JENESIS 15
15
1Ragi edaku ki naleo maga wanogoe navasaana ki Yehovah e umai paki Abram navunusiana sikai, po noa, P̃a ta mataku mau, Abram; kinau a pei nakokoro anigo, go namoriana warua liu anigo. 2Go Abram e noa, Talakeagu Yehovah O, p̃a wo dua au nasava? Go kinau a pano a dika natugu, go tea waina ega wo pei talakea ni nasum̃a aginau e pei Damaseko Elieser. 3Go Abram e noa, P̃a leo, ku da dua au te natugu mau: go p̃a leo, tea waina e pakilina nasum̃a aginau e peani p̃aumaso aginau. 4Go p̃a leo, navasaana ki Yehovah e umai paki nia, po noa, Naatam̃oli wanogoe ega wo da peani p̃aumaso anigo mau; ma tea waina ega wo dave m̃elu dua ki namaritam̃a nae ega wo peani p̃aumaso anigo. 5Go e piragi a paki katama, po noa, P̃a leo paki nakoroatelagi, po peve m̃asoe maga, ku pe veve atae ra: go e noa ki nia, e naga, naworaworam̃a euga wo dapalana. 6Go e saralomau Yehovah; go e midoa ki nia naga ega maneana pei namarinaleoleanaana. 7Go e noa ki nia, e naga, Kinau a pei Yehovah waina e piragi lua ko m̃elu dua ki Ur ki Kaldea maga umai, naga aga tua ko navanua waia naga p̃a veani a. 8Go e noa, Talakeagu Yehovah O, aga atae dapale sava naga aga wo peani a? 9Go e noa ki nia, e naga, P̃a maginau puati kau goroi sikai ni natau dolu, go naninani goroi sikai ni natau dolu, go shiip anoai sikai ni natau dolu, go turi sikai, go tokopea vusavusa sikai. 10Go e maneana puati tea mamau puti wanogoe, po dap̃orae ra m̃aleoputo, po doropusi sara matele eu doko pisari matele kerua kakada: ma e da dap̃orae manu mau. 11Go manu seresere eu siwo umai paki nalo mate maga wanogoe, go Abram e suipuro ra pano. 12Go ragi waina elo e m̃aladigi musu, namaturuana warua sikai e dowo Abram; go p̃a leo, namatakuana warua sikai ni namaligo warua e dowo asa. 13Go e noa ki Abram, e naga, P̃a atae m̃ata ki nia naga naworaworam̃a euga wo pei nam̃enaki atatoko navanua sikai waina e da pei tea adeada mau, po madeada suasua; go euga wo mari ra euga wo dogokitesa natau p̃onotia pati; 14Go nalauna wanogoe ma, waina euga wo maneana suasua, aga wo pasap̃otae a: go euga wo edaku m̃elu dua ki nia umai po dape naloriki laapa umai. 15Ma nigo p̃a wo pa punusi tamam̃a maga natam̃ateana; p̃a wo pei tea ovakiana ragi waina p̃a wo kapuara p̃ia. 16Go tagona kevati euga wo liliu umai paki nea: nalakena namarinaleotageleana ki naworawora ni Amor e ko da pura ragi waia mau. 17Go e pakilina, naga, ragi waina elo e musu, go e maligo, p̃a leo, m̃oru ni upu asua sikai, go nasulu soro sikai waina e duaduru namawota ni matele maga wanogoe pano. 18Naaleatia wanogoe Yehovah e mari navasasokiana sikai paki Abram, po noa, A po dua naworaworam̃a navanua waia, pae noaisara ni Ityipt pa pa paki noaisara warua, noaisara Eufrates: 19Naworawora ni Kain, go naworawora ni Kenis, go naworawora ni Kadmon, 20Go naworawora ni Heth, go naworawora ni Peris, 21go naworawora ni Refaim, Go naworawora ni Amor, go naworawora ni Kanaan, go naworawora ni Cirkash, go naworawora ni Yebus.
Currently Selected:
JENESIS 15: NTB
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific
JENESIS 15
15
1Ragi edaku ki naleo maga wanogoe navasaana ki Yehovah e umai paki Abram navunusiana sikai, po noa, P̃a ta mataku mau, Abram; kinau a pei nakokoro anigo, go namoriana warua liu anigo. 2Go Abram e noa, Talakeagu Yehovah O, p̃a wo dua au nasava? Go kinau a pano a dika natugu, go tea waina ega wo pei talakea ni nasum̃a aginau e pei Damaseko Elieser. 3Go Abram e noa, P̃a leo, ku da dua au te natugu mau: go p̃a leo, tea waina e pakilina nasum̃a aginau e peani p̃aumaso aginau. 4Go p̃a leo, navasaana ki Yehovah e umai paki nia, po noa, Naatam̃oli wanogoe ega wo da peani p̃aumaso anigo mau; ma tea waina ega wo dave m̃elu dua ki namaritam̃a nae ega wo peani p̃aumaso anigo. 5Go e piragi a paki katama, po noa, P̃a leo paki nakoroatelagi, po peve m̃asoe maga, ku pe veve atae ra: go e noa ki nia, e naga, naworaworam̃a euga wo dapalana. 6Go e saralomau Yehovah; go e midoa ki nia naga ega maneana pei namarinaleoleanaana. 7Go e noa ki nia, e naga, Kinau a pei Yehovah waina e piragi lua ko m̃elu dua ki Ur ki Kaldea maga umai, naga aga tua ko navanua waia naga p̃a veani a. 8Go e noa, Talakeagu Yehovah O, aga atae dapale sava naga aga wo peani a? 9Go e noa ki nia, e naga, P̃a maginau puati kau goroi sikai ni natau dolu, go naninani goroi sikai ni natau dolu, go shiip anoai sikai ni natau dolu, go turi sikai, go tokopea vusavusa sikai. 10Go e maneana puati tea mamau puti wanogoe, po dap̃orae ra m̃aleoputo, po doropusi sara matele eu doko pisari matele kerua kakada: ma e da dap̃orae manu mau. 11Go manu seresere eu siwo umai paki nalo mate maga wanogoe, go Abram e suipuro ra pano. 12Go ragi waina elo e m̃aladigi musu, namaturuana warua sikai e dowo Abram; go p̃a leo, namatakuana warua sikai ni namaligo warua e dowo asa. 13Go e noa ki Abram, e naga, P̃a atae m̃ata ki nia naga naworaworam̃a euga wo pei nam̃enaki atatoko navanua sikai waina e da pei tea adeada mau, po madeada suasua; go euga wo mari ra euga wo dogokitesa natau p̃onotia pati; 14Go nalauna wanogoe ma, waina euga wo maneana suasua, aga wo pasap̃otae a: go euga wo edaku m̃elu dua ki nia umai po dape naloriki laapa umai. 15Ma nigo p̃a wo pa punusi tamam̃a maga natam̃ateana; p̃a wo pei tea ovakiana ragi waina p̃a wo kapuara p̃ia. 16Go tagona kevati euga wo liliu umai paki nea: nalakena namarinaleotageleana ki naworawora ni Amor e ko da pura ragi waia mau. 17Go e pakilina, naga, ragi waina elo e musu, go e maligo, p̃a leo, m̃oru ni upu asua sikai, go nasulu soro sikai waina e duaduru namawota ni matele maga wanogoe pano. 18Naaleatia wanogoe Yehovah e mari navasasokiana sikai paki Abram, po noa, A po dua naworaworam̃a navanua waia, pae noaisara ni Ityipt pa pa paki noaisara warua, noaisara Eufrates: 19Naworawora ni Kain, go naworawora ni Kenis, go naworawora ni Kadmon, 20Go naworawora ni Heth, go naworawora ni Peris, 21go naworawora ni Refaim, Go naworawora ni Amor, go naworawora ni Kanaan, go naworawora ni Cirkash, go naworawora ni Yebus.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific