LUKE 4:5-8

Neh, tsh g Jiawul am hahawa shaꞌi si s‑hohtam wuhpuij tahgio wehs i mahsid g kokownaltalig id dahm jewed k ab wui hab ep kaij, “Wehs o ab ni‑mahks ihda gewkdag ch kaisdag ch d ni‑eniga mant wo wa mah mani hedai hab i elid. Kunt wehs ab wo m‑mah mapt ab ni‑wui wo i gehsh k ab wo has ni‑el.” Kush hab kaij g Jesus, “Pi ant hab wo juh. An o hab chuꞌig Jiosh oꞌohana ed: Heg amt waꞌi Jiosh ab wui wo i gehsh k ab wo ihmad ch heg ab wo waꞌi s‑wohog elidad.”