JENESIS 29
29
1Go Yakob e surata pano, po umai paki navanua ki naka ni ist. 2Go e leo punusi, po p̃a leo m̃oru noai sikai e doko namalasi, go p̃a leo, navata dolu ni shiip eu one pisari a tokora wanogoe; nalakena eu dua navata maga eu munu noai ni m̃oru noai wanogoe: go vatu waina e one nawoka ni m̃oru noai e p̃arua. 3Go navata mamau puti eu pei tea saisaikiana paki tokora wanogoe: go eu malulua ki vatu m̃elu dua ki nawoka ni m̃oru noai, po dua shiip maga eu munu, po moro doropusi vatu naliana nawoka ni m̃oru noai. 4Go Yakob e noa ki da, e naga, Taigu maga, nimu ku pei tea ni esava? Go eu noa, Kinami au pei tea ni Haran. 5Go e noa ki da, e naga, Ku atae Laban natu ni Nahor kite? Go eu noa, Au atae a. 6Go e noa ki da, e naga, Nae e p̃ia kite? Go eu noa, E p̃ia: go p̃a leo, natuna Rahel e puati shiip maga umai. 7Go e noa, P̃a leo, naaleatia e ko parau doko, go e ko da pei ragi waina katel maga euga vei tea saisaikiana mau: kuga tua shiip maga euga munu, go kuga vano po dua ra euga kanikani. 8Go eu noa, Au marisa mari a, pa pa navata mamau puti eu pei tea saisaikiana, go eu malulua ki vatu m̃elu dua ki nawoka ni m̃oru noai; ragi wanogoe au dua shiip maga eu munu. 9Ragi waina e ko do pasa ki da, Rahel e umai e puati shiip maga ki tamana; nalakena nae e leo parati ki da. 10Go e pakilina, ragi waina Yakob e punusi Rahel natu ni Laban gore ni p̃ilana, go shiip maga ki Laban gore ni p̃ilana, naga Yakob e paki m̃aladigi, po malulua ki vatu m̃elu dua ki nawoka ni m̃oru noai, po dua navata ki Laban gore ni p̃ilana eu munu. 11Go Yakob e dum̃ili Rahel, po sike nadaleona, po dagi. 12Go Yakob e noakisai Rahel naga nae e pei tai ni tamana, go naga nae e pei natu ni Rebekah: go e sava po noakisai tamana asa. 13Go e pakilina, ragi waina Laban e dogo narogorogoana ni Yakob natu ni gorena, naga e sava naga ega sua e, po doti a, po dum̃ili a, po piragi a umai paki nasum̃a aneana. Go e dogorogo paki Laban ki naleo mamau puti wanogoe. 14Go Laban e noa ki nia, e naga, Ku pei navatugu go nap̃okasigu lomau. Go e doko sikoti a doko atelagi sikai. 15Go Laban e noa ki Yakob, e naga, Nalakena ku pei taigu, p̃a wo maginau suasua m̃oli kite? P̃a noakisai au, namoriana anigo ega vei nasava? 16Go Laban e peani natuna nagoroi dua: nagisa ni tea takalapa Leah, go nagisa ni tea takariki Rahel. 17Go namata ni Leah e manainai; ma Rahel e pei tea lom̃atakiana nap̃atokona go naraena. 18Go Yakob e dodomi Rahel; go e noa, Aga wo manigo suasua natau larua raki Rahel natum̃a takariki. 19Go Laban e noa, A pe tua naatam̃oli p̃ota asa e pe wia kiki, a pe tua ko asa e pe wia p̃arua: p̃a toko sikoti au doko. 20Go Yakob e suasua natau larua raki Rahel; go eu dakiusi naaleatia visa maau namatana, nalakena nadodomiana aneana paki nia. 21Go Yakob e noa ki Laban, e naga, P̃a tua au nagoroi aginau, nalakena naaleatia aginau maga eu nopu, naga aga va punusi a. 22Go Laban e piragi saisai ki puti naatam̃oli maga ni tokora wanogoe, po mari nakaniana sikai. 23Go e pakilina ragi waina e maligo, naga e puati natuna Leah po piragi a umai punusi a; go e pa punusi a. 24Go Laban e pitua ki tea suasua nagoroi aneana Silpah paki natuna Leah naga ega vei tea suasua nagoroi aneana. 25Go e pakilina malip̃ogi naga, p̃a leo, nae e pei Leah: go e noa ki Laban, e naga, Nasava waia ku po mari a paki nau? A da manigo suasua raki Rahel kite? Go ekasana ku po soro au? 26Go Laban e noa, Eu da mari dapala nogoe tokora aginami mau, naga euga vitua ki tea takariki ega vea ki tea takalapa. 27P̃a vakavuro wiik ki tea waia, go auga wo moro dua ko kerua nalakena nasuasuaana waina p̃a wo moro maginau suasua asa natau larua kerua. 28Go Yakob e mari dapala nogoe, po pakavuro wiik aneana: go e dua e natuna Rahel naga ega vei anagoroi. 29Go Laban e dua natuna Rahel tea suasua nagoroi aneana Bilhah naga ega vei tea suasua nagoroi aneana. 30Go e moro pa punusi Rahel, go e dodomi p̃arua ki Rahel, e dodomi kiki ki Leah, go e ko maneana suasua natau larua kerua.
31Go Yehovah e punusi naga Leah e pei tea vilosiana, go e p̃olagati nap̃elena: ma Rahel e dim̃o. 32Go Leah e diena, po dape natuna naanoai sikai, go e soso nagisana ki Reuben: nalakena e noa, Nalakena Yehovah e po punusi narogokitesaana aginau; nalakena ragi waia naanoai aginau ega wo dodomi au. 33Go e moro diena, po dape natuna naanoai sikai; po noa, Nalakena Yehovah e dogo naga a pei tea vilosiana, go e po moro dua au tea waia; go e soso nagisana ki Simeon. 34Go e moro diena, po dape natuna naanoai sikai; po noa, Sala waia naanoai aginau ega wo puluti au, nalakena a po maneana dape natuna naanoai dolu: nalakena tea wanogoe nagisana e pei tea sosoana ki Levi. 35Go e moro diena, po dape natuna naanoai sikai: go e noa, Sala waia aga wo samasamani Yehovah: nalakena tea wanogoe e soso nagisana ki Yudah; go e makoto ki natapeana.
Currently Selected:
JENESIS 29: NTB
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific
JENESIS 29
29
1Go Yakob e surata pano, po umai paki navanua ki naka ni ist. 2Go e leo punusi, po p̃a leo m̃oru noai sikai e doko namalasi, go p̃a leo, navata dolu ni shiip eu one pisari a tokora wanogoe; nalakena eu dua navata maga eu munu noai ni m̃oru noai wanogoe: go vatu waina e one nawoka ni m̃oru noai e p̃arua. 3Go navata mamau puti eu pei tea saisaikiana paki tokora wanogoe: go eu malulua ki vatu m̃elu dua ki nawoka ni m̃oru noai, po dua shiip maga eu munu, po moro doropusi vatu naliana nawoka ni m̃oru noai. 4Go Yakob e noa ki da, e naga, Taigu maga, nimu ku pei tea ni esava? Go eu noa, Kinami au pei tea ni Haran. 5Go e noa ki da, e naga, Ku atae Laban natu ni Nahor kite? Go eu noa, Au atae a. 6Go e noa ki da, e naga, Nae e p̃ia kite? Go eu noa, E p̃ia: go p̃a leo, natuna Rahel e puati shiip maga umai. 7Go e noa, P̃a leo, naaleatia e ko parau doko, go e ko da pei ragi waina katel maga euga vei tea saisaikiana mau: kuga tua shiip maga euga munu, go kuga vano po dua ra euga kanikani. 8Go eu noa, Au marisa mari a, pa pa navata mamau puti eu pei tea saisaikiana, go eu malulua ki vatu m̃elu dua ki nawoka ni m̃oru noai; ragi wanogoe au dua shiip maga eu munu. 9Ragi waina e ko do pasa ki da, Rahel e umai e puati shiip maga ki tamana; nalakena nae e leo parati ki da. 10Go e pakilina, ragi waina Yakob e punusi Rahel natu ni Laban gore ni p̃ilana, go shiip maga ki Laban gore ni p̃ilana, naga Yakob e paki m̃aladigi, po malulua ki vatu m̃elu dua ki nawoka ni m̃oru noai, po dua navata ki Laban gore ni p̃ilana eu munu. 11Go Yakob e dum̃ili Rahel, po sike nadaleona, po dagi. 12Go Yakob e noakisai Rahel naga nae e pei tai ni tamana, go naga nae e pei natu ni Rebekah: go e sava po noakisai tamana asa. 13Go e pakilina, ragi waina Laban e dogo narogorogoana ni Yakob natu ni gorena, naga e sava naga ega sua e, po doti a, po dum̃ili a, po piragi a umai paki nasum̃a aneana. Go e dogorogo paki Laban ki naleo mamau puti wanogoe. 