EXODUS 12
12
Usɔrɔ Ŋkaŋa Mbe
1NDIEN Jehovah ɔdɔhɔ Moses ye Aaron ke isɔŋ Egypt, ete, 2Ɔfiɔŋ emi edidi eritɔŋɔ ɔfiɔŋ mbufo: enye edidi akpa ɔfiɔŋ isua mbufo.
3Mbufo edɔhɔ ofuri esop Israel, ete, Ke ɔyɔhɔ usen ɔfiɔŋ emi duop, yak kpukpru owo kiet kiet eda eyen ufene ke idem mmɔ enɔ ufɔk ete, eyen ufene kiet ke ufɔk kiet 4Ndien edieke ufɔk ekpride akan nte adade eyen ufene, yak enye ye mbɔhiduŋ esie eke ekperede ufɔk esie, eda enye nte asaŋade ke ibat ukpɔŋ mmɔ; kpukpru mbufo kiet kiet ebat enɔ eyen ufene nte mmɔ editade. 5Yak eyen ufene mbufo ɔfɔn ama, edi ayara, osim isua kiet: mbufo esioŋo enye edide ke erɔŋ, onyuŋ edide ke ebot. 6Ndien mbufo enim enye tutu osim ke ɔyɔhɔ usen ɔfiɔŋ emi duopenaŋ: ndien yak ofuri otu mbon-esop Israel ewot enye ke mbubreyo. 7Ndien yak mmɔ eda ubak iyip esie, esime ke obubɔk usuŋ edem mbiba, ye ke ibiɔŋ ndori enyin-usuŋ mme ufɔk eke mmɔ editade enye ke esit. 8Ndien yak mmɔ eta unam oro ke okoneyo oro, edifɔp ke ikaŋ, ye uyo eke leaven miduhe; eta enye ekɔrɔ ke ndot-ndot ikɔŋ. 9Ekuta enye ndisi, ekunyuŋ etem ke mmɔŋ, edi efɔp ke ikaŋ; ibuot esie, ye ukot esie, ye nsia esie. 10Ndien mbufo ekuyak ndomo esisit adaŋ esiere usen; edi eda eke ɔsuhɔre esiere usen, efɔp ke ikaŋ ema. 11Ndien ntem ke mbufo edita enye; ebɔbɔ mbɔbɔ mbufo ke isin, esine ikpa-ukot mbufo ke ukot, ye esaŋ ke ubɔk mbufo: ndien mbufo eta enye ke nnyekidem; enye edi passover Jehovah.
12Koro nyesaŋa ke ufɔt isɔŋ Egypt ke okoneyo emi mbe, nyenyuŋ ŋwot kpukpru akpan ke isɔŋ Egypt, ntɔŋɔ ye owo nsim ufene; nnyuŋ mmia kpukpru mme abasi Egypt ufen; ami ndi Jehovah. 13Ndien iyip oro eyedi idiɔŋɔ mbufo ke mme ufɔk eke mbufo edude do: ndien nyekut iyip oro, nnyuŋ mbe mbufo, ufen idinyuŋ isimke mbufo, nte nsobo, ke ini ami ndibiatde isɔŋ Egypt. 14Ndien usen emi eyedi usen eke mbufo etide; mbufo enyuŋ enim enye enɔ Jehovah ke usɔrɔ, ke kpukpru emana mbufo; enim enye ke nsinsi ewuhɔ. 15Mbufo edita uyo eke leaven miduhe ke usen itiaba; esioŋo leaven efep ke ufɔk mbufo ke akpa usen: koro owo ekededi amadia se leaven odude ke esit, toto ke akpa usen tutu osim ke ɔyɔhɔ usen itiaba, eyesibe ukpɔŋ oro efep ke Israel. 16Ndien ke akpa usen mbufo edinim edisana esop, enyuŋ enim edisana esop ke ɔyɔhɔ usen itiaba; mbufo ekunam baba utom ke esit, ke mibɔhɔke se kpukpru owo edidiade, oro ikpɔŋ ke mbufo edinam. 17Mbufo edinyuŋ enim usɔrɔ uyo eke leaven miduhe: koro ke idem usen emi ke ami nsio mme udim mbufo ke isɔŋ Egypt mfep: mbufo enim ndien usen emi ke ofuri emana mbufo ke nsinsi ewuhɔ. 18Ke akpa ɔfiɔŋ, ke ɔyɔhɔ usen ɔfiɔŋ duopenaŋ, ke mbubreyo, ke mbufo edita uyo eke leaven miduhe, tutu osim ɔyɔhɔ usen ɔfiɔŋ edip ye kiet, ke mbubreyo. 19Yak ekukut baba leaven ke ufɔk mbufo ke ofuri usen itiaba: koro owo ekededi ama adia se leaven odude ke esit, eyesibe ukpɔŋ oro efep ke esop nditɔ Israel, 20edide esen owo, onyuŋ edide amana do ke isɔŋ. Mbufo ekuta baba uyo eke leaven esinede; eta uyo eke leaven miduhe, ke kpukpru ebiet iduŋ mbufo.
