LEVITICUS 16
16
Usen Usio Isop
1EKEM Jehovah ɔdɔhɔ Moses, ke nditɔ Aaron iba ema ekekpa ema, adaŋemi mmɔ esaŋade ekpere ke iso Jehovah, ndien ekpa mkpa; 2ndien Jehovah ɔdɔhɔ Moses, ete, Dɔhɔ Aaron eyen-uka, ete, Enye okuduk kpukpru ini ke edisana ebiet ke edem ukara, ke iso itie-usio-isop, emi odorode ke enyɔŋ ekebe; mbak enye edikpa: koro nyewut idem mi ke cloud ke enyɔŋ itie-usio-isop. 3Ntem ke Aaron ediduk ke edisana ebiet oro; akama abak enaŋ ke uwa idiɔk ido, ye okukim ke edifɔp uwa. 4Yak enye esine edisana ɔfɔŋidem linen, onyuŋ esine ɔfɔŋ-ukot linen ke idem, onyuŋ ɔbɔbɔ ubɔp-isin linen, onyuŋ ayara mitre linen; mme mmɔ emi edi edisana edisine-ŋkpɔ; ndien yak enye eyet idem esie ke mmɔŋ, ndien esine mmɔ. 5Ndien yak enye ɔbɔ esop nditɔ Israel okpo ebot iba ke uwa idiɔk ido, ye okukim erɔŋ kiet ke edifɔp uwa.
6Ndien yak Aaron ada abak enaŋ uwa idiɔk ido emi edide eke idem esie, ediwa, onyuŋ osio isop idem esie, ye eke ufɔk esiemɔ. 7Ndien enye ada okpo ebot iba oro, emen mmɔ onim ke iso Jehovah ke enyin-usuŋ efe esop. 8Ndien Aaron odomo ndomo ke okpo mbiba; ndomo kiet ke eke Jehovah, ye ndomo kiet eken ke eke Azazel. 9Ndien yak Aaron ada ebot eke ndomo Jehovah otopde enye, ediwa ke uwa idiɔk ido. 10Ndien ŋko ama edi ebot eke ndomo Azazel otopde enye, yak eda enye ye uwem enim ke iso Jehovah, man eda enye esio isop, enyuŋ enɔ enye ekesɔk Azazel ke wilderness.
11Ndien yak Aaron ada enaŋ uwa idiɔk ido emi edide eke idem esie, ediwa, onyuŋ osio isop idem esie, ye eke ufɔk esiemɔ, onyuŋ owot enaŋ uwa idiɔk ido emi edide eke idem esie. 12Ndien enye ɔwɔhɔre ebok ikaŋ ke itie-uwa ke iso Jehovah, esin ke ŋkpɔ ufɔp incense ɔyɔhɔ, ndien owobi edifuɔŋ incense eke enuakde emen ɔyɔhɔ ubɔk ada oduk ke edem ukara. 13Ndien enye odori incense ke ikaŋ ke iso Jehovah, ndien nsuŋikaŋ incense oro eyefuk itie-usio-isop emi odorode ke enyɔŋ ŋkpɔ-ntiense, man enye okukpa mkpa. 14Ndien enye ada usuk iyip enaŋ ke nnuenubɔk esiemɔ, osime itie-usio-isop ke iso ke edem usiaha-utin; yak enye onyuŋ ada iyip ke nnuenubɔk esie osime ke iso itie-usio-isop utim ikatiaba.
15Ndien yak enye owot ebot uwa idiɔk ido mbio-obio, onyuŋ emen iyip esie okoduk ke edem ukara, onyuŋ ada iyip esie anam kpa nte emi enye akanamde ye iyip enaŋ, onyuŋ osime enye ke itie-usio-isop, ye ke iso itie-usio-isop: ndien 16enye osio isop ɔnɔ edisana ebiet, abaŋa ndek nditɔ Israel, onyuŋ abaŋa mme ukwaŋ-ŋkpɔ mmɔ, onyuŋ abaŋa kpukpru mme idiɔk-ŋkpɔ mmɔ: yak enye onyuŋ anam kpasuk ntre ye efe esop emi oduŋde ye mmɔ ke ufɔt ndek mmɔ. 17Baba ndomo owo kiet okunyuŋ odu ke esit efe esop, ke ini enye odukde ndisio isop ke edisana ebiet, tutu enye ɔwɔrɔ; ntem ke enye edisio isop esiemɔ, ye eke ufɔk esiemɔ, ye eke ofuri esop Israel. 18Ndien yak enye ɔwɔrɔ aka ke itie-uwa emi odude ke iso Jehovah, onyuŋ osio isop ɔnɔ enye: onyuŋ ada usuk iyip enaŋ oro, ye usuk iyip ebot, ɔtɔi ke nduk itie-uwa akanade okuk. 19Ndien yak enye ada iyip oro ke nnuenubɔk esie osime ke esit utim ikatiaba, onyuŋ anam enye asana, onyuŋ adianare enye ke ndek nditɔ Israel.
