EXODUS 8
8
Ɔyɔhɔ Ufen Iba Emi Abasi Akamiade nditɔ Egypt
1NDIEN Jehovah ɔdɔhɔ Moses, ete, Ka ke ebiet Pharaoh, nyuŋ dɔhɔ enye ete, Ntem ke Jehovah ɔdɔhɔ ete, Sana ikɔt mi yak, man eka ekenam ŋkpɔ enɔ mi. 2Ndien ama edi nte afo munyimeke ndiyak mmɔ, sese, ami nyeda ikwɔt mmia ofuri adaŋa fo. 3Ndien ikwɔt eyeyɔhɔ ke akpa: eyenyuŋ edɔk eduk ke ufɔk fo, ye ke ubet nna fo, ye ke ufɔk ikɔt fo, ye ke idem mbio-obio fo, ye ke usaŋ-uyo fo, ye ke unuak-uyo fo: 4ntem ikwɔt oro eyedɔk fi, ye mbio-obio fo, ye ikɔt fo kpukpru ke idem.
5Ekem Jehovah ɔdɔhɔ Moses, ete, Dɔhɔ Aaron ete, Men esaŋ fo ke ubɔk fo, nyanare ke enyɔŋ mme idim, ye udiɔŋ mmɔŋ, ye mkpɔdiɔhɔ-mmɔŋ, nyuŋ nam ikwɔt edɔk ke isɔŋ Egypt. 6Ndien Aaron anyanare ubɔk esie ke enyɔŋ mmɔŋ Egypt; ndien ikwɔt eto edɔk efuk isɔŋ Egypt. 7Ndien mbia-idiɔŋ eda idiɔŋ mmɔ enam kpa ntre, enyuŋ esin ikwɔt eto edɔk ke isɔŋ Egypt.
8Ndien Pharaoh okot Moses ye Aaron edi, onyuŋ ɔdɔhɔ ete, mbufo ekpe Jehovah ubɔk, ete, Enye emen ikwɔt efep ɔbɔ mi, ye mbio-obio mi, ndien nyeyak mbio oro eka, man ekewa uwa enɔ Jehovah. 9Ndien Moses ɔdɔhɔ Pharaoh, ete, Da mi ubɔŋ ke idem: ini ewe ke ndinam mkpe-ubɔk nnɔ fi, ye ikɔt fo, ye mbio-obio fo, man esobo ikwɔt efep ke idem fo ye ke ufɔk fo, man mmɔ esuk etak ke akpa ikpɔŋ-ikpɔŋ? 10Ndien enye ete Moses, Mkpɔŋ. Ndien enye (Moses) ete, Yak edi ke uyo fo; man afo ɔfiɔk nte baba kiet mibietke Jehovah Abasi nnyin. 11Ndien ikwɔt eyedaŋa ekpɔŋ fi, ye ebiet fo, ye ikɔt fo, ye mbio-obio fo; eyesuk etak ke akpa ikpɔŋ-ikpɔŋ.
12Ndien Moses ye Aaron ewɔŋɔ ekpɔŋ Pharaoh: Moses onyuŋ eseme ɔnɔ Jehovah abaŋa ikwɔt emi Enye okotimde ɔnɔ Pharaoh. 13Ndien Jehovah anam ke uyo Moses; ndien ikwɔt oro ekpaŋa ke ufɔk, ye ke mme okure, ye ke iŋwaŋ. 14Ndien etaŋ mmɔ ekubi otu; ndien isɔŋ etebe. 15Ekem adaŋemi Pharaoh okutde nte nduɔk-odudu odude, enye ɔsɔŋɔ esit esiemɔ, inyuŋ ikopke inɔ mmɔ; kpa nte emi Jehovah ɔkɔdɔhɔde.
16Ekem Jehovah ete Moses, Dɔhɔ Aaron, ete, Menere esaŋ fo, yibi ntan isɔŋ, ndien enye eyekabare edi idaŋ ke ofuri isɔŋ Egypt. 17Ndien mmɔ enam ntre; ndien Aaron emenere ubɔk esie ye esaŋ, oyibi ntan isɔŋ, ndien idaŋ ɔnyɔk owo ye ufene ke idem; ofuri ntan isɔŋ akabare edi idaŋ ke ofuri isɔŋ Egypt. 18Mbia-idiɔŋ enyuŋ eda idiɔŋ mmɔ enam ntre ete inam idaŋ ɔwɔrɔ, edi ikemeke; ndien idaŋ ofuk owo ye ufene ke idem. 19Ndien mbia-idiɔŋ edɔhɔ Pharaoh ete, Nnuenubɔk Abasi edi emi; edi esit Pharaoh osuk ɔsɔsɔŋ, enye inyuŋ ikopke inɔ mmɔ; kpa suk nte emi Jehovah ɔkɔdɔhɔde.
20Ndien Jehovah ɔdɔhɔ Moses, ete, Babak ke usenubɔk daha ke enyɔŋ, kada ke iso Pharaoh; sese, enye ɔwɔrɔ aka mmɔŋ; nyuŋ dɔhɔ enye ete, Ntem ke Jehovah ɔdɔhɔ ete, Yak ikɔt mi eka ekenam ŋkpɔ enɔ mi: 21koro muyakke ikɔt mi eka, sese, ami nyedɔŋ nduyip utom ke ɔtɔ fo, ye eke ikɔt fo, ye eke mbio-obio fo, ye eke mme ufɔk fo; ndien nduyip eyeyɔhɔ ke ufɔk nditɔ Egypt, ye ke isɔŋ ŋko emi mmɔ edude ke esit. 22Ndien ke usen oro nyedianare isɔŋ Goshen, emi ikɔt mi eduŋde ke esit, mfep, man nduyip ekudu do; man afo ɔfiɔk ete ke ami ndi Jehovah ke ufɔt ererimbot. 23Nyenyuŋ mbahare ikɔt mi ye ikɔt fo: idiɔŋɔ emi eyesu mkpɔŋ. 24Ndien Jehovah anam ntre; ndien nduyip ediyɔhɔ ke ufɔk Pharaoh, ye ke ufɔk ikɔt esie, ye ke ofuri isɔŋ Egypt idiɔk-idiɔk: nduyip oro esin isɔŋ abiara.
25Ndien Pharaoh okot Moses ye Aaron edi, onyuŋ ɔdɔhɔ ete, Mbufo eka ekewa uwa enɔ Abasi mbufo ke isɔŋ emi. 26Ndien Moses ɔdɔhɔ ete, Inenke ndinam ntre: koro nnyin iyewa mbubiam Egypt inɔ Jehovah Abasi nnyin: sese, edieke nnyin idiwade mbubiam Egypt ke iso Jehovah, nte mmɔ iditɔŋɔke nnyin ke itiat? 27Nnyin iyeda isaŋ usen ita iduk ke wilderness, nnyin iwa inɔ Jehovah Abasi nnyin, kpa nte Enye edidɔhɔde nnyin. 28Ndien Pharaoh ete, Ami nyeyak mbufo eka, man mbufo ewa uwa enɔ Jehovah Abasi mbufo ke wilderness; edi mbufo ekuka anyan usuŋ: enam mkpe-ubɔk enɔ mi. 29Ndien Moses ɔdɔhɔ ete, Sese, mmɔŋ ŋwɔrɔ ŋkpɔŋ fi, nyeyuŋ ŋkpe Jehovah ubɔk, ndien nduyip eyedaŋa ekpɔŋ Pharaoh, ye ikɔt esie, ye mbio-obio esie, mkpɔŋ: edi yak Pharaoh okutɔŋɔ ntak anam abiaŋa, ke eritre ndiyak mbio emi eka ekewa uwa enɔ Jehovah.
30Ndien Moses ɔkpɔŋ Pharaoh ɔwɔrɔ, aka ekekpe Jehovah ubɔk. 31Ndien Jehovah anam ke uyo Moses; ndien nduyip ekpɔŋ Pharaoh ye ikɔt esie, ye mbio-obio esie; isukke ndomo kiet. 32Ndien Pharaoh ɔsɔŋɔ esit esiemɔ ke idem ini emi ŋko, inyuŋ iyakke mbon oro eka.
Currently Selected:
EXODUS 8: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
EXODUS 8
8
Ɔyɔhɔ Ufen Iba Emi Abasi Akamiade nditɔ Egypt
1NDIEN Jehovah ɔdɔhɔ Moses, ete, Ka ke ebiet Pharaoh, nyuŋ dɔhɔ enye ete, Ntem ke Jehovah ɔdɔhɔ ete, Sana ikɔt mi yak, man eka ekenam ŋkpɔ enɔ mi. 2Ndien ama edi nte afo munyimeke ndiyak mmɔ, sese, ami nyeda ikwɔt mmia ofuri adaŋa fo. 3Ndien ikwɔt eyeyɔhɔ ke akpa: eyenyuŋ edɔk eduk ke ufɔk fo, ye ke ubet nna fo, ye ke ufɔk ikɔt fo, ye ke idem mbio-obio fo, ye ke usaŋ-uyo fo, ye ke unuak-uyo fo: 4ntem ikwɔt oro eyedɔk fi, ye mbio-obio fo, ye ikɔt fo kpukpru ke idem.
5Ekem Jehovah ɔdɔhɔ Moses, ete, Dɔhɔ Aaron ete, Men esaŋ fo ke ubɔk fo, nyanare ke enyɔŋ mme idim, ye udiɔŋ mmɔŋ, ye mkpɔdiɔhɔ-mmɔŋ, nyuŋ nam ikwɔt edɔk ke isɔŋ Egypt. 6Ndien Aaron anyanare ubɔk esie ke enyɔŋ mmɔŋ Egypt; ndien ikwɔt eto edɔk efuk isɔŋ Egypt. 7Ndien mbia-idiɔŋ eda idiɔŋ mmɔ enam kpa ntre, enyuŋ esin ikwɔt eto edɔk ke isɔŋ Egypt.
8Ndien Pharaoh okot Moses ye Aaron edi, onyuŋ ɔdɔhɔ ete, mbufo ekpe Jehovah ubɔk, ete, Enye emen ikwɔt efep ɔbɔ mi, ye mbio-obio mi, ndien nyeyak mbio oro eka, man ekewa uwa enɔ Jehovah. 9Ndien Moses ɔdɔhɔ Pharaoh, ete, Da mi ubɔŋ ke idem: ini ewe ke ndinam mkpe-ubɔk nnɔ fi, ye ikɔt fo, ye mbio-obio fo, man esobo ikwɔt efep ke idem fo ye ke ufɔk fo, man mmɔ esuk etak ke akpa ikpɔŋ-ikpɔŋ? 10Ndien enye ete Moses, Mkpɔŋ. Ndien enye (Moses) ete, Yak edi ke uyo fo; man afo ɔfiɔk nte baba kiet mibietke Jehovah Abasi nnyin. 11Ndien ikwɔt eyedaŋa ekpɔŋ fi, ye ebiet fo, ye ikɔt fo, ye mbio-obio fo; eyesuk etak ke akpa ikpɔŋ-ikpɔŋ.
12Ndien Moses ye Aaron ewɔŋɔ ekpɔŋ Pharaoh: Moses onyuŋ eseme ɔnɔ Jehovah abaŋa ikwɔt emi Enye okotimde ɔnɔ Pharaoh. 13Ndien Jehovah anam ke uyo Moses; ndien ikwɔt oro ekpaŋa ke ufɔk, ye ke mme okure, ye ke iŋwaŋ. 14Ndien etaŋ mmɔ ekubi otu; ndien isɔŋ etebe. 15Ekem adaŋemi Pharaoh okutde nte nduɔk-odudu odude, enye ɔsɔŋɔ esit esiemɔ, inyuŋ ikopke inɔ mmɔ; kpa nte emi Jehovah ɔkɔdɔhɔde.
16Ekem Jehovah ete Moses, Dɔhɔ Aaron, ete, Menere esaŋ fo, yibi ntan isɔŋ, ndien enye eyekabare edi idaŋ ke ofuri isɔŋ Egypt. 17Ndien mmɔ enam ntre; ndien Aaron emenere ubɔk esie ye esaŋ, oyibi ntan isɔŋ, ndien idaŋ ɔnyɔk owo ye ufene ke idem; ofuri ntan isɔŋ akabare edi idaŋ ke ofuri isɔŋ Egypt. 18Mbia-idiɔŋ enyuŋ eda idiɔŋ mmɔ enam ntre ete inam idaŋ ɔwɔrɔ, edi ikemeke; ndien idaŋ ofuk owo ye ufene ke idem. 19Ndien mbia-idiɔŋ edɔhɔ Pharaoh ete, Nnuenubɔk Abasi edi emi; edi esit Pharaoh osuk ɔsɔsɔŋ, enye inyuŋ ikopke inɔ mmɔ; kpa suk nte emi Jehovah ɔkɔdɔhɔde.
20Ndien Jehovah ɔdɔhɔ Moses, ete, Babak ke usenubɔk daha ke enyɔŋ, kada ke iso Pharaoh; sese, enye ɔwɔrɔ aka mmɔŋ; nyuŋ dɔhɔ enye ete, Ntem ke Jehovah ɔdɔhɔ ete, Yak ikɔt mi eka ekenam ŋkpɔ enɔ mi: 21koro muyakke ikɔt mi eka, sese, ami nyedɔŋ nduyip utom ke ɔtɔ fo, ye eke ikɔt fo, ye eke mbio-obio fo, ye eke mme ufɔk fo; ndien nduyip eyeyɔhɔ ke ufɔk nditɔ Egypt, ye ke isɔŋ ŋko emi mmɔ edude ke esit. 22Ndien ke usen oro nyedianare isɔŋ Goshen, emi ikɔt mi eduŋde ke esit, mfep, man nduyip ekudu do; man afo ɔfiɔk ete ke ami ndi Jehovah ke ufɔt ererimbot. 23Nyenyuŋ mbahare ikɔt mi ye ikɔt fo: idiɔŋɔ emi eyesu mkpɔŋ. 24Ndien Jehovah anam ntre; ndien nduyip ediyɔhɔ ke ufɔk Pharaoh, ye ke ufɔk ikɔt esie, ye ke ofuri isɔŋ Egypt idiɔk-idiɔk: nduyip oro esin isɔŋ abiara.
25Ndien Pharaoh okot Moses ye Aaron edi, onyuŋ ɔdɔhɔ ete, Mbufo eka ekewa uwa enɔ Abasi mbufo ke isɔŋ emi. 26Ndien Moses ɔdɔhɔ ete, Inenke ndinam ntre: koro nnyin iyewa mbubiam Egypt inɔ Jehovah Abasi nnyin: sese, edieke nnyin idiwade mbubiam Egypt ke iso Jehovah, nte mmɔ iditɔŋɔke nnyin ke itiat? 27Nnyin iyeda isaŋ usen ita iduk ke wilderness, nnyin iwa inɔ Jehovah Abasi nnyin, kpa nte Enye edidɔhɔde nnyin. 28Ndien Pharaoh ete, Ami nyeyak mbufo eka, man mbufo ewa uwa enɔ Jehovah Abasi mbufo ke wilderness; edi mbufo ekuka anyan usuŋ: enam mkpe-ubɔk enɔ mi. 29Ndien Moses ɔdɔhɔ ete, Sese, mmɔŋ ŋwɔrɔ ŋkpɔŋ fi, nyeyuŋ ŋkpe Jehovah ubɔk, ndien nduyip eyedaŋa ekpɔŋ Pharaoh, ye ikɔt esie, ye mbio-obio esie, mkpɔŋ: edi yak Pharaoh okutɔŋɔ ntak anam abiaŋa, ke eritre ndiyak mbio emi eka ekewa uwa enɔ Jehovah.
30Ndien Moses ɔkpɔŋ Pharaoh ɔwɔrɔ, aka ekekpe Jehovah ubɔk. 31Ndien Jehovah anam ke uyo Moses; ndien nduyip ekpɔŋ Pharaoh ye ikɔt esie, ye mbio-obio esie; isukke ndomo kiet. 32Ndien Pharaoh ɔsɔŋɔ esit esiemɔ ke idem ini emi ŋko, inyuŋ iyakke mbon oro eka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.