21Ekem Moses okot kpukpru mbiowo Israel edi, onyuŋ ɔdɔhɔ mmɔ, ete, Mbufo esioŋo eyen ufene nte mme ubon mbufo edide, eda ke idem mbufo, enyuŋ ewot passover emi. 22Enyuŋ eda ebek hyssop, edebi ke iyip eke odude ke usan, eda iyip eke odude ke usan esime ke ibiɔŋ ndori enyin-usuŋ, ye ke enyin-usuŋ ufɔk mbufo, tutu eyo esiere. 23Ndien Jehovah eyesaŋa ebe ndiwot nditɔ Egypt; ndien ke ini enye edikutde iyip ke ibiɔŋ ndori, ye ke obubɔk usuŋ mbiba, Jehovah eyebe enyin-usuŋ oro, idinyuŋ iyakke nsobo oduk ke ufɔk mbufo owot. 24Mbufo enyuŋ enim ŋkpɔ emi ke ewuhɔ fo, ye eke nditɔ fo ke nsinsi. 25Ndien ama ekem, ke adaŋemi mbufo edidukde ke isɔŋ emi Jehovah edinɔde mbufo, kpa nte emi ɔkɔdɔhɔde, mbufo ekpeme ndinam utom emi. 26Ndien ama ekem, ke ini nditɔ mbufo edibupde mbufo, ete, Mbufo enam utom emi ebaŋa nso? 27Ndien mbufo edɔhɔ, ete, Enye edi uwa passover Jehovah, emi ekebede mme ufɔk nditɔ Israel ke Egypt, ke ini enye okowotde nditɔ Egypt, onyuŋ anyaŋade mme ufɔk nnyin. 28Ndien kpukpru owo etuk ibuot, enyuŋ enuhɔ. Ndien nditɔ Israel enyɔŋ, ekenam kpa nte Jehovah eketemede Moses ye Aaron: ntem ke mmɔ enam.
29Edikem ke ufɔt okoneyo, Jehovah owot kpukpru akpan ke isɔŋ Egypt, ɔtɔŋɔde ke akpan Pharaoh, emi etiede ke ebekpo esie, tutu osim akpan ofin eke odude ke obube; ye kpukpru akpa nditɔ ufene. 30Ndien Pharaoh adaha ke enyɔŋ ke okoneyo, enye ye ikɔt esie kpukpru; ye kpukpru nditɔ Egypt; akwa ntuaŋa onyuŋ odu ke Egypt; koro baba ufɔk kiet eke owo mikpaha do, miduhe. 31Ndien enye okot Moses ye Aaron ke okoneyo edi, onyuŋ ɔdɔhɔ, ete, Mbufo ye nditɔ Israel edaha ke enyɔŋ, ewɔŋɔ ke otu mbio-obio mi; enyuŋ eka ekenam ŋkpɔ Jehovah, nte emi mbufo ekedɔhɔde. 32Enyuŋ eda ŋkpri ufene mbufo ye enaŋ mbufo ŋko, nte emi mbufo ekedɔhɔde, eka; enyuŋ ediɔŋ mi ŋko.
33Ndien nditɔ Egypt ekpak mbon oro, ete, ibin mmɔ ewɔŋɔ usɔp-usɔp ke isɔŋ koro mmɔ edɔhɔde ete, Nnyin kpukpru idi mme akpaŋa mkpa. 34Ndien mbio oro emen ebok ndisi uyo mmɔ ke mika-ifutke kaŋa, eda edisine-ŋkpɔ mmɔ ebɔp ke ŋkpɔ-unuak-uyo mmɔ ebiom ke afara mmɔ 35Nditɔ Israel enyuŋ enam ke uyo Moses; mmɔ enyuŋ ebeŋe nditɔ Egypt ŋkpɔ silver, ye ŋkpɔ gold, ye edisine-ŋkpɔ. 36Ndien Jehovah esin nditɔ Egypt enen iso ye mmɔ, enyuŋ enɔ mmɔ ke ima. Ntre ke mmɔ ebume ŋkpɔ nditɔ Egypt.
37Ekem nditɔ Israel edaŋa ke Rameses eka Succoth, esim tɔsin irenowo ke itie ikie itiokiet, emi esaŋade ke ikpat, ibatke nditɔwɔŋ. 38Ndien ŋko mbuaha udim owo esaŋa ye mmɔ edɔk; ye ŋkpri ufene, ye enaŋ, kpa ata ediwak ufene ŋkpɔ eti-eti. 39Mmɔ enyuŋ eda ndisi uyo emi mmɔ ekedade ke Egypt ewɔŋɔ, enam uyo eke leaven miduhe, koro mikofutke; koro ekebinde mmɔ efep ke Egypt, mmɔ mikenyuŋ ikwe nte ebigide; ikenyuŋ itemke udia inɔ idem mmɔ.
40Ndien ediduŋ emi nditɔ Israel ekeduŋde ke Egypt edi isua ikie inaŋ ye edip ye udop. 41Edikem ke akpatre isua emi ɔyɔhɔde ke ikie inaŋ ye edip ye udop, ke idem usen oro, kpukpru mme udim Jehovah eto ke isɔŋ Egypt ewɔŋɔ. 42Enye edi okoneyo eke ekpenimde enɔ Jehovah, koro enye adade mmɔ ke Egypt ɔwɔrɔ; emi edi okoneyo emi kpukpru nditɔ Israel ekpekpemede ke emana mmɔ.
43Ndien Jehovah ɔdɔhɔ Moses ye Aaron, ete, Emi edi ewuhɔ passover: Esen owo ndomo kiet okudia ke esit: 44edi kpukpru ifin eke edepde ke inyene, edieke afo onimde mmɔ mbobi, eyedia ndien ke esit. 45Owo idut, ye owo eke ekpede enye utom, ekudia ke esit. 46Yak edia enye ke ufɔk kiet; ekumen unam oro baba esisit esio ke ufɔk; ekunyuŋ ebuŋ baba ɔkpɔ esie kiet. 47Yak ofuri esop Israel enam enye. 48Ndien ŋko adaŋemi esen owo oduŋde ye afo, onyuŋ oyomde ndinam passover nnɔ Jehovah, yak kpukpru irenowo esie ena mbobi, ndien yak enye asaŋa ekpere anam enye; ndien enye eyetie nte amana do ke isɔŋ: edi edut baba kiet okudia ke esit. 49Yak enim ido kiet, ekpedi amana do, okponyuŋ edi esen owo eke oduŋde ke otu mbufo. 50Ntem ke kpukpru nditɔ Israel enam; nte emi Jehovah eketemede Moses ye Aaron, kpa ntre ke mmɔ enam. 51Ekem ke idem usen oro ke Jehovah osioŋo nditɔ Israel ke mme udim mmɔ efep ke isɔŋ Egypt.
Currently Selected:
EXODUS 12: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
EXODUS 12
12
Usɔrɔ Ŋkaŋa Mbe
1NDIEN Jehovah ɔdɔhɔ Moses ye Aaron ke isɔŋ Egypt, ete, 2Ɔfiɔŋ emi edidi eritɔŋɔ ɔfiɔŋ mbufo: enye edidi akpa ɔfiɔŋ isua mbufo.
3Mbufo edɔhɔ ofuri esop Israel, ete, Ke ɔyɔhɔ usen ɔfiɔŋ emi duop, yak kpukpru owo kiet kiet eda eyen ufene ke idem mmɔ enɔ ufɔk ete, eyen ufene kiet ke ufɔk kiet 4Ndien edieke ufɔk ekpride akan nte adade eyen ufene, yak enye ye mbɔhiduŋ esie eke ekperede ufɔk esie, eda enye nte asaŋade ke ibat ukpɔŋ mmɔ; kpukpru mbufo kiet kiet ebat enɔ eyen ufene nte mmɔ editade. 5Yak eyen ufene mbufo ɔfɔn ama, edi ayara, osim isua kiet: mbufo esioŋo enye edide ke erɔŋ, onyuŋ edide ke ebot. 6Ndien mbufo enim enye tutu osim ke ɔyɔhɔ usen ɔfiɔŋ emi duopenaŋ: ndien yak ofuri otu mbon-esop Israel ewot enye ke mbubreyo. 7Ndien yak mmɔ eda ubak iyip esie, esime ke obubɔk usuŋ edem mbiba, ye ke ibiɔŋ ndori enyin-usuŋ mme ufɔk eke mmɔ editade enye ke esit. 8Ndien yak mmɔ eta unam oro ke okoneyo oro, edifɔp ke ikaŋ, ye uyo eke leaven miduhe; eta enye ekɔrɔ ke ndot-ndot ikɔŋ. 9Ekuta enye ndisi, ekunyuŋ etem ke mmɔŋ, edi efɔp ke ikaŋ; ibuot esie, ye ukot esie, ye nsia esie. 10Ndien mbufo ekuyak ndomo esisit adaŋ esiere usen; edi eda eke ɔsuhɔre esiere usen, efɔp ke ikaŋ ema. 11Ndien ntem ke mbufo edita enye; ebɔbɔ mbɔbɔ mbufo ke isin, esine ikpa-ukot mbufo ke ukot, ye esaŋ ke ubɔk mbufo: ndien mbufo eta enye ke nnyekidem; enye edi passover Jehovah.
12Koro nyesaŋa ke ufɔt isɔŋ Egypt ke okoneyo emi mbe, nyenyuŋ ŋwot kpukpru akpan ke isɔŋ Egypt, ntɔŋɔ ye owo nsim ufene; nnyuŋ mmia kpukpru mme abasi Egypt ufen; ami ndi Jehovah. 13Ndien iyip oro eyedi idiɔŋɔ mbufo ke mme ufɔk eke mbufo edude do: ndien nyekut iyip oro, nnyuŋ mbe mbufo, ufen idinyuŋ isimke mbufo, nte nsobo, ke ini ami ndibiatde isɔŋ Egypt. 14Ndien usen emi eyedi usen eke mbufo etide; mbufo enyuŋ enim enye enɔ Jehovah ke usɔrɔ, ke kpukpru emana mbufo; enim enye ke nsinsi ewuhɔ. 15Mbufo edita uyo eke leaven miduhe ke usen itiaba; esioŋo leaven efep ke ufɔk mbufo ke akpa usen: koro owo ekededi amadia se leaven odude ke esit, toto ke akpa usen tutu osim ke ɔyɔhɔ usen itiaba, eyesibe ukpɔŋ oro efep ke Israel. 16Ndien ke akpa usen mbufo edinim edisana esop, enyuŋ enim edisana esop ke ɔyɔhɔ usen itiaba; mbufo ekunam baba utom ke esit, ke mibɔhɔke se kpukpru owo edidiade, oro ikpɔŋ ke mbufo edinam. 17Mbufo edinyuŋ enim usɔrɔ uyo eke leaven miduhe: koro ke idem usen emi ke ami nsio mme udim mbufo ke isɔŋ Egypt mfep: mbufo enim ndien usen emi ke ofuri emana mbufo ke nsinsi ewuhɔ. 18Ke akpa ɔfiɔŋ, ke ɔyɔhɔ usen ɔfiɔŋ duopenaŋ, ke mbubreyo, ke mbufo edita uyo eke leaven miduhe, tutu osim ɔyɔhɔ usen ɔfiɔŋ edip ye kiet, ke mbubreyo. 19Yak ekukut baba leaven ke ufɔk mbufo ke ofuri usen itiaba: koro owo ekededi ama adia se leaven odude ke esit, eyesibe ukpɔŋ oro efep ke esop nditɔ Israel, 20edide esen owo, onyuŋ edide amana do ke isɔŋ. Mbufo ekuta baba uyo eke leaven esinede; eta uyo eke leaven miduhe, ke kpukpru ebiet iduŋ mbufo.
21Ekem Moses okot kpukpru mbiowo Israel edi, onyuŋ ɔdɔhɔ mmɔ, ete, Mbufo esioŋo eyen ufene nte mme ubon mbufo edide, eda ke idem mbufo, enyuŋ ewot passover emi. 22Enyuŋ eda ebek hyssop, edebi ke iyip eke odude ke usan, eda iyip eke odude ke usan esime ke ibiɔŋ ndori enyin-usuŋ, ye ke enyin-usuŋ ufɔk mbufo, tutu eyo esiere. 23Ndien Jehovah eyesaŋa ebe ndiwot nditɔ Egypt; ndien ke ini enye edikutde iyip ke ibiɔŋ ndori, ye ke obubɔk usuŋ mbiba, Jehovah eyebe enyin-usuŋ oro, idinyuŋ iyakke nsobo oduk ke ufɔk mbufo owot. 24Mbufo enyuŋ enim ŋkpɔ emi ke ewuhɔ fo, ye eke nditɔ fo ke nsinsi. 25Ndien ama ekem, ke adaŋemi mbufo edidukde ke isɔŋ emi Jehovah edinɔde mbufo, kpa nte emi ɔkɔdɔhɔde, mbufo ekpeme ndinam utom emi. 26Ndien ama ekem, ke ini nditɔ mbufo edibupde mbufo, ete, Mbufo enam utom emi ebaŋa nso? 27Ndien mbufo edɔhɔ, ete, Enye edi uwa passover Jehovah, emi ekebede mme ufɔk nditɔ Israel ke Egypt, ke ini enye okowotde nditɔ Egypt, onyuŋ anyaŋade mme ufɔk nnyin. 28Ndien kpukpru owo etuk ibuot, enyuŋ enuhɔ. Ndien nditɔ Israel enyɔŋ, ekenam kpa nte Jehovah eketemede Moses ye Aaron: ntem ke mmɔ enam.
29Edikem ke ufɔt okoneyo, Jehovah owot kpukpru akpan ke isɔŋ Egypt, ɔtɔŋɔde ke akpan Pharaoh, emi etiede ke ebekpo esie, tutu osim akpan ofin eke odude ke obube; ye kpukpru akpa nditɔ ufene. 30Ndien Pharaoh adaha ke enyɔŋ ke okoneyo, enye ye ikɔt esie kpukpru; ye kpukpru nditɔ Egypt; akwa ntuaŋa onyuŋ odu ke Egypt; koro baba ufɔk kiet eke owo mikpaha do, miduhe. 31Ndien enye okot Moses ye Aaron ke okoneyo edi, onyuŋ ɔdɔhɔ, ete, Mbufo ye nditɔ Israel edaha ke enyɔŋ, ewɔŋɔ ke otu mbio-obio mi; enyuŋ eka ekenam ŋkpɔ Jehovah, nte emi mbufo ekedɔhɔde. 32Enyuŋ eda ŋkpri ufene mbufo ye enaŋ mbufo ŋko, nte emi mbufo ekedɔhɔde, eka; enyuŋ ediɔŋ mi ŋko.
33Ndien nditɔ Egypt ekpak mbon oro, ete, ibin mmɔ ewɔŋɔ usɔp-usɔp ke isɔŋ koro mmɔ edɔhɔde ete, Nnyin kpukpru idi mme akpaŋa mkpa. 34Ndien mbio oro emen ebok ndisi uyo mmɔ ke mika-ifutke kaŋa, eda edisine-ŋkpɔ mmɔ ebɔp ke ŋkpɔ-unuak-uyo mmɔ ebiom ke afara mmɔ 35Nditɔ Israel enyuŋ enam ke uyo Moses; mmɔ enyuŋ ebeŋe nditɔ Egypt ŋkpɔ silver, ye ŋkpɔ gold, ye edisine-ŋkpɔ. 36Ndien Jehovah esin nditɔ Egypt enen iso ye mmɔ, enyuŋ enɔ mmɔ ke ima. Ntre ke mmɔ ebume ŋkpɔ nditɔ Egypt.
37Ekem nditɔ Israel edaŋa ke Rameses eka Succoth, esim tɔsin irenowo ke itie ikie itiokiet, emi esaŋade ke ikpat, ibatke nditɔwɔŋ. 38Ndien ŋko mbuaha udim owo esaŋa ye mmɔ edɔk; ye ŋkpri ufene, ye enaŋ, kpa ata ediwak ufene ŋkpɔ eti-eti. 39Mmɔ enyuŋ eda ndisi uyo emi mmɔ ekedade ke Egypt ewɔŋɔ, enam uyo eke leaven miduhe, koro mikofutke; koro ekebinde mmɔ efep ke Egypt, mmɔ mikenyuŋ ikwe nte ebigide; ikenyuŋ itemke udia inɔ idem mmɔ.
40Ndien ediduŋ emi nditɔ Israel ekeduŋde ke Egypt edi isua ikie inaŋ ye edip ye udop. 41Edikem ke akpatre isua emi ɔyɔhɔde ke ikie inaŋ ye edip ye udop, ke idem usen oro, kpukpru mme udim Jehovah eto ke isɔŋ Egypt ewɔŋɔ. 42Enye edi okoneyo eke ekpenimde enɔ Jehovah, koro enye adade mmɔ ke Egypt ɔwɔrɔ; emi edi okoneyo emi kpukpru nditɔ Israel ekpekpemede ke emana mmɔ.
43Ndien Jehovah ɔdɔhɔ Moses ye Aaron, ete, Emi edi ewuhɔ passover: Esen owo ndomo kiet okudia ke esit: 44edi kpukpru ifin eke edepde ke inyene, edieke afo onimde mmɔ mbobi, eyedia ndien ke esit. 45Owo idut, ye owo eke ekpede enye utom, ekudia ke esit. 46Yak edia enye ke ufɔk kiet; ekumen unam oro baba esisit esio ke ufɔk; ekunyuŋ ebuŋ baba ɔkpɔ esie kiet. 47Yak ofuri esop Israel enam enye. 48Ndien ŋko adaŋemi esen owo oduŋde ye afo, onyuŋ oyomde ndinam passover nnɔ Jehovah, yak kpukpru irenowo esie ena mbobi, ndien yak enye asaŋa ekpere anam enye; ndien enye eyetie nte amana do ke isɔŋ: edi edut baba kiet okudia ke esit. 49Yak enim ido kiet, ekpedi amana do, okponyuŋ edi esen owo eke oduŋde ke otu mbufo. 50Ntem ke kpukpru nditɔ Israel enam; nte emi Jehovah eketemede Moses ye Aaron, kpa ntre ke mmɔ enam. 51Ekem ke idem usen oro ke Jehovah osioŋo nditɔ Israel ke mme udim mmɔ efep ke isɔŋ Egypt.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.