Luuk 5
5
Yesu yɩrɛ ʋ bumbuŋ harɩ-tooroo
Mat. 4.18-22; Maak 1.16-20
1Bʋa kʋbala Yesu chɩŋ mʋga kʋbala niiŋ baa yɩrɛ Gɛnɛzarɛt. Nɩaa yʋgɛ a yigi dɔŋɔ a kʋkɔ ʋ teeŋ dɩ ba nɩɩ Wɩa wɩaa. 2Ŋɩɩ nɛ Yesu na lɩɩŋ daborusuŋ balɩa dɩ ba chɩŋ lɩɩŋ niiŋ. Ba tɩŋŋaa kaa kʋ bil nɛ aŋ mʋ dɩ ba chɛsɛ ba jomba. Saamɔŋ nɛ tɩɩ dɔŋɔ. 3Ŋɩɩ nɛ Yesu jʋʋ Saamɔŋ lɩɩŋ daboro aŋ bʋl dɩ ʋ yigu dɩ ʋ jʋʋ lɩɩŋ tʋɔŋ mʋa. Ʋ mʋ yigu. Ŋɩɩ nɛ Yesu hɔŋ lɩɩŋ daboro-la tʋɔŋ aŋ dɩdagɛ nɩ-daŋ-la kala.
4Ʋ sɩ bʋl wɩaa pɩ nɩalɩŋ dɛrɛ, ʋ bʋla pɩ Saamɔŋ, “Kuosi lɩɩŋ daboro-la dɩ ʋ mʋ lee-la lɩɩŋ sɩ luŋie mʋa, dɩ ŋ dɩ ŋ nandɔnsʋŋ yuo ma jomba a kɛsɛ chenfilee.” 5Ŋɩɩ nɛ Saamɔŋ bʋla pʋ, “Mɩ kʋhɩaŋ, la yuo jomba nɛ woruŋ tɩtaŋɩŋ kala aŋ bɩ kʋŋkala kɛnɛ. Ama ŋ-na sɩ bʋl ŋ-la, mɩ jaŋ yuo.” 6Ŋɩɩ nɛ ba ŋaa ŋɩɩ a kɛsɛ chenfilee yʋgɛ kɩŋkɛŋ. Ba sɩ kɛsɛ yʋgɛ ŋɩɩ, ba jomba chɩchɛ dɩ ba kɩɛsɛ. 7Dɩ ba nandɔnsʋŋ hɛ lɩɩŋ daboro dɔŋɔ tʋɔŋ. Ŋɩɩ nɛ ba yɩrɛba dɩ ba kʋ pɛ ba lɛ. Ba kɔ a chaarɛ chenfile-la a su lɩɩŋ daborusu-la balɩamɩŋ kala. Ba paala chɩchɛ dɩ ba tuu lɩɩŋ bʋbʋɔŋ. 8Saamɔŋ yɩrɩŋ dɔŋɔ ma nɛ fa ŋaa Pɩɩta. Saamɔŋ Pɩɩta sɩ na wɩɩ-la sɩ ŋaa, ʋ tuu kpirimi Yesu sɩpaaŋ aŋ bʋl, “Mɩ Tɩɩna, sii lɩɩ mɩ teeŋ. Mɩ ŋaa wʋbɔŋ-ŋaarʋ nɛ.” 9Ba sɩ kɛsɛ chenfile-la yʋgɛ ŋɩɩ, ʋ ŋaa Pɩɩta arɩ nɩalɩŋ kala wʋkpuŋkpere. 10Saamɔŋ nandɔnsʋŋ Jeems arɩ Jɔɔŋ ma fa hɛ nɩmɛ. Ba fa ŋaa Zebidi biiriŋ nɛ. Wɩalɩŋ ba sɩ na ma ŋaaba wʋkpuŋkpere. Ŋɩɩ nɛ Yesu bʋla pɩ Saamɔŋ, “Sɩ́ fawʋllʋŋ fá. A suomi jɩnɩŋ, ŋ jaŋ chɛ kɩkɛsɛ nɩaa arɩ ŋ sɩɩ kɛsɛ chenfilee ŋɩɩ.”
11Ŋɩɩ harɩŋ ba kɛŋ lɩɩŋ dabori-biisi-la kaa kʋ lɩɩ lɩɩŋ niiŋ, a leŋ kʋŋkala ta nɩmɛ aŋ to ʋ harɩŋ.
Yesu vaarɛ gbege
Mat. 8.1-4; Maak 1.40-45
12Ŋɩɩ nɛ Yesu mʋ taŋ kʋbala dɩ baal kʋbala nɛ ŋɩɩ. Ʋ ŋaa gbege nɛ. Ʋ na Yesu a tuu kpirimi ʋ sɩpaaŋ aŋ sʋlʋ a bʋl, “Mɩ Kʋhɩaŋ, dɩ ŋ nɛ cho, ŋaa dɩ mɩ duori.” 13Ŋɩɩ nɛ Yesu lɩɩsɛ ʋ nɩsɩŋ a digu aŋ bʋl, “Mɩ cho nɛ, duori.” Yawɩɩl-la guu leŋ baal-la. 14Ŋɩɩ nɛ Yesu bʋla pʋ, “Sɩ́ wɩɩŋ deeŋ bʋla pɩ nʋʋkala. Ama kɛŋ ŋ tɩtɩa mʋ dagɛ Wɩɩsʋllɩ sɩpaalaara, aŋ joŋ ŋ Wɩɩsʋlʋŋ kɩaa pʋ dɩ ʋ kpʋ a pɩɩsɛ ŋ disiniŋ ta arɩ Mosis fa sɩ dagɛma ŋɩɩ. Dɩ ŋ nɛ ŋaa ŋɩɩ, nɩaa jaŋ na arɩ ŋ bɩra bɩ disiniŋ kɛnɛ.” 15Aŋ ka wɩɩ-la ha faasa teeli leriŋ kala. Nɩaa yʋga a kɔ ʋ teeŋ dɩ ba nɩɩ ʋ wɩaa, aŋ ka dɩ ʋ pɛ vaarɛ ba nyanyalaa maa. 16Ka Yesu yie sii mʋ lee nɩaa sɩ tuo a chʋɔlɛ Wɩa.
Yesu vaarɛ gbɛrɩgɛ
Mat. 9.1-8; Maak 2.1-12
17Tapʋlɩɩ kʋbala Yesu dɩdagɛ nɩaa, dɩ Wɩa doluŋ hɛ ʋ lɛ ʋ kaa vɩvaarɛ nyanyal tɩŋŋaa. Farisii tɩŋŋaa arɩ Wɩa teniŋ kerichiba sɩ lɩɩ Galilii tinteeŋ arɩ Judiya tinteeŋ arɩ Jerusalɛm kala ma fa hɔŋ nɩmɛ.
18Ŋɩɩ nɛ nɩaa chʋŋ gbɛrɩgʋ kʋbala arɩ ʋ bɔsɔ kala a kaa kɔ a wʋwalɩmɛ dɩ ba kɛnʋ kaa jʋʋ dɩa-la lɛ Yesu sɩ hɛ a bil ʋ sɩpaaŋ. 19Ama nɩaa fa sɩ yʋga ŋɩɩ, ba bɩ wombiiŋ na dɩ ba kɛnʋ jʋʋ. Ŋɩɩ nɛ ba kɛnʋ kaa jɩl lusuŋ nyuŋ a ta luri a joŋu ta. Ʋ to nɩmɛ a tuu nɩalɩŋ tʋtʋɔbaanɩŋ Yesu sɩpaaŋ. 20Yesu sɩ na arɩ ba laaʋ dii woruŋ, ʋ bʋla pɩ gbɛrɩgʋ-la, “Mɩ nandɔŋ, mɩ joŋ ŋ wʋbɔŋŋɔɔ chɛŋ nɛ.” 21Ŋɩɩ nɛ Farisii tɩŋŋaa arɩ Wɩa teniŋ kerichiba-la suomo pɩpɩɛsɛ dɔŋɔ a bʋl, “Kʋbɛɛ nɛ nɩa deeŋ sɩɩ tʋʋsɛ Wɩa joŋŋoo ŋ-la? Nʋʋkala bɩ jaŋ wuo joŋ nʋʋ wʋbɔŋŋɔɔ chɛʋ see Wɩa dʋndʋŋa.” 22Ŋɩɩ nɛ Yesu wuo jɩŋ ba tʋɔbɩɩnaa a pɩɛsɛba, “Bɛɛ nɛ tɩɩ ma bɩbɩɩnɛ wɩaa deemba? 23Mɩ sɩ jaŋ bʋl mɩ joŋ ʋ wʋbɔŋŋɔɔ chɛʋ nɛ ŋaa mɔlɩɩ koo mɩ sɩ jaŋ bʋl ʋ sii a chuoli ʋ bɔsɔ a viiri nɛ ŋaa mɔlɩɩ? 24Mɩ jaŋ dagɛma arɩ mɩ-na Nuhuobiine Bie kɛŋ doluŋ dʋnɩa lɛ dɩ mɩ joŋ wʋbɔŋŋɔɔ chɛ nɩaa.” Ŋɩɩ nɛ ʋ bʋla pɩ gbɛrɩgʋ-la a bʋl, “Sii a joŋ ŋ bɔsɔ a mʋ dɩa.” 25Ʋ guu duori a sii a joŋ ʋ bɔsɔ-la ʋ fa sɩ pɩŋ ʋ nyuŋ a mʋ dɩa aŋ dɩdɛnnɛ Wɩa. 26Ʋ ŋaa nɩalɩŋ kala fa sɩ hɛ nɩmɛ wʋkpuŋkpere. Fawʋllʋŋ kɛmba. Ba dɛnnɛ Wɩa a bʋl, “La na wʋkpuŋkpere jɩnɩŋ.”
Yesu yɩrɛ Levi
Mat. 9.9-13; Maak 2.13-17
27Ŋɩɩ harɩŋ Yesu bɩra sii a lɩɩ na lampoo laarʋ kʋbala baa yɩrɛ Levi dɩ ʋ hɔŋ ʋ tɩntɩnnɩ dɩa lɛ. Ŋɩɩ nɛ Yesu yɩrʋ a bʋla pʋ, “Sii a to mɩ harɩŋ.” 28Levi sii a leŋ ʋ kʋŋkala ta aŋ to ʋ harɩŋ.
29Ŋɩɩ nɛ Levi ŋaa ba gbieli gbieli-bal ʋ dɩa lɛ. Yesu arɩ ʋ harɩ-tooroo arɩ lampoo laaraa dɔnsʋŋ yʋgɛ, arɩ nɩaa dɔnsʋŋ ma fa hɛ nɩmɛ a didii kɩaa.
30Ŋɩɩ nɛ Farisii tɩŋŋaa dɔnsʋŋ arɩ Wɩa teniŋ kerichiba arɩ ba nandɔnsʋŋ sii a pɩɛsɛ Yesu harɩ-tooroo, “Bɛɛ nɛ tɩɩ ma dɩ lampoo laaraa arɩ wʋbɔŋ ŋaaraa kala hɔnɔ didii kʋdiilee?” 31Yesu nɩɩ ba sɩɩ bʋl ŋɩɩ, ʋ bʋla pɩba, “Nɩalɩŋ sɩ kɛŋ yarɩfɩɛlaa bɩ daaluŋ ŋaara ka chɛ, see nɩalɩŋ sɩɩ wɩɩlʋ. 32Mɩ kɔ dɩ mɩ yɩrɛ wʋbɔŋ ŋaaraa nɛ dɩ ba leŋ ba wʋbɔŋŋɔɔ. Nɩalɩŋ sɩ kɛŋ tʋɔpʋla mɩ sɩpaaŋ dee mɩ kɔ mɩ yɩrɛ.”
Ba pɩɛsɛ Yesu niiŋ vɔbʋŋ wɩaa
Mat. 9.14-17; Maak 2.18-22
33Ŋɩɩ nɛ nɩaa dɔnsʋŋ kʋ pɩɛsɛ Yesu a bʋl, “Jɔɔŋ Wɩa lɩɩ-fooru-la harɩ-tooroo yie vʋvɔɔ niiŋ nɛ aŋ pɛ chʋchʋɔlɛ Wɩa bʋa na-kala lɛ. Farisii tɩŋŋaa harɩ-tooroo ma ŋɩŋaa ŋɩɩ tɩtɩa. Bɛɛ nɛ tɩɩ ŋ-na harɩ-tooroo bɩ niiŋ ka vɔɔ?” 34Ŋɩɩ nɛ Yesu ma pɩɛsɛba, “Dɩ nʋʋ nɛ mʋ jaa haala kaa kɔ, dɩ ʋ dɩ ʋ nandɔnsʋŋ gbigbieli hajaarɩ gbiele, ʋ nandɔnsʋŋ jaŋ vɔɔ niiŋ? Aɩ, ba bɩ niiŋ ka vɔɔ. 35Ama chɛɛ dɔŋ hɛ nɩmɛ, ba jaŋ kɛŋ baal-la kaa mʋ lee, ka ʋ nandɔsʋ-la vɔɔ niiŋ.”
36Ŋɩɩ nɛ ʋ bɩra magɛ namaga a pɩba, “Nʋʋkala bɩ jaŋ keri gɛrɩpɛ-falɩŋ a kaa tɔ gɛrɩ-bɩnɩŋ. Ŋ nɛ ŋaa ŋɩɩ, ŋ jaŋ chei gɛrɩ-falɩɩ-la. Gɛrɩpɛ-falɩɩ-la ma ŋ sɩ kere tɔ gɛrɩ-kɔsʋ-la ma bɩ jaŋ challɛ. 37Ŋɩɩ tɩtɩa nɛ nʋʋ ma bɩ jaŋ joŋ sɩ-huoŋ a hɛ pupoi-kpaaŋ lɛ. Ŋ nɛ ŋaa ŋɩɩ, pupoi-la jaŋ yɛrɛ a chei, dɩ sɩŋ-la kala bɩsa ta. 38Sɩ-huoŋ maga dɩ ŋ joŋu hɛ pupoi-zɔmʋŋ lɛ nɛ. 39Dɩ nʋʋ nɛ nyʋa sɩ-yele, ʋ bɩra bɩ chɛ dɩ ʋ nyʋa sɩ-huoŋ, bɛɛ wɩaa nʋʋkala jɩma arɩ sɩ-yele nɛ zɔmɔ kɩɩ sɩ-huoŋ.”
Currently Selected:
Luuk 5: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Luuk 5
5
Yesu yɩrɛ ʋ bumbuŋ harɩ-tooroo
Mat. 4.18-22; Maak 1.16-20
1Bʋa kʋbala Yesu chɩŋ mʋga kʋbala niiŋ baa yɩrɛ Gɛnɛzarɛt. Nɩaa yʋgɛ a yigi dɔŋɔ a kʋkɔ ʋ teeŋ dɩ ba nɩɩ Wɩa wɩaa. 2Ŋɩɩ nɛ Yesu na lɩɩŋ daborusuŋ balɩa dɩ ba chɩŋ lɩɩŋ niiŋ. Ba tɩŋŋaa kaa kʋ bil nɛ aŋ mʋ dɩ ba chɛsɛ ba jomba. Saamɔŋ nɛ tɩɩ dɔŋɔ. 3Ŋɩɩ nɛ Yesu jʋʋ Saamɔŋ lɩɩŋ daboro aŋ bʋl dɩ ʋ yigu dɩ ʋ jʋʋ lɩɩŋ tʋɔŋ mʋa. Ʋ mʋ yigu. Ŋɩɩ nɛ Yesu hɔŋ lɩɩŋ daboro-la tʋɔŋ aŋ dɩdagɛ nɩ-daŋ-la kala.
4Ʋ sɩ bʋl wɩaa pɩ nɩalɩŋ dɛrɛ, ʋ bʋla pɩ Saamɔŋ, “Kuosi lɩɩŋ daboro-la dɩ ʋ mʋ lee-la lɩɩŋ sɩ luŋie mʋa, dɩ ŋ dɩ ŋ nandɔnsʋŋ yuo ma jomba a kɛsɛ chenfilee.” 5Ŋɩɩ nɛ Saamɔŋ bʋla pʋ, “Mɩ kʋhɩaŋ, la yuo jomba nɛ woruŋ tɩtaŋɩŋ kala aŋ bɩ kʋŋkala kɛnɛ. Ama ŋ-na sɩ bʋl ŋ-la, mɩ jaŋ yuo.” 6Ŋɩɩ nɛ ba ŋaa ŋɩɩ a kɛsɛ chenfilee yʋgɛ kɩŋkɛŋ. Ba sɩ kɛsɛ yʋgɛ ŋɩɩ, ba jomba chɩchɛ dɩ ba kɩɛsɛ. 7Dɩ ba nandɔnsʋŋ hɛ lɩɩŋ daboro dɔŋɔ tʋɔŋ. Ŋɩɩ nɛ ba yɩrɛba dɩ ba kʋ pɛ ba lɛ. Ba kɔ a chaarɛ chenfile-la a su lɩɩŋ daborusu-la balɩamɩŋ kala. Ba paala chɩchɛ dɩ ba tuu lɩɩŋ bʋbʋɔŋ. 8Saamɔŋ yɩrɩŋ dɔŋɔ ma nɛ fa ŋaa Pɩɩta. Saamɔŋ Pɩɩta sɩ na wɩɩ-la sɩ ŋaa, ʋ tuu kpirimi Yesu sɩpaaŋ aŋ bʋl, “Mɩ Tɩɩna, sii lɩɩ mɩ teeŋ. Mɩ ŋaa wʋbɔŋ-ŋaarʋ nɛ.” 9Ba sɩ kɛsɛ chenfile-la yʋgɛ ŋɩɩ, ʋ ŋaa Pɩɩta arɩ nɩalɩŋ kala wʋkpuŋkpere. 10Saamɔŋ nandɔnsʋŋ Jeems arɩ Jɔɔŋ ma fa hɛ nɩmɛ. Ba fa ŋaa Zebidi biiriŋ nɛ. Wɩalɩŋ ba sɩ na ma ŋaaba wʋkpuŋkpere. Ŋɩɩ nɛ Yesu bʋla pɩ Saamɔŋ, “Sɩ́ fawʋllʋŋ fá. A suomi jɩnɩŋ, ŋ jaŋ chɛ kɩkɛsɛ nɩaa arɩ ŋ sɩɩ kɛsɛ chenfilee ŋɩɩ.”
11Ŋɩɩ harɩŋ ba kɛŋ lɩɩŋ dabori-biisi-la kaa kʋ lɩɩ lɩɩŋ niiŋ, a leŋ kʋŋkala ta nɩmɛ aŋ to ʋ harɩŋ.
Yesu vaarɛ gbege
Mat. 8.1-4; Maak 1.40-45
12Ŋɩɩ nɛ Yesu mʋ taŋ kʋbala dɩ baal kʋbala nɛ ŋɩɩ. Ʋ ŋaa gbege nɛ. Ʋ na Yesu a tuu kpirimi ʋ sɩpaaŋ aŋ sʋlʋ a bʋl, “Mɩ Kʋhɩaŋ, dɩ ŋ nɛ cho, ŋaa dɩ mɩ duori.” 13Ŋɩɩ nɛ Yesu lɩɩsɛ ʋ nɩsɩŋ a digu aŋ bʋl, “Mɩ cho nɛ, duori.” Yawɩɩl-la guu leŋ baal-la. 14Ŋɩɩ nɛ Yesu bʋla pʋ, “Sɩ́ wɩɩŋ deeŋ bʋla pɩ nʋʋkala. Ama kɛŋ ŋ tɩtɩa mʋ dagɛ Wɩɩsʋllɩ sɩpaalaara, aŋ joŋ ŋ Wɩɩsʋlʋŋ kɩaa pʋ dɩ ʋ kpʋ a pɩɩsɛ ŋ disiniŋ ta arɩ Mosis fa sɩ dagɛma ŋɩɩ. Dɩ ŋ nɛ ŋaa ŋɩɩ, nɩaa jaŋ na arɩ ŋ bɩra bɩ disiniŋ kɛnɛ.” 15Aŋ ka wɩɩ-la ha faasa teeli leriŋ kala. Nɩaa yʋga a kɔ ʋ teeŋ dɩ ba nɩɩ ʋ wɩaa, aŋ ka dɩ ʋ pɛ vaarɛ ba nyanyalaa maa. 16Ka Yesu yie sii mʋ lee nɩaa sɩ tuo a chʋɔlɛ Wɩa.
Yesu vaarɛ gbɛrɩgɛ
Mat. 9.1-8; Maak 2.1-12
17Tapʋlɩɩ kʋbala Yesu dɩdagɛ nɩaa, dɩ Wɩa doluŋ hɛ ʋ lɛ ʋ kaa vɩvaarɛ nyanyal tɩŋŋaa. Farisii tɩŋŋaa arɩ Wɩa teniŋ kerichiba sɩ lɩɩ Galilii tinteeŋ arɩ Judiya tinteeŋ arɩ Jerusalɛm kala ma fa hɔŋ nɩmɛ.
18Ŋɩɩ nɛ nɩaa chʋŋ gbɛrɩgʋ kʋbala arɩ ʋ bɔsɔ kala a kaa kɔ a wʋwalɩmɛ dɩ ba kɛnʋ kaa jʋʋ dɩa-la lɛ Yesu sɩ hɛ a bil ʋ sɩpaaŋ. 19Ama nɩaa fa sɩ yʋga ŋɩɩ, ba bɩ wombiiŋ na dɩ ba kɛnʋ jʋʋ. Ŋɩɩ nɛ ba kɛnʋ kaa jɩl lusuŋ nyuŋ a ta luri a joŋu ta. Ʋ to nɩmɛ a tuu nɩalɩŋ tʋtʋɔbaanɩŋ Yesu sɩpaaŋ. 20Yesu sɩ na arɩ ba laaʋ dii woruŋ, ʋ bʋla pɩ gbɛrɩgʋ-la, “Mɩ nandɔŋ, mɩ joŋ ŋ wʋbɔŋŋɔɔ chɛŋ nɛ.” 21Ŋɩɩ nɛ Farisii tɩŋŋaa arɩ Wɩa teniŋ kerichiba-la suomo pɩpɩɛsɛ dɔŋɔ a bʋl, “Kʋbɛɛ nɛ nɩa deeŋ sɩɩ tʋʋsɛ Wɩa joŋŋoo ŋ-la? Nʋʋkala bɩ jaŋ wuo joŋ nʋʋ wʋbɔŋŋɔɔ chɛʋ see Wɩa dʋndʋŋa.” 22Ŋɩɩ nɛ Yesu wuo jɩŋ ba tʋɔbɩɩnaa a pɩɛsɛba, “Bɛɛ nɛ tɩɩ ma bɩbɩɩnɛ wɩaa deemba? 23Mɩ sɩ jaŋ bʋl mɩ joŋ ʋ wʋbɔŋŋɔɔ chɛʋ nɛ ŋaa mɔlɩɩ koo mɩ sɩ jaŋ bʋl ʋ sii a chuoli ʋ bɔsɔ a viiri nɛ ŋaa mɔlɩɩ? 24Mɩ jaŋ dagɛma arɩ mɩ-na Nuhuobiine Bie kɛŋ doluŋ dʋnɩa lɛ dɩ mɩ joŋ wʋbɔŋŋɔɔ chɛ nɩaa.” Ŋɩɩ nɛ ʋ bʋla pɩ gbɛrɩgʋ-la a bʋl, “Sii a joŋ ŋ bɔsɔ a mʋ dɩa.” 25Ʋ guu duori a sii a joŋ ʋ bɔsɔ-la ʋ fa sɩ pɩŋ ʋ nyuŋ a mʋ dɩa aŋ dɩdɛnnɛ Wɩa. 26Ʋ ŋaa nɩalɩŋ kala fa sɩ hɛ nɩmɛ wʋkpuŋkpere. Fawʋllʋŋ kɛmba. Ba dɛnnɛ Wɩa a bʋl, “La na wʋkpuŋkpere jɩnɩŋ.”
Yesu yɩrɛ Levi
Mat. 9.9-13; Maak 2.13-17
27Ŋɩɩ harɩŋ Yesu bɩra sii a lɩɩ na lampoo laarʋ kʋbala baa yɩrɛ Levi dɩ ʋ hɔŋ ʋ tɩntɩnnɩ dɩa lɛ. Ŋɩɩ nɛ Yesu yɩrʋ a bʋla pʋ, “Sii a to mɩ harɩŋ.” 28Levi sii a leŋ ʋ kʋŋkala ta aŋ to ʋ harɩŋ.
29Ŋɩɩ nɛ Levi ŋaa ba gbieli gbieli-bal ʋ dɩa lɛ. Yesu arɩ ʋ harɩ-tooroo arɩ lampoo laaraa dɔnsʋŋ yʋgɛ, arɩ nɩaa dɔnsʋŋ ma fa hɛ nɩmɛ a didii kɩaa.
30Ŋɩɩ nɛ Farisii tɩŋŋaa dɔnsʋŋ arɩ Wɩa teniŋ kerichiba arɩ ba nandɔnsʋŋ sii a pɩɛsɛ Yesu harɩ-tooroo, “Bɛɛ nɛ tɩɩ ma dɩ lampoo laaraa arɩ wʋbɔŋ ŋaaraa kala hɔnɔ didii kʋdiilee?” 31Yesu nɩɩ ba sɩɩ bʋl ŋɩɩ, ʋ bʋla pɩba, “Nɩalɩŋ sɩ kɛŋ yarɩfɩɛlaa bɩ daaluŋ ŋaara ka chɛ, see nɩalɩŋ sɩɩ wɩɩlʋ. 32Mɩ kɔ dɩ mɩ yɩrɛ wʋbɔŋ ŋaaraa nɛ dɩ ba leŋ ba wʋbɔŋŋɔɔ. Nɩalɩŋ sɩ kɛŋ tʋɔpʋla mɩ sɩpaaŋ dee mɩ kɔ mɩ yɩrɛ.”
Ba pɩɛsɛ Yesu niiŋ vɔbʋŋ wɩaa
Mat. 9.14-17; Maak 2.18-22
33Ŋɩɩ nɛ nɩaa dɔnsʋŋ kʋ pɩɛsɛ Yesu a bʋl, “Jɔɔŋ Wɩa lɩɩ-fooru-la harɩ-tooroo yie vʋvɔɔ niiŋ nɛ aŋ pɛ chʋchʋɔlɛ Wɩa bʋa na-kala lɛ. Farisii tɩŋŋaa harɩ-tooroo ma ŋɩŋaa ŋɩɩ tɩtɩa. Bɛɛ nɛ tɩɩ ŋ-na harɩ-tooroo bɩ niiŋ ka vɔɔ?” 34Ŋɩɩ nɛ Yesu ma pɩɛsɛba, “Dɩ nʋʋ nɛ mʋ jaa haala kaa kɔ, dɩ ʋ dɩ ʋ nandɔnsʋŋ gbigbieli hajaarɩ gbiele, ʋ nandɔnsʋŋ jaŋ vɔɔ niiŋ? Aɩ, ba bɩ niiŋ ka vɔɔ. 35Ama chɛɛ dɔŋ hɛ nɩmɛ, ba jaŋ kɛŋ baal-la kaa mʋ lee, ka ʋ nandɔsʋ-la vɔɔ niiŋ.”
36Ŋɩɩ nɛ ʋ bɩra magɛ namaga a pɩba, “Nʋʋkala bɩ jaŋ keri gɛrɩpɛ-falɩŋ a kaa tɔ gɛrɩ-bɩnɩŋ. Ŋ nɛ ŋaa ŋɩɩ, ŋ jaŋ chei gɛrɩ-falɩɩ-la. Gɛrɩpɛ-falɩɩ-la ma ŋ sɩ kere tɔ gɛrɩ-kɔsʋ-la ma bɩ jaŋ challɛ. 37Ŋɩɩ tɩtɩa nɛ nʋʋ ma bɩ jaŋ joŋ sɩ-huoŋ a hɛ pupoi-kpaaŋ lɛ. Ŋ nɛ ŋaa ŋɩɩ, pupoi-la jaŋ yɛrɛ a chei, dɩ sɩŋ-la kala bɩsa ta. 38Sɩ-huoŋ maga dɩ ŋ joŋu hɛ pupoi-zɔmʋŋ lɛ nɛ. 39Dɩ nʋʋ nɛ nyʋa sɩ-yele, ʋ bɩra bɩ chɛ dɩ ʋ nyʋa sɩ-huoŋ, bɛɛ wɩaa nʋʋkala jɩma arɩ sɩ-yele nɛ zɔmɔ kɩɩ sɩ-huoŋ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014