GENESIS 42
42
Ndap Oro Edidem Egypt Akadabade Ɔwɔrɔ Osu
1EKEM, Jacob okop ete ke ibokpot odu ke Egypt, ndien Jacob ɔdɔhɔ nditɔ-iren esie ete, Mbufo enam didie ese kiet eken? 2Enye onyuŋ ɔdɔhɔ ete, Sese, mmokop nte ibokpot odu ke Egypt: mbufo esuhɔre eka do, enyuŋ edep do enɔ nnyin; man nnyin idu uwem, ikukpa.
3Ndien nditɔ-ete Joseph duop esuhɔre eka ndidep ibokpot ke 4Egypt. Edi Jacob iyakke Benjamin, eyen-eka Joseph, asaŋa ye nditɔ-ete esie: koro enye ɔdɔhɔde ete, Mbak idiɔk-ŋkpɔ edinam enye.
5Ndien nditɔ Israel edi ndidep ibokpot ke otu mmɔ emi edide: koro akaŋ odude ke isɔŋ Canaan. 6Joseph onyuŋ edi andikara isɔŋ oro, edi enye anyam ibokpot ɔnɔ kpukpru mbio-obio; ndien nditɔ ete Joseph edi edinuhɔ enɔ enye, ekubi iso mmɔ ke isɔŋ.
7Ndien Joseph okut nditɔ-ete esie, onyuŋ ɔdiɔŋɔ mmɔ, edi onim idem nte idiɔŋɔke mmɔ, onyuŋ ɔsɔŋɔ uyo ɔdɔhɔ ye mmɔ; enye onyuŋ obup mmɔ ete, Mbufo eto mmɔŋ? Ndien mmɔ ete, Ito ke idut Canaan idi udia ndidep. 8Joseph onyuŋ ɔdiɔŋɔ nditɔ-ete esie, edi mmɔ idiɔŋɔke enye. 9Ndien Joseph eti ndap oro enye akadabade abaŋa mmɔ, onyuŋ ɔdɔhɔ mmɔ ete, Mbufo edi mbon uyep; emedi ndise nte isɔŋ etiede iferi. 10Ndien mmɔ ete enye, Idige ntre ɔbɔŋ mi; edi ifin fo edi udia ndidep. 11Nnyin kpukpru idi nditɔ owo kiet; nnyin idi mbon akpanikɔ, ifin fo idige mbon uyep. 12Ndien enye ɔdɔhɔ mmɔ, ete Idige ntre, mbufo edi ndise nte isɔŋ etiede iferi. 13Ndien mmɔ edɔhɔ ete, Ifin fo edi nditɔ-ete duopeba: nnyin idi nditɔ owo kiet ke isɔŋ Canaan; ndien, sese, ekperedem eyen odu ye ete nnyin mfin emi, kiet inyuŋ iduhe.
14Ndien Joseph ɔdɔhɔ mmɔ ete, Edi kpa ŋkpɔ emi ke ndɔhɔ mbufo, nte, Mbufo edi mbon uyep. 15Eyeda emi edomo mbufo: ma uwem Pharaoh mbufo ididahake mi, ke ekperedem eyen-ete mbufo midige mi. 16Edɔŋ owo mbufo kiet akada eyen-ete mbufo edi, ndien, eyekɔbi mbufo, eye-nyuŋ edomo ikɔ mbufo, mme akpanikɔ odu mbufo ke esit: midige ntre, ma uwem Pharaoh, ke akpan ke mbufo edi mbon uyep. 17Ndien enye omum mmɔ kpukpru esin ke ufɔk ukpeme ke usen ita.
18Ekem, ke ɔyɔhɔ usen ita, Joseph ɔdɔhɔ mmɔ ete, Mbufo enam ŋkpɔ emi edu uwem; ami mfefehe Abasi. 19Edieke mbufo edide mbon akpanikɔ, eyak ekɔbi eyen-ete mbufo kiet ke ufɔk ukpeme mbufo: ndien mbufo eka ekeda ibokpot esɔk mme ufɔk mbufo emi etiede biɔŋ; 20ndien eda ekperedem eyen-ete mbufo edisɔk mi; ndien ediwut ete, ke ikɔ mbufo edi akpanikɔ, mbufo idinyuŋ ikpaŋake. Ndien mmɔ enam ntre.
21Ndien mmɔ edɔhɔ kiet ye eken, ete, Nnyin ikedue eti-eti ke ikɔ eyen-ete nnyin, koro, ikokutde ndutuhɔ ukpɔŋ esie, ke ini enye ekpede nnyin ubɔk, ndien nnyin ikopke; oro esin nnanenyin emi etiene nnyin. 22Ndien Reuben ɔbɔrɔ mmɔ, ete, Nte ŋkɔdɔhɔke mbufo, nte, Ekunam idiɔk ye eyen oro, ndien mbufo ikopke? mmɔdo, sese, ke eyeyom iyip esie. 23Mmɔ inyuŋ ifiɔkke ete ke Joseph ke okop; koro esem-usem odude mmɔ ke ufɔt. 24Ndien enye ɔwɔŋɔre ɔkpɔŋ mmɔ akatua eyet; onyuŋ afiak etiene mmɔ, ndien ɔdɔhɔ ikɔ ye mmɔ, onyuŋ ɔbɔ mmɔ Simeon, ɔkɔbi ke iso mmɔ.
25Ndien Joseph ɔdɔhɔ ete, Esin ibokpot ke ekpat mmɔ eyɔhɔ, enyuŋ eda silver kpukpru owo esin ke ekpat mmɔ, enyuŋ enɔ mmɔ udia usuŋ: ntem ke enye anam ye mmɔ.
26Ekem, mmɔ emen ibokpot edori ke edem ass mmɔ, ndien enyɔŋɔ ekpɔŋ ebiet oro. 27Ndien owo kiet atat ekpat esiemɔ, ete inɔ ass imɔ udia ke ebiet emi edaŋde, ndien okut silver esiemɔ; ndien sese, odu ke inua ekpat esie. 28Ndien enye ɔdɔhɔ nditɔ-ete esie ete, Ema enɔ silver mi; sese, enye odu ke ekpat mi ŋko: ndien esit ɔduɔ mmɔ, mmɔ enyuŋ efehe ndik, edɔhɔ kiet eken ete, Nsidi emi Abasi anamde ye nnyin?
29Ekem, mmɔ esim Jacob ete mmɔ ke isɔŋ Canaan, ndien mmɔ emen se ikotibede ye mmɔ etiŋ enɔ enye, ete, 30Ke ɔbɔŋ owo isɔŋ oro ɔkɔsɔŋ uyo ɔdɔhɔ ye nnyin, onyuŋ ese nnyin ke mme eyep isɔŋ. 31Ndien nnyin idɔhɔ enye ite, Nnyin idi mbon akpanikɔ; idige mbon uyep: 32nnyin owo duopeba idi nditɔ ete nnyin; kiet iduhe, ekperedem onyuŋ odu ye ete nnyin mfin emi ke isɔŋ Canaan. 33Ndien owo oro, ɔbɔŋ isɔŋ, ɔdɔhɔ nnyin, ete, Nyeda emi mfiɔk mme mbufo edi mbon akpanikɔ; ekpɔŋ eyen-ete mbufo kiet mi ye ami, ndien eda udia eka ekesɔk mme ufɔk mbufo emi etiede biɔŋ; 34enyuŋ eda ekpri eyen-ete mbufo edisɔk mi: ndien nyefiɔk nte mbufo idige mbon uyep, edi mbufo edi mbon akpanikɔ: nyeyak eyen-ete mbufo nnɔ mbufo, ndien mbufo eyenyam urua ke isɔŋ emi.
35Edikem ke ini mmɔ eŋwaŋade ibokpot ke ekpat mmɔ, sese, ekwo silver kpukpru owo edu ke ekpat mmɔ; ndien mmɔ ye ete mmɔ ekut ekwo silver mmɔ, ndien efehe ndik. 36Ndien Jacob ete mmɔ ɔdɔhɔ mmɔ ete, Mbufo emebɔ mi nditɔ mi: Joseph iduhe, Simeon inyuŋ iduhe, mbufo ke edinyuŋ eda Benjamin efep: kpukpru ŋkpɔ emi enam mi.
37Ndien Reuben ɔdɔhɔ ete esie, ete, Wot nditɔ mi mbiba ke mmandaha enye nsɔk fi: sin enye ke ubɔk mi, ndien ami nyeda enye mfiak nsɔk fi. 38Ndien enye ɔdɔhɔ ete, Eyen mi idisuhɔkede ika ye mbufo; koro eyen-eka esie ama akpa, enye onyuŋ ɔsuhɔ ikpɔŋ: idiɔk-ŋkpɔ ama onyuŋ etiene enye ke usuŋ emi mbufo edisaŋade ke esit, eyenam iwat mi osuhɔre ke udi ke mfuhɔ.
Currently Selected:
GENESIS 42: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
GENESIS 42
42
Ndap Oro Edidem Egypt Akadabade Ɔwɔrɔ Osu
1EKEM, Jacob okop ete ke ibokpot odu ke Egypt, ndien Jacob ɔdɔhɔ nditɔ-iren esie ete, Mbufo enam didie ese kiet eken? 2Enye onyuŋ ɔdɔhɔ ete, Sese, mmokop nte ibokpot odu ke Egypt: mbufo esuhɔre eka do, enyuŋ edep do enɔ nnyin; man nnyin idu uwem, ikukpa.
3Ndien nditɔ-ete Joseph duop esuhɔre eka ndidep ibokpot ke 4Egypt. Edi Jacob iyakke Benjamin, eyen-eka Joseph, asaŋa ye nditɔ-ete esie: koro enye ɔdɔhɔde ete, Mbak idiɔk-ŋkpɔ edinam enye.
5Ndien nditɔ Israel edi ndidep ibokpot ke otu mmɔ emi edide: koro akaŋ odude ke isɔŋ Canaan. 6Joseph onyuŋ edi andikara isɔŋ oro, edi enye anyam ibokpot ɔnɔ kpukpru mbio-obio; ndien nditɔ ete Joseph edi edinuhɔ enɔ enye, ekubi iso mmɔ ke isɔŋ.
7Ndien Joseph okut nditɔ-ete esie, onyuŋ ɔdiɔŋɔ mmɔ, edi onim idem nte idiɔŋɔke mmɔ, onyuŋ ɔsɔŋɔ uyo ɔdɔhɔ ye mmɔ; enye onyuŋ obup mmɔ ete, Mbufo eto mmɔŋ? Ndien mmɔ ete, Ito ke idut Canaan idi udia ndidep. 8Joseph onyuŋ ɔdiɔŋɔ nditɔ-ete esie, edi mmɔ idiɔŋɔke enye. 9Ndien Joseph eti ndap oro enye akadabade abaŋa mmɔ, onyuŋ ɔdɔhɔ mmɔ ete, Mbufo edi mbon uyep; emedi ndise nte isɔŋ etiede iferi. 10Ndien mmɔ ete enye, Idige ntre ɔbɔŋ mi; edi ifin fo edi udia ndidep. 11Nnyin kpukpru idi nditɔ owo kiet; nnyin idi mbon akpanikɔ, ifin fo idige mbon uyep. 12Ndien enye ɔdɔhɔ mmɔ, ete Idige ntre, mbufo edi ndise nte isɔŋ etiede iferi. 13Ndien mmɔ edɔhɔ ete, Ifin fo edi nditɔ-ete duopeba: nnyin idi nditɔ owo kiet ke isɔŋ Canaan; ndien, sese, ekperedem eyen odu ye ete nnyin mfin emi, kiet inyuŋ iduhe.
14Ndien Joseph ɔdɔhɔ mmɔ ete, Edi kpa ŋkpɔ emi ke ndɔhɔ mbufo, nte, Mbufo edi mbon uyep. 15Eyeda emi edomo mbufo: ma uwem Pharaoh mbufo ididahake mi, ke ekperedem eyen-ete mbufo midige mi. 16Edɔŋ owo mbufo kiet akada eyen-ete mbufo edi, ndien, eyekɔbi mbufo, eye-nyuŋ edomo ikɔ mbufo, mme akpanikɔ odu mbufo ke esit: midige ntre, ma uwem Pharaoh, ke akpan ke mbufo edi mbon uyep. 17Ndien enye omum mmɔ kpukpru esin ke ufɔk ukpeme ke usen ita.
18Ekem, ke ɔyɔhɔ usen ita, Joseph ɔdɔhɔ mmɔ ete, Mbufo enam ŋkpɔ emi edu uwem; ami mfefehe Abasi. 19Edieke mbufo edide mbon akpanikɔ, eyak ekɔbi eyen-ete mbufo kiet ke ufɔk ukpeme mbufo: ndien mbufo eka ekeda ibokpot esɔk mme ufɔk mbufo emi etiede biɔŋ; 20ndien eda ekperedem eyen-ete mbufo edisɔk mi; ndien ediwut ete, ke ikɔ mbufo edi akpanikɔ, mbufo idinyuŋ ikpaŋake. Ndien mmɔ enam ntre.
21Ndien mmɔ edɔhɔ kiet ye eken, ete, Nnyin ikedue eti-eti ke ikɔ eyen-ete nnyin, koro, ikokutde ndutuhɔ ukpɔŋ esie, ke ini enye ekpede nnyin ubɔk, ndien nnyin ikopke; oro esin nnanenyin emi etiene nnyin. 22Ndien Reuben ɔbɔrɔ mmɔ, ete, Nte ŋkɔdɔhɔke mbufo, nte, Ekunam idiɔk ye eyen oro, ndien mbufo ikopke? mmɔdo, sese, ke eyeyom iyip esie. 23Mmɔ inyuŋ ifiɔkke ete ke Joseph ke okop; koro esem-usem odude mmɔ ke ufɔt. 24Ndien enye ɔwɔŋɔre ɔkpɔŋ mmɔ akatua eyet; onyuŋ afiak etiene mmɔ, ndien ɔdɔhɔ ikɔ ye mmɔ, onyuŋ ɔbɔ mmɔ Simeon, ɔkɔbi ke iso mmɔ.
25Ndien Joseph ɔdɔhɔ ete, Esin ibokpot ke ekpat mmɔ eyɔhɔ, enyuŋ eda silver kpukpru owo esin ke ekpat mmɔ, enyuŋ enɔ mmɔ udia usuŋ: ntem ke enye anam ye mmɔ.
26Ekem, mmɔ emen ibokpot edori ke edem ass mmɔ, ndien enyɔŋɔ ekpɔŋ ebiet oro. 27Ndien owo kiet atat ekpat esiemɔ, ete inɔ ass imɔ udia ke ebiet emi edaŋde, ndien okut silver esiemɔ; ndien sese, odu ke inua ekpat esie. 28Ndien enye ɔdɔhɔ nditɔ-ete esie ete, Ema enɔ silver mi; sese, enye odu ke ekpat mi ŋko: ndien esit ɔduɔ mmɔ, mmɔ enyuŋ efehe ndik, edɔhɔ kiet eken ete, Nsidi emi Abasi anamde ye nnyin?
29Ekem, mmɔ esim Jacob ete mmɔ ke isɔŋ Canaan, ndien mmɔ emen se ikotibede ye mmɔ etiŋ enɔ enye, ete, 30Ke ɔbɔŋ owo isɔŋ oro ɔkɔsɔŋ uyo ɔdɔhɔ ye nnyin, onyuŋ ese nnyin ke mme eyep isɔŋ. 31Ndien nnyin idɔhɔ enye ite, Nnyin idi mbon akpanikɔ; idige mbon uyep: 32nnyin owo duopeba idi nditɔ ete nnyin; kiet iduhe, ekperedem onyuŋ odu ye ete nnyin mfin emi ke isɔŋ Canaan. 33Ndien owo oro, ɔbɔŋ isɔŋ, ɔdɔhɔ nnyin, ete, Nyeda emi mfiɔk mme mbufo edi mbon akpanikɔ; ekpɔŋ eyen-ete mbufo kiet mi ye ami, ndien eda udia eka ekesɔk mme ufɔk mbufo emi etiede biɔŋ; 34enyuŋ eda ekpri eyen-ete mbufo edisɔk mi: ndien nyefiɔk nte mbufo idige mbon uyep, edi mbufo edi mbon akpanikɔ: nyeyak eyen-ete mbufo nnɔ mbufo, ndien mbufo eyenyam urua ke isɔŋ emi.
35Edikem ke ini mmɔ eŋwaŋade ibokpot ke ekpat mmɔ, sese, ekwo silver kpukpru owo edu ke ekpat mmɔ; ndien mmɔ ye ete mmɔ ekut ekwo silver mmɔ, ndien efehe ndik. 36Ndien Jacob ete mmɔ ɔdɔhɔ mmɔ ete, Mbufo emebɔ mi nditɔ mi: Joseph iduhe, Simeon inyuŋ iduhe, mbufo ke edinyuŋ eda Benjamin efep: kpukpru ŋkpɔ emi enam mi.
37Ndien Reuben ɔdɔhɔ ete esie, ete, Wot nditɔ mi mbiba ke mmandaha enye nsɔk fi: sin enye ke ubɔk mi, ndien ami nyeda enye mfiak nsɔk fi. 38Ndien enye ɔdɔhɔ ete, Eyen mi idisuhɔkede ika ye mbufo; koro eyen-eka esie ama akpa, enye onyuŋ ɔsuhɔ ikpɔŋ: idiɔk-ŋkpɔ ama onyuŋ etiene enye ke usuŋ emi mbufo edisaŋade ke esit, eyenam iwat mi osuhɔre ke udi ke mfuhɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.