JENESIS 21
21
1Go Yehovah e umai punusi Sarah dakiusi waina e noa e, go Yehovah e mari paki Sarah dakiusi waina e pasa asa. 2Go Sarah e diena, po magi Abraham ragi waina e pei tea matua e maneana dape natuna naanoai sikai ragi tatutakiana waina Sup̃e e noa ki nia asa. 3Go Abraham e soso nagisa ni natuna naanoai waina e maneana pakilina, waina Sarah e maneana dape a, ki Isaak. 4Go Abraham e dovadavivi natuna naanoai Isaak ragi waina e pei tea ni naaleatia latolu, dakiusi waina Sup̃e e dip̃aki nia asa. 5Go Abraham e pei tea ni natau p̃onotia sikai, ragi waina natuna naanoai Isaak e maneana pakilina. 6Go Sarah e noa, Sup̃e e po mari au a muru; tea mamau puti waina eu dogo e euga wo muru sikoti au. 7Go e noa, Sei e noa ki Abraham naga Sarah ega wo pakasusu ki natuna maga? Nalakena a po maneana dape natuna naanoai sikai ragi waina e pei tea matua.
8Go piakiki wanogoe e atum̃aki, po pei tea vasue‐susu‐ana: go Abraham e mari nakaniana warua sikai naaleatia waina Isaak e pei tea vasuesusu‐ana. 9Go Sarah e punusi natu ni Hakar nagoroi ni Ityipt, waina e magi Abraham dape a, e mari saudoa. 10Go e noa ki Abraham, e naga, P̃a tip̃aki lua tea suasua nagoroi waia go natuna: nalakena natu ni tea suasua nagoroi waia ega ta peani p̃aumaso sikoti natugu Isaak mau. 11Go naleo wanogoe e sa p̃arua namata ni Abraham nalakena natuna. 12Go Sup̃e e noa ki Abraham, e naga, Ega ta sa namatam̃a mau nalakena natureai, go nalakena tea suasua nagoroi anigo; tea mamau puti waina Sarah e noa ki‐go asa, p̃a rogo parati ki nadaleona asa; nalakena naworaworam̃a euga vei tea sosoana pae Isaak. 13Go aga wo mari tea suasua nagoroi natuna naanoai ega wo pei nalauna, nalakena e pei natum̃a. 14Go Abraham e duleana malip̃ogi sa, po dape bred go nawili sikai ni noai, po dua Hakar asa, e doropusi a napauna, go piakiki, po dip̃aki lua e: go e pano, po surata pasap̃o masop̃alo ni Beer‐sheba. 15Go noai waina e doko nawili e nopu, go e doropusi piakiki nalake nakau kiki maga sikai kakada. 16Go e pano, po do natano kivea ki nia e madu uvea ki nia, e dapala natipe‐ki‐nalua‐ana sikai: nalakena e noa, Aga ta punusi namateana ki piakiki mau. Go e do natano kivea ki nia, po sike nadaleona, po dagi. 17Go Sup̃e e dogo nadaleo ni natureai; go agelo ki Yehovah e pioso pae nakoroatelagi paki Hakar, po noa ki nia, e naga, Nasava e mari ko, Hakar? P̃a ta mataku mau; nalakena Sup̃e e po dogo nadaleo ni natureai tokora waina e doko asa. 18P̃a tuleana, po sike natureai, po silae a ki nam̃elearum̃a; nalakena aga wo mari a ega wo pei nalauna warua sikai. 19Go Sup̃e e p̃olagati namatana, go e punusi m̃oru noai sikai; go e pano, po pakavuro nawili ki noai, po dua natureai e munu. 20Go Sup̃e e doko sikoti natureai, go e atum̃aki; go e doko masop̃alo doko, po pei tea tape naasu. 21Go e doko masop̃alo ni Paran doko: go p̃ilana e maneana piragi nagoroi sikai pae navanua ni Ityipt.
22Go e pakilina ragi wanogoe, naga Abimelek go Fikol tea maraki taua ni naatam̃oli aneana maga ero pasa ki Abraham, po noa, Sup̃e e sikoti ko doko tea mamau puti waina nigo ku do mari a: 23Go ragi waia p̃a vivisa paki nau pae Sup̃e tokora waia naga p̃a wo da soro au mau, go natugu mau, go natu ni natugu mau: ma dakiusi nadodomiana waina a po mari a paki‐go, p̃a mari a paki nau, go paki navanua waina ku po m̃enaki atatoko asa. 24Go Abraham e noa, Kinau aga wo pivisa. 25Go Abraham e pasa kasua ki Abimelek nalakena m̃oru noai, waina tea suasua maga ki Abimelek eu dape lua pavakoto asa. 26Go Abimelek e noa, A da atae naata waina e po mari naleo wanogoe mau: go nigo ku da noakisai au asa mau, go kinau a da dogo e mau pa pa masoso. 27Go Abraham e puati shiip maga go kau maga, po dua Abimelek ara; go nara dua ero mari navasasokiana sikai. 28Go Abraham e lawo ki shiip natuda goroi larua ni navata eu doko mamau. 29Go Abimelek e noa ki Abraham, e naga, Shiip natuda goroi larua wanae waina ku po lawo ki da eu doko mamau eu pei nasava? 30Go e noa, Shiip natuda goroi larua wanae p̃a tape lua ra ki nam̃elearugu, naga ega maginau pei nanoasokisokiana sikai, naga a kili m̃oru noai waia. 31Nalakena tea wanogoe e soso tokora wanogoe ki Beer‐sheba; nalakena nara dua ero pivisa tokora wanogoe. 32Go ero mari navasasokiana sikai Beer‐sheba: go Abimelek e duleana, nara ma Fikol tea maraki taua ni naatam̃oli navakalo aneana maga, go ero liliu paki navanua ki Filistine maga. 33Go e lawo nakau tamarisk sikai Beer‐sheba, po soso nagisa ni Yehovah, Sup̃e waina e du du po du mau du, tokora wanogoe. 34Go Abraham e m̃enaki atatoko navanua ki Filistine maga naaleatia laapa.
Currently Selected:
JENESIS 21: NTB
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific
JENESIS 21
21
1Go Yehovah e umai punusi Sarah dakiusi waina e noa e, go Yehovah e mari paki Sarah dakiusi waina e pasa asa. 2Go Sarah e diena, po magi Abraham ragi waina e pei tea matua e maneana dape natuna naanoai sikai ragi tatutakiana waina Sup̃e e noa ki nia asa. 3Go Abraham e soso nagisa ni natuna naanoai waina e maneana pakilina, waina Sarah e maneana dape a, ki Isaak. 4Go Abraham e dovadavivi natuna naanoai Isaak ragi waina e pei tea ni naaleatia latolu, dakiusi waina Sup̃e e dip̃aki nia asa. 5Go Abraham e pei tea ni natau p̃onotia sikai, ragi waina natuna naanoai Isaak e maneana pakilina. 6Go Sarah e noa, Sup̃e e po mari au a muru; tea mamau puti waina eu dogo e euga wo muru sikoti au. 7Go e noa, Sei e noa ki Abraham naga Sarah ega wo pakasusu ki natuna maga? Nalakena a po maneana dape natuna naanoai sikai ragi waina e pei tea matua.
8Go piakiki wanogoe e atum̃aki, po pei tea vasue‐susu‐ana: go Abraham e mari nakaniana warua sikai naaleatia waina Isaak e pei tea vasuesusu‐ana. 9Go Sarah e punusi natu ni Hakar nagoroi ni Ityipt, waina e magi Abraham dape a, e mari saudoa. 10Go e noa ki Abraham, e naga, P̃a tip̃aki lua tea suasua nagoroi waia go natuna: nalakena natu ni tea suasua nagoroi waia ega ta peani p̃aumaso sikoti natugu Isaak mau. 11Go naleo wanogoe e sa p̃arua namata ni Abraham nalakena natuna. 12Go Sup̃e e noa ki Abraham, e naga, Ega ta sa namatam̃a mau nalakena natureai, go nalakena tea suasua nagoroi anigo; tea mamau puti waina Sarah e noa ki‐go asa, p̃a rogo parati ki nadaleona asa; nalakena naworaworam̃a euga vei tea sosoana pae Isaak. 13Go aga wo mari tea suasua nagoroi natuna naanoai ega wo pei nalauna, nalakena e pei natum̃a. 14Go Abraham e duleana malip̃ogi sa, po dape bred go nawili sikai ni noai, po dua Hakar asa, e doropusi a napauna, go piakiki, po dip̃aki lua e: go e pano, po surata pasap̃o masop̃alo ni Beer‐sheba. 15Go noai waina e doko nawili e nopu, go e doropusi piakiki nalake nakau kiki maga sikai kakada. 16Go e pano, po do natano kivea ki nia e madu uvea ki nia, e dapala natipe‐ki‐nalua‐ana sikai: nalakena e noa, Aga ta punusi namateana ki piakiki mau. Go e do natano kivea ki nia, po sike nadaleona, po dagi. 17Go Sup̃e e dogo nadaleo ni natureai; go agelo ki Yehovah e pioso pae nakoroatelagi paki Hakar, po noa ki nia, e naga, Nasava e mari ko, Hakar? P̃a ta mataku mau; nalakena Sup̃e e po dogo nadaleo ni natureai tokora waina e doko asa. 18P̃a tuleana, po sike natureai, po silae a ki nam̃elearum̃a; nalakena aga wo mari a ega wo pei nalauna warua sikai. 19Go Sup̃e e p̃olagati namatana, go e punusi m̃oru noai sikai; go e pano, po pakavuro nawili ki noai, po dua natureai e munu. 20Go Sup̃e e doko sikoti natureai, go e atum̃aki; go e doko masop̃alo doko, po pei tea tape naasu. 21Go e doko masop̃alo ni Paran doko: go p̃ilana e maneana piragi nagoroi sikai pae navanua ni Ityipt.
22Go e pakilina ragi wanogoe, naga Abimelek go Fikol tea maraki taua ni naatam̃oli aneana maga ero pasa ki Abraham, po noa, Sup̃e e sikoti ko doko tea mamau puti waina nigo ku do mari a: 23Go ragi waia p̃a vivisa paki nau pae Sup̃e tokora waia naga p̃a wo da soro au mau, go natugu mau, go natu ni natugu mau: ma dakiusi nadodomiana waina a po mari a paki‐go, p̃a mari a paki nau, go paki navanua waina ku po m̃enaki atatoko asa. 24Go Abraham e noa, Kinau aga wo pivisa. 25Go Abraham e pasa kasua ki Abimelek nalakena m̃oru noai, waina tea suasua maga ki Abimelek eu dape lua pavakoto asa. 26Go Abimelek e noa, A da atae naata waina e po mari naleo wanogoe mau: go nigo ku da noakisai au asa mau, go kinau a da dogo e mau pa pa masoso. 27Go Abraham e puati shiip maga go kau maga, po dua Abimelek ara; go nara dua ero mari navasasokiana sikai. 28Go Abraham e lawo ki shiip natuda goroi larua ni navata eu doko mamau. 29Go Abimelek e noa ki Abraham, e naga, Shiip natuda goroi larua wanae waina ku po lawo ki da eu doko mamau eu pei nasava? 30Go e noa, Shiip natuda goroi larua wanae p̃a tape lua ra ki nam̃elearugu, naga ega maginau pei nanoasokisokiana sikai, naga a kili m̃oru noai waia. 31Nalakena tea wanogoe e soso tokora wanogoe ki Beer‐sheba; nalakena nara dua ero pivisa tokora wanogoe. 32Go ero mari navasasokiana sikai Beer‐sheba: go Abimelek e duleana, nara ma Fikol tea maraki taua ni naatam̃oli navakalo aneana maga, go ero liliu paki navanua ki Filistine maga. 33Go e lawo nakau tamarisk sikai Beer‐sheba, po soso nagisa ni Yehovah, Sup̃e waina e du du po du mau du, tokora wanogoe. 34Go Abraham e m̃enaki atatoko navanua ki Filistine maga naaleatia laapa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific