EXODUS 6
6
Abasi Ɔsɔŋɔ Ɔŋwɔŋɔ Ndinyaŋa Nditɔ Israel
1NDIEN Jehovah ɔdɔhɔ Moses, ete, Ke emi afo eyekut se ndinamde ye Pharaoh: Koro ɔkpɔsɔŋ ubɔk eyesin enye asana mmɔ ayak, ɔkpɔsɔŋ ubɔk eyenyuŋ esin enye ebin mmɔ ke isɔŋ esie efep.
2Ndien Abasi eneme ye Moses, onyuŋ ɔdɔhɔ enye ete, Ami ndi Jehovah: 3Ŋkonyuŋ ŋwut Abraham, ye Isaac, ye Jacob idem mi, nte Ata Ɔkpɔsɔŋ Abasi; edi mmɔ ikɔfiɔkke enyiŋ mi Jehovah. 4Mma nnyuŋ nnam ediomi mi ye mmɔ ada, nte nyenɔ mmɔ isɔŋ Canaan, isɔŋ idaŋ mmɔ, emi mmɔ ekedaŋde ke esit. 5Ami mmonyuŋ ŋkop eseme nditɔ Israel ŋko, emi Egypt enimde ke ifin: mmonyuŋ nti ediomi mi. 6Dɔhɔ ndien ye nditɔ Israel, ete, Ami ndi Jehovah, nyenyuŋ nnam mbufo ewɔŋɔ ke idak mbiomo Egypt, nnyuŋ nsio mbufo ke ufin mmɔ, nnyuŋ mfak mbufo ke edinyanare ubɔk, ye ke ikpɔ ufen: 7nyenyuŋ nda mbufo nnim ke ikɔt mi, nnyuŋ ndi Abasi mbufo; mbufo eyenyuŋ efiɔk ete ke ami ndi Jehovah Abasi mbufo, emi nsiode mbufo ke idak mbiomɔ Egypt mfep. 8Nyenyuŋ nda mbufo nduk ke isɔŋ oro ŋkɔŋwɔŋɔde mbaŋa, nte, Nyeda enye nnɔ Abraham, ye Isaac, ye Jacob; Nyenyuŋ mmen enye nnɔ mbufo nte eda enyene: ami ndi Jehovah.
9Ndien Moses ɔdɔhɔ ntem ye nditɔ Israel: edi iyaresit ye idiɔk ufin iyakke mmɔ ekop ikɔ Moses.
10Ndien Jehovah ɔdɔhɔ Moses,ete, 11Ka kɔdɔhɔ Pharaoh edidem Egypt, ete enye ayak nditɔ Israel edaŋa ke isɔŋ esie. 12Ndien Moses ɔdɔhɔ ke iso Jehovah, ete, Sese, nditɔ Israel ikopke uyo mi; ndien Pharaoh edinam didie ikop uyo mi, emi ndide edut ke inua? 13Ndien Jehovah eneme ye Moses, ye Aaron, onyuŋ otobo mmɔ etop ke ɔtɔ nditɔ Israel, ye eke Pharaoh edidem Egypt, ete mmɔ esioŋo nditɔ Israel ke isɔŋ Egypt efep.
14Mme mmɔ emi edi mbuot ufɔk mme ete mmɔ nditɔ Reuben, akpan Israel; Hanoch, ye Pallu, ye Hezron, ye Carmi; mme mmɔ emi edi ubon Reuben. 15Nditɔ Simeon ŋko: Jemuel, ye Jamin, ye Ohad, ye Jachin, ye Zohar, ye Shaul eyen aŋwan a Canaan kiet; mme mmɔ emi edi ubon Simeon.
16Mme mmɔ emi ŋko edi nditɔ Levi, ke emana mmɔ; Gershon, ye Kohath, ye Merari. Ndien mme isua uwem Levi edi ikie ye edip ye efureba. 17Nditɔ Gershon: Libni, ye Shimei, nte ubon mmɔ esaŋada. 18Nditɔ Kohath ŋko; Amram, ye Izhar, ye Hebron, ye Uzziel. Ndien mme isua uwen Kohath edi ikie ye edip ye udopeta. 19Nditɔ Merari ŋko; Mahli, ye Mushi; mme mmɔ emi edi ubon Levi, nte mme emana mmɔ esaŋade. 20Edikem Amram ada Jochebed eyen-eka ete esie ke idem esie ɔdɔ; ndien enye aman Aaron ye Moses ɔnɔ enye. Ndien mme isua uwem Amram edi isua ikie ye edip ye efureba. 21Nditɔ Izhar ŋko: Korah, ye Nepheg, ye Zichri. 22Nditɔ Uzziel ŋko: Mishael, ye Elzaphan, ye Sithri. 23Ndien Aaron ada Elisheba, eyen Amminadab, eyen-eka Nashon, ke idem esie ɔdɔ: ndien enye aman Nadab, ye Abihu, ye Eleazar, ye Ithamar ɔnɔ enye. 24Nditɔ Korah ŋko: Assir, ye Elkanah, ye Abiasaph; mme mmɔ emi edi ubon mme Korahite. 25Ekem Eleazaar eyen Aaron ada eyen Putiel aŋwan kiet ke idem esie ɔdɔ; ndien enye aman Phinehas ɔnɔ enye; mme mmɔ emi edi mbuot mme ete Levi, nte ubon mmɔ esaŋade.
26Mme mmɔ emi edi Aaron ye Moses emi Jehovah ɔkɔdɔhɔde mmɔ, ete esioŋo nditɔ Israel efep ke isɔŋ Egypt, ke mme udim mmɔ. 27Edi mme mmɔ emi ekedɔhɔ ye Pharaoh edidem Egypt, ete esioŋo nditɔ Israel ke Egypt: mme mmɔ emi edi Moses ye Aaron.
28Ekem ke usen Jehovah ɔdɔhɔde ye Moses ke Egypt, ndien Jehovah ɔdɔhɔ Moses, ete, 29Ami ndi Jehovah: men kpukpru se ami ntiŋde nnɔ fi, tiŋ nɔ Pharaoh edidem Egypt. 30Ndien Moses ɔdɔhɔ ke iso Jehovah, ete, Sese ami ndi edut ke inua, ndien Pharaoh edinam didie okop ɔnɔ mi?
Currently Selected:
EXODUS 6: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
EXODUS 6
6
Abasi Ɔsɔŋɔ Ɔŋwɔŋɔ Ndinyaŋa Nditɔ Israel
1NDIEN Jehovah ɔdɔhɔ Moses, ete, Ke emi afo eyekut se ndinamde ye Pharaoh: Koro ɔkpɔsɔŋ ubɔk eyesin enye asana mmɔ ayak, ɔkpɔsɔŋ ubɔk eyenyuŋ esin enye ebin mmɔ ke isɔŋ esie efep.
2Ndien Abasi eneme ye Moses, onyuŋ ɔdɔhɔ enye ete, Ami ndi Jehovah: 3Ŋkonyuŋ ŋwut Abraham, ye Isaac, ye Jacob idem mi, nte Ata Ɔkpɔsɔŋ Abasi; edi mmɔ ikɔfiɔkke enyiŋ mi Jehovah. 4Mma nnyuŋ nnam ediomi mi ye mmɔ ada, nte nyenɔ mmɔ isɔŋ Canaan, isɔŋ idaŋ mmɔ, emi mmɔ ekedaŋde ke esit. 5Ami mmonyuŋ ŋkop eseme nditɔ Israel ŋko, emi Egypt enimde ke ifin: mmonyuŋ nti ediomi mi. 6Dɔhɔ ndien ye nditɔ Israel, ete, Ami ndi Jehovah, nyenyuŋ nnam mbufo ewɔŋɔ ke idak mbiomo Egypt, nnyuŋ nsio mbufo ke ufin mmɔ, nnyuŋ mfak mbufo ke edinyanare ubɔk, ye ke ikpɔ ufen: 7nyenyuŋ nda mbufo nnim ke ikɔt mi, nnyuŋ ndi Abasi mbufo; mbufo eyenyuŋ efiɔk ete ke ami ndi Jehovah Abasi mbufo, emi nsiode mbufo ke idak mbiomɔ Egypt mfep. 8Nyenyuŋ nda mbufo nduk ke isɔŋ oro ŋkɔŋwɔŋɔde mbaŋa, nte, Nyeda enye nnɔ Abraham, ye Isaac, ye Jacob; Nyenyuŋ mmen enye nnɔ mbufo nte eda enyene: ami ndi Jehovah.
9Ndien Moses ɔdɔhɔ ntem ye nditɔ Israel: edi iyaresit ye idiɔk ufin iyakke mmɔ ekop ikɔ Moses.
10Ndien Jehovah ɔdɔhɔ Moses,ete, 11Ka kɔdɔhɔ Pharaoh edidem Egypt, ete enye ayak nditɔ Israel edaŋa ke isɔŋ esie. 12Ndien Moses ɔdɔhɔ ke iso Jehovah, ete, Sese, nditɔ Israel ikopke uyo mi; ndien Pharaoh edinam didie ikop uyo mi, emi ndide edut ke inua? 13Ndien Jehovah eneme ye Moses, ye Aaron, onyuŋ otobo mmɔ etop ke ɔtɔ nditɔ Israel, ye eke Pharaoh edidem Egypt, ete mmɔ esioŋo nditɔ Israel ke isɔŋ Egypt efep.
14Mme mmɔ emi edi mbuot ufɔk mme ete mmɔ nditɔ Reuben, akpan Israel; Hanoch, ye Pallu, ye Hezron, ye Carmi; mme mmɔ emi edi ubon Reuben. 15Nditɔ Simeon ŋko: Jemuel, ye Jamin, ye Ohad, ye Jachin, ye Zohar, ye Shaul eyen aŋwan a Canaan kiet; mme mmɔ emi edi ubon Simeon.
16Mme mmɔ emi ŋko edi nditɔ Levi, ke emana mmɔ; Gershon, ye Kohath, ye Merari. Ndien mme isua uwem Levi edi ikie ye edip ye efureba. 17Nditɔ Gershon: Libni, ye Shimei, nte ubon mmɔ esaŋada. 18Nditɔ Kohath ŋko; Amram, ye Izhar, ye Hebron, ye Uzziel. Ndien mme isua uwen Kohath edi ikie ye edip ye udopeta. 19Nditɔ Merari ŋko; Mahli, ye Mushi; mme mmɔ emi edi ubon Levi, nte mme emana mmɔ esaŋade. 20Edikem Amram ada Jochebed eyen-eka ete esie ke idem esie ɔdɔ; ndien enye aman Aaron ye Moses ɔnɔ enye. Ndien mme isua uwem Amram edi isua ikie ye edip ye efureba. 21Nditɔ Izhar ŋko: Korah, ye Nepheg, ye Zichri. 22Nditɔ Uzziel ŋko: Mishael, ye Elzaphan, ye Sithri. 23Ndien Aaron ada Elisheba, eyen Amminadab, eyen-eka Nashon, ke idem esie ɔdɔ: ndien enye aman Nadab, ye Abihu, ye Eleazar, ye Ithamar ɔnɔ enye. 24Nditɔ Korah ŋko: Assir, ye Elkanah, ye Abiasaph; mme mmɔ emi edi ubon mme Korahite. 25Ekem Eleazaar eyen Aaron ada eyen Putiel aŋwan kiet ke idem esie ɔdɔ; ndien enye aman Phinehas ɔnɔ enye; mme mmɔ emi edi mbuot mme ete Levi, nte ubon mmɔ esaŋade.
26Mme mmɔ emi edi Aaron ye Moses emi Jehovah ɔkɔdɔhɔde mmɔ, ete esioŋo nditɔ Israel efep ke isɔŋ Egypt, ke mme udim mmɔ. 27Edi mme mmɔ emi ekedɔhɔ ye Pharaoh edidem Egypt, ete esioŋo nditɔ Israel ke Egypt: mme mmɔ emi edi Moses ye Aaron.
28Ekem ke usen Jehovah ɔdɔhɔde ye Moses ke Egypt, ndien Jehovah ɔdɔhɔ Moses, ete, 29Ami ndi Jehovah: men kpukpru se ami ntiŋde nnɔ fi, tiŋ nɔ Pharaoh edidem Egypt. 30Ndien Moses ɔdɔhɔ ke iso Jehovah, ete, Sese ami ndi edut ke inua, ndien Pharaoh edinam didie okop ɔnɔ mi?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.