isake ngwenyi: “Mwanakwenu heza kuno, hangwonga, hatambula kuwahisa che cheswe.”
36Esau ngwenyi: “Chino chisuho cha muchaali Yakoba hangwonga! Kuma jina lia Yakoba#27:36 YAKOBA mu hebreu ha kulivuluka linalifu ni “kalimbalimba.” kuliamuta. Hatangu yangutambula uswana wami, ni haliabwila nawa hangutambula kuwahisa chize tata azanganga kunguwahisa nacho. Tata, kuwahisa cheswe kuchahwa lume? Nichimwe kuchasalile ko, nyi?”
37Isake yakumbulula Esau ngwenyi: “Hinamupwisa mwata we, ni usoko wenyi eswe naapwisa ngamba jenyi. Hinamwaha yakulia ni vinyu. Mba kuchi mungukulinga nawa yena, mwanami?”
38Esau yalembejeka tato ngwenyi: “Tata, nwakuwahisa lume chisuho chimuwika? Ni yami nguwahisenu kama, tata.” Mba yabutuka nawa kulila.
39Isake yamwamba ngwenyi:
“Muukafulwa mume wa kwilu
ni chinuno cha hashi.
40Muukabwa ni mwono ku tachi ja mukwale we.
Muukalingila mwanakwenu.
Alioze muze muukasa tachi,
muukatusuka ku chiyulo chenyi.”
41Esau yevwila kole Yakoba ha kuwahisa chize amuwahishile kuli tato. Yalinyonga mu mbunge yenyi ngwenyi: “Kwasala hakepe tulile tata. Nyi kulila hichahwa mungukashiha Yakoba.”
42Alioze atu yaanyingikisa Rebeka nyonga lia mwanenyi wa mukulwana, Esau. Mba Rebeka yatambika mwanenyi wa kanuke, Yakoba, nikwamba ngwenyi: “Banjika, yayenu Esau kanafupu kulikala ha kukushiha. 43Haliabwila ngwivwe. Linga chize ngunakulweze. Chinyina maha ndumbwami Labane, ku limbo lia Harane. 44Ukatwame ko amwe matangwa ndoo ufwatulo wa yayenu muukatuluka, 45ni ndoo kuze mavulama yize hiwamulinga. Mba mungukatumina mutu ha kukusaka. Mumu yika mungufulwa ana eswe aali mu tangwa limuwika?”
Isake yatuma Yakoba maha Labane
46Rebeka yambila Isake ngwenyi: “Mapwo ja Esau, Ahite, haanguhongesa kuhiana. Yakoba, nyi wambata nawa pwo wa ku vungu lino lia Ahite, chibema ngufwe lume.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Chokwe © Bible Society of the Democratic Republic of Congo and Bible Society of Zambia, 1970, 1991.