GENESIS 49
49
Mme Ikɔ Nnɔitem Emi Jacob Ɔkɔnɔde Nditɔ Esie
1EKEM Jacob okot nditɔ esie, ete, Mbufo ebono, ndien nyemen se idiwɔrɔde mbufo 2ke ini iso, ntiŋ nnɔ mbufo. Nditɔ Jacob, mbufo ebono, enyuŋ ekop; enyuŋ ekpaŋ utɔŋ enɔ Israel ete mbufo.
3Reuben! afo edi akpan mi, odudu mi, ye eritɔŋɔ nsɔŋ-idem mi akpan uforo, ye akpan nsɔŋ: 4Ofofut nte mmɔŋ, uduforoke; koro afo ɔkɔdɔkde ke bed usɔ; ke ini oro afo asabade enye. Enye ɔkɔdɔk ke mbri mi!
5Simeon ye Levi edi nditɔ-ete kiet: ŋkpɔ afai edi ofut mmɔ. 6Kuduk ke odu mmɔ ukpɔŋ mi! kudiana ke esop mmɔ, ubɔŋ mi! koro ke iyaresit mmɔ ke ekewot owo, ndien ke nsɔŋ-ibuot mmɔ ke 7ekpok enaŋ akpan osip. Esuŋi iyaresit mmɔ, koro edide ɔkpɔsɔŋ; ye ifuresit mmɔ, koro edide afai; nyebahare mmɔ ke Jacob, nnyuŋ nsuan mmɔ nsin ke Israel.
8Afo Judah! nditɔ-usɔ eyetoro fi; ubɔk fo eyedu ke itɔŋ mme andisua fi; nditɔ-usɔ eyenuhɔ enɔ 9fi. Judah edi abak eyen lion; eyen mi! afo ɔmɔdɔk ɔkpɔŋ se akawaide; enye ɔnuhɔ, ɔkubɔ nte lion, ye uman lion; anie edibumere enye? 10Mmɔnyɔ idikpɔŋke Judah, eto ɔbɔŋ idinyuŋ ikpɔŋke ŋkpatian-ukot esie, tutu Shiloh edi; mme idut eyenyuŋ ekop enɔ 11enye. Ke eyiri ass esie ke vine, ye eyen ass esie ke eti vine; ke eyet edisine-ŋkpɔ esie ke wine, ye ɔfɔŋ-idem esie ke iyip etuek vine. 12Enyin esie eyeyibe ke wine, ndien edet eyefia ke mmɔŋ-eba.
13Zebulun eyeduŋ ke mben inyaŋ; enye eyenyuŋ odu ke itie ubom; adaŋa esie eyenyuŋ osim ke Zidon.
14Issachar edi ɔkpɔsɔŋ ass, ke ana 15ke nna ufene; Ndien okut nduɔk-odudu ete ke ɔfɔn, ye isɔŋ oro ete ke enem; ndien enye onuk afara esie ndibiom, onyuŋ akabare edi otomo-utomo.
16Dan eyekpe ikpe ɔnɔ ikɔt esie, 17nte oruk Israel kiet. Dan eyedi urukikɔt ke mben usuŋ, ibɔm ke mben usuŋ, eke odomde horse nditiŋ-ikpat, ndien owo eke odorode 18enye ɔduɔ ke edem. Mmebet erinyaŋa fo, O Jehovah.
19Gad, udim owo eyefik enye: edi enye eyefik ekpere-edem mmɔ.
20Ikpɔŋ unam, uyo esie, oto Asher, ndien enye eyenɔ edinem udia edidem.
21Naphtali edi okoyo eke esanade eyak, emi ɔnɔde ikɔ uyai.
22Joseph edi eyen eti uduot eto, eyen eti uduot eto ke ibuot idim; 23ŋkɔk esie ebiɔk ibibene. Mbon utiga eyat enye, enyuŋ etiga enye, 24enyuŋ esua enye: Edi utiga esie etie ke odudu, ubɔk esie onyuŋ ɔsɔbɔ, oto ke ubɔk Ɔkpɔsɔŋ Abasi Jacob, oto do, Ekpeme-erɔŋ, 25Itiat Israel. Oto Abasi usɔ, emi edinyaŋade fi; oto El Shaddai, emi edidiɔŋde fi, nti ŋkpɔ heaven ke enyɔŋ, nti ŋkpɔ ntuŋɔ emi anade ke idak, nti ŋkpɔ eba ye idibi. 26Nti ŋkpɔ usɔ ke ekan nti ŋkpɔ mme ete mi, tutu adaŋa ŋkani obot: edidoro Joseph ke ibuot, ye ke etiŋ-ibuot enye emi enyenede ubɔŋ akan nditɔ-ete esie.
27Benjamin eyewai nte wolf: ke usenubɔk ke ata se omumde, ndien ke okoneyo ke abahare mbume.
28Kpukpru mme mmɔ emi edi esien Israel duopeba: emi onyuŋ edi se ete mmɔ etiŋde ɔnɔ mmɔ, onyuŋ ɔdiɔŋ mmɔ; kpukpru owo nte eridiɔŋ mmɔ edide ke enye 29ɔdiɔŋ mmɔ. Ndien enye eteme mmɔ, onyuŋ ɔdɔhɔ mmɔ, ete, Ami nyebono ye oruk mi: mbufo ebuk mi edian ye mme ete mi, ke aba-itiat emi odude ke iŋwaŋ 30Ephron eyen Heth; ke aba emi odude ke iŋwaŋ Machpelah, emi odude ke iso Mamre, ke isɔŋ Canaan, emi Abraham ekedepde ye isɔŋ oro, ye Ephron, eyen Heth, man enyene udi. 31Mmɔ ema ebuk Abraham do ye Sarah ŋwan esie; ema ebuk Isaac ye Rebekah ŋwan esie do; ami ŋko mma mbuk 32Leah do. Mmɔ ekedep isɔŋ oro ye aba emi odude ke esit, ye nditɔ Heth. 33Ekem, Jacob etre nditeme nditɔ esie, ndien ataŋ ukot esie onim ke bed, ndien akpa, onyuŋ obono ye oruk esie.
Currently Selected:
GENESIS 49: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
GENESIS 49
49
Mme Ikɔ Nnɔitem Emi Jacob Ɔkɔnɔde Nditɔ Esie
1EKEM Jacob okot nditɔ esie, ete, Mbufo ebono, ndien nyemen se idiwɔrɔde mbufo 2ke ini iso, ntiŋ nnɔ mbufo. Nditɔ Jacob, mbufo ebono, enyuŋ ekop; enyuŋ ekpaŋ utɔŋ enɔ Israel ete mbufo.
3Reuben! afo edi akpan mi, odudu mi, ye eritɔŋɔ nsɔŋ-idem mi akpan uforo, ye akpan nsɔŋ: 4Ofofut nte mmɔŋ, uduforoke; koro afo ɔkɔdɔkde ke bed usɔ; ke ini oro afo asabade enye. Enye ɔkɔdɔk ke mbri mi!
5Simeon ye Levi edi nditɔ-ete kiet: ŋkpɔ afai edi ofut mmɔ. 6Kuduk ke odu mmɔ ukpɔŋ mi! kudiana ke esop mmɔ, ubɔŋ mi! koro ke iyaresit mmɔ ke ekewot owo, ndien ke nsɔŋ-ibuot mmɔ ke 7ekpok enaŋ akpan osip. Esuŋi iyaresit mmɔ, koro edide ɔkpɔsɔŋ; ye ifuresit mmɔ, koro edide afai; nyebahare mmɔ ke Jacob, nnyuŋ nsuan mmɔ nsin ke Israel.
8Afo Judah! nditɔ-usɔ eyetoro fi; ubɔk fo eyedu ke itɔŋ mme andisua fi; nditɔ-usɔ eyenuhɔ enɔ 9fi. Judah edi abak eyen lion; eyen mi! afo ɔmɔdɔk ɔkpɔŋ se akawaide; enye ɔnuhɔ, ɔkubɔ nte lion, ye uman lion; anie edibumere enye? 10Mmɔnyɔ idikpɔŋke Judah, eto ɔbɔŋ idinyuŋ ikpɔŋke ŋkpatian-ukot esie, tutu Shiloh edi; mme idut eyenyuŋ ekop enɔ 11enye. Ke eyiri ass esie ke vine, ye eyen ass esie ke eti vine; ke eyet edisine-ŋkpɔ esie ke wine, ye ɔfɔŋ-idem esie ke iyip etuek vine. 12Enyin esie eyeyibe ke wine, ndien edet eyefia ke mmɔŋ-eba.
13Zebulun eyeduŋ ke mben inyaŋ; enye eyenyuŋ odu ke itie ubom; adaŋa esie eyenyuŋ osim ke Zidon.
14Issachar edi ɔkpɔsɔŋ ass, ke ana 15ke nna ufene; Ndien okut nduɔk-odudu ete ke ɔfɔn, ye isɔŋ oro ete ke enem; ndien enye onuk afara esie ndibiom, onyuŋ akabare edi otomo-utomo.
16Dan eyekpe ikpe ɔnɔ ikɔt esie, 17nte oruk Israel kiet. Dan eyedi urukikɔt ke mben usuŋ, ibɔm ke mben usuŋ, eke odomde horse nditiŋ-ikpat, ndien owo eke odorode 18enye ɔduɔ ke edem. Mmebet erinyaŋa fo, O Jehovah.
19Gad, udim owo eyefik enye: edi enye eyefik ekpere-edem mmɔ.
20Ikpɔŋ unam, uyo esie, oto Asher, ndien enye eyenɔ edinem udia edidem.
21Naphtali edi okoyo eke esanade eyak, emi ɔnɔde ikɔ uyai.
22Joseph edi eyen eti uduot eto, eyen eti uduot eto ke ibuot idim; 23ŋkɔk esie ebiɔk ibibene. Mbon utiga eyat enye, enyuŋ etiga enye, 24enyuŋ esua enye: Edi utiga esie etie ke odudu, ubɔk esie onyuŋ ɔsɔbɔ, oto ke ubɔk Ɔkpɔsɔŋ Abasi Jacob, oto do, Ekpeme-erɔŋ, 25Itiat Israel. Oto Abasi usɔ, emi edinyaŋade fi; oto El Shaddai, emi edidiɔŋde fi, nti ŋkpɔ heaven ke enyɔŋ, nti ŋkpɔ ntuŋɔ emi anade ke idak, nti ŋkpɔ eba ye idibi. 26Nti ŋkpɔ usɔ ke ekan nti ŋkpɔ mme ete mi, tutu adaŋa ŋkani obot: edidoro Joseph ke ibuot, ye ke etiŋ-ibuot enye emi enyenede ubɔŋ akan nditɔ-ete esie.
27Benjamin eyewai nte wolf: ke usenubɔk ke ata se omumde, ndien ke okoneyo ke abahare mbume.
28Kpukpru mme mmɔ emi edi esien Israel duopeba: emi onyuŋ edi se ete mmɔ etiŋde ɔnɔ mmɔ, onyuŋ ɔdiɔŋ mmɔ; kpukpru owo nte eridiɔŋ mmɔ edide ke enye 29ɔdiɔŋ mmɔ. Ndien enye eteme mmɔ, onyuŋ ɔdɔhɔ mmɔ, ete, Ami nyebono ye oruk mi: mbufo ebuk mi edian ye mme ete mi, ke aba-itiat emi odude ke iŋwaŋ 30Ephron eyen Heth; ke aba emi odude ke iŋwaŋ Machpelah, emi odude ke iso Mamre, ke isɔŋ Canaan, emi Abraham ekedepde ye isɔŋ oro, ye Ephron, eyen Heth, man enyene udi. 31Mmɔ ema ebuk Abraham do ye Sarah ŋwan esie; ema ebuk Isaac ye Rebekah ŋwan esie do; ami ŋko mma mbuk 32Leah do. Mmɔ ekedep isɔŋ oro ye aba emi odude ke esit, ye nditɔ Heth. 33Ekem, Jacob etre nditeme nditɔ esie, ndien ataŋ ukot esie onim ke bed, ndien akpa, onyuŋ obono ye oruk esie.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.