Jɔɔŋ 17
17
Yesu sʋl Wɩa pɩ ʋ tɩtɩa
1Yesu sɩ bʋl wɩaa deemba dɛrɛ, ʋ wʋla beŋ wɩa-nyuŋ aŋ chʋɔlɛ Wɩa a bʋl,
“Mɩ Nyɩmma, bʋa-la yie nɛ. Leŋ dɩ mɩ-na ŋ Bie laa yɩrɩŋ, dɩ mɩ ma leŋ dɩ ŋ yɩrɩŋ yɩrɛ. 2Ŋ nɛ joŋ doluŋ pɩmɛ dɩ mɩ bibeŋ nuhuobiinee kala, a joŋ mɩɩsɩ-la sɩ bɩ dɛrɛ a pɩ nɩalɩŋ kala ŋ sɩ lɩɩsa pɩmɛ. 3Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ. 4Mɩ leŋe ŋ laa yɩrɩŋ nɛ tinteeŋ deeŋ lɛ. Mɩ tɩŋ tɩntɩmɩɩ-la dɛrɛ nɛ, tɩntɩmɩɩ-la ŋ sɩ joŋo pɩmɛ dɩ mɩ tɩŋ. 5Oo, mɩ Nyɩmma, leŋ dɩ mɩ yɩrɩŋ yɩrɛ ŋ sɩpaaŋ lɛɛlɛ, yɩrɩ-la mɩ dɩŋ kala fa sɩ kɛnɛ, aŋ-na ŋaa dʋnɩa.
Yesu sʋl Wɩa pɩ ʋ harɩ-tooroo
6Mɩ leŋe nɩalɩŋ ŋ sɩ lɩɩsa pɩmɛ dʋnɩa nɩaa tʋɔŋ jɩmɩŋ nɛ. Ba fa ŋaa ŋ kɩaa nɛ, ŋ nɛ lɩɩsɛba pɩmɛ. Ba sɛɩ ŋ niiŋ wɩaa. 7Lɛɛlɛ ba jɩma kʋŋ na-kala mɩ sɩ kɛnɛ lɩɩ ŋ teeŋ nɛ. 8Mɩ bʋl ŋ niiŋ wɩalɩŋ ŋ sɩ bʋla pɩmɛ pɩba nɛ, ba laa dii. Ba jɩma arɩ wʋtɩtɩɩ nɛ, mɩ sɛnɛ lɩɩ ŋ teeŋ nɛ. Ba laa dii nɛ arɩ ŋ nɛ tɩmmɛ. 9Mɩ sʋlʋŋ pɩpɩba nɛ. Mɩ bɩŋ sʋla pɩpɩ dʋnɩa nɩaa, see nɩalɩŋ ŋ sɩ lɩɩsa pɩmɛ dʋndʋŋa. Ba nɛ ŋaa ŋ kɩaa. 10Nɩalɩŋ kala mɩ sɩ kɛnɛ ŋaa ŋ nɩaa nɛ. Nɩalɩŋ kala ŋ ma sɩ kɛnɛ ŋaa mɩ ma nɩaa nɛ. Ba nɛ leŋe mɩ laa yɩrɩŋ. 11Lɛɛlɛ mɩɩ kɔ ŋ teeŋ nɛ, mɩ bɩra bɩ jaŋ hɛ dʋnɩa lɛ, ama ba-na jaŋ hɛ dʋnɩa lɛ. Mɩ Nyɩmma, ŋ nɛ ŋaa Nɩɩ-la sɩ bɩ disiniŋ kɛnɛ. Beŋ nɩalɩŋ ŋ sɩ lɩɩsa pɩmɛ nyuŋ woruŋ ŋ doluŋ lɛ, a leŋ dɩ ba ŋaa kʋbala, arɩ mɩ dɩŋ kala sɩ ŋaa kʋbala ŋɩɩ. 12Mɩ sɩ hɛ ba teeŋ, mɩ beŋ ba nyuŋ nɛ woruŋ ŋ doluŋ lɛ, dol-la ŋ sɩ joŋo pɩmɛ nɛ mɩ kaa bemba. Mɩ sɩ ŋaa ŋɩɩ, ba kʋbala ma bɩ lɛlɛ, see nɩɩ-la sɩ maga dɩ ʋ lɛl, dɩ wɩalɩŋ ba fa sɩ ŋmʋnsa Wɩa teniŋ tʋɔŋ sɛnɛ ŋaa.
13Lɛɛlɛ saa mɩɩ kɔ ŋ teeŋ nɛ. Mɩ ha sɩ hɛ dʋnɩa lɛ ŋɩɩ, ŋɩɩ nɛ mɩ bʋl wɩaa deemba pɩba dɩ ba tʋɔŋ faasa tɔrɛ, arɩ mɩ tʋɔŋ sɩ tɔrɔ ŋɩɩ. 14Mɩ bʋl ŋ niiŋ wɩaa pɩba nɛ, ŋɩɩ nɛ dʋnɩa nɩaa bɛrɛba, bɛɛ wɩaa ba dɩ dʋnɩa nɩaa bɩ kʋbala ŋaa, arɩ mɩ dɩ dʋnɩa nɩaa sɩ bɩ kʋbala ŋaa ŋɩɩ. 15Mɩ bɩŋ sʋla chɩchɛ dɩ ŋ lɩɩsɛba dʋnɩa lɛ, ama mɩ sɩ dɩ ŋ pɔba nɛ a lɩɩsɛba Sɩtaanɩ nɩsɩŋ lɛ. 16Ba dɩ dʋnɩa nɩaa bɩ kʋbala ŋaa, a nagɛ mɩ dɩ dʋnɩa nɩaa sɩ bɩ kʋbala ŋaa ŋɩɩ. 17Ŋ niiŋ wɩaa ŋaa wʋtɩtɩɩba nɛ. Dagɛba, dɩ ba bɩra sɩ́ disiniŋ kɛŋ. 18Ŋ nɛ tɩmmɛ dʋnɩa nɩaa teeŋ, ŋɩɩ tɩtɩa nɛ mɩ ma tɩmba dʋnɩa nɩaa teeŋ. 19Mɩ joŋ mɩ mɩɩsɩŋ nɛ a yɔɔ sʋʋŋ ba wɩaa. Mɩ ŋaa ŋɩɩ dɩ ba ma kɛŋ ba tɩtɩa hɛ dɔŋɔ dɩ ba joŋ ba mɩɩsɩŋ yɔɔ sʋʋŋ wʋtɩtɩɩ wɩaa nɛ.
20Mɩ bɩŋ sʋla pɩpɩ ba dʋndʋŋ, mɩ pɛ sʋlaa pɩ nɩalɩŋ ma sɩ jaŋ nɩɩ ba niiŋ wɩaa a laa dii nɛ. 21Mɩ Nyɩmma, mɩɩ sʋlʋŋ dɩ ba kala wuo ŋaa kʋbala, a nagɛ ŋ sɩ hɛ mɩ lɛ mɩ ma hɛ ŋ lɛ ŋɩɩ. Dɩ ŋ nɛ ŋaa ŋɩɩ, dʋnɩa nɩaa jaŋ wuo laa dii arɩ ŋ nɛ tɩmmɛ. 22Ŋ sɩ leŋe mɩ laa yɩrɩŋ ŋɩɩ, ŋɩɩ nɛ mɩ ma leŋ ba laa yɩrɩŋ. Mɩ ŋaa ŋɩɩ dɩ ba kala wuo ŋaa kʋbala nɛ, arɩ mɩ dɩŋ kala sɩ ŋaa kʋbala ŋɩɩ. 23Mɩ hɛ ba lɛ nɛ, ŋ ma hɛ mɩ lɛ. Leŋ dɩ ba ma ŋaa kʋbala, ŋɩɩ nɛ dʋnɩa nɩaa jaŋ jɩŋ arɩ ŋ nɛ tɩmmɛ, a choba arɩ ŋ sɩ chomi ŋɩɩ.
24Mɩ Nyɩmma, ŋ paala chomi nɛ a leŋ mɩ laa yɩrɩŋ, ka dʋnɩa-na suomi. Mɩ saa chɛ dɩ ŋ leŋ dɩ nɩalɩŋ ŋ sɩ lɩɩsa pɩmɛ, dɩ ba hɛ mɩ teeŋ lee na-kala mɩ sɩ jaŋ hɛ nɛ, dɩ ba wuo na ŋɩɩ ŋ sɩ leŋe mɩ laa yɩrɩŋ.
25Mɩ Nyɩmma, ŋ ŋaa tʋɔpʋl Tɩɩna nɛ. Dʋnɩa nɩaa bɩŋ jɩŋ, ama mɩ-na jɩmɩŋ nɛ. Nɩaa deemba ma jɩŋ arɩ ŋ nɛ tɩmmɛ. 26Mɩ saa ŋaa ba jɩmɩŋ nɛ, mɩ ha jaŋ leŋ dɩ ba jɩmɩŋ, dɩ ŋɩɩ ŋ sɩ chomi, dɩ ba ma cho dɔŋɔ, dɩ mɩ hɛ ba lɛ.”
Currently Selected:
Jɔɔŋ 17: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Jɔɔŋ 17
17
Yesu sʋl Wɩa pɩ ʋ tɩtɩa
1Yesu sɩ bʋl wɩaa deemba dɛrɛ, ʋ wʋla beŋ wɩa-nyuŋ aŋ chʋɔlɛ Wɩa a bʋl,
“Mɩ Nyɩmma, bʋa-la yie nɛ. Leŋ dɩ mɩ-na ŋ Bie laa yɩrɩŋ, dɩ mɩ ma leŋ dɩ ŋ yɩrɩŋ yɩrɛ. 2Ŋ nɛ joŋ doluŋ pɩmɛ dɩ mɩ bibeŋ nuhuobiinee kala, a joŋ mɩɩsɩ-la sɩ bɩ dɛrɛ a pɩ nɩalɩŋ kala ŋ sɩ lɩɩsa pɩmɛ. 3Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ. 4Mɩ leŋe ŋ laa yɩrɩŋ nɛ tinteeŋ deeŋ lɛ. Mɩ tɩŋ tɩntɩmɩɩ-la dɛrɛ nɛ, tɩntɩmɩɩ-la ŋ sɩ joŋo pɩmɛ dɩ mɩ tɩŋ. 5Oo, mɩ Nyɩmma, leŋ dɩ mɩ yɩrɩŋ yɩrɛ ŋ sɩpaaŋ lɛɛlɛ, yɩrɩ-la mɩ dɩŋ kala fa sɩ kɛnɛ, aŋ-na ŋaa dʋnɩa.
Yesu sʋl Wɩa pɩ ʋ harɩ-tooroo
6Mɩ leŋe nɩalɩŋ ŋ sɩ lɩɩsa pɩmɛ dʋnɩa nɩaa tʋɔŋ jɩmɩŋ nɛ. Ba fa ŋaa ŋ kɩaa nɛ, ŋ nɛ lɩɩsɛba pɩmɛ. Ba sɛɩ ŋ niiŋ wɩaa. 7Lɛɛlɛ ba jɩma kʋŋ na-kala mɩ sɩ kɛnɛ lɩɩ ŋ teeŋ nɛ. 8Mɩ bʋl ŋ niiŋ wɩalɩŋ ŋ sɩ bʋla pɩmɛ pɩba nɛ, ba laa dii. Ba jɩma arɩ wʋtɩtɩɩ nɛ, mɩ sɛnɛ lɩɩ ŋ teeŋ nɛ. Ba laa dii nɛ arɩ ŋ nɛ tɩmmɛ. 9Mɩ sʋlʋŋ pɩpɩba nɛ. Mɩ bɩŋ sʋla pɩpɩ dʋnɩa nɩaa, see nɩalɩŋ ŋ sɩ lɩɩsa pɩmɛ dʋndʋŋa. Ba nɛ ŋaa ŋ kɩaa. 10Nɩalɩŋ kala mɩ sɩ kɛnɛ ŋaa ŋ nɩaa nɛ. Nɩalɩŋ kala ŋ ma sɩ kɛnɛ ŋaa mɩ ma nɩaa nɛ. Ba nɛ leŋe mɩ laa yɩrɩŋ. 11Lɛɛlɛ mɩɩ kɔ ŋ teeŋ nɛ, mɩ bɩra bɩ jaŋ hɛ dʋnɩa lɛ, ama ba-na jaŋ hɛ dʋnɩa lɛ. Mɩ Nyɩmma, ŋ nɛ ŋaa Nɩɩ-la sɩ bɩ disiniŋ kɛnɛ. Beŋ nɩalɩŋ ŋ sɩ lɩɩsa pɩmɛ nyuŋ woruŋ ŋ doluŋ lɛ, a leŋ dɩ ba ŋaa kʋbala, arɩ mɩ dɩŋ kala sɩ ŋaa kʋbala ŋɩɩ. 12Mɩ sɩ hɛ ba teeŋ, mɩ beŋ ba nyuŋ nɛ woruŋ ŋ doluŋ lɛ, dol-la ŋ sɩ joŋo pɩmɛ nɛ mɩ kaa bemba. Mɩ sɩ ŋaa ŋɩɩ, ba kʋbala ma bɩ lɛlɛ, see nɩɩ-la sɩ maga dɩ ʋ lɛl, dɩ wɩalɩŋ ba fa sɩ ŋmʋnsa Wɩa teniŋ tʋɔŋ sɛnɛ ŋaa.
13Lɛɛlɛ saa mɩɩ kɔ ŋ teeŋ nɛ. Mɩ ha sɩ hɛ dʋnɩa lɛ ŋɩɩ, ŋɩɩ nɛ mɩ bʋl wɩaa deemba pɩba dɩ ba tʋɔŋ faasa tɔrɛ, arɩ mɩ tʋɔŋ sɩ tɔrɔ ŋɩɩ. 14Mɩ bʋl ŋ niiŋ wɩaa pɩba nɛ, ŋɩɩ nɛ dʋnɩa nɩaa bɛrɛba, bɛɛ wɩaa ba dɩ dʋnɩa nɩaa bɩ kʋbala ŋaa, arɩ mɩ dɩ dʋnɩa nɩaa sɩ bɩ kʋbala ŋaa ŋɩɩ. 15Mɩ bɩŋ sʋla chɩchɛ dɩ ŋ lɩɩsɛba dʋnɩa lɛ, ama mɩ sɩ dɩ ŋ pɔba nɛ a lɩɩsɛba Sɩtaanɩ nɩsɩŋ lɛ. 16Ba dɩ dʋnɩa nɩaa bɩ kʋbala ŋaa, a nagɛ mɩ dɩ dʋnɩa nɩaa sɩ bɩ kʋbala ŋaa ŋɩɩ. 17Ŋ niiŋ wɩaa ŋaa wʋtɩtɩɩba nɛ. Dagɛba, dɩ ba bɩra sɩ́ disiniŋ kɛŋ. 18Ŋ nɛ tɩmmɛ dʋnɩa nɩaa teeŋ, ŋɩɩ tɩtɩa nɛ mɩ ma tɩmba dʋnɩa nɩaa teeŋ. 19Mɩ joŋ mɩ mɩɩsɩŋ nɛ a yɔɔ sʋʋŋ ba wɩaa. Mɩ ŋaa ŋɩɩ dɩ ba ma kɛŋ ba tɩtɩa hɛ dɔŋɔ dɩ ba joŋ ba mɩɩsɩŋ yɔɔ sʋʋŋ wʋtɩtɩɩ wɩaa nɛ.
20Mɩ bɩŋ sʋla pɩpɩ ba dʋndʋŋ, mɩ pɛ sʋlaa pɩ nɩalɩŋ ma sɩ jaŋ nɩɩ ba niiŋ wɩaa a laa dii nɛ. 21Mɩ Nyɩmma, mɩɩ sʋlʋŋ dɩ ba kala wuo ŋaa kʋbala, a nagɛ ŋ sɩ hɛ mɩ lɛ mɩ ma hɛ ŋ lɛ ŋɩɩ. Dɩ ŋ nɛ ŋaa ŋɩɩ, dʋnɩa nɩaa jaŋ wuo laa dii arɩ ŋ nɛ tɩmmɛ. 22Ŋ sɩ leŋe mɩ laa yɩrɩŋ ŋɩɩ, ŋɩɩ nɛ mɩ ma leŋ ba laa yɩrɩŋ. Mɩ ŋaa ŋɩɩ dɩ ba kala wuo ŋaa kʋbala nɛ, arɩ mɩ dɩŋ kala sɩ ŋaa kʋbala ŋɩɩ. 23Mɩ hɛ ba lɛ nɛ, ŋ ma hɛ mɩ lɛ. Leŋ dɩ ba ma ŋaa kʋbala, ŋɩɩ nɛ dʋnɩa nɩaa jaŋ jɩŋ arɩ ŋ nɛ tɩmmɛ, a choba arɩ ŋ sɩ chomi ŋɩɩ.
24Mɩ Nyɩmma, ŋ paala chomi nɛ a leŋ mɩ laa yɩrɩŋ, ka dʋnɩa-na suomi. Mɩ saa chɛ dɩ ŋ leŋ dɩ nɩalɩŋ ŋ sɩ lɩɩsa pɩmɛ, dɩ ba hɛ mɩ teeŋ lee na-kala mɩ sɩ jaŋ hɛ nɛ, dɩ ba wuo na ŋɩɩ ŋ sɩ leŋe mɩ laa yɩrɩŋ.
25Mɩ Nyɩmma, ŋ ŋaa tʋɔpʋl Tɩɩna nɛ. Dʋnɩa nɩaa bɩŋ jɩŋ, ama mɩ-na jɩmɩŋ nɛ. Nɩaa deemba ma jɩŋ arɩ ŋ nɛ tɩmmɛ. 26Mɩ saa ŋaa ba jɩmɩŋ nɛ, mɩ ha jaŋ leŋ dɩ ba jɩmɩŋ, dɩ ŋɩɩ ŋ sɩ chomi, dɩ ba ma cho dɔŋɔ, dɩ mɩ hɛ ba lɛ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014