14Go Laban e noa ki nia, e naga, Ku pei navatugu go nap̃okasigu lomau. Go e doko sikoti a doko atelagi sikai. 15Go Laban e noa ki Yakob, e naga, Nalakena ku pei taigu, p̃a wo maginau suasua m̃oli kite? P̃a noakisai au, namoriana anigo ega vei nasava? 16Go Laban e peani natuna nagoroi dua: nagisa ni tea takalapa Leah, go nagisa ni tea takariki Rahel. 17Go namata ni Leah e manainai; ma Rahel e pei tea lom̃atakiana nap̃atokona go naraena. 18Go Yakob e dodomi Rahel; go e noa, Aga wo manigo suasua natau larua raki Rahel natum̃a takariki. 19Go Laban e noa, A pe tua naatam̃oli p̃ota asa e pe wia kiki, a pe tua ko asa e pe wia p̃arua: p̃a toko sikoti au doko. 20Go Yakob e suasua natau larua raki Rahel; go eu dakiusi naaleatia visa maau namatana, nalakena nadodomiana aneana paki nia. 21Go Yakob e noa ki Laban, e naga, P̃a tua au nagoroi aginau, nalakena naaleatia aginau maga eu nopu, naga aga va punusi a. 22Go Laban e piragi saisai ki puti naatam̃oli maga ni tokora wanogoe, po mari nakaniana sikai. 23Go e pakilina ragi waina e maligo, naga e puati natuna Leah po piragi a umai punusi a; go e pa punusi a. 24Go Laban e pitua ki tea suasua nagoroi aneana Silpah paki natuna Leah naga ega vei tea suasua nagoroi aneana. 25Go e pakilina malip̃ogi naga, p̃a leo, nae e pei Leah: go e noa ki Laban, e naga, Nasava waia ku po mari a paki nau? A da manigo suasua raki Rahel kite? Go ekasana ku po soro au? 26Go Laban e noa, Eu da mari dapala nogoe tokora aginami mau, naga euga vitua ki tea takariki ega vea ki tea takalapa. 27P̃a vakavuro wiik ki tea waia, go auga wo moro dua ko kerua nalakena nasuasuaana waina p̃a wo moro maginau suasua asa natau larua kerua. 28Go Yakob e mari dapala nogoe, po pakavuro wiik aneana: go e dua e natuna Rahel naga ega vei anagoroi. 29Go Laban e dua natuna Rahel tea suasua nagoroi aneana Bilhah naga ega vei tea suasua nagoroi aneana. 30Go e moro pa punusi Rahel, go e dodomi p̃arua ki Rahel, e dodomi kiki ki Leah, go e ko maneana suasua natau larua kerua.
31Go Yehovah e punusi naga Leah e pei tea vilosiana, go e p̃olagati nap̃elena: ma Rahel e dim̃o. 32Go Leah e diena, po dape natuna naanoai sikai, go e soso nagisana ki Reuben: nalakena e noa, Nalakena Yehovah e po punusi narogokitesaana aginau; nalakena ragi waia naanoai aginau ega wo dodomi au. 33Go e moro diena, po dape natuna naanoai sikai; po noa, Nalakena Yehovah e dogo naga a pei tea vilosiana, go e po moro dua au tea waia; go e soso nagisana ki Simeon. 34Go e moro diena, po dape natuna naanoai sikai; po noa, Sala waia naanoai aginau ega wo puluti au, nalakena a po maneana dape natuna naanoai dolu: nalakena tea wanogoe nagisana e pei tea sosoana ki Levi. 35Go e moro diena, po dape natuna naanoai sikai: go e noa, Sala waia aga wo samasamani Yehovah: nalakena tea wanogoe e soso nagisana ki Yudah; go e makoto ki natapeana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific