Maak 14
14
Nɩaa ka chɛ ba kpʋ Yesu
Mat. 26.1-5; Luuk 22.1-2; Jɔɔŋ 11.45-53
1Tapʋlaa balɩa nɛ ka, ka dɩ ba dɩɩsɩŋ kiele bal gbiele-la yi, gbiele lɛ nɛ ba yie dii boroboro sɩ bɩ sɩbʋrʋŋ kɛnɛ. Ŋɩɩ nɛ Wɩɩsʋllɩ sɩpaalaaraa arɩ Wɩa teniŋ kerichiba chɩchɛ wombiiŋ dɩ ba lʋara kɛŋ Yesu a kpʋ. 2Ba bʋla dɩ ba sɩ́ ʋ kɛŋ ba gbiele-la chɛɛŋ, dɩ ba nɛ ŋaa ŋɩɩ, nɩaa jaŋ hɛ yuosuŋ.
Haala joŋ nʋʋŋ a bɩsa hɛ Yesu nyuŋ lɛ
Mat. 26.6-13; Jɔɔŋ 12.1-8
3Yesu mʋ Bɛtanɩ a hɔŋ Saamɔŋ dɩa lɛ a didii kɩaa. Saamɔŋ fa ŋaa gbege nɛ aŋ kʋ duori. Ʋʋ dii kɩaa dɩ haal kʋbala kʋ jʋʋ a kɛŋ tʋlaalɩɩ arɩ loŋ. Ʋ sʋɔra sɩma, ʋ yalɩŋ ma hɛyɛ. Ʋ kɛŋ loŋ-la suri a bɩsɛ tʋlaalɩɩ-la a hɛ Yesu nyuŋ lɛ.
4Nɩalɩŋ dɔnsʋŋ na baanɩŋ a pɩpɩɛsɛ dɔŋɔ, “Bɛɛ nɛ tɩɩ haala deeŋ kɛŋ tʋlaalɩɩ-la kaa chei ŋ-la? 5Ba fa jaŋ wuo joŋ tʋlaalɩɩ-la a yallɛ a na moribiee yʋgɛ a joŋo pɩ summoo.” Ba bʋl haal-la teeŋ woruŋ.
6Ŋɩɩ nɛ Yesu bʋla pɩba, “Má leŋ haal-la. Bɛɛ nɛ tɩɩ ma wʋwalɩmʋ? Wʋzɔŋ nɛ ʋ ŋaa mɩ lɛ. 7Ma dɩ summoo jaŋ hɛ nɩmɛ bʋa na-kala lɛ. Bʋa na-kala lɛ nɛ ma chɩchɛ ma ŋaa wʋzɔmʋŋ a pɩ summo-la, ma jaŋ wuo ŋaa, ama mɩ dɩ ma bɩ jaŋ hɛ nɩmɛ deeŋ deeŋ. 8Haal-la ŋaa wɩɩ-la ʋ sɩ jaŋ wuo ŋaa nɛ. Ʋ bɩsɛ tʋlaalɩɩ-la hɛ mɩ yaraa lɛ a kɛmmɛ hɛ dɔŋɔ nɛ dɩ ba hugi. 9Wʋtɩtɩɩ nɛ mɩ bʋlaa pɩma, dʋnɩa sɛmɛ na-kala ba sɩ jaŋ mʋ a bʋl Wɩa wʋzɔmɔ-la, ba jaŋ liisi haala deeŋ ma wɩaa a bʋl.”
Judas sɛyɛ dɩ ʋ joŋ Yesu yallɛ
Mat. 26.14-16; Luuk 22.3-6
10Ŋɩɩ nɛ Judas Ɩsɩkarɔt sɩ ŋaa Yesu harɩ-tooro-la fii arɩ balɩa dɔŋɔ sii, a mʋ Wɩɩsʋllɩ sɩpaalaaraa kʋhɩasɩŋ teeŋ a bʋl dɩ ʋ jaŋ kɛŋ Yesu yalla pɩba.
11Ba sɩ nɩɩ ŋɩɩ, ba tʋɔŋ tɔrɛ. Ba bʋl ba jaŋ pʋ moribiee. A chɩŋ bʋa-la lɛ ʋ suomo chɩchɛ wombii-la ʋ sɩ jaŋ to a joŋ Yesu yalla pɩba.
Yesu arɩ ʋ harɩ-tooroo dii dɩɩsɩŋ kiele bal gbiele kʋdiilee
Mat. 26.17-25; Luuk 22.7-14, 21-23; Jɔɔŋ 13.21-30
12Ba gbiele-la ba sɩ yie gbieli a dii boroboro sɩ bɩ sɩbʋrʋŋ kɛnɛ ʋ tapʋl-bumbuŋ, bʋa-la lɛ sɩ maga dɩ ba kpʋ dɩɩsɩŋ kiele bal gbiele-la pie-bie, Yesu harɩ-tooroo pɩɛsʋ, “Nɩɩ nɛ ŋ cho dɩ la mʋ wasɛ leriŋ a ŋaa dɩɩsɩŋ kiele bal gbiele-la kʋdiilee dɩ ŋ kʋ dii?”
13Ŋɩɩ nɛ ʋ tɩŋ ʋ harɩ-tooroo balɩa a bʋla pɩba, “Má mʋ jʋʋ tabal-la tʋɔŋ, ma jaŋ cheŋ baal kʋbala dɩ ʋ chʋŋ nyuvie arɩ lɩɩŋ. Má to ʋ harɩŋ. 14Dɩa-na kala ʋ sɩ jʋa, má to jʋʋ bʋla pɩ dɩa-la tɩɩna, ‘La kʋhɩaŋ sɩ, la pɩɛsɩŋ dɩ nɩɩ lɛ nɛ nʋhʋɔra dɩa hɛ dɩ ʋ dɩ ʋ harɩ-tooroo jʋʋ hɔnɔ dii dɩɩsɩŋ kiele bal gbiele kʋdiilee?’ 15Ʋ jaŋ dagɛma lusuŋ nyuŋ dɩɩ-bal kʋbala, ba wasɛ ʋ kala nɛ. Lee-la nɛ ma jaŋ ŋaa kʋdiile-la.”
16Ŋɩɩ nɛ ʋ harɩ-tooroo sii lɩɩ a mʋ tabal-la tʋɔŋ a sɛnɛ na wɩalɩŋ kala Yesu sɩ bʋla. Ŋɩɩ nɛ ba ŋaa dɩɩsɩŋ kiele bal gbiele-la kʋdiilee.
17Dɩdaanɩŋ, Yesu arɩ ʋ harɩ-tooro-la fii arɩ balɩa kʋ jʋʋ dɩa-la. 18Ba sɩ hɔnɔ dii kɩaa ŋɩɩ, ŋɩɩ nɛ Yesu bʋla pɩba, “Wʋtɩtɩɩ nɛ, mɩ bʋlaa pɩma, ma nɩaa deemba sɩɩ dii kɩaa, ma dɔŋɔ jaŋ jommi yallɛ. Mɩ dɩ ʋ nɛ pɛ dɔŋɔ a didii kɩaa ŋɩɩ lɛɛlɛ.”
19Ba sɩ nɩɩ wɩɩ-la, ba tʋɔŋ chei. Ba kala pɩpɩɛsɛ Yesu kʋŋ kʋŋ. Dɔŋɔ yie pɩɛsɛ, “Mɩ nɛɛ?”
20Yesu bʋla pɩba, “Ma fii arɩ balɩa deeŋ tʋɔŋ dɔŋɔ nɛ, mɩ dɩ ʋ nɛ chala kɛŋ boroboro tutuu gbaŋa-la tʋɔŋ. 21Mɩ-na, Nuhuobiine Bie, mɩ jaŋ sʋʋ arɩ ba sɩ ŋmʋnsɛ ŋɩɩ a tɩgɛ mɩ lɛ. Ama nɩɩ-la sɩ joŋ mɩ-na Nuhuobiine Bie yallɛ, aa, ʋ jaŋ na hɛɛŋ yʋgɛ. Ba fa sɩ bɩ ʋ lʋla, ʋ nɛ kpɩa.”
Kʋdiile-la Yesu sɩ sɩ dɩ la dii a liliisi ʋ wɩaa
Mat. 26.26-30; Luuk 22.14-20; 1 Kɔr. 11.23-25
22Ba sɩ hɔnɔ didii kɩaa, ŋɩɩ nɛ Yesu joŋ boroboro a lɔllɛ Wɩa aŋ kaa chɔgɛ chɔgɛ, a joŋo pɩ ʋ harɩ-tooroo, a bʋla pɩba, “Má laa. Mɩ yaraa nammɩa nɛ ŋɩɩ.”
23Ŋɩɩ nɛ ʋ bɩra joŋ nyʋnyʋala ma arɩ sɩnɩŋ a lɔllɛ Wɩa aŋ joŋo pɩba. Ba kala nyʋa nyʋnyʋal-bala-la tʋɔŋ.
24Ŋɩɩ nɛ Yesu bʋla pɩba, “Mɩ chalɩŋ nɛ ŋɩɩ. Chalɩŋ deeŋ nɛ Wɩa kaa hɛ niiŋ ma dɩ ʋ pɛgɛ. Mɩ chalɩŋ jaŋ jaasɛ nɩ-daŋ wɩaa, dɩ Wɩa joŋ ba wʋbɔŋŋɔɔ chɛba. 25Wʋtɩtɩɩ nɛ mɩ bʋlaa pɩma, mɩ bɩra bɩ jaŋ kɔ dɩ mɩ nyʋa sɩnɩŋ deeŋ, see tapʋlɩɩ-la mɩ sɩ jaŋ kɔ nɛ, mɩ jaŋ nyʋa sɩ-falɩŋ Wɩa kuorii-la tʋɔŋ.” 26Ŋɩɩ nɛ ba yɩɩ Wɩɩchʋɔlɛ yɩɩlɩŋ a dɛrɛ aŋ sii lɩɩ a mʋ peel kʋbala baa yɩrɛ Olif nyuŋ.
Yesu bʋla pɩ Pɩɩta arɩ ʋ jaŋ bʋl ʋ bɩ ʋ jɩŋ
Mat. 26.31-35; Luuk 22.31-34; Jɔɔŋ 13.36-38
27Yesu bʋla pɩba, “Ma kala jaŋ fá viiri. Ba ŋmʋnsɛ Wɩa teniŋ tʋɔŋ arɩ Wɩa sɩ,
‘Mɩ jaŋ kpʋ pie-daara,
aŋ ka dɩ piesee fá pɩsɛ.’
28Wɩa jaŋ chɩsɛmɛ sʋʋŋ lɛ. Ʋ nɛ chɩsɛmɛ, mɩ jaŋ laa ma sɩpaaŋ a mʋ Galilii tinteeŋ.”
29Ŋɩɩ nɛ Pɩɩta bʋla pɩ Yesu, “Dɩ ba kala fá ma aŋ leŋiŋ, mɩ-na bɩ jaŋ mɩɩrɛ ŋ harɩŋ.”
30Ŋɩɩ nɛ Yesu bʋla pʋ, “Wʋtɩtɩɩ nɛ, jɩnɩŋ tɩtaŋɩŋ deeŋ, ŋ-na Pɩɩta, ŋ jaŋ bʋl naansɩɩŋ butori arɩ ŋ bɩ mɩ jɩŋ, ka dɩ ji-bele-na yel naansɩɩŋ bʋlɩa.”
31Ŋɩɩ nɛ Pɩɩta bʋl arɩ sɩɩfɩɛsɩŋ, “Mɩ dɩŋ paala sʋsʋʋ ma, mɩ bɩ jaŋ bʋl arɩ mɩ bɩŋ jɩŋ.” Kʋkaanaa ma kala bʋl ŋɩɩ tɩtɩa.
Yesu chʋɔlɛ Wɩa Gɛtɩsɛmanɩ lɛ
Mat. 26.36-46; Luuk 22.39-46
32Ŋɩɩ nɛ ba mʋ jʋʋ lee kʋbala baa yɩrɛ Gɛtɩsɛmanɩ. Yesu bʋla pɩ ʋ harɩ-tooroo, “Má hɔŋ daha, ka mɩ mʋ chʋɔlɛ Wɩa aŋ kɔ.” 33Ʋ kɛŋ Pɩɩta arɩ Jeems arɩ Jɔɔŋ a kaa mʋ nɩmɛ. Yesu tʋɔŋ kala chei. Ʋ tʋɔŋ bɩ pɩna. 34Ʋ bʋla pɩ ʋ harɩ-tooroo, “Mɩ tʋɔŋ kala nɛ cheye a magɛ dɩ mɩ sʋʋ. Má hɔnɔ pɔ daha.”
35Ba hɔŋ. Ka ʋ sʋʋsa mʋ sɩpaaŋ mʋa a tuu kpirimi tinteeŋ a sʋl Wɩa a bʋl dɩ ʋ nɛ kɛŋ wombiiŋ, dɩ ʋ sɩ́ leŋe dɩ wɩɩ-la jʋʋ-ʋ lɛ 36a bɩra bʋl, “Mɩ Nyɩmma, ŋ jaŋ wuo ŋaa wɩɩkala, lɩɩsɛ hɛɛ-la sɩɩ kɔ mɩ lɛ. Ama mɩ-na ŋ-la tʋɔtɔrʋŋ lɛ dee, ŋ-na tʋɔtɔrʋŋ lɛ nɛ.”
37Ʋ chʋɔla dɛrɛ aŋ sii kɔ ʋ harɩ-tooroo teeŋ dɩ ba pɩŋ doŋ. Ŋɩɩ nɛ ʋ pɩɛsɛ Pɩɩta, “Ŋ pɩna nɛɛ? Ŋ bɩ doŋ mʋapɩlɩɩ ma wuo bɛrɛɛ yi hawa kʋbalaa? 38Má chʋɔlɛ Wɩa aŋ pʋpɔ, dɩ Sɩtaanɩ nɛ kʋ magɩsɛma dɩ ʋ sɩ́ ma wuo. Ma tʋɔŋ lɛ ma cho dɩ ma ŋaa wʋzɔŋŋɔɔ, aŋ ka ma bɩ doluŋ kɛnɛ.” 39Ʋ bɩra mʋ a chʋɔlɛ Wɩa a bɩra bʋl ŋɩɩ tɩtɩa. 40Ʋ mɩɩra kɔ dɩ ba bɩra pɩŋ doŋ, bɛɛ wɩaa doŋ kɛmba nɛ woruŋ. Ba bɩ jɩŋ ba sɩ jaŋ bʋl wɩɩ-la kala a pʋ. 41Ʋ mɩɩra mʋ torimuŋ aŋ kʋ pɩɛsɛba, “Ma ha pɩnaa wiesi nɛɛ? Ʋ maga nɛ má sii, bʋa-la yie nɛ. Ma bee na, ba jaŋ kɛŋ mɩ-na, Nuhuobiine Bie a pɩ wʋbɔŋ ŋaaraa. 42Má sii dɩ la mʋ. Nɩɩ-la sɩ jaŋ jommi yallɛ ka kɔ nɛ.”
Ba kɛŋ Yesu
Mat. 26.47-56; Luuk 22.47-53; Jɔɔŋ 18.3-12
43Yesu ha bɩ wɩaa bʋla dɛrɛ, dɩ Judas nɩɩ kɔ ŋɩɩ. Ʋ fa ŋaa Yesu harɩ-tooro-la fii arɩ balɩa dɔŋɔ nɛ. Nɩaa yʋga a tuto ʋ harɩŋ, dɔnsʋŋ kori tokobiee arɩ toŋguloo. Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba arɩ ba taŋ kʋhɩasɩŋ nɛ tɩmba, ba kɔ. 44Zɛmbɛ tɩɩna-la fa pɩ nɩalɩŋ magɩl nɛ, “Nɩɩ-la mɩ sɩ mʋ guori, ʋ nɛ ŋɩɩ. Má kɛnʋ.” 45Judas sɩ yi lee-la Yesu sɩ hɛ, ʋ mʋ ʋ teeŋ tegi tegi aŋ bʋl, “La Kʋhɩaŋ!” aŋ guoru. 46Ba kala gurigu a kɛnʋ. 47Ka nɩaa chɩna bibeŋ. Ba tʋɔŋ dɔŋɔ lɩɩsɛ ʋ tokobiiŋ, a ta nʋʋ dɩgɩlɩŋ keri. Nɩɩ-la fa ŋaa Wɩɩsʋllɩ sɩpaalaaraa kʋhɩaŋ dɩa yoŋ nɛ. 48Ŋɩɩ nɛ Yesu pɩɛsɛba, “Mɩ ŋaa wʋcheeru nɛ ma sii paa tokobiee arɩ toŋguloo a kʋkɔ dɩ ma kɛmmɛɛ? 49Tapʋlɩɩ kala nɛ mɩ dɩ ma yie hɛ Wɩa dɩɩ-balɩŋ lɛ, mɩ dagɛ Wɩa wɩaa a pɩpɩma, ka ma bɩ mɩ kɛmmɛ nɩmɛ. Ama wɩalɩŋ kala ba sɩ ŋmʋnsa Wɩa teniŋ tʋɔŋ a tɩgɛ mɩ lɛ, maga dɩ ba ŋaa nɛ.” 50Ŋɩɩ nɛ ʋ harɩ-tooroo kala vɩaʋ aŋ fá.
51Ka bapʋɔsɩɩ kʋbala baagɛ gɛrɩ-bɔsɔ a tuto Yesu harɩŋ a mʋmʋ. Baa walɩmɛ dɩ ba kɛnʋ. 52Ama ʋ wuri gɛrɩ-bɔsɔ-la a ta aŋ kɛŋ yarɩ-biree fá viiri.
Ba kɛŋ Yesu kaa mʋ Wɩɩsʋllɩ sɩpaalaaraa kʋhɩaŋ teeŋ
Mat. 26.57-68; Luuk 22.54-55, 63-71; Jɔɔŋ 18.13-14, 19-24
53Ba kɛŋ Yesu a kaa mʋ Wɩɩsʋllɩ sɩpaalaaraa kʋhɩaŋ teeŋ. Ba kɔ nɩmɛ dɩ Wɩɩsʋllɩ sɩpaalaaraa kʋhɩasɩŋ arɩ ba Wɩɩchʋɔlɛ hɩasɩŋ arɩ Wɩa teniŋ kerichiba kala hilime. 54Ba kɛnʋ mʋmʋ ŋɩɩ, ka Pɩɩta daa tuto ba harɩŋ a mʋ jʋʋ Wɩɩsʋllɩ sɩpaalaaraa kʋhɩaŋ kaala. Ʋ jʋa dɩ nɩalɩŋ sɩɩ pɔ kaala-la hɔnɔ a wiwieni nyiniŋ. Ʋ mʋ pɛ ba lɛ.
55Ŋɩɩ nɛ Wɩɩsʋllɩ sɩpaalaaraa kʋhɩasɩ-la arɩ nɩalɩŋ kala sɩ yie hilime vʋvʋʋrɛ wɩaa chɩchɛ dɩ ba na Yesu sɩ ŋaa wɩɩ-la chei dɩ ba kpʋʋ a chɛ wɩɩ ka. 56Nɩaa yʋga a nyɩɛ wɩaa pʋ. Ama ba bʋl nii-lɩɛrɩŋ nɛ, ba bɩ nii-bala bʋla. 57Ŋɩɩ nɛ nɩaa dɔnsʋŋ sii chɩŋ a nyɩɛ wɩaa pʋpʋ, 58“La nɩa arɩ Yesu sɩ ʋ jaŋ ŋmoo Wɩa dɩɩ-bal-la nɩaa sɩ saa a lo aŋ bɩra wuo saa ʋ dɔŋɔ tapʋlaa batori chɛɛŋ, dɩ nɩaa dee bɩ jaŋ saa dɩa-la-na.” 59Ama ba wɩalɩŋ kala bɩ kʋbala ŋaa. 60Ŋɩɩ nɛ Wɩɩsʋllɩ sɩpaalaaraa kʋhɩaŋ sii lɩɩ chɩŋ nɩalɩŋ tʋtʋɔbaanɩŋ a pɩɛsɛ Yesu, “Ŋ bɩ nɩa nɩaa deemba sɩ bʋl wɩalɩŋ a tɩgɛ ŋ lɛɛ? Ŋ-na bɩ wɩɩ kɛnɛ ŋ sɩ jaŋ bʋl?” 61Ŋɩɩ nɛ Yesu tɔrɛ ʋ niiŋ. Ʋ bɩ wɩɩkala bʋla. Ŋɩɩ nɛ baal-la bɩra pɩɛsʋ, “Ŋ nɛ ŋaa Kirisito, Nɩɩ-la Wɩa sɩ lɩɩsa? Ŋ nɛ Wɩa Biee?” 62Ŋɩɩ nɛ Yesu bʋl, “Mɩ-na nɛ. Ma jaŋ na mɩ-na Nuhuobiine Bie dɩ mɩ hɔŋ Wɩa doluŋ kala Tɩɩna nadiiŋ sɛmɛ, nɩduoŋ dɩhɔnʋŋ, a to duoŋ-bɩlɩmbaanaa tʋɔŋ a kʋʋ tuu.” 63Ʋ bʋl ŋɩɩ, baal-la kɛŋ ʋ gɛnnɩŋ kaa kɩɛsɛ aŋ bʋl, “Ʋ bɩ maga dɩ la bɩra chɛ pɛ-naaraa. 64Ma kala bɩ nɩa ʋ sɩ chei Wɩa yɩrɩŋ ŋɩɩ? Bɛɛ nɛ ma bɩɩnɛ?” Ŋɩɩ nɛ nɩalɩŋ kala bʋl dɩ ʋ cheye nɛ, ʋ maga dɩ ba kpʋʋ nɛ. 65Dɔnsʋŋ ma sii a tʋ nantʋɔrʋŋ a hɛ ʋ sɩaa lɛ aŋ vɔɔ ʋ sɩaa tɔ a ŋmobu aŋ bʋla pʋ dɩ ʋ dagɛ nɩɩ-la sɩ ŋmobu. Ŋɩɩ nɛ ka ba kɛnʋ kaa mʋ pɩ laalɩyuoroo. Ba laaʋ a ŋmobu.
Pɩɩta bʋla arɩ ʋ bɩ Yesu jɩŋ
Mat. 26.69-75; Luuk 22.56-62; Jɔɔŋ 18.15-18, 25-27
66Pɩɩta sɩ hɔŋ kaala-la lɛ, ŋɩɩ nɛ Wɩɩsʋllɩ sɩpaalaaraa kʋhɩaŋ dɩa tɩntɩnnɩ-tolo kʋbala kʋ lɩɩ 67a na Pɩɩta dɩ ʋ hɔnɔ a wiwieni nyiniŋ. Ʋ benu woruŋ aŋ bʋla pʋ, “Ŋ ma faa to Yesu harɩŋ nɛ, baal-la sɩ lɩɩ Nazarɛt.” 68Ŋɩɩ nɛ Pɩɩta nyɩɛ wɩaa, “Mɩ bɩ Yesu jɩŋ. Mɩ bɩ wɩɩ-la ŋ sɩ paala bʋbʋl jɩŋ,” aŋ sii lɩɩ chɩŋ zawʋra tʋɔŋ. 69Pɩɩta sɩ chɩŋ nɩmɛ, ŋɩɩ nɛ tɩntɩnnɩ-tolo bɩra naʋ a bʋla pɩ nɩalɩŋ sɩ chɩna kpagʋ, “Baala deeŋ ma ŋaa Yesu harɩ-tooro-la dɔŋɔ nɛ.” 70Pɩɩta bɩra nyɩɛ wɩaa a bʋl dɩ ʋ dee. Mʋasʋa nɩalɩŋ sɩ chɩŋ nɩmɛ ma bʋla pʋ, “Wʋtɩtɩɩ nɛ, ŋ ma ŋaa ba dɔŋɔ nɛ, ŋ lɩɩ Galilii nɛ.” 71Ŋɩɩ nɛ Pɩɩta ŋmɩɛsɛ a bʋl, “Mɩ bɩ baala deeŋ jɩŋ.” 72Ʋ sɩ bʋl ŋɩɩ dɛrɛ dɩ ji-bele yele lɩamɩŋ lɛ. Pɩɩta liisi wɩɩ-la Yesu sɩ bʋla pʋ arɩ ʋ jaŋ nyɩɛ wɩaa a tɩgɛ ʋ lɛ naansɩɩŋ butori, ka dɩ ji-bele-na yel naansɩɩŋ bʋlɩa. Ʋ kɛŋ nyuŋ gʋrɛ a yiyel.
Currently Selected:
Maak 14: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Maak 14
14
Nɩaa ka chɛ ba kpʋ Yesu
Mat. 26.1-5; Luuk 22.1-2; Jɔɔŋ 11.45-53
1Tapʋlaa balɩa nɛ ka, ka dɩ ba dɩɩsɩŋ kiele bal gbiele-la yi, gbiele lɛ nɛ ba yie dii boroboro sɩ bɩ sɩbʋrʋŋ kɛnɛ. Ŋɩɩ nɛ Wɩɩsʋllɩ sɩpaalaaraa arɩ Wɩa teniŋ kerichiba chɩchɛ wombiiŋ dɩ ba lʋara kɛŋ Yesu a kpʋ. 2Ba bʋla dɩ ba sɩ́ ʋ kɛŋ ba gbiele-la chɛɛŋ, dɩ ba nɛ ŋaa ŋɩɩ, nɩaa jaŋ hɛ yuosuŋ.
Haala joŋ nʋʋŋ a bɩsa hɛ Yesu nyuŋ lɛ
Mat. 26.6-13; Jɔɔŋ 12.1-8
3Yesu mʋ Bɛtanɩ a hɔŋ Saamɔŋ dɩa lɛ a didii kɩaa. Saamɔŋ fa ŋaa gbege nɛ aŋ kʋ duori. Ʋʋ dii kɩaa dɩ haal kʋbala kʋ jʋʋ a kɛŋ tʋlaalɩɩ arɩ loŋ. Ʋ sʋɔra sɩma, ʋ yalɩŋ ma hɛyɛ. Ʋ kɛŋ loŋ-la suri a bɩsɛ tʋlaalɩɩ-la a hɛ Yesu nyuŋ lɛ.
4Nɩalɩŋ dɔnsʋŋ na baanɩŋ a pɩpɩɛsɛ dɔŋɔ, “Bɛɛ nɛ tɩɩ haala deeŋ kɛŋ tʋlaalɩɩ-la kaa chei ŋ-la? 5Ba fa jaŋ wuo joŋ tʋlaalɩɩ-la a yallɛ a na moribiee yʋgɛ a joŋo pɩ summoo.” Ba bʋl haal-la teeŋ woruŋ.
6Ŋɩɩ nɛ Yesu bʋla pɩba, “Má leŋ haal-la. Bɛɛ nɛ tɩɩ ma wʋwalɩmʋ? Wʋzɔŋ nɛ ʋ ŋaa mɩ lɛ. 7Ma dɩ summoo jaŋ hɛ nɩmɛ bʋa na-kala lɛ. Bʋa na-kala lɛ nɛ ma chɩchɛ ma ŋaa wʋzɔmʋŋ a pɩ summo-la, ma jaŋ wuo ŋaa, ama mɩ dɩ ma bɩ jaŋ hɛ nɩmɛ deeŋ deeŋ. 8Haal-la ŋaa wɩɩ-la ʋ sɩ jaŋ wuo ŋaa nɛ. Ʋ bɩsɛ tʋlaalɩɩ-la hɛ mɩ yaraa lɛ a kɛmmɛ hɛ dɔŋɔ nɛ dɩ ba hugi. 9Wʋtɩtɩɩ nɛ mɩ bʋlaa pɩma, dʋnɩa sɛmɛ na-kala ba sɩ jaŋ mʋ a bʋl Wɩa wʋzɔmɔ-la, ba jaŋ liisi haala deeŋ ma wɩaa a bʋl.”
Judas sɛyɛ dɩ ʋ joŋ Yesu yallɛ
Mat. 26.14-16; Luuk 22.3-6
10Ŋɩɩ nɛ Judas Ɩsɩkarɔt sɩ ŋaa Yesu harɩ-tooro-la fii arɩ balɩa dɔŋɔ sii, a mʋ Wɩɩsʋllɩ sɩpaalaaraa kʋhɩasɩŋ teeŋ a bʋl dɩ ʋ jaŋ kɛŋ Yesu yalla pɩba.
11Ba sɩ nɩɩ ŋɩɩ, ba tʋɔŋ tɔrɛ. Ba bʋl ba jaŋ pʋ moribiee. A chɩŋ bʋa-la lɛ ʋ suomo chɩchɛ wombii-la ʋ sɩ jaŋ to a joŋ Yesu yalla pɩba.
Yesu arɩ ʋ harɩ-tooroo dii dɩɩsɩŋ kiele bal gbiele kʋdiilee
Mat. 26.17-25; Luuk 22.7-14, 21-23; Jɔɔŋ 13.21-30
12Ba gbiele-la ba sɩ yie gbieli a dii boroboro sɩ bɩ sɩbʋrʋŋ kɛnɛ ʋ tapʋl-bumbuŋ, bʋa-la lɛ sɩ maga dɩ ba kpʋ dɩɩsɩŋ kiele bal gbiele-la pie-bie, Yesu harɩ-tooroo pɩɛsʋ, “Nɩɩ nɛ ŋ cho dɩ la mʋ wasɛ leriŋ a ŋaa dɩɩsɩŋ kiele bal gbiele-la kʋdiilee dɩ ŋ kʋ dii?”
13Ŋɩɩ nɛ ʋ tɩŋ ʋ harɩ-tooroo balɩa a bʋla pɩba, “Má mʋ jʋʋ tabal-la tʋɔŋ, ma jaŋ cheŋ baal kʋbala dɩ ʋ chʋŋ nyuvie arɩ lɩɩŋ. Má to ʋ harɩŋ. 14Dɩa-na kala ʋ sɩ jʋa, má to jʋʋ bʋla pɩ dɩa-la tɩɩna, ‘La kʋhɩaŋ sɩ, la pɩɛsɩŋ dɩ nɩɩ lɛ nɛ nʋhʋɔra dɩa hɛ dɩ ʋ dɩ ʋ harɩ-tooroo jʋʋ hɔnɔ dii dɩɩsɩŋ kiele bal gbiele kʋdiilee?’ 15Ʋ jaŋ dagɛma lusuŋ nyuŋ dɩɩ-bal kʋbala, ba wasɛ ʋ kala nɛ. Lee-la nɛ ma jaŋ ŋaa kʋdiile-la.”
16Ŋɩɩ nɛ ʋ harɩ-tooroo sii lɩɩ a mʋ tabal-la tʋɔŋ a sɛnɛ na wɩalɩŋ kala Yesu sɩ bʋla. Ŋɩɩ nɛ ba ŋaa dɩɩsɩŋ kiele bal gbiele-la kʋdiilee.
17Dɩdaanɩŋ, Yesu arɩ ʋ harɩ-tooro-la fii arɩ balɩa kʋ jʋʋ dɩa-la. 18Ba sɩ hɔnɔ dii kɩaa ŋɩɩ, ŋɩɩ nɛ Yesu bʋla pɩba, “Wʋtɩtɩɩ nɛ, mɩ bʋlaa pɩma, ma nɩaa deemba sɩɩ dii kɩaa, ma dɔŋɔ jaŋ jommi yallɛ. Mɩ dɩ ʋ nɛ pɛ dɔŋɔ a didii kɩaa ŋɩɩ lɛɛlɛ.”
19Ba sɩ nɩɩ wɩɩ-la, ba tʋɔŋ chei. Ba kala pɩpɩɛsɛ Yesu kʋŋ kʋŋ. Dɔŋɔ yie pɩɛsɛ, “Mɩ nɛɛ?”
20Yesu bʋla pɩba, “Ma fii arɩ balɩa deeŋ tʋɔŋ dɔŋɔ nɛ, mɩ dɩ ʋ nɛ chala kɛŋ boroboro tutuu gbaŋa-la tʋɔŋ. 21Mɩ-na, Nuhuobiine Bie, mɩ jaŋ sʋʋ arɩ ba sɩ ŋmʋnsɛ ŋɩɩ a tɩgɛ mɩ lɛ. Ama nɩɩ-la sɩ joŋ mɩ-na Nuhuobiine Bie yallɛ, aa, ʋ jaŋ na hɛɛŋ yʋgɛ. Ba fa sɩ bɩ ʋ lʋla, ʋ nɛ kpɩa.”
Kʋdiile-la Yesu sɩ sɩ dɩ la dii a liliisi ʋ wɩaa
Mat. 26.26-30; Luuk 22.14-20; 1 Kɔr. 11.23-25
22Ba sɩ hɔnɔ didii kɩaa, ŋɩɩ nɛ Yesu joŋ boroboro a lɔllɛ Wɩa aŋ kaa chɔgɛ chɔgɛ, a joŋo pɩ ʋ harɩ-tooroo, a bʋla pɩba, “Má laa. Mɩ yaraa nammɩa nɛ ŋɩɩ.”
23Ŋɩɩ nɛ ʋ bɩra joŋ nyʋnyʋala ma arɩ sɩnɩŋ a lɔllɛ Wɩa aŋ joŋo pɩba. Ba kala nyʋa nyʋnyʋal-bala-la tʋɔŋ.
24Ŋɩɩ nɛ Yesu bʋla pɩba, “Mɩ chalɩŋ nɛ ŋɩɩ. Chalɩŋ deeŋ nɛ Wɩa kaa hɛ niiŋ ma dɩ ʋ pɛgɛ. Mɩ chalɩŋ jaŋ jaasɛ nɩ-daŋ wɩaa, dɩ Wɩa joŋ ba wʋbɔŋŋɔɔ chɛba. 25Wʋtɩtɩɩ nɛ mɩ bʋlaa pɩma, mɩ bɩra bɩ jaŋ kɔ dɩ mɩ nyʋa sɩnɩŋ deeŋ, see tapʋlɩɩ-la mɩ sɩ jaŋ kɔ nɛ, mɩ jaŋ nyʋa sɩ-falɩŋ Wɩa kuorii-la tʋɔŋ.” 26Ŋɩɩ nɛ ba yɩɩ Wɩɩchʋɔlɛ yɩɩlɩŋ a dɛrɛ aŋ sii lɩɩ a mʋ peel kʋbala baa yɩrɛ Olif nyuŋ.
Yesu bʋla pɩ Pɩɩta arɩ ʋ jaŋ bʋl ʋ bɩ ʋ jɩŋ
Mat. 26.31-35; Luuk 22.31-34; Jɔɔŋ 13.36-38
27Yesu bʋla pɩba, “Ma kala jaŋ fá viiri. Ba ŋmʋnsɛ Wɩa teniŋ tʋɔŋ arɩ Wɩa sɩ,
‘Mɩ jaŋ kpʋ pie-daara,
aŋ ka dɩ piesee fá pɩsɛ.’
28Wɩa jaŋ chɩsɛmɛ sʋʋŋ lɛ. Ʋ nɛ chɩsɛmɛ, mɩ jaŋ laa ma sɩpaaŋ a mʋ Galilii tinteeŋ.”
29Ŋɩɩ nɛ Pɩɩta bʋla pɩ Yesu, “Dɩ ba kala fá ma aŋ leŋiŋ, mɩ-na bɩ jaŋ mɩɩrɛ ŋ harɩŋ.”
30Ŋɩɩ nɛ Yesu bʋla pʋ, “Wʋtɩtɩɩ nɛ, jɩnɩŋ tɩtaŋɩŋ deeŋ, ŋ-na Pɩɩta, ŋ jaŋ bʋl naansɩɩŋ butori arɩ ŋ bɩ mɩ jɩŋ, ka dɩ ji-bele-na yel naansɩɩŋ bʋlɩa.”
31Ŋɩɩ nɛ Pɩɩta bʋl arɩ sɩɩfɩɛsɩŋ, “Mɩ dɩŋ paala sʋsʋʋ ma, mɩ bɩ jaŋ bʋl arɩ mɩ bɩŋ jɩŋ.” Kʋkaanaa ma kala bʋl ŋɩɩ tɩtɩa.
Yesu chʋɔlɛ Wɩa Gɛtɩsɛmanɩ lɛ
Mat. 26.36-46; Luuk 22.39-46
32Ŋɩɩ nɛ ba mʋ jʋʋ lee kʋbala baa yɩrɛ Gɛtɩsɛmanɩ. Yesu bʋla pɩ ʋ harɩ-tooroo, “Má hɔŋ daha, ka mɩ mʋ chʋɔlɛ Wɩa aŋ kɔ.” 33Ʋ kɛŋ Pɩɩta arɩ Jeems arɩ Jɔɔŋ a kaa mʋ nɩmɛ. Yesu tʋɔŋ kala chei. Ʋ tʋɔŋ bɩ pɩna. 34Ʋ bʋla pɩ ʋ harɩ-tooroo, “Mɩ tʋɔŋ kala nɛ cheye a magɛ dɩ mɩ sʋʋ. Má hɔnɔ pɔ daha.”
35Ba hɔŋ. Ka ʋ sʋʋsa mʋ sɩpaaŋ mʋa a tuu kpirimi tinteeŋ a sʋl Wɩa a bʋl dɩ ʋ nɛ kɛŋ wombiiŋ, dɩ ʋ sɩ́ leŋe dɩ wɩɩ-la jʋʋ-ʋ lɛ 36a bɩra bʋl, “Mɩ Nyɩmma, ŋ jaŋ wuo ŋaa wɩɩkala, lɩɩsɛ hɛɛ-la sɩɩ kɔ mɩ lɛ. Ama mɩ-na ŋ-la tʋɔtɔrʋŋ lɛ dee, ŋ-na tʋɔtɔrʋŋ lɛ nɛ.”
37Ʋ chʋɔla dɛrɛ aŋ sii kɔ ʋ harɩ-tooroo teeŋ dɩ ba pɩŋ doŋ. Ŋɩɩ nɛ ʋ pɩɛsɛ Pɩɩta, “Ŋ pɩna nɛɛ? Ŋ bɩ doŋ mʋapɩlɩɩ ma wuo bɛrɛɛ yi hawa kʋbalaa? 38Má chʋɔlɛ Wɩa aŋ pʋpɔ, dɩ Sɩtaanɩ nɛ kʋ magɩsɛma dɩ ʋ sɩ́ ma wuo. Ma tʋɔŋ lɛ ma cho dɩ ma ŋaa wʋzɔŋŋɔɔ, aŋ ka ma bɩ doluŋ kɛnɛ.” 39Ʋ bɩra mʋ a chʋɔlɛ Wɩa a bɩra bʋl ŋɩɩ tɩtɩa. 40Ʋ mɩɩra kɔ dɩ ba bɩra pɩŋ doŋ, bɛɛ wɩaa doŋ kɛmba nɛ woruŋ. Ba bɩ jɩŋ ba sɩ jaŋ bʋl wɩɩ-la kala a pʋ. 41Ʋ mɩɩra mʋ torimuŋ aŋ kʋ pɩɛsɛba, “Ma ha pɩnaa wiesi nɛɛ? Ʋ maga nɛ má sii, bʋa-la yie nɛ. Ma bee na, ba jaŋ kɛŋ mɩ-na, Nuhuobiine Bie a pɩ wʋbɔŋ ŋaaraa. 42Má sii dɩ la mʋ. Nɩɩ-la sɩ jaŋ jommi yallɛ ka kɔ nɛ.”
Ba kɛŋ Yesu
Mat. 26.47-56; Luuk 22.47-53; Jɔɔŋ 18.3-12
43Yesu ha bɩ wɩaa bʋla dɛrɛ, dɩ Judas nɩɩ kɔ ŋɩɩ. Ʋ fa ŋaa Yesu harɩ-tooro-la fii arɩ balɩa dɔŋɔ nɛ. Nɩaa yʋga a tuto ʋ harɩŋ, dɔnsʋŋ kori tokobiee arɩ toŋguloo. Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba arɩ ba taŋ kʋhɩasɩŋ nɛ tɩmba, ba kɔ. 44Zɛmbɛ tɩɩna-la fa pɩ nɩalɩŋ magɩl nɛ, “Nɩɩ-la mɩ sɩ mʋ guori, ʋ nɛ ŋɩɩ. Má kɛnʋ.” 45Judas sɩ yi lee-la Yesu sɩ hɛ, ʋ mʋ ʋ teeŋ tegi tegi aŋ bʋl, “La Kʋhɩaŋ!” aŋ guoru. 46Ba kala gurigu a kɛnʋ. 47Ka nɩaa chɩna bibeŋ. Ba tʋɔŋ dɔŋɔ lɩɩsɛ ʋ tokobiiŋ, a ta nʋʋ dɩgɩlɩŋ keri. Nɩɩ-la fa ŋaa Wɩɩsʋllɩ sɩpaalaaraa kʋhɩaŋ dɩa yoŋ nɛ. 48Ŋɩɩ nɛ Yesu pɩɛsɛba, “Mɩ ŋaa wʋcheeru nɛ ma sii paa tokobiee arɩ toŋguloo a kʋkɔ dɩ ma kɛmmɛɛ? 49Tapʋlɩɩ kala nɛ mɩ dɩ ma yie hɛ Wɩa dɩɩ-balɩŋ lɛ, mɩ dagɛ Wɩa wɩaa a pɩpɩma, ka ma bɩ mɩ kɛmmɛ nɩmɛ. Ama wɩalɩŋ kala ba sɩ ŋmʋnsa Wɩa teniŋ tʋɔŋ a tɩgɛ mɩ lɛ, maga dɩ ba ŋaa nɛ.” 50Ŋɩɩ nɛ ʋ harɩ-tooroo kala vɩaʋ aŋ fá.
51Ka bapʋɔsɩɩ kʋbala baagɛ gɛrɩ-bɔsɔ a tuto Yesu harɩŋ a mʋmʋ. Baa walɩmɛ dɩ ba kɛnʋ. 52Ama ʋ wuri gɛrɩ-bɔsɔ-la a ta aŋ kɛŋ yarɩ-biree fá viiri.
Ba kɛŋ Yesu kaa mʋ Wɩɩsʋllɩ sɩpaalaaraa kʋhɩaŋ teeŋ
Mat. 26.57-68; Luuk 22.54-55, 63-71; Jɔɔŋ 18.13-14, 19-24
53Ba kɛŋ Yesu a kaa mʋ Wɩɩsʋllɩ sɩpaalaaraa kʋhɩaŋ teeŋ. Ba kɔ nɩmɛ dɩ Wɩɩsʋllɩ sɩpaalaaraa kʋhɩasɩŋ arɩ ba Wɩɩchʋɔlɛ hɩasɩŋ arɩ Wɩa teniŋ kerichiba kala hilime. 54Ba kɛnʋ mʋmʋ ŋɩɩ, ka Pɩɩta daa tuto ba harɩŋ a mʋ jʋʋ Wɩɩsʋllɩ sɩpaalaaraa kʋhɩaŋ kaala. Ʋ jʋa dɩ nɩalɩŋ sɩɩ pɔ kaala-la hɔnɔ a wiwieni nyiniŋ. Ʋ mʋ pɛ ba lɛ.
55Ŋɩɩ nɛ Wɩɩsʋllɩ sɩpaalaaraa kʋhɩasɩ-la arɩ nɩalɩŋ kala sɩ yie hilime vʋvʋʋrɛ wɩaa chɩchɛ dɩ ba na Yesu sɩ ŋaa wɩɩ-la chei dɩ ba kpʋʋ a chɛ wɩɩ ka. 56Nɩaa yʋga a nyɩɛ wɩaa pʋ. Ama ba bʋl nii-lɩɛrɩŋ nɛ, ba bɩ nii-bala bʋla. 57Ŋɩɩ nɛ nɩaa dɔnsʋŋ sii chɩŋ a nyɩɛ wɩaa pʋpʋ, 58“La nɩa arɩ Yesu sɩ ʋ jaŋ ŋmoo Wɩa dɩɩ-bal-la nɩaa sɩ saa a lo aŋ bɩra wuo saa ʋ dɔŋɔ tapʋlaa batori chɛɛŋ, dɩ nɩaa dee bɩ jaŋ saa dɩa-la-na.” 59Ama ba wɩalɩŋ kala bɩ kʋbala ŋaa. 60Ŋɩɩ nɛ Wɩɩsʋllɩ sɩpaalaaraa kʋhɩaŋ sii lɩɩ chɩŋ nɩalɩŋ tʋtʋɔbaanɩŋ a pɩɛsɛ Yesu, “Ŋ bɩ nɩa nɩaa deemba sɩ bʋl wɩalɩŋ a tɩgɛ ŋ lɛɛ? Ŋ-na bɩ wɩɩ kɛnɛ ŋ sɩ jaŋ bʋl?” 61Ŋɩɩ nɛ Yesu tɔrɛ ʋ niiŋ. Ʋ bɩ wɩɩkala bʋla. Ŋɩɩ nɛ baal-la bɩra pɩɛsʋ, “Ŋ nɛ ŋaa Kirisito, Nɩɩ-la Wɩa sɩ lɩɩsa? Ŋ nɛ Wɩa Biee?” 62Ŋɩɩ nɛ Yesu bʋl, “Mɩ-na nɛ. Ma jaŋ na mɩ-na Nuhuobiine Bie dɩ mɩ hɔŋ Wɩa doluŋ kala Tɩɩna nadiiŋ sɛmɛ, nɩduoŋ dɩhɔnʋŋ, a to duoŋ-bɩlɩmbaanaa tʋɔŋ a kʋʋ tuu.” 63Ʋ bʋl ŋɩɩ, baal-la kɛŋ ʋ gɛnnɩŋ kaa kɩɛsɛ aŋ bʋl, “Ʋ bɩ maga dɩ la bɩra chɛ pɛ-naaraa. 64Ma kala bɩ nɩa ʋ sɩ chei Wɩa yɩrɩŋ ŋɩɩ? Bɛɛ nɛ ma bɩɩnɛ?” Ŋɩɩ nɛ nɩalɩŋ kala bʋl dɩ ʋ cheye nɛ, ʋ maga dɩ ba kpʋʋ nɛ. 65Dɔnsʋŋ ma sii a tʋ nantʋɔrʋŋ a hɛ ʋ sɩaa lɛ aŋ vɔɔ ʋ sɩaa tɔ a ŋmobu aŋ bʋla pʋ dɩ ʋ dagɛ nɩɩ-la sɩ ŋmobu. Ŋɩɩ nɛ ka ba kɛnʋ kaa mʋ pɩ laalɩyuoroo. Ba laaʋ a ŋmobu.
Pɩɩta bʋla arɩ ʋ bɩ Yesu jɩŋ
Mat. 26.69-75; Luuk 22.56-62; Jɔɔŋ 18.15-18, 25-27
66Pɩɩta sɩ hɔŋ kaala-la lɛ, ŋɩɩ nɛ Wɩɩsʋllɩ sɩpaalaaraa kʋhɩaŋ dɩa tɩntɩnnɩ-tolo kʋbala kʋ lɩɩ 67a na Pɩɩta dɩ ʋ hɔnɔ a wiwieni nyiniŋ. Ʋ benu woruŋ aŋ bʋla pʋ, “Ŋ ma faa to Yesu harɩŋ nɛ, baal-la sɩ lɩɩ Nazarɛt.” 68Ŋɩɩ nɛ Pɩɩta nyɩɛ wɩaa, “Mɩ bɩ Yesu jɩŋ. Mɩ bɩ wɩɩ-la ŋ sɩ paala bʋbʋl jɩŋ,” aŋ sii lɩɩ chɩŋ zawʋra tʋɔŋ. 69Pɩɩta sɩ chɩŋ nɩmɛ, ŋɩɩ nɛ tɩntɩnnɩ-tolo bɩra naʋ a bʋla pɩ nɩalɩŋ sɩ chɩna kpagʋ, “Baala deeŋ ma ŋaa Yesu harɩ-tooro-la dɔŋɔ nɛ.” 70Pɩɩta bɩra nyɩɛ wɩaa a bʋl dɩ ʋ dee. Mʋasʋa nɩalɩŋ sɩ chɩŋ nɩmɛ ma bʋla pʋ, “Wʋtɩtɩɩ nɛ, ŋ ma ŋaa ba dɔŋɔ nɛ, ŋ lɩɩ Galilii nɛ.” 71Ŋɩɩ nɛ Pɩɩta ŋmɩɛsɛ a bʋl, “Mɩ bɩ baala deeŋ jɩŋ.” 72Ʋ sɩ bʋl ŋɩɩ dɛrɛ dɩ ji-bele yele lɩamɩŋ lɛ. Pɩɩta liisi wɩɩ-la Yesu sɩ bʋla pʋ arɩ ʋ jaŋ nyɩɛ wɩaa a tɩgɛ ʋ lɛ naansɩɩŋ butori, ka dɩ ji-bele-na yel naansɩɩŋ bʋlɩa. Ʋ kɛŋ nyuŋ gʋrɛ a yiyel.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014