JENESIS 37
37
1Go Yakob e doko navanua ni nam̃enaki‐atatokoana maga ki tamana, navanua ni Kanaan. 2Tea maga waia eu pei navakilinaana maga ni Yakob. Yosef, waina e pei tea ni natau rualima sikai tamate larua, e leo parati ki navata sikoti taina maga; go e pei natureai sikoti Bilhah natuna naanoai dua, go Silpah natuna naanoai dua, tamana anagoroi dua: go Yosef e dape narogorogoana sa adeada umai paki tamada. 3Go Israel e dodomi Yosef, p̃arua liu natuna p̃ota mamau puti, nalakena e pei natu ni navei‐tea‐matuaana aneana: go e maneana mari sugoro oraorana sikai. 4Go taina maga eu punusi naga tamada e dodomi a p̃arua liu taina mamau puti; go eu pilosi a, po marisa pasa dam̃ate ki nia. 5Go Yosef e p̃erea ki nap̃erea sikai, go e noakisai taina maga asa: go eu moro sokari navilosiana adeada paki nia. 6Go e noa ki da, e naga, Kuga rogo, a pavara ni mu asa, nap̃erea waia waina a po p̃erea ki nia: 7Go p̃a leo, nigida tu otisoki napu maga m̃aleoputo ni vanua, go p̃a leo, napu aginau e duleana, go e lawodu; go p̃a leo, napu animu maga eu rumai daliviri, po kolo suai natano paki napu aginau. 8Go taina maga eu noa ki nia, eu naga, P̃a wo pei nawota dap̃au gami kite? P̃a wo maraki gami lomau kite? Go eu moro sokari navilosiana adeada paki nia nalakena nap̃erea aneana maga, go nalakena navasaana aneana maga. 9Go e moro p̃erea ki nap̃erea p̃ota sikai, po noakisai taina maga asa, po naga, P̃a leo, a po moro p̃erea ki nap̃erea sikai; go p̃a leo, elo go atelagi go m̃asoe rualima sikai tamate sikai eu kolo suai natano paki nau. 10Go e noakisai tamana, go taina maga asa; go tamana e pasa kasua ki nia, po noa ki nia, e naga, Nap̃erea wanogoe waina ku po p̃erea ki nia e pei nasava? Kinami ma p̃ilam̃a go taim̃a maga auga wo paloti lomau po suai natano paki‐go kite? 11Go taina maga eu doitoi a; ma tamana e midoakisoki navasaana wanogoe. 12Go taina maga eu pano naga euga leo parati ki navata ki tamada Shekem. 13Go Israel e noa ki Yosef, e naga, Taim̃a maga eu da leo parati ki navata Shekem kite? P̃a umai, go aga wo dip̃aki lua ko pano punusi ra. Go e noa ki nia, e naga, Kinau nea. 14Go e noa ki nia, e naga, P̃a vano, a pavara ni ko asa, po punusi taim̃a maga eu p̃ia doko kite? Go navata eu p̃ia doko kite? Go p̃a moro dape navasaana liliu umai paki nau. Go e dip̃aki lua e m̃elu dua ki nap̃aloa ni Hebron, go e umai paki Shekem. 15Go naatam̃oli sikai e pap̃ai a, go p̃a leo, e do surata sasap̃o namalasi: go naatam̃oli wanogoe e pusuusu paki nia, e naga, Ku laaga nasava? 16Go e noa, Kinau a laaga taigu maga: p̃a noakisai au, a pavara ni ko asa, eu leo parati ki navata esava? 17Go naatam̃oli wanogoe e noa, Eu po m̃elu dua ki tokora waia pano: nalakena a dogo ra eu noa, Tuga vaki Dothan pano. Go Yosef e dausi taina maga pano, po pap̃ai ra Dothan. 18Go eu punusi a uvea, go ragi waina e ko da umai paki m̃aladigi ki da mau, eu seke dip̃a e naga euga mari punue a. 19Go eu dum̃ada noa ki da, eu naga, Kuga leo, tea p̃erea waia e umai. 20Go tea wanogoe kuga umai, go tuga mari punue a, po nadi ki nia paki m̃orutano sikai kakada, go tuga wo noa, Nalo mila sa sikai e po gani a: go tuga wo punusi nap̃erea aneana maga euga wo dapale sava. 21Go Reuben e dogo e, po pualua e m̃elu dua ki nam̃elearuda; po noa, Tuga ta mari punue a mau. 22Go Reuben e noa ki da, e naga, Kuga ta daki nada mau; kuga nadi ki nia paki m̃orutano waia waina e doko masop̃alo, ma kuga ta nadi ki nam̃elearumu asa mau: naga ega vualua e m̃elu dua ki nam̃elearuda, naga ega viragi a liliu umai punusi tamana. 23Go e pakilina ragi waina Yosef e po umai punusi taina maga, naga eu sawolua sugoro ki Yosef, sugoro oraorana waina e suni a; 24Go eu puati a, po nadi ki nia paki m̃orutano wanogoe: go m̃orutano wanogoe e dap̃a, noai e dika asa. 25Go eu do natano naga euga kani navinaga: go eu sike namatada po leo punusi, go p̃a leo, taua surata sikai ni naworawora ni Ishmael eu pae Cilead umai, nara ma kamel adeada maga eu ovaova tea ni nap̃o wia go naroro lolo go napulu lolo, eu do pano naga euga tape a siwo paki Ityipt pano. 26Go Yudah e noa ki taina maga, e naga, Tu pe mari punue taigida po dasuru ki nadana tu pe veani nasava asa? 27Kuga umai, go tuga sori a paki naworawora ni Ishmael, go nam̃elearugida ega ta doko asa mau; nalakena nae e pei taigida, nap̃okasigida. Go taina maga eu dogo parati ki nia. 28Go naatam̃oli seara ni naworawora ni Midian, tea vakokoto maga, eu liu ra pano; go eu puati lua Yosef po dape a sake m̃elu dua ki m̃orutano, po sori Yosef paki naworawora ni Ishmael raki matele ni silver rualima dua. Go eu piragi Yosef paki Ityipt pano. 29Go Reuben e liliu umai paki m̃orutano; go p̃a leo, Yosef e da doko m̃orutano mau; go e puap̃orae sugoro aneana maga. 30Go e liliu umai punusi taina maga, po noa, Piakiki e puoli; go kinau, aga vae esava pano? 31Go eu dape sugoro ki Yosef, po mari punue naninani anoai sikai, po pupugi sugoro ki nadana; 32Go eu dip̃aki lua sugoro oraorana wanogoe, go eu dape e umai dua tamada asa; po noa, Au po pap̃ai tea waia: p̃a leo atae a, e pei sugoro ki natum̃a, kite tea p̃ota? 33Go e leo atae a, po noa, E pei sugoro ki natugu; nalo mila sa sikai e po gani a; Yosef e pei tea katip̃oraworaeana lomau. 34Go Yakob e puap̃orae sugoro aneana maga, po pilake nakulukulu ni sak, po susue natuna naaleatia laapa. 35Go natuna naanoai mamau puti go natuna nagoroi mamau puti eu duleana naga euga vasakorokoro e; ma e karai naga ega vei tea vasakorokoroana; go e noa, Nalakena aga wo susue siwo paki Sheol pano punusi natugu. Go tamana e do dagisi a. 36Go naworawora ni Midian eu sori a paki Ityipt paki Potifar, tasiga sikai ki Faraoh, nap̃au ni tea viviatu maga.
Currently Selected:
JENESIS 37: NTB
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific
JENESIS 37
37
1Go Yakob e doko navanua ni nam̃enaki‐atatokoana maga ki tamana, navanua ni Kanaan. 2Tea maga waia eu pei navakilinaana maga ni Yakob. Yosef, waina e pei tea ni natau rualima sikai tamate larua, e leo parati ki navata sikoti taina maga; go e pei natureai sikoti Bilhah natuna naanoai dua, go Silpah natuna naanoai dua, tamana anagoroi dua: go Yosef e dape narogorogoana sa adeada umai paki tamada. 3Go Israel e dodomi Yosef, p̃arua liu natuna p̃ota mamau puti, nalakena e pei natu ni navei‐tea‐matuaana aneana: go e maneana mari sugoro oraorana sikai. 4Go taina maga eu punusi naga tamada e dodomi a p̃arua liu taina mamau puti; go eu pilosi a, po marisa pasa dam̃ate ki nia. 5Go Yosef e p̃erea ki nap̃erea sikai, go e noakisai taina maga asa: go eu moro sokari navilosiana adeada paki nia. 6Go e noa ki da, e naga, Kuga rogo, a pavara ni mu asa, nap̃erea waia waina a po p̃erea ki nia: 7Go p̃a leo, nigida tu otisoki napu maga m̃aleoputo ni vanua, go p̃a leo, napu aginau e duleana, go e lawodu; go p̃a leo, napu animu maga eu rumai daliviri, po kolo suai natano paki napu aginau. 8Go taina maga eu noa ki nia, eu naga, P̃a wo pei nawota dap̃au gami kite? P̃a wo maraki gami lomau kite? Go eu moro sokari navilosiana adeada paki nia nalakena nap̃erea aneana maga, go nalakena navasaana aneana maga. 9Go e moro p̃erea ki nap̃erea p̃ota sikai, po noakisai taina maga asa, po naga, P̃a leo, a po moro p̃erea ki nap̃erea sikai; go p̃a leo, elo go atelagi go m̃asoe rualima sikai tamate sikai eu kolo suai natano paki nau. 10Go e noakisai tamana, go taina maga asa; go tamana e pasa kasua ki nia, po noa ki nia, e naga, Nap̃erea wanogoe waina ku po p̃erea ki nia e pei nasava? Kinami ma p̃ilam̃a go taim̃a maga auga wo paloti lomau po suai natano paki‐go kite? 11Go taina maga eu doitoi a; ma tamana e midoakisoki navasaana wanogoe. 12Go taina maga eu pano naga euga leo parati ki navata ki tamada Shekem. 13Go Israel e noa ki Yosef, e naga, Taim̃a maga eu da leo parati ki navata Shekem kite? P̃a umai, go aga wo dip̃aki lua ko pano punusi ra. Go e noa ki nia, e naga, Kinau nea. 14Go e noa ki nia, e naga, P̃a vano, a pavara ni ko asa, po punusi taim̃a maga eu p̃ia doko kite? Go navata eu p̃ia doko kite? Go p̃a moro dape navasaana liliu umai paki nau. Go e dip̃aki lua e m̃elu dua ki nap̃aloa ni Hebron, go e umai paki Shekem. 15Go naatam̃oli sikai e pap̃ai a, go p̃a leo, e do surata sasap̃o namalasi: go naatam̃oli wanogoe e pusuusu paki nia, e naga, Ku laaga nasava? 16Go e noa, Kinau a laaga taigu maga: p̃a noakisai au, a pavara ni ko asa, eu leo parati ki navata esava? 17Go naatam̃oli wanogoe e noa, Eu po m̃elu dua ki tokora waia pano: nalakena a dogo ra eu noa, Tuga vaki Dothan pano. Go Yosef e dausi taina maga pano, po pap̃ai ra Dothan. 18Go eu punusi a uvea, go ragi waina e ko da umai paki m̃aladigi ki da mau, eu seke dip̃a e naga euga mari punue a. 19Go eu dum̃ada noa ki da, eu naga, Kuga leo, tea p̃erea waia e umai. 20Go tea wanogoe kuga umai, go tuga mari punue a, po nadi ki nia paki m̃orutano sikai kakada, go tuga wo noa, Nalo mila sa sikai e po gani a: go tuga wo punusi nap̃erea aneana maga euga wo dapale sava. 21Go Reuben e dogo e, po pualua e m̃elu dua ki nam̃elearuda; po noa, Tuga ta mari punue a mau. 22Go Reuben e noa ki da, e naga, Kuga ta daki nada mau; kuga nadi ki nia paki m̃orutano waia waina e doko masop̃alo, ma kuga ta nadi ki nam̃elearumu asa mau: naga ega vualua e m̃elu dua ki nam̃elearuda, naga ega viragi a liliu umai punusi tamana. 23Go e pakilina ragi waina Yosef e po umai punusi taina maga, naga eu sawolua sugoro ki Yosef, sugoro oraorana waina e suni a; 24Go eu puati a, po nadi ki nia paki m̃orutano wanogoe: go m̃orutano wanogoe e dap̃a, noai e dika asa. 25Go eu do natano naga euga kani navinaga: go eu sike namatada po leo punusi, go p̃a leo, taua surata sikai ni naworawora ni Ishmael eu pae Cilead umai, nara ma kamel adeada maga eu ovaova tea ni nap̃o wia go naroro lolo go napulu lolo, eu do pano naga euga tape a siwo paki Ityipt pano. 26Go Yudah e noa ki taina maga, e naga, Tu pe mari punue taigida po dasuru ki nadana tu pe veani nasava asa? 27Kuga umai, go tuga sori a paki naworawora ni Ishmael, go nam̃elearugida ega ta doko asa mau; nalakena nae e pei taigida, nap̃okasigida. Go taina maga eu dogo parati ki nia. 28Go naatam̃oli seara ni naworawora ni Midian, tea vakokoto maga, eu liu ra pano; go eu puati lua Yosef po dape a sake m̃elu dua ki m̃orutano, po sori Yosef paki naworawora ni Ishmael raki matele ni silver rualima dua. Go eu piragi Yosef paki Ityipt pano. 29Go Reuben e liliu umai paki m̃orutano; go p̃a leo, Yosef e da doko m̃orutano mau; go e puap̃orae sugoro aneana maga. 30Go e liliu umai punusi taina maga, po noa, Piakiki e puoli; go kinau, aga vae esava pano? 31Go eu dape sugoro ki Yosef, po mari punue naninani anoai sikai, po pupugi sugoro ki nadana; 32Go eu dip̃aki lua sugoro oraorana wanogoe, go eu dape e umai dua tamada asa; po noa, Au po pap̃ai tea waia: p̃a leo atae a, e pei sugoro ki natum̃a, kite tea p̃ota? 33Go e leo atae a, po noa, E pei sugoro ki natugu; nalo mila sa sikai e po gani a; Yosef e pei tea katip̃oraworaeana lomau. 34Go Yakob e puap̃orae sugoro aneana maga, po pilake nakulukulu ni sak, po susue natuna naaleatia laapa. 35Go natuna naanoai mamau puti go natuna nagoroi mamau puti eu duleana naga euga vasakorokoro e; ma e karai naga ega vei tea vasakorokoroana; go e noa, Nalakena aga wo susue siwo paki Sheol pano punusi natugu. Go tamana e do dagisi a. 36Go naworawora ni Midian eu sori a paki Ityipt paki Potifar, tasiga sikai ki Faraoh, nap̃au ni tea viviatu maga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific