Ubutukilo 31
31
Yakoba yachina Labane
1Yakoba yevwa yize ahanjikile ana ja Labane a malunga ngwo: “Yakoba hafutukila ubite weswe wa tata. Yuma yeswe yize ali nayo hayitambula kuli tata.” 2Yakoba yamona ngwenyi, Labane halumuka, keshi nawa ngwe chize abwile hatangu. 3Mba Mwene Zambi yambila Yakoba ngwenyi: “Hiluka ku chifuchi cha tatenu ni usoko we. Mungubwa hamwe ni yena.”
4Kashika Yakoba yatuma ha kutambika Rashele ni Leya mu yambu, kuze te akufunga yimuna yenyi. 5Yaalweza ngwenyi: “Hinamona ngwe tatenu halumuka, keshi nawa ngwe chize abwile hatangu. Alioze Zambi ya tata kali hamwe ni yami. 6Yenu nunanyingika ngwenu, nalingilile tatenu ni tachi jami jeswe. 7Alioze hangwonga, hanalumuna fweto yami yisuho kumi. Hindu Zambi kamutayijile ha kungulinga yibi. 8Muze ambile ngwenyi: ‘Pembe a yibeka yibeka maabwa fweto ye,’ mba pembe eswe yaasema ana a yibeka yibeka. Muze ambile ngwenyi: ‘Pembe a yihesa yihesa maabwa fweto ye,’ mba pembe eswe yasema ana a yihesa yihesa. 9Chenacho Zambi achijile yimuna ya tatenu, yangwaha yo.
10“Ha shimbu lize yimuna te akunyina, nalotele chilota. Namona ngwe kuji a pembe waze te akunyina hali yihwo kaali a yihesa yihesa, ni a yibeka yibeka, ni a mioli mioli. 11Mba kanganda ka mwilu yangulweza mu chilota chami ngwenyi: ‘Yakoba!’ Ngwami: ‘Ewa mwane.’ 12Kanganda ngwenyi: ‘Makuji a pembe waze akunyina hali yihwo eswe kaali a yihesa yihesa, ni a yibeka yibeka, ni a mioli mioli. Yami kanganda ngunalingi chino mumu hinamona yize yeswe anakulingi Labane. 13Nguli Zambi yoze wakusolokelele ku Betele, haze wamikine chingina ni kuhinjila ho maji, homa haze wangulakenyene. Kashika tuhuka mu chifuchi chino, hiluka ku chifuchi che kuze wasemukinyine.’ ”
14Rashele ni Leya yaakumbulula Yakoba ngwo: “Chihanda chimwe hanji chihinga chimwe chatusala mu zuwo lia tata, nyi? 15Tata kakututala ngwe tuli yilambala, mumu hanatulanjisa, hanali kulu chihako cheswe. 16Ubite weswe uze Zambi achijile ku moko ja tata, chamwenemwene uli wa yetu ni ana jetu. Linga cheswacho Zambi hakwamba.”
17-21Chenacho Yakoba alilulikile ha kuhiluka kuli tato mu chifuchi cha Kanana. Labane te haya ni kukamba mapanga jenyi. Mba Rashele yeya mahamba ja tato. Yakoba yanda yimuna yenyi yeswe ni yuma yeswe yize abichile mu chifuchi cha Mesopotamia. Yasa ana jenyi ni akwo mapwo ha tumelu, yaatetekesa kulutwe lienyi. Mba iye mwene yaakaula, yachina ni yuma yenyi yeswe. Yakatuka, yazauka lwiji Ufrateze, yatalikisa ku milundu ya Gileade#31:17-21 milundu ya gileade ku sali lia chivumbuko lia lwiji Yordau.. Chenacho Yakoba asewunukine natu Labane.
Labane yakaula Yakoba
22Muze matangwa atatu haabalika Labane yevwa ngwo; Yakoba hachina kwenyi. 23Labane yanda usoko wenyi, yakaula Yakoba matangwa shimbiali, mba yamuwana ha milundu ya Gileade. 24Ha ufuku uze Labane yalota chilota. Zambi yamwamba ngwenyi: “Kanyama! Kanda umwesa Yakoba lamba.” 25Labane yawana Yakoba hajika zuwo lienyi lia makubu ha milundu ya Gileade. Labane ni usoko wenyi no yaajika mazuwo jo ha milundu yizeyene.
26Labane yambila Yakoba ngwenyi: “Kuchi unakangwonga chichize ni kwombola ana jami a mapwo ngwe funge waze hiwakwata mu jita? 27Ha chikuma chika unakachinyina ni kusewunuka, ni kungunyingikisa kama ka? Nyi unakangunyingikisa kachi ngunakeza ni kukushinjikila ni uwahililo weswe. Te kachi miaso mutwimba, ni miyaya ni tulialia. 28Kuwangutayijile chibwe kushisa ajikulu jami ni ana jami. Walinga yuma ya uhepuke kuhiana! 29Te ngunahase kukulinga chibi, alioze ufuku wa musono Zambi ya tatenu yangulweza ngwenyi: ‘Kanyama! Kanda umwesa Yakoba lamba.’ 30Ngunanyingika ngwami, wakatuka mu zuwo liami mumu hiwevwa usona wa tatenu, alioze kuchi mba unakeya mahamba jami?”
31Yakoba ngwenyi: “Ngunakevwa woma ha kunulweza ngwami, ngunayi, mumu yingunyonga ngwami, hanji munutambula ana jenu ni tachi. 32Alioze, nyi nwamona umwe hakachi ketu ni mahamba jenu mutu yoze chamutamba kufwa. Ku meso ja atu wano eswe, yenu nikufupa mukachi ka yikashi yetu. Nyi nwamona yuma yenu, andenu kwenu numbate.” Yakoba te kanyingikine ngwenyi, Rashele mwe unakeya mahamba ja tato.
33Mba Labane yanjila mu zuwo lia Yakoba, yanjila nawa mu zuwo lia Leya, ni mu mazuwo ja ndungo waze aali a mapwo, alioze kamwene ko mahamba jenyi. Mba yanjila mu zuwo lia Rashele. 34Kuma Rashele te hasweka mahamba ja tato mu tuku ya musau wa kamelu, mba yatwama ho. Labane yabolongoza chinji mu zuwo lia Rashele, alioze kamwene ko nichimwe. 35Rashele yambila tato ngwenyi: “Lisesa tata, kanda nungutenukina mwane. Chahashile kukatuka ku meso jenu mumu chisolo kuhinduka.” Ha chino Labane yafupa kuhiana, hindu kamwene ko mahamba jenyi.
36Mba Yakoba yatenuka, yabajila Labane ngwenyi: “Mulonga wami uka? Shimbi yika ngunakakolema, mba hiweza nikungutenukina chichize? 37Hiwabolongoza mu yikashi yami yeswe, mba Chuma chika cha mu zuwo lie wamona kama? Chituhwise, chise ku meso ja atu je ni ku meso ja atu jami hanga atubatwile. 38Hingunakulingila miaka makumi aali. Mapanga ni pembe kaselumwine ko ni chakalile ko kuji a mapanga je. 39Muze tushitu a yilianyi akwachile chimuna che, chachinehene ko kuli yena, alioze yami mwene nafwetele yisuho yeswe. Yena wangulwezele ngwe: ‘Chakutamba kufweta chimuna cheswe chize atu meya ha mwalwa chibwe ha ufuku.’ 40Yisuho yinji te Hakumona lamba lia chivukuminya ha mwalwa, ni lia chishika ha ufuku. Te Chishi kuhasa kuya tulo. 41Natwamine mu zuwo lie miaka makumi aali. Nakulingilile miaka kumi ni yiwana ha kumbata ana je aali a mapwo. Mba yingulinga nawa miaka yikwo yisambano ha kungufweta yimuna. Hindu yiwalumuna fweto yami yisuho kumi. 42Nyi Zambi ya atata, Zambi ya Abrahama ni ya Isake, kabwile ko hamwe ni yami, kachi mwe mokomoko lume unakanguhanga. Alioze Zambi yamona lamba liami, ni kuhondangana chami. Kashika wakukumikanga ufuku wa musono.”
Yakoba ni Labane yaawana
43Labane yakumbulula Yakoba ngwenyi: “Ana mapwo wano kaali ana jami, ni ana jo kaali niami, ni yimuna kuyili niyami. Yuma yeswe yino unamono yili niyami. Kuchi te mungukukwika ha kuya no? 44Haliabwila tuye tukolese Usendo, yena ni yami, ukabwe chinyingi hakachi ka yena ni yami.”
45Mba Yakoba yanda luliwe, yaanuka. 46Mba yalweza atu jenyi ngwenyi: “Twandenu mawe.” No yaanda mawe, yaalumbika hamuwika. Kwenako alilile yakulia hamuwika. 47E mawe waze Labane yaaluka jina ngwenyi: Yegare Sahaduta#31:47 yegare sahaduta mu arame linalumbunuka ngwo, “chingina cha kutwiwulula.” Labane yahanjika mu liji lia arame.. Yakoba neye yaaluka jina ngwenyi, Galeede#31:47 galeede mu hebreu linalumbunuka ngwo, “chingina cha kutwiwulula.” Yakoba yahanjika mu liji lia hebreu.. 48Labane ngwenyi: “Chingina chino cha mawe muchibwa ni kutwiwulula uwanyino uno.” Kashika atu akuvuluka homa haze ngwo, Galeede. 49Labane yamba nawa ngwenyi: “Mwene Zambi atutale muze tunalihandununa ndoo ni kuze mutukalimona nawa.” Kashika homa haze atu akuvuluka ho ngwo, Mizpa#31:49 mizpa mu hebreu hakulivuluka linalifu ni “homa ha kutalila.”. 50Labane yamba nawa ngwenyi: “Nyi wamwesa ana jami lamba hanji kwahalika, chibwe kutushi chela mukwo, nyingika ngwe Zambi kali chela chetu. Zambi kanatumono. 51Tala mawe wano ni luliwe luno lwakumika, yili kulihandununa cha yena ni yami. 52Luliwe luno lwakumika luli chinyingi cha kulweza ngwo, yami chichi kuhasa kutangunuka hano ha kuya ni Akulinga yibi. Ni yena nawa, kuchi kuhasa kutangunuka ho ha kwiza ni kungulinga yibi. 53Zambi ya Abrahama ni Zambi ya Nahore matubatwila.” Mba Yakoba yalishinga ni jina lia Zambi yoze akuwayila tato Isake. 54Yashiha chimuna yaamulambula kuli Zambi, mba yatambika atu jenyi ha kulia. Yaalia, yaanongama ufuku weswe ha mulundu. 55Muze hikwacha, Labane yashisa ajikulu jenyi ni ana jenyi, mba yahiluka ku mahienyi.
Currently Selected:
Ubutukilo 31: CHK1970
Highlight
Share
Copy
Want to have your highlights saved across all your devices? Sign up or sign in
The Bible in Chokwe © Bible Society of the Democratic Republic of Congo and Bible Society of Zambia, 1970, 1991.
Ubutukilo 31
31
Yakoba yachina Labane
1Yakoba yevwa yize ahanjikile ana ja Labane a malunga ngwo: “Yakoba hafutukila ubite weswe wa tata. Yuma yeswe yize ali nayo hayitambula kuli tata.” 2Yakoba yamona ngwenyi, Labane halumuka, keshi nawa ngwe chize abwile hatangu. 3Mba Mwene Zambi yambila Yakoba ngwenyi: “Hiluka ku chifuchi cha tatenu ni usoko we. Mungubwa hamwe ni yena.”
4Kashika Yakoba yatuma ha kutambika Rashele ni Leya mu yambu, kuze te akufunga yimuna yenyi. 5Yaalweza ngwenyi: “Hinamona ngwe tatenu halumuka, keshi nawa ngwe chize abwile hatangu. Alioze Zambi ya tata kali hamwe ni yami. 6Yenu nunanyingika ngwenu, nalingilile tatenu ni tachi jami jeswe. 7Alioze hangwonga, hanalumuna fweto yami yisuho kumi. Hindu Zambi kamutayijile ha kungulinga yibi. 8Muze ambile ngwenyi: ‘Pembe a yibeka yibeka maabwa fweto ye,’ mba pembe eswe yaasema ana a yibeka yibeka. Muze ambile ngwenyi: ‘Pembe a yihesa yihesa maabwa fweto ye,’ mba pembe eswe yasema ana a yihesa yihesa. 9Chenacho Zambi achijile yimuna ya tatenu, yangwaha yo.
10“Ha shimbu lize yimuna te akunyina, nalotele chilota. Namona ngwe kuji a pembe waze te akunyina hali yihwo kaali a yihesa yihesa, ni a yibeka yibeka, ni a mioli mioli. 11Mba kanganda ka mwilu yangulweza mu chilota chami ngwenyi: ‘Yakoba!’ Ngwami: ‘Ewa mwane.’ 12Kanganda ngwenyi: ‘Makuji a pembe waze akunyina hali yihwo eswe kaali a yihesa yihesa, ni a yibeka yibeka, ni a mioli mioli. Yami kanganda ngunalingi chino mumu hinamona yize yeswe anakulingi Labane. 13Nguli Zambi yoze wakusolokelele ku Betele, haze wamikine chingina ni kuhinjila ho maji, homa haze wangulakenyene. Kashika tuhuka mu chifuchi chino, hiluka ku chifuchi che kuze wasemukinyine.’ ”
14Rashele ni Leya yaakumbulula Yakoba ngwo: “Chihanda chimwe hanji chihinga chimwe chatusala mu zuwo lia tata, nyi? 15Tata kakututala ngwe tuli yilambala, mumu hanatulanjisa, hanali kulu chihako cheswe. 16Ubite weswe uze Zambi achijile ku moko ja tata, chamwenemwene uli wa yetu ni ana jetu. Linga cheswacho Zambi hakwamba.”
17-21Chenacho Yakoba alilulikile ha kuhiluka kuli tato mu chifuchi cha Kanana. Labane te haya ni kukamba mapanga jenyi. Mba Rashele yeya mahamba ja tato. Yakoba yanda yimuna yenyi yeswe ni yuma yeswe yize abichile mu chifuchi cha Mesopotamia. Yasa ana jenyi ni akwo mapwo ha tumelu, yaatetekesa kulutwe lienyi. Mba iye mwene yaakaula, yachina ni yuma yenyi yeswe. Yakatuka, yazauka lwiji Ufrateze, yatalikisa ku milundu ya Gileade#31:17-21 milundu ya gileade ku sali lia chivumbuko lia lwiji Yordau.. Chenacho Yakoba asewunukine natu Labane.
Labane yakaula Yakoba
22Muze matangwa atatu haabalika Labane yevwa ngwo; Yakoba hachina kwenyi. 23Labane yanda usoko wenyi, yakaula Yakoba matangwa shimbiali, mba yamuwana ha milundu ya Gileade. 24Ha ufuku uze Labane yalota chilota. Zambi yamwamba ngwenyi: “Kanyama! Kanda umwesa Yakoba lamba.” 25Labane yawana Yakoba hajika zuwo lienyi lia makubu ha milundu ya Gileade. Labane ni usoko wenyi no yaajika mazuwo jo ha milundu yizeyene.
26Labane yambila Yakoba ngwenyi: “Kuchi unakangwonga chichize ni kwombola ana jami a mapwo ngwe funge waze hiwakwata mu jita? 27Ha chikuma chika unakachinyina ni kusewunuka, ni kungunyingikisa kama ka? Nyi unakangunyingikisa kachi ngunakeza ni kukushinjikila ni uwahililo weswe. Te kachi miaso mutwimba, ni miyaya ni tulialia. 28Kuwangutayijile chibwe kushisa ajikulu jami ni ana jami. Walinga yuma ya uhepuke kuhiana! 29Te ngunahase kukulinga chibi, alioze ufuku wa musono Zambi ya tatenu yangulweza ngwenyi: ‘Kanyama! Kanda umwesa Yakoba lamba.’ 30Ngunanyingika ngwami, wakatuka mu zuwo liami mumu hiwevwa usona wa tatenu, alioze kuchi mba unakeya mahamba jami?”
31Yakoba ngwenyi: “Ngunakevwa woma ha kunulweza ngwami, ngunayi, mumu yingunyonga ngwami, hanji munutambula ana jenu ni tachi. 32Alioze, nyi nwamona umwe hakachi ketu ni mahamba jenu mutu yoze chamutamba kufwa. Ku meso ja atu wano eswe, yenu nikufupa mukachi ka yikashi yetu. Nyi nwamona yuma yenu, andenu kwenu numbate.” Yakoba te kanyingikine ngwenyi, Rashele mwe unakeya mahamba ja tato.
33Mba Labane yanjila mu zuwo lia Yakoba, yanjila nawa mu zuwo lia Leya, ni mu mazuwo ja ndungo waze aali a mapwo, alioze kamwene ko mahamba jenyi. Mba yanjila mu zuwo lia Rashele. 34Kuma Rashele te hasweka mahamba ja tato mu tuku ya musau wa kamelu, mba yatwama ho. Labane yabolongoza chinji mu zuwo lia Rashele, alioze kamwene ko nichimwe. 35Rashele yambila tato ngwenyi: “Lisesa tata, kanda nungutenukina mwane. Chahashile kukatuka ku meso jenu mumu chisolo kuhinduka.” Ha chino Labane yafupa kuhiana, hindu kamwene ko mahamba jenyi.
36Mba Yakoba yatenuka, yabajila Labane ngwenyi: “Mulonga wami uka? Shimbi yika ngunakakolema, mba hiweza nikungutenukina chichize? 37Hiwabolongoza mu yikashi yami yeswe, mba Chuma chika cha mu zuwo lie wamona kama? Chituhwise, chise ku meso ja atu je ni ku meso ja atu jami hanga atubatwile. 38Hingunakulingila miaka makumi aali. Mapanga ni pembe kaselumwine ko ni chakalile ko kuji a mapanga je. 39Muze tushitu a yilianyi akwachile chimuna che, chachinehene ko kuli yena, alioze yami mwene nafwetele yisuho yeswe. Yena wangulwezele ngwe: ‘Chakutamba kufweta chimuna cheswe chize atu meya ha mwalwa chibwe ha ufuku.’ 40Yisuho yinji te Hakumona lamba lia chivukuminya ha mwalwa, ni lia chishika ha ufuku. Te Chishi kuhasa kuya tulo. 41Natwamine mu zuwo lie miaka makumi aali. Nakulingilile miaka kumi ni yiwana ha kumbata ana je aali a mapwo. Mba yingulinga nawa miaka yikwo yisambano ha kungufweta yimuna. Hindu yiwalumuna fweto yami yisuho kumi. 42Nyi Zambi ya atata, Zambi ya Abrahama ni ya Isake, kabwile ko hamwe ni yami, kachi mwe mokomoko lume unakanguhanga. Alioze Zambi yamona lamba liami, ni kuhondangana chami. Kashika wakukumikanga ufuku wa musono.”
Yakoba ni Labane yaawana
43Labane yakumbulula Yakoba ngwenyi: “Ana mapwo wano kaali ana jami, ni ana jo kaali niami, ni yimuna kuyili niyami. Yuma yeswe yino unamono yili niyami. Kuchi te mungukukwika ha kuya no? 44Haliabwila tuye tukolese Usendo, yena ni yami, ukabwe chinyingi hakachi ka yena ni yami.”
45Mba Yakoba yanda luliwe, yaanuka. 46Mba yalweza atu jenyi ngwenyi: “Twandenu mawe.” No yaanda mawe, yaalumbika hamuwika. Kwenako alilile yakulia hamuwika. 47E mawe waze Labane yaaluka jina ngwenyi: Yegare Sahaduta#31:47 yegare sahaduta mu arame linalumbunuka ngwo, “chingina cha kutwiwulula.” Labane yahanjika mu liji lia arame.. Yakoba neye yaaluka jina ngwenyi, Galeede#31:47 galeede mu hebreu linalumbunuka ngwo, “chingina cha kutwiwulula.” Yakoba yahanjika mu liji lia hebreu.. 48Labane ngwenyi: “Chingina chino cha mawe muchibwa ni kutwiwulula uwanyino uno.” Kashika atu akuvuluka homa haze ngwo, Galeede. 49Labane yamba nawa ngwenyi: “Mwene Zambi atutale muze tunalihandununa ndoo ni kuze mutukalimona nawa.” Kashika homa haze atu akuvuluka ho ngwo, Mizpa#31:49 mizpa mu hebreu hakulivuluka linalifu ni “homa ha kutalila.”. 50Labane yamba nawa ngwenyi: “Nyi wamwesa ana jami lamba hanji kwahalika, chibwe kutushi chela mukwo, nyingika ngwe Zambi kali chela chetu. Zambi kanatumono. 51Tala mawe wano ni luliwe luno lwakumika, yili kulihandununa cha yena ni yami. 52Luliwe luno lwakumika luli chinyingi cha kulweza ngwo, yami chichi kuhasa kutangunuka hano ha kuya ni Akulinga yibi. Ni yena nawa, kuchi kuhasa kutangunuka ho ha kwiza ni kungulinga yibi. 53Zambi ya Abrahama ni Zambi ya Nahore matubatwila.” Mba Yakoba yalishinga ni jina lia Zambi yoze akuwayila tato Isake. 54Yashiha chimuna yaamulambula kuli Zambi, mba yatambika atu jenyi ha kulia. Yaalia, yaanongama ufuku weswe ha mulundu. 55Muze hikwacha, Labane yashisa ajikulu jenyi ni ana jenyi, mba yahiluka ku mahienyi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Chokwe © Bible Society of the Democratic Republic of Congo and Bible Society of Zambia, 1970, 1991.