20Ndien ini enye ama osio isop edisana ebiet, ye eke efe esop, ye eke itie-uwa ama, yak enye ada ebot uwem edi: 21ndien Aaron ada ubɔk esiemɔ mbiba odori odu uwem ebot ke ibuot, onyuŋ ada enye ke enyɔŋ ayarare kpukpru mme idiɔk ido nditɔ Israel, ye kpukpru mme ukwaŋ-ŋkpɔ mmɔ, ye kpukpru mme idiɔk-ŋkpɔ mmɔ, ada mmɔ odori ebot oro ke ibuot, ndien esin enye ke ubɔk owo eke adade ebet, ete ada enye akayak ke wilderness. 22Ndien ebot oro eyebiom kpukpru mme ukwaŋ-ŋkpɔ emi odorode enye ke idem, aka ke isɔŋ udianare mfep: ntre ke enye ediyak ebot ke wilderness.
23Ndien Aaron ediduk ke efe esop, osio edisine-ŋkpɔ linen emi enye esinede ke ini odukde ke edisana ebiet, ayak mmɔ onim do: 24ndien yak enye eyet idem esie ke mmɔŋ ke edisana ebiet, onyuŋ esine edisine-ŋkpɔ esie, ndien ɔwɔrɔ, aka akawa edifɔp uwa-esiemɔ, ye edifɔp uwa mbio-obio, 25onyuŋ osio isop esiemɔ, ye eke mbio-obio. Ndien yak enye ada ikpɔŋ uwa idiɔk ido ɔfɔp ke itie uwa.
26Ndien owo oro akasanade ebot ayak ɔnɔ Azazel, enyene ndiyet edisine-ŋkpɔ esiemɔ, nnyuŋ nyet idem esie ke mmɔŋ; ndien ke ama akanam ntre oduk ke nna. 27Ndien ŋko yak emen enaŋ uwa idiɔk ido, ye ebot uwa idiɔk ido, emi edade iyip mmɔ eduk edisio isop ke edisana ebiet, ewɔrɔ eka edem nna, ekeda ikpa mmɔ, ye unam mmɔ, ye ifuɔ mmɔ, efɔp ke ikaŋ. 28Ndien ŋko owo eke ɔfɔpde mmɔ enyene ndiyet edisine-ŋkpɔ esiemɔ, nnyuŋ nyet idem esie ke mmɔŋ; ndien ke ama akanam ntre, oduk ke esit nna.
29Ndien eyedi nsinsi ewuhɔ mbufo, ke ɔyɔhɔ ɔfiɔŋ itiaba ke ɔyɔhɔ usen ɔfiɔŋ oro duop, mbufo esuhɔre esit mbufo, ekunyuŋ enam baba ubɔk-utom kiet, ekpedi eyen isɔŋ, onyuŋ edi esen owo eke oduŋde ke otu mbufo. 30Koro ke usen emi ke enye (oku) edisio isop inɔ mbufo, man anam mbufo esana, onyuŋ ofimede kpukpru mme idiɔk ido mbufo efep, anam esana ke iso Jehovah. 31Enye edidi akakan sabbath mbufo, mbufo enyuŋ esuhɔre esit mbufo: oro edi nsinsi ewuhɔ. 32Ndien oku emi ediyetde enye aran, emi edinyuŋ eyɔhɔde enye ubɔk, man enye ada oku ke ibuot ete esie enyene ndisio isop, nnyuŋ nsine edisine-ŋkpɔ linen, kpa edisana edisine-ŋkpɔ: 33enye edinyuŋ osio isop ɔnɔ edisana ebiet iduŋ, onyuŋ osio isop ɔnɔ efe esop, ye itie uwa, enye edinyuŋ osio isop ɔnɔ mme oku, ye kpukpru mbon esop. 34Ndien emi edidi nsinsi ewuhɔ mbufo, man esio isop enɔ nditɔ Israel, enyuŋ efimere kpukpru mme idiɔk-ŋkpɔ mmɔ efep, ini kiet ke isua kiet. Ndien enye anam kpa nte emi Jehovah eketemede Moses.
Currently Selected:
LEVITICUS 16: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
LEVITICUS 16
16
Usen Usio Isop
1EKEM Jehovah ɔdɔhɔ Moses, ke nditɔ Aaron iba ema ekekpa ema, adaŋemi mmɔ esaŋade ekpere ke iso Jehovah, ndien ekpa mkpa; 2ndien Jehovah ɔdɔhɔ Moses, ete, Dɔhɔ Aaron eyen-uka, ete, Enye okuduk kpukpru ini ke edisana ebiet ke edem ukara, ke iso itie-usio-isop, emi odorode ke enyɔŋ ekebe; mbak enye edikpa: koro nyewut idem mi ke cloud ke enyɔŋ itie-usio-isop. 3Ntem ke Aaron ediduk ke edisana ebiet oro; akama abak enaŋ ke uwa idiɔk ido, ye okukim ke edifɔp uwa. 4Yak enye esine edisana ɔfɔŋidem linen, onyuŋ esine ɔfɔŋ-ukot linen ke idem, onyuŋ ɔbɔbɔ ubɔp-isin linen, onyuŋ ayara mitre linen; mme mmɔ emi edi edisana edisine-ŋkpɔ; ndien yak enye eyet idem esie ke mmɔŋ, ndien esine mmɔ. 5Ndien yak enye ɔbɔ esop nditɔ Israel okpo ebot iba ke uwa idiɔk ido, ye okukim erɔŋ kiet ke edifɔp uwa.
6Ndien yak Aaron ada abak enaŋ uwa idiɔk ido emi edide eke idem esie, ediwa, onyuŋ osio isop idem esie, ye eke ufɔk esiemɔ. 7Ndien enye ada okpo ebot iba oro, emen mmɔ onim ke iso Jehovah ke enyin-usuŋ efe esop. 8Ndien Aaron odomo ndomo ke okpo mbiba; ndomo kiet ke eke Jehovah, ye ndomo kiet eken ke eke Azazel. 9Ndien yak Aaron ada ebot eke ndomo Jehovah otopde enye, ediwa ke uwa idiɔk ido. 10Ndien ŋko ama edi ebot eke ndomo Azazel otopde enye, yak eda enye ye uwem enim ke iso Jehovah, man eda enye esio isop, enyuŋ enɔ enye ekesɔk Azazel ke wilderness.
11Ndien yak Aaron ada enaŋ uwa idiɔk ido emi edide eke idem esie, ediwa, onyuŋ osio isop idem esie, ye eke ufɔk esiemɔ, onyuŋ owot enaŋ uwa idiɔk ido emi edide eke idem esie. 12Ndien enye ɔwɔhɔre ebok ikaŋ ke itie-uwa ke iso Jehovah, esin ke ŋkpɔ ufɔp incense ɔyɔhɔ, ndien owobi edifuɔŋ incense eke enuakde emen ɔyɔhɔ ubɔk ada oduk ke edem ukara. 13Ndien enye odori incense ke ikaŋ ke iso Jehovah, ndien nsuŋikaŋ incense oro eyefuk itie-usio-isop emi odorode ke enyɔŋ ŋkpɔ-ntiense, man enye okukpa mkpa. 14Ndien enye ada usuk iyip enaŋ ke nnuenubɔk esiemɔ, osime itie-usio-isop ke iso ke edem usiaha-utin; yak enye onyuŋ ada iyip ke nnuenubɔk esie osime ke iso itie-usio-isop utim ikatiaba.
15Ndien yak enye owot ebot uwa idiɔk ido mbio-obio, onyuŋ emen iyip esie okoduk ke edem ukara, onyuŋ ada iyip esie anam kpa nte emi enye akanamde ye iyip enaŋ, onyuŋ osime enye ke itie-usio-isop, ye ke iso itie-usio-isop: ndien 16enye osio isop ɔnɔ edisana ebiet, abaŋa ndek nditɔ Israel, onyuŋ abaŋa mme ukwaŋ-ŋkpɔ mmɔ, onyuŋ abaŋa kpukpru mme idiɔk-ŋkpɔ mmɔ: yak enye onyuŋ anam kpasuk ntre ye efe esop emi oduŋde ye mmɔ ke ufɔt ndek mmɔ. 17Baba ndomo owo kiet okunyuŋ odu ke esit efe esop, ke ini enye odukde ndisio isop ke edisