Maak 3
3
Yesu vaarɛ baala nɩsɩŋ sɩ sʋba
Mat. 12.9-14; Luuk 6.6-11
1Yesu sii a mɩɩra mʋ jʋʋ Wɩɩchʋɔlɛ dɩa, dɩ baal kʋbala nɛ ŋɩɩ. Ʋ nɩsɩŋ sʋʋ. 2Ba sɩ na Yesu dɩ ʋ jʋa, ba kala chaarɛ sɩaa a bibenu dɩ ba na arɩ ʋ jaŋ vaarɛ baal-la chɛ-wiesii-la chɛɛŋ. Baa chɛ dɩ ba na wɩɩ nɛ a to ŋɩɩ lɛ a kɛŋ Yesu a bʋl ʋ teeŋ dɩ ʋ chei ba kɩsɩŋ lɛ nɛ. 3Ŋɩɩ nɛ Yesu bʋl na-sʋʋ-la tɩɩna lɛ, “Sii kʋ chɩŋ nɩalɩŋ kala sɩpaaŋ.” Ʋ sii mʋ. 4Ŋɩɩ nɛ Yesu pɩɛsɛ nɩalɩŋ, “Ɛɛ nɛ wɩalɩŋ Mosis sɩ ŋmʋnsa bil dɩ la tuto dagɛ arɩ la ŋɩŋaa chɛ-wiesii-la chɛɛŋ? Dɩ la pɩpɛ nɩaa lɛ koo dɩ la dʋdɔgɩsɛba? Dɩ la laa nɩaa mɩɩsɩŋ tɩta koo dɩ la kpʋkpʋba?” Ʋ sɩ pɩɛsɛ ŋɩɩ, ba ŋaa fʋɩɩ. 5Ŋɩɩ nɛ Yesu na baanɩŋ ba nyuŋ a gɩɛnɛba. Ʋ tʋɔŋ chei a tɩŋ ba dɩgɩlɩŋ-bɩnɩɩ wɩaa. Ŋɩɩ nɛ ʋ bʋla pɩ na-sʋʋ-la tɩɩna, “Kɛŋ ŋ nɩsɩŋ tɩɛnɛ.” Ʋ kaa tɩɛnɛ. Ʋ nɩsɩ-la fɩɛlɛ a nagɛ ʋ nagɩŋ.
6Ŋɩɩ nɛ Farisii tɩŋŋaa sii lɩɩ. Ba dɩ Hɛrɔd nɩaa mʋ vʋʋrɛ ŋɩɩ ba sɩ jaŋ ŋaa a kpʋ Yesu.
Nɩ-daŋ to Yesu harɩŋ
7Yesu arɩ ʋ harɩ-tooroo sii a mʋ mʋgʋ-balɩŋ niiŋ. Nɩaa yʋgɛ a lɩɩ Galilii tinteeŋ a to ba harɩŋ. Dɔnsʋŋ ma lɩɩ Judiya tinteeŋ, 8dɔnsʋŋ ma lɩɩ Jerusalɛm arɩ Idumiya tinteeŋ. Dɔnsʋŋ ma lɩɩ Jɔdaŋ fuo-la cholo. Dɔnsʋŋ ma lɩɩ Taaya arɩ Sɩdɔŋ tinteeŋ. Nɩaa deemba kala fa nɩɩ Yesu wɩaa nɛ a lɩɩ ba tasɩŋ a kʋkɔ ʋ teeŋ. 9Ŋɩɩ nɛ ʋ bʋla pɩ ʋ harɩ-tooro-la dɩ ba mʋ joŋ lɩɩŋ daboro a kaa kʋ kɩɩ lɩɩŋ niiŋ dɩ ʋ jʋʋ, dɩ nɩalɩŋ sɩ́ kʋ jugulu. 10Yesu fa vaarɛ nɩaa a yʋgɛ. Ŋɩɩ wɩaa nyanyal tɩŋŋaa kala kʋ gollu chu a wʋwalɩmɛ dɩ ba digu. 11Jɩŋ-bɔŋŋɔɔ fa kɛŋ nɩalɩŋ dɔnsʋŋ nɛ. Dɩ ba nɛ na Yesu kala, ba yie kʋ tel ʋ sɩpaaŋ a chɩchɩɩrɛ a bʋl, “Ŋ nɛ ŋaa Wɩa Bie.” 12Ʋ bʋla pɩba arɩ sɩɩfɩɛsɩŋ dɩ ba sɩ́ leŋe dɩ nɩaa jɩŋ nɩɩ-la ʋ sɩ ŋaa.
Yesu tʋɔsɛ ʋ harɩ-tooroo fii arɩ balɩa
Mat. 10.1-4; Luuk 6.12-16
13Yesu sii a mʋ lee-la sɩ kɛŋ peelee a yɩrɛ nɩalɩŋ ʋ sɩɩ chɛ, ba mʋ ʋ teeŋ. 14Ʋ bɩra lɩɩsɛ ba tʋɔŋ nɩaa fii arɩ balɩa dɩ ba nɛ hɛ ʋ teeŋ. Ʋ lɩɩsɛba ŋɩɩ dɩ ʋ tɩmba dɩ ba mʋ bʋl Wɩa wɩaa nɛ. 15Ʋ pɩba doluŋ ma dɩ ba wuo kikiri jɩnsɩŋ nɩaa lɛ. 16Nɩalɩŋ fii arɩ balɩa yɩraa nɛ ŋ-la: Saamɔŋ, Yesu nɛ hɛ Pɩɩta pʋ, 17Zebidi nanʋala Jeems arɩ ʋ naambie Jɔɔŋ. Yesu kɛmba kaa yɩrɛ Bʋanaajɩs (Yɩrɩ-la bʋbʋɔŋ nɛ duoŋ kpɩala). 18Ba kʋkaanaa ma nɛ ŋ-la: Anduru, Fɩlɩp, Batolomi, Matiu, Tɔmas arɩ Alɩfɩyas nanʋala Jeems, Tadɩyas, Saamɔŋ Zɛlɔt 19arɩ Judas Ɩsɩkarɔt, nɩɩ-la sɩ yallɛ Yesu.
Yesu magɛ namaga a mʋ tɩgɛ Sɩtaanɩ lɛ
Mat. 12.22-32; Luuk 11.14-23; 12.10
20Ŋɩɩ nɛ Yesu mʋ dɩa, nɩaa bɩra kʋ hilimi. Ʋ dɩ ʋ harɩ-tooroo paala bɩ chɩnɩŋ na dɩ ba dii kʋdiilee. 21Ŋɩɩ nɛ ʋ dɩa nɩaa nɩɩ a sii lɩɩ dɩ ba kɛnʋ aŋ bʋl, “Ʋʋ nyaasɛ nɛ.”
22Wɩa teniŋ kerichiba-la sɩ lɩɩ Jerusalɛm kɔ ma bʋl, “Jɩnsɩŋ kala kuoro ba sɩɩ yɩrɛ Bɛlizibul nɛ kɛnʋ. Ʋ nɛ pʋ doluŋ ʋ kikiri jɩnsɩŋ nɩaa lɛ ŋɩɩ.”
23Ŋɩɩ nɛ Yesu yɩrɛba a magɛ namagaba a pɩpɩba a bʋl, “Ɛɛ nɛ Sɩtaanɩ jaŋ wuo ŋaa a kiri ʋ tɩtɩa? 24Dɩ tinteeŋ nɩaa nɛ hɛ nɩmɛ a bɩ nii-bala kɛnɛ, ba taŋ jaŋ tel. 25Dɩ dɩa nɩaa ma nɛ hɛ nɩmɛ a bɩ nii-bala kɛnɛ, ba dɩa jaŋ tel. 26Dɩ Sɩtaanɩ arɩ ʋ harɩbaa nɛ gʋra yuyuo dɔŋɔ, ʋ bɩ jaŋ kɛŋ dɩchɩnɩŋ, ʋ wɩɩkala jaŋ dɛrɛ. 27Nʋʋ tuo sɩ jaŋ jʋʋ nɩduoŋ dɩa a gaa ʋ kɩaa see dɩ ʋ kɛŋ nɩduo-la vɔɔ bil aŋ-na jʋʋ paa ʋ kɩaa.”
28Ŋɩɩ nɛ Yesu bɩra bʋla pɩ nɩaa, “Wʋtɩtɩɩ nɛ mɩ bʋlaa pɩma, dɩ nɩaa nɛ ŋaa wʋbɔŋŋɔɔ kala aŋ pɛ tʋʋsɛ Wɩa joŋŋoo ma, Wɩa jaŋ wuo joŋ ba kala chɛba. 29Ama dɩ nʋʋ nɛ tʋʋsɛ Wɩa Dɩŋ-zɔmʋŋ joŋŋoo, Wɩa bɩ jaŋ joŋo chɛʋ da. Ʋ tɩɩna ŋaa wʋbɔŋ nɛ a kaa mʋ wuu.”
30Yesu bʋl ŋɩɩ, bɛɛ wɩaa nɩalɩŋ dɔnsʋŋ fa sɩ, “Jɩŋ-bɔmʋŋ nɛ kɛnʋ.”
Yesu naaŋ arɩ ʋ naambiiriŋ kɔ ʋ teeŋ
Mat. 12.46-50; Luuk 8.19-21
31Ŋɩɩ nɛ Yesu naaŋ arɩ ʋ naambiiriŋ kɔ a chɩŋ dɩ-jalɩŋ aŋ tɩŋ dɩ ba yɩrʋ. 32Dɩ nɩ-daŋ hɔnɔ gollu a chu. Ŋɩɩ nɛ ba bʋla pʋ, “Ŋ naaŋ arɩ ŋ naambiiriŋ nɛ chɩŋ jeeŋ harɩŋ aa chɛŋ.”
33Ŋɩɩ nɛ Yesu mɩɩra pɩɛsɛ, “Kʋbɛɛ ba nɛ ŋaa mɩ naaŋ arɩ mɩ naambiiriŋ?”
34Ʋ mɩɩra beŋ nɩalɩŋ sɩ hɔnɔ gollu chu aŋ bʋla pɩba, “Mɩ naaŋ arɩ mɩ naambiiriŋ nɛ ŋ-la: 35Nɩɩ-la kala sɩɩ ŋaa wɩalɩŋ Wɩa sɩ cho, ʋ nɛ ŋaa mɩ naambie arɩ mɩ dɩhaala arɩ mɩ naaŋ.”
Currently Selected:
Maak 3: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
Maak 3
3
Yesu vaarɛ baala nɩsɩŋ sɩ sʋba
Mat. 12.9-14; Luuk 6.6-11
1Yesu sii a mɩɩra mʋ jʋʋ Wɩɩchʋɔlɛ dɩa, dɩ baal kʋbala nɛ ŋɩɩ. Ʋ nɩsɩŋ sʋʋ. 2Ba sɩ na Yesu dɩ ʋ jʋa, ba kala chaarɛ sɩaa a bibenu dɩ ba na arɩ ʋ jaŋ vaarɛ baal-la chɛ-wiesii-la chɛɛŋ. Baa chɛ dɩ ba na wɩɩ nɛ a to ŋɩɩ lɛ a kɛŋ Yesu a bʋl ʋ teeŋ dɩ ʋ chei ba kɩsɩŋ lɛ nɛ. 3Ŋɩɩ nɛ Yesu bʋl na-sʋʋ-la tɩɩna lɛ, “Sii kʋ chɩŋ nɩalɩŋ kala sɩpaaŋ.” Ʋ sii mʋ. 4Ŋɩɩ nɛ Yesu pɩɛsɛ nɩalɩŋ, “Ɛɛ nɛ wɩalɩŋ Mosis sɩ ŋmʋnsa bil dɩ la tuto dagɛ arɩ la ŋɩŋaa chɛ-wiesii-la chɛɛŋ? Dɩ la pɩpɛ nɩaa lɛ koo dɩ la dʋdɔgɩsɛba? Dɩ la laa nɩaa mɩɩsɩŋ tɩta koo dɩ la kpʋkpʋba?” Ʋ sɩ pɩɛsɛ ŋɩɩ, ba ŋaa fʋɩɩ. 5Ŋɩɩ nɛ Yesu na baanɩŋ ba nyuŋ a gɩɛnɛba. Ʋ tʋɔŋ chei a tɩŋ ba dɩgɩlɩŋ-bɩnɩɩ wɩaa. Ŋɩɩ nɛ ʋ bʋla pɩ na-sʋʋ-la tɩɩna, “Kɛŋ ŋ nɩsɩŋ tɩɛnɛ.” Ʋ kaa tɩɛnɛ. Ʋ nɩsɩ-la fɩɛlɛ a nagɛ ʋ nagɩŋ.
6Ŋɩɩ nɛ Farisii tɩŋŋaa sii lɩɩ. Ba dɩ Hɛrɔd nɩaa mʋ vʋʋrɛ ŋɩɩ ba sɩ jaŋ ŋaa a kpʋ Yesu.
Nɩ-daŋ to Yesu harɩŋ
7Yesu arɩ ʋ harɩ-tooroo sii a mʋ mʋgʋ-balɩŋ niiŋ. Nɩaa yʋgɛ a lɩɩ Galilii tinteeŋ a to ba harɩŋ. Dɔnsʋŋ ma lɩɩ Judiya tinteeŋ, 8dɔnsʋŋ ma lɩɩ Jerusalɛm arɩ Idumiya tinteeŋ. Dɔnsʋŋ ma lɩɩ Jɔdaŋ fuo-la cholo. Dɔnsʋŋ ma lɩɩ Taaya arɩ Sɩdɔŋ tinteeŋ. Nɩaa deemba kala fa nɩɩ Yesu wɩaa nɛ a lɩɩ ba tasɩŋ a kʋkɔ ʋ teeŋ. 9Ŋɩɩ nɛ ʋ bʋla pɩ ʋ harɩ-tooro-la dɩ ba mʋ joŋ lɩɩŋ daboro a kaa kʋ kɩɩ lɩɩŋ niiŋ dɩ ʋ jʋʋ, dɩ nɩalɩŋ sɩ́ kʋ jugulu. 10Yesu fa vaarɛ nɩaa a yʋgɛ. Ŋɩɩ wɩaa nyanyal tɩŋŋaa kala kʋ gollu chu a wʋwalɩmɛ dɩ ba digu. 11Jɩŋ-bɔŋŋɔɔ fa kɛŋ nɩalɩŋ dɔnsʋŋ nɛ. Dɩ ba nɛ na Yesu kala, ba yie kʋ tel ʋ sɩpaaŋ a chɩchɩɩrɛ a bʋl, “Ŋ nɛ ŋaa Wɩa Bie.” 12Ʋ bʋla pɩba arɩ sɩɩfɩɛsɩŋ dɩ ba sɩ́ leŋe dɩ nɩaa jɩŋ nɩɩ-la ʋ sɩ ŋaa.
Yesu tʋɔsɛ ʋ harɩ-tooroo fii arɩ balɩa
Mat. 10.1-4; Luuk 6.12-16
13Yesu sii a mʋ lee-la sɩ kɛŋ peelee a yɩrɛ nɩalɩŋ ʋ sɩɩ chɛ, ba mʋ ʋ teeŋ. 14Ʋ bɩra lɩɩsɛ ba tʋɔŋ nɩaa fii arɩ balɩa dɩ ba nɛ hɛ ʋ teeŋ. Ʋ lɩɩsɛba ŋɩɩ dɩ ʋ tɩmba dɩ ba mʋ bʋl Wɩa wɩaa nɛ. 15Ʋ pɩba doluŋ ma dɩ ba wuo kikiri jɩnsɩŋ nɩaa lɛ. 16Nɩalɩŋ fii arɩ balɩa yɩraa nɛ ŋ-la: Saamɔŋ, Yesu nɛ hɛ Pɩɩta pʋ, 17Zebidi nanʋala Jeems arɩ ʋ naambie Jɔɔŋ. Yesu kɛmba kaa yɩrɛ Bʋanaajɩs (Yɩrɩ-la bʋbʋɔŋ nɛ duoŋ kpɩala). 18Ba kʋkaanaa ma nɛ ŋ-la: Anduru, Fɩlɩp, Batolomi, Matiu, Tɔmas arɩ Alɩfɩyas nanʋala Jeems, Tadɩyas, Saamɔŋ Zɛlɔt 19arɩ Judas Ɩsɩkarɔt, nɩɩ-la sɩ yallɛ Yesu.
Yesu magɛ namaga a mʋ tɩgɛ Sɩtaanɩ lɛ
Mat. 12.22-32; Luuk 11.14-23; 12.10
20Ŋɩɩ nɛ Yesu mʋ dɩa, nɩaa bɩra kʋ hilimi. Ʋ dɩ ʋ harɩ-tooroo paala bɩ chɩnɩŋ na dɩ ba dii kʋdiilee. 21Ŋɩɩ nɛ ʋ dɩa nɩaa nɩɩ a sii lɩɩ dɩ ba kɛnʋ aŋ bʋl, “Ʋʋ nyaasɛ nɛ.”
22Wɩa teniŋ kerichiba-la sɩ lɩɩ Jerusalɛm kɔ ma bʋl, “Jɩnsɩŋ kala kuoro ba sɩɩ yɩrɛ Bɛlizibul nɛ kɛnʋ. Ʋ nɛ pʋ doluŋ ʋ kikiri jɩnsɩŋ nɩaa lɛ ŋɩɩ.”
23Ŋɩɩ nɛ Yesu yɩrɛba a magɛ namagaba a pɩpɩba a bʋl, “Ɛɛ nɛ Sɩtaanɩ jaŋ wuo ŋaa a kiri ʋ tɩtɩa? 24Dɩ tinteeŋ nɩaa nɛ hɛ nɩmɛ a bɩ nii-bala kɛnɛ, ba taŋ jaŋ tel. 25Dɩ dɩa nɩaa ma nɛ hɛ nɩmɛ a bɩ nii-bala kɛnɛ, ba dɩa jaŋ tel. 26Dɩ Sɩtaanɩ arɩ ʋ harɩbaa nɛ gʋra yuyuo dɔŋɔ, ʋ bɩ jaŋ kɛŋ dɩchɩnɩŋ, ʋ wɩɩkala jaŋ dɛrɛ. 27Nʋʋ tuo sɩ jaŋ jʋʋ nɩduoŋ dɩa a gaa ʋ kɩaa see dɩ ʋ kɛŋ nɩduo-la vɔɔ bil aŋ-na jʋʋ paa ʋ kɩaa.”
28Ŋɩɩ nɛ Yesu bɩra bʋla pɩ nɩaa, “Wʋtɩtɩɩ nɛ mɩ bʋlaa pɩma, dɩ nɩaa nɛ ŋaa wʋbɔŋŋɔɔ kala aŋ pɛ tʋʋsɛ Wɩa joŋŋoo ma, Wɩa jaŋ wuo joŋ ba kala chɛba. 29Ama dɩ nʋʋ nɛ tʋʋsɛ Wɩa Dɩŋ-zɔmʋŋ joŋŋoo, Wɩa bɩ jaŋ joŋo chɛʋ da. Ʋ tɩɩna ŋaa wʋbɔŋ nɛ a kaa mʋ wuu.”
30Yesu bʋl ŋɩɩ, bɛɛ wɩaa nɩalɩŋ dɔnsʋŋ fa sɩ, “Jɩŋ-bɔmʋŋ nɛ kɛnʋ.”
Yesu naaŋ arɩ ʋ naambiiriŋ kɔ ʋ teeŋ
Mat. 12.46-50; Luuk 8.19-21
31Ŋɩɩ nɛ Yesu naaŋ arɩ ʋ naambiiriŋ kɔ a chɩŋ dɩ-jalɩŋ aŋ tɩŋ dɩ ba yɩrʋ. 32Dɩ nɩ-daŋ hɔnɔ gollu a chu. Ŋɩɩ nɛ ba bʋla pʋ, “Ŋ naaŋ arɩ ŋ naambiiriŋ nɛ chɩŋ jeeŋ harɩŋ aa chɛŋ.”
33Ŋɩɩ nɛ Yesu mɩɩra pɩɛsɛ, “Kʋbɛɛ ba nɛ ŋaa mɩ naaŋ arɩ mɩ naambiiriŋ?”
34Ʋ mɩɩra beŋ nɩalɩŋ sɩ hɔnɔ gollu chu aŋ bʋla pɩba, “Mɩ naaŋ arɩ mɩ naambiiriŋ nɛ ŋ-la: 35Nɩɩ-la kala sɩɩ ŋaa wɩalɩŋ Wɩa sɩ cho, ʋ nɛ ŋaa mɩ naambie arɩ mɩ dɩhaala arɩ mɩ naaŋ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014