GENESIS 19
19
Abasi Abiat Isɔŋ Sodom ye Gomorrah
1EKEM angel iba oro edi ke mbubreyo oro, ndien Lot etie do ke inua otop Sodom: ndien Lot okut, onyuŋ adaha ke enyɔŋ, edisobo ye mmɔ; ndien 2onuk iso esie ese isɔŋ; ndien enye ɔdɔhɔ, ete, Sese, mbɔk, mbɔŋ mi, mbufo ewaha, mbɔk, ke ufɔk owo mbufo, enyuŋ edaŋ, enyuŋ eyet ukot mbufo, ndien ebak edaha, enyɔŋɔ ke usuŋ mbufo. Ndien mmɔ ete, Ih ih; 3edi nnyin iyedaŋ ke aŋwa. Ndien enye ɔkɔbɔ mmɔ eti-eti: ekem mmɔ etiene enye ewaha, enyuŋ eduk ke ebiet esie: ndien enye etem udia ɔnɔ mmɔ, onyuŋ asaŋ uyo eke leaven miduhe, ndien mmɔ edia ŋkpɔ.
4Mmɔ ika-inaha ke isɔŋ kaŋa, ndien iren-owo obio, iren-owo Sodom, ɔtɔŋɔ ke nditɔwɔŋ esim ke ŋkani iren, kpukpru owo eto ke utit obio, edikan ufɔk ekuk. 5Ndien mmɔ efiori Lot, ete enye, Enye mbon emi edide ke ebiet fo ke mbubreyo emi? da mmɔ wɔrɔ di nɔ nnyin, man nnyin ifiɔk mmɔ. 6Ndien Lot ɔwɔrɔ etiene mmɔ ke enyin usuŋ, onyuŋ eberi itim ke edem esie, onyuŋ ɔdɔhɔ 7mmɔ ete, Mbɔk nditɔ ete mi, 8mbufo ekudiɔk ntre. Sese, mbɔk, mmenyene nditɔ-iban iba emi mika-ifiɔkke kaŋa eren; yak ŋka nda mmɔ ŋwɔrɔ ndinɔ mbufo, mbufo enyuŋ enam ye mmɔ nte emade: edi ekunam mbon emi ŋkpɔ; koro edi emi esin mmɔ eduk ke idak ɔkɔm mi. 9Ndien mmɔ ete, Daha ke usuŋ. Enyuŋ edɔhɔ, ete, Owo kiet emi edi oduduŋ, ndien enye edikpe obio: nnyin iyekam idiɔk ye afo ikan mbon emi. Ndien mmɔ ebere owo oro, idem Lot, eti-eti, enyuŋ esaŋa ekpere ete ibuŋ 10itim. Ndien mmɔ oro enyan ubɔk mmɔ, eda Lot esin ke ufɔk 11enyuŋ eberi itim. Ndien mmɔ enam enyin okim mbon oro ke enyin usuŋ ufɔk, ye ŋkpri ye ikpɔ; ndien mmɔ eŋwana eyom usuŋ tutu akak mmɔ.
12Ndien mmɔ oro edɔhɔ Lot, ete, Anie owo fo efen odu mi? ukot, ye nditɔ-iren fo, ye nditɔ-iban fo, ye kpukpru se idide okuo ke obio emi, da mmɔ wɔrɔ ke ɔtɔ 13emi: koro nnyin imɔŋ iyom ndibiat ɔtɔ emi, koro uyom mmɔ omokpon ke iso Jehovah; Jehovah omonyuŋ ɔdɔŋ nnyin 14ete idibiat enye. Ndien Lot ɔwɔrɔ ɔkɔdɔhɔ ye ukot esie, emi oyomde ndidɔ nditɔ-iban esie, ete, Mbufo edaha ke ɔtɔ emi; koro Jehovah eyebiat obio emi. Edi enye etie nte owo abiaŋa ke 15enyin ukot esie. Ekem, ke eyo esierede, mme angel oro enyik Lot, ete, Daha ke enyɔŋ, da ŋwan fo, ye nditɔ-iban fo iba emi edude mi; mbak edisobo fi ke idiɔk ido 16obio emi. Ndien ke ini enye anamde nduduhɔ, mbon oro emum enye ubɔk, ye ubɔk ŋwan esie, ye ubɔk nditɔ-iban esie mbiba, koro Jehovah atuade enye mbɔm: mmɔ enyuŋ eda enye ewɔrɔ, ekenim ke edem obio. 17Edikem ke adaŋemi mmɔ edade mmɔ ewɔrɔ ke edem obio, enye ɔdɔhɔ, ete, Bɔhɔ ye uwem fo; kuse edem fo kunyuŋ uda ke ofuri una-isɔŋ: bɔhɔ ka ke obot, mbak 18edisobo fi. Ndien Lot ɔdɔhɔ mmɔ, ete, Mbɔk, Ɔbɔŋ mi kuyak edi ntre. 19Sese mbɔk, owo fo emenem fi, afo omonyuŋ anam mbɔm fo emi afo atuade mi, okpon ke erinim mi ke uwem; edi ŋkwe nte mbɔhɔde ŋka obot oro, mbak idiɔkŋkpɔ emi edisim mi ndien mkpa. 20Mbɔk, se obio emi, ke ekpere nte owo efehede aka do, onyuŋ ekpri: mbɔk, yak mbɔhɔ ŋka do; (nte ikprike?) 21man ukpɔŋ mi odu uwem. Ndien enye ɔdɔhɔ enye, ete, Sese, mmonyime fi ŋkpɔ emi nde, ndinyuŋ nsoboke obio emi afo ɔdɔhɔde. 22Wawara bɔhɔ ka do; koro mme-ŋkemeke ndinam ŋkpɔ tutu afo osim ko: mmɔdo enyiŋ obio oro ekerede Zoar. 23Utin asiaha ɔnɔ isɔŋ ke ini Lot odukde Zoar.
