GENESIS 40
40
Joseph Akabare Ndap Ɔnɔ Owo Iba ke Ufɔk Ŋkpɔkɔbi
1EDIKEM, ke ŋkpɔ emi ebede, andikama - wine edidem Egypt ye andinam - uyo edue ɔbɔŋ mmɔ edidem Egypt. 2Ndien Pharaoh ayat esit ye ndidaha owo esie iba oro, ye etubom mme andikama-wine, ye etubom mme andinam-uyo. 3Ndien enye ada mmɔ ɔnɔ ete ekpeme mmɔ ke ufɔk etubom mme andikpeme enye, ke ufɔk ukpeme ebiet emi ekɔbide Joseph do. 4Ndien etubom mme andikpeme edidem eteme Joseph ete ekpeme mmɔ ndien enye anam ŋkpɔ ɔnɔ mmɔ: ntre ke ekpeme mmɔ ndusuk ini.
5Ekem, owo mbiba oro edaba ndap, owo kiet ke ndap esie, owo kiet ke ndap esie, ke okoneyo kiet, owo kiet kiet nte erisiak ndap esie edide, andikama-wine ye andinam-uyo edidem Egypt emi ekekɔbide mmɔ ke ufɔk ukpeme. 6Edikem ke usenubɔk kiet Joseph oduk ke ebiet mmɔ, okut mmɔ, ndien, sese, mmɔ etie ke mfuhɔ. 7Ndien enye obup ndidaha owo Pharaoh emi edude ye enye ke ufɔk ukpeme ete esie, ete, Anam didie iso ɔdiɔk mbufo mfin emi? 8Ndien mmɔ edɔhɔ enye, ete, nnyin ima idaba ndap, ndien owo eke asiakde iduhe. Ndien Joseph ɔdɔhɔ mmɔ ete, Nte idige Abasi asiak ndap? Mbɔk, mbufo ekam etiŋ enɔ mi.
9Ndien etubom mme andikama-wine etiŋ ndap esie ɔnɔ Joseph, ete enye, Ke ndap mi, sese vine kiet ada mi ke iso; 10vine oro onyuŋ asiaha ubɔk ita: enye onyuŋ etie nte esesehe, asiaha mfri; etuek esie enyuŋ eŋwum ndat-ndat mfri; 11cup Pharaoh onyuŋ odu mi ke ubɔk: ndien ami ŋkibi mfri, nnyimi nsin ke cup Pharaoh, ndien nda cup nnɔ Pharaoh ke ubɔk. 12Ndien Joseph ete enye, Ntem ke esiak enye: ubɔk ita oro edi usen ita: 13ayak usen ita Pharaoh eyemenere ibuot fo, eyenyuŋ ada fi afiak esin ke itie fo: ndien afo eyenɔ Pharaoh cup esie ke ubɔk nte akanamde ke akpa, ke ini afo ekedide andikama - wine esie. 14Ndien tim ti mi ŋko ke ini edifɔnde fi, nnyuŋ fɔn ido ye ami mbɔk, nnyuŋ tiŋ baŋa mi nɔ Pharaoh, nyuŋ sio mi ke ufɔk emi: 15koro ekeyipde mi efep ke idut mme Hebrew: ŋkonyuŋ nnamke baba ŋkpɔ kiet mi eke ekpesinde esin mi ke obube emi.
16Ekem, ke ini etubom mme andinam-uyo okutde ete erisiak ɔfɔn, enye ɔdɔhɔ Joseph, ete, Ami ŋko ndu ke ndap mi, ndien, sese, afia uyo ke akpan ita odoro mi ke ibuot: 17ndien kpukpru oruk udia Pharaoh eke anam-uyo anamde, edu ke udoro-enyɔŋ akpan; ndien inuen eta mmɔ ke akpan ke ibuot mi. 18Ndien Joseph ɔbɔrɔ ete, Emi edi se enye ediwɔrɔde: akpan ita oro edi usen ita. 19Ayak usen ita Pharaoh eyemenere ibuot fo esibe efep, eyenyuŋ eyiri fi ke eto; ndien inuen eyekɔŋ obukidem fo eta.
20Edikem, ke ɔyɔhɔ usen ita, usen emana Pharaoh, ndien enye etem akwa udia ɔnɔ kpukpru ikɔt esie: onyuŋ emenere ibuot etubom mme andikama - wine, ye ibuot etubom mme andinam-uyo ke otu ikɔt esie. 21Onyuŋ ada etubom mme andikama - wine afiak esin ke itie ukama-wine esie; ndien enye ɔnɔ Pharaoh cup esie ke ubɔk. 22Enye onyuŋ eyiri etubom mme andinam-uyo: kpasuk nte emi Joseph akasiakde ɔnɔ mmɔ.
23Edi etubom mme andikama-wine itihi Joseph, edi efre enye.
Currently Selected:
GENESIS 40: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
GENESIS 40
40
Joseph Akabare Ndap Ɔnɔ Owo Iba ke Ufɔk Ŋkpɔkɔbi
1EDIKEM, ke ŋkpɔ emi ebede, andikama - wine edidem Egypt ye andinam - uyo edue ɔbɔŋ mmɔ edidem Egypt. 2Ndien Pharaoh ayat esit ye ndidaha owo esie iba oro, ye etubom mme andikama-wine, ye etubom mme andinam-uyo. 3Ndien enye ada mmɔ ɔnɔ ete ekpeme mmɔ ke ufɔk etubom mme andikpeme enye, ke ufɔk ukpeme ebiet emi ekɔbide Joseph do. 4Ndien etubom mme andikpeme edidem eteme Joseph ete ekpeme mmɔ ndien enye anam ŋkpɔ ɔnɔ mmɔ: ntre ke ekpeme mmɔ ndusuk ini.
5Ekem, owo mbiba oro edaba ndap, owo kiet ke ndap esie, owo kiet ke ndap esie, ke okoneyo kiet, owo kiet kiet nte erisiak ndap esie edide, andikama-wine ye andinam-uyo edidem Egypt emi ekekɔbide mmɔ ke ufɔk ukpeme. 6Edikem ke usenubɔk kiet Joseph oduk ke ebiet mmɔ, okut mmɔ, ndien, sese, mmɔ etie ke mfuhɔ. 7Ndien enye obup ndidaha owo Pharaoh emi edude ye enye ke ufɔk ukpeme ete esie, ete, Anam didie iso ɔdiɔk mbufo mfin emi? 8Ndien mmɔ edɔhɔ enye, ete, nnyin ima idaba ndap, ndien owo eke asiakde iduhe. Ndien Joseph ɔdɔhɔ mmɔ ete, Nte idige Abasi asiak ndap? Mbɔk, mbufo ekam etiŋ enɔ mi.
9Ndien etubom mme andikama-wine etiŋ ndap esie ɔnɔ Joseph, ete enye, Ke ndap mi, sese vine kiet ada mi ke iso; 10vine oro onyuŋ asiaha ubɔk ita: enye onyuŋ etie nte esesehe, asiaha mfri; etuek esie enyuŋ eŋwum ndat-ndat mfri; 11cup Pharaoh onyuŋ odu mi ke ubɔk: ndien ami ŋkibi mfri, nnyimi nsin ke cup Pharaoh, ndien nda cup nnɔ Pharaoh ke ubɔk. 12Ndien Joseph ete enye, Ntem ke esiak enye: ubɔk ita oro edi usen ita: 13ayak usen ita Pharaoh eyemenere ibuot fo, eyenyuŋ ada fi afiak esin ke itie fo: ndien afo eyenɔ Pharaoh cup esie ke ubɔk nte akanamde ke akpa, ke ini afo ekedide andikama - wine esie. 14Ndien tim ti mi ŋko ke ini edifɔnde fi, nnyuŋ fɔn ido ye ami mbɔk, nnyuŋ tiŋ baŋa mi nɔ Pharaoh, nyuŋ sio mi ke ufɔk emi: 15koro ekeyipde mi efep ke idut mme Hebrew: ŋkonyuŋ nnamke baba ŋkpɔ kiet mi eke ekpesinde esin mi ke obube emi.
16Ekem, ke ini etubom mme andinam-uyo okutde ete erisiak ɔfɔn, enye ɔdɔhɔ Joseph, ete, Ami ŋko ndu ke ndap mi, ndien, sese, afia uyo ke akpan ita odoro mi ke ibuot: 17ndien kpukpru oruk udia Pharaoh eke anam-uyo anamde, edu ke udoro-enyɔŋ akpan; ndien inuen eta mmɔ ke akpan ke ibuot mi. 18Ndien Joseph ɔbɔrɔ ete, Emi edi se enye ediwɔrɔde: akpan ita oro edi usen ita. 19Ayak usen ita Pharaoh eyemenere ibuot fo esibe efep, eyenyuŋ eyiri fi ke eto; ndien inuen eyekɔŋ obukidem fo eta.
20Edikem, ke ɔyɔhɔ usen ita, usen emana Pharaoh, ndien enye etem akwa udia ɔnɔ kpukpru ikɔt esie: onyuŋ emenere ibuot etubom mme andikama - wine, ye ibuot etubom mme andinam-uyo ke otu ikɔt esie. 21Onyuŋ ada etubom mme andikama - wine afiak esin ke itie ukama-wine esie; ndien enye ɔnɔ Pharaoh cup esie ke ubɔk. 22Enye onyuŋ eyiri etubom mme andinam-uyo: kpasuk nte emi Joseph akasiakde ɔnɔ mmɔ.
23Edi etubom mme andikama-wine itihi Joseph, edi efre enye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.