LEVITICUS 10
10
Idiɔk Ido Emi Nadab ye Abihu Ekenamde
1EKEM Nadab ye Abihu, nditɔ Aaron mbiba, eda ŋkpɔ ufɔp incense mmɔ, esin ikaŋ ke esit, enyuŋ edori incense ke esit, ndien eda esen ikaŋ edi ke iso Jehovah, eke enye okowukde mmɔ ete ekunam. 2Ndien ikaŋ oto ke iso Jehovah, ediwot mmɔ, ndien mmɔ ekpa ke iso Jehovah. 3Ndien Moses ɔdɔhɔ Aaron ete, Emi edi se Jehovah ɔdɔhɔde ete, Kpukpru mmɔ eke esaŋade ekpere mi, enyene ndise mi ke edisana, enyuŋ enyene ndikpono mi ke iso kpukpru owo. Ndien Aaron odop uyo. 4Ndien Moses okot Mishael ye Elzaphan, nditɔ Uzziel, eyen ete Aaron, edi, ndien ɔdɔhɔ mmɔ ete, Mbufo esaŋa ekpere ekemen nditɔ ete mbufo ke iso edisana ebiet efep, eda eka ke edem nna. 5Ndien mmɔ esaŋa ekpere, ekemen mmɔ ke frock mmɔ eka ke edem nna; kpa nte Moses okowukde.
6Ndien Moses ɔdɔhɔ Aaron, ye Eleazar, ye Ithamar, nditɔ esie, ete, Mbufo ekuyarare ŋkpɔ ke ibuot mbufo, ekunyuŋ ewai edisine-ŋkpɔ mbufo, mbak mbufo edikpaŋa, ifuresit edinyuŋ odoro kpukpru owo: edi yak ofuri ufɔk Israel, nditɔ ete mbufo, etuaŋa erifɔp emi Jehovah ɔkɔfɔpde. 7Ndien mbufo ekuwɔŋɔ ke enyin-usuŋ efe esop, mbak edikpaŋa: koro aran-nyere Jehovah eyerede mbufo ke idem. Ndien mmɔ enam ke uyo Moses.
8Ndien Jehovah ɔdɔhɔ Aaron, ete, 9Kuŋwɔŋ wine ye mmin, afo, ye nditɔ fo ŋko, ke ini mbufo edukde efe esop, mbak mbufo edikpaŋa: nsinsi ewuhɔ edi emi ke ofuri emana mbufo: 10man enyuŋ edianare eti ye idiɔk, ye se idehede ke se isanade; 11man enyuŋ ekpep nditɔ Israel kpukpru mme ewuhɔ emi Jehovah ɔkɔdɔhɔde mmɔ ke ubɔk Moses.
12Ndien Moses ɔdɔhɔ Aaron, ye Eleazar, ye Ithamar, nditɔ esie emi esukde, ete, Mbufo eda uwa udia emi ɔsuhɔde ke uwa ikaŋ Jehovah, eta ke ŋkaŋ itie-uwa, ekusin leaven: koro enye edide ata edisana: 13mbufo enyuŋ eta enye ke edisana ebiet: koro enye edide udeme fo, ye udeme nditɔ fo, ke uwa ikaŋ Jehovah: koro ntem ke ekewuk mi. 14Ndien mbufo eta edifuŋ ikɔŋesit ye edimenere afara, ke ɔtɔ eke asanade; afo, ye nditɔ-iren fo, ye nditɔ-iban fo ŋko: koro esiode mmɔ ke mme uwa emem nditɔ Israel enɔ ke udeme fo, ye udeme nditɔ-iren fo. 15Yak mmɔ eda edimenere afara, ye edifuŋ ikɔŋesit ekɔrɔ ke ikpɔŋ eke efɔpde ke ikaŋ, edi, man efuŋ enye ke edifuŋ uwa ke iso Jehovah; ndien eyenyene fi, ye nditɔ fo ŋko, ke nsinsi udeme; nte emi Jehovah okowukde.
16Ndien Moses aka okoyom okpo ebot uwa idiɔk ido, ndien sese, ema ekefɔp enye: ndien enye ayat esit ye Eleazar ye Ithamar, nditɔ Aaron emi esukde, ete, 17Enam didie mbufo mitaha uwa idiɔk ido ke edisana ebiet: koro enye edide ata edisana? Enye (Abasi) ama onyuŋ ada enye ɔnɔ mbufo ete, Mbufo ebiom idiɔk ido ofuri esop, man esio isop enɔ mmɔ ke iso Jehovah. 18Sese, ikadaha iyip esie iduk ke esit edisana ebiet: mbufo ekpeta enye ke edisana ebiet, kpa nte emi ŋkowukde. 19Ndien Aaron ɔdɔhɔ Moses, ete, Sese, mmɔ ekeda uwa idiɔk ido mmɔ ye edifɔp uwa mmɔ edi ke iso Jehovah mfin emi; ndien oruk ŋkpɔ emi emenam mi: ndien, ŋkpata uwa idiɔk ido mfin emi, ekpenem Jehovah? 20Ndien ke ini Moses okopde, ɔfɔn enye ke enyin.
Currently Selected:
LEVITICUS 10: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
LEVITICUS 10
10
Idiɔk Ido Emi Nadab ye Abihu Ekenamde
1EKEM Nadab ye Abihu, nditɔ Aaron mbiba, eda ŋkpɔ ufɔp incense mmɔ, esin ikaŋ ke esit, enyuŋ edori incense ke esit, ndien eda esen ikaŋ edi ke iso Jehovah, eke enye okowukde mmɔ ete ekunam. 2Ndien ikaŋ oto ke iso Jehovah, ediwot mmɔ, ndien mmɔ ekpa ke iso Jehovah. 3Ndien Moses ɔdɔhɔ Aaron ete, Emi edi se Jehovah ɔdɔhɔde ete, Kpukpru mmɔ eke esaŋade ekpere mi, enyene ndise mi ke edisana, enyuŋ enyene ndikpono mi ke iso kpukpru owo. Ndien Aaron odop uyo. 4Ndien Moses okot Mishael ye Elzaphan, nditɔ Uzziel, eyen ete Aaron, edi, ndien ɔdɔhɔ mmɔ ete, Mbufo esaŋa ekpere ekemen nditɔ ete mbufo ke iso edisana ebiet efep, eda eka ke edem nna. 5Ndien mmɔ esaŋa ekpere, ekemen mmɔ ke frock mmɔ eka ke edem nna; kpa nte Moses okowukde.
6Ndien Moses ɔdɔhɔ Aaron, ye Eleazar, ye Ithamar, nditɔ esie, ete, Mbufo ekuyarare ŋkpɔ ke ibuot mbufo, ekunyuŋ ewai edisine-ŋkpɔ mbufo, mbak mbufo edikpaŋa, ifuresit edinyuŋ odoro kpukpru owo: edi yak ofuri ufɔk Israel, nditɔ ete mbufo, etuaŋa erifɔp emi Jehovah ɔkɔfɔpde. 7Ndien mbufo ekuwɔŋɔ ke enyin-usuŋ efe esop, mbak edikpaŋa: koro aran-nyere Jehovah eyerede mbufo ke idem. Ndien mmɔ enam ke uyo Moses.
8Ndien Jehovah ɔdɔhɔ Aaron, ete, 9Kuŋwɔŋ wine ye mmin, afo, ye nditɔ fo ŋko, ke ini mbufo edukde efe esop, mbak mbufo edikpaŋa: nsinsi ewuhɔ edi emi ke ofuri emana mbufo: 10man enyuŋ edianare eti ye idiɔk, ye se idehede ke se isanade; 11man enyuŋ ekpep nditɔ Israel kpukpru mme ewuhɔ emi Jehovah ɔkɔdɔhɔde mmɔ ke ubɔk Moses.
12Ndien Moses ɔdɔhɔ Aaron, ye Eleazar, ye Ithamar, nditɔ esie emi esukde, ete, Mbufo eda uwa udia emi ɔsuhɔde ke uwa ikaŋ Jehovah, eta ke ŋkaŋ itie-uwa, ekusin leaven: koro enye edide ata edisana: 13mbufo enyuŋ eta enye ke edisana ebiet: koro enye edide udeme fo, ye udeme nditɔ fo, ke uwa ikaŋ Jehovah: koro ntem ke ekewuk mi. 14Ndien mbufo eta edifuŋ ikɔŋesit ye edimenere afara, ke ɔtɔ eke asanade; afo, ye nditɔ-iren fo, ye nditɔ-iban fo ŋko: koro esiode mmɔ ke mme uwa emem nditɔ Israel enɔ ke udeme fo, ye udeme nditɔ-iren fo. 15Yak mmɔ eda edimenere afara, ye edifuŋ ikɔŋesit ekɔrɔ ke ikpɔŋ eke efɔpde ke ikaŋ, edi, man efuŋ enye ke edifuŋ uwa ke iso Jehovah; ndien eyenyene fi, ye nditɔ fo ŋko, ke nsinsi udeme; nte emi Jehovah okowukde.
16Ndien Moses aka okoyom okpo ebot uwa idiɔk ido, ndien sese, ema ekefɔp enye: ndien enye ayat esit ye Eleazar ye Ithamar, nditɔ Aaron emi esukde, ete, 17Enam didie mbufo mitaha uwa idiɔk ido ke edisana ebiet: koro enye edide ata edisana? Enye (Abasi) ama onyuŋ ada enye ɔnɔ mbufo ete, Mbufo ebiom idiɔk ido ofuri esop, man esio isop enɔ mmɔ ke iso Jehovah. 18Sese, ikadaha iyip esie iduk ke esit edisana ebiet: mbufo ekpeta enye ke edisana ebiet, kpa nte emi ŋkowukde. 19Ndien Aaron ɔdɔhɔ Moses, ete, Sese, mmɔ ekeda uwa idiɔk ido mmɔ ye edifɔp uwa mmɔ edi ke iso Jehovah mfin emi; ndien oruk ŋkpɔ emi emenam mi: ndien, ŋkpata uwa idiɔk ido mfin emi, ekpenem Jehovah? 20Ndien ke ini Moses okopde, ɔfɔn enye ke enyin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.