24Ndien Jehovah anam brimstone ye ikaŋ oto Jehovah ke enyɔŋ edep ke Sodom ye Gomorrah: 25onyuŋ owuri kpukpru obio oro, ye ofuri una-isɔŋ, ye kpukpru mme andiduŋ obio, ye se itibede ke isɔŋ.
26Ekem ŋwan esie ɔwɔŋɔre ese edem, ndien akabare edi adaha inuŋ.
27Ndien Abraham abak edemere ke usenubɔk aka ke ebiet oro enye akadade do ke iso Jehovah: 28ndien enye owuk enyin ese edem Sodom ye Gomorrah, ye ofuri edem una-isɔŋ oro, ndien enye okut, ndien, sese, nsuŋikaŋ idut oro ke ɔdɔdɔk nte nsuŋikaŋ 29furnace. Edikem, ke ini Abasi osobode obio una-isɔŋ oro, ndien Abasi eti Abraham, onyuŋ osio Lot efep ke ŋwure oro, ke ini Enye owuride obio oro Lot oduŋde ke esit.
30Ekem, Lot ɔkpɔŋ Zoar, ɔdɔk aka okoduŋ ke obot oro, nditɔ-iban esie iba enyuŋ edu ye enye; koro enye efehede ndiduŋ ke Zoar: ndien enye oduŋ ke aba-itiat kiet, ye nditɔ-iban esie iba.
31Ndien adiaha ɔdɔhɔ uduŋwan, ete, Ete nnyin edi akani, owo ndomo kiet eke etienede nnyin ke ido ofuri ererimbot inyuŋ 32iduhe ke ererimbot: di yak nnyin inɔ ete nnyin wine ɔŋwɔŋ, ndien iyedaŋ ye enye, kpaŋ iman nditɔ eke etode ete nnyin ke idem. 33Ndien mmɔ enɔ ete mmɔ wine ɔŋwɔŋ ke okoneyo oro, adiaha onyuŋ aka akadaŋ ye ete esie, edi enye ifiɔkke nte enye 34anade, onyuŋ adahade. Edikem mkpɔŋ, ndien adiaha ɔdɔhɔ udu-ŋwan ete, Sese, ami ŋkadaŋ ke okoneyo ye ete mi; yak inɔ enye wine ɔŋwɔŋ, ka okoneyo emi nde; afo nyuŋ ke kadaŋ ye enye, kpaŋ nnyin iman nditɔ eke 35etode ete nnyin ke idem. Ndien ke okoneyo oro nde, mmɔ enɔ ete mmɔ wine, ɔŋwɔŋ: ndien uduŋwan adaha ke enyɔŋ aka akadaŋ ye enye; edi enye ifiɔkke nte enye anade, onyuŋ adahade. 36Ndien nditɔ-iban Lot mbiba 37eyomo enɔ ete mmɔ. Ekem adiaha aman eyen-eren, onyuŋ osio enye enyiŋ Moab: enye edi ete nditɔ Moab tutu osim mfin 38emi. Ndien uduŋwan onyuŋ aman eyen-eren ŋko, onyuŋ osio enye enyiŋ Ben-ammi enye edi ete nditɔ Ammon tutu osim mfin emi.
Currently Selected:
GENESIS 19: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
GENESIS 19
19
Abasi Abiat Isɔŋ Sodom ye Gomorrah
1EKEM angel iba oro edi ke mbubreyo oro, ndien Lot etie do ke inua otop Sodom: ndien Lot okut, onyuŋ adaha ke enyɔŋ, edisobo ye mmɔ; ndien 2onuk iso esie ese isɔŋ; ndien enye ɔdɔhɔ, ete, Sese, mbɔk, mbɔŋ mi, mbufo ewaha, mbɔk, ke ufɔk owo mbufo, enyuŋ edaŋ, enyuŋ eyet ukot mbufo, ndien ebak edaha, enyɔŋɔ ke usuŋ mbufo. Ndien mmɔ ete, Ih ih; 3edi nnyin iyedaŋ ke aŋwa. Ndien enye ɔkɔbɔ mmɔ eti-eti: ekem mmɔ etiene enye ewaha, enyuŋ eduk ke ebiet esie: ndien enye etem udia ɔnɔ mmɔ, onyuŋ asaŋ uyo eke leaven miduhe, ndien mmɔ edia ŋkpɔ.
4Mmɔ ika-inaha ke isɔŋ kaŋa, ndien iren-owo obio, iren-owo Sodom, ɔtɔŋɔ ke nditɔwɔŋ esim ke ŋkani iren, kpukpru owo eto ke utit obio, edikan ufɔk ekuk. 5Ndien mmɔ efiori Lot, ete enye, Enye mbon emi edide ke ebiet fo ke mbubreyo emi? da mmɔ wɔrɔ di nɔ nnyin, man nnyin ifiɔk mmɔ. 6Ndien Lot ɔwɔrɔ etiene mmɔ ke enyin usuŋ, onyuŋ eberi itim ke edem esie, onyuŋ ɔdɔhɔ 7mmɔ ete, Mbɔk nditɔ ete mi, 8mbufo ekudiɔk ntre. Sese, mbɔk, mmenyene nditɔ-iban iba emi mika-ifiɔkke kaŋa eren; yak ŋka nda mmɔ ŋwɔrɔ ndinɔ mbufo, mbufo enyuŋ enam ye mmɔ nte emade: edi ekunam mbon emi ŋkpɔ; koro edi emi esin mmɔ eduk ke idak ɔkɔm mi. 9Ndien mmɔ ete, Daha ke usuŋ. Enyuŋ edɔhɔ, ete, Owo kiet emi edi oduduŋ, ndien enye edikpe obio: nnyin iyekam idiɔk ye afo ikan mbon emi. Ndien mmɔ ebere owo oro, idem Lot, eti-eti, enyuŋ esaŋa ekpere ete ibuŋ 10itim. Ndien mmɔ oro enyan ubɔk mmɔ, eda Lot esin ke ufɔk 11enyuŋ eberi itim. Ndien mmɔ enam enyin okim mbon oro ke enyin usuŋ ufɔk, ye ŋkpri ye ikpɔ; ndien mmɔ eŋwana eyom usuŋ tutu akak mmɔ.
12Ndien mmɔ oro edɔhɔ Lot, ete, Anie owo fo efen odu mi? ukot, ye nditɔ-iren fo, ye nditɔ-iban fo, ye kpukpru se idide okuo ke obio emi, da mmɔ wɔrɔ ke ɔtɔ 13emi: koro nnyin imɔŋ iyom ndibiat ɔtɔ emi, koro uyom mmɔ omokpon ke iso Jehovah; Jehovah omonyuŋ ɔdɔŋ nnyin 14ete idibiat enye. Ndien Lot ɔwɔrɔ ɔkɔdɔhɔ ye ukot esie, emi oyomde ndidɔ nditɔ-iban esie, ete, Mbufo edaha ke ɔtɔ emi; koro Jehovah eyebiat obio emi. Edi enye etie nte owo abiaŋa ke 15enyin ukot esie. Ekem, ke eyo esierede, mme angel oro enyik Lot, ete, Daha ke enyɔŋ, da ŋwan fo, ye nditɔ-iban fo iba emi edude mi; mbak edisobo fi ke idiɔk ido 16obio emi. Ndien ke ini enye anamde nduduhɔ, mbon oro emum enye ubɔk, ye ubɔk ŋwan esie, ye ubɔk nditɔ-iban esie mbiba, koro Jehovah atuade enye mbɔm: mmɔ enyuŋ eda enye ewɔrɔ, ekenim ke edem obio. 17Edikem ke adaŋemi mmɔ edade mmɔ ewɔrɔ ke edem obio, enye ɔdɔhɔ, ete, Bɔhɔ ye uwem fo; kuse edem fo kunyuŋ uda ke ofuri una-isɔŋ: bɔhɔ ka ke obot, mbak 18edisobo fi. Ndien Lot ɔdɔhɔ mmɔ, ete, Mbɔk, Ɔbɔŋ mi kuyak edi ntre. 19Sese mbɔk, owo fo emenem fi, afo omonyuŋ anam mbɔm fo emi afo atuade mi, okpon ke erinim mi ke uwem; edi ŋkwe nte mbɔhɔde ŋka obot oro, mbak idiɔkŋkpɔ emi edisim mi ndien mkpa. 20Mbɔk, se obio emi, ke ekpere nte owo efehede aka do, onyuŋ ekpri: mbɔk, yak mbɔhɔ ŋka do; (nte ikprike?) 21man ukpɔŋ mi odu uwem. Ndien enye ɔdɔhɔ enye, ete, Sese, mmonyime fi ŋkpɔ emi nde, ndinyuŋ nsoboke obio emi afo ɔdɔhɔde. 22Wawara bɔhɔ ka do; koro mme-ŋkemeke ndinam ŋkpɔ tutu afo osim ko: mmɔdo enyiŋ obio oro ekerede Zoar. 23Utin asiaha ɔnɔ isɔŋ ke ini Lot odukde Zoar.
24Ndien Jehovah anam brimstone ye ikaŋ oto Jehovah ke enyɔŋ edep ke Sodom ye Gomorrah: 25onyuŋ owuri kpukpru obio oro, ye ofuri una-isɔŋ, ye kpukpru mme andiduŋ obio, ye se itibede ke isɔŋ.
26Ekem ŋwan esie ɔwɔŋɔre ese edem, ndien akabare edi adaha inuŋ.
27Ndien Abraham abak edemere ke usenubɔk aka ke ebiet oro enye akadade do ke iso Jehovah: 28ndien enye owuk enyin ese edem Sodom ye Gomorrah, ye ofuri edem una-isɔŋ oro, ndien enye okut, ndien, sese, nsuŋikaŋ idut oro ke ɔdɔdɔk nte nsuŋikaŋ 29furnace. Edikem, ke ini Abasi osobode obio una-isɔŋ oro, ndien Abasi eti Abraham, onyuŋ osio Lot efep ke ŋwure oro, ke ini Enye owuride obio oro Lot oduŋde ke esit.
30Ekem, Lot ɔkpɔŋ Zoar, ɔdɔk aka okoduŋ ke obot oro, nditɔ-iban esie iba enyuŋ edu ye enye; koro enye efehede ndiduŋ ke Zoar: ndien enye oduŋ ke aba-itiat kiet, ye nditɔ-iban esie iba.
31Ndien adiaha ɔdɔhɔ uduŋwan, ete, Ete nnyin edi akani, owo ndomo kiet eke etienede nnyin ke ido ofuri ererimbot inyuŋ 32iduhe ke ererimbot: di yak nnyin inɔ ete nnyin wine ɔŋwɔŋ, ndien iyedaŋ ye enye, kpaŋ iman nditɔ eke etode ete nnyin ke idem. 33Ndien mmɔ enɔ ete mmɔ wine ɔŋwɔŋ ke okoneyo oro, adiaha onyuŋ aka akadaŋ ye ete esie, edi enye ifiɔkke nte enye 34anade, onyuŋ adahade. Edikem mkpɔŋ, ndien adiaha ɔdɔhɔ udu-ŋwan ete, Sese, ami ŋkadaŋ ke okoneyo ye ete mi; yak inɔ enye wine ɔŋwɔŋ, ka okoneyo emi nde; afo nyuŋ ke kadaŋ ye enye, kpaŋ nnyin iman nditɔ eke 35etode ete nnyin ke idem. Ndien ke okoneyo oro nde, mmɔ enɔ ete mmɔ wine, ɔŋwɔŋ: ndien uduŋwan adaha ke enyɔŋ aka akadaŋ ye enye; edi enye ifiɔkke nte enye anade, onyuŋ adahade. 36Ndien nditɔ-iban Lot mbiba 37eyomo enɔ ete mmɔ. Ekem adiaha aman eyen-eren, onyuŋ osio enye enyiŋ Moab: enye edi ete nditɔ Moab tutu osim mfin 38emi. Ndien uduŋwan onyuŋ aman eyen-eren ŋko, onyuŋ osio enye enyiŋ Ben-ammi enye edi ete nditɔ Ammon tutu osim mfin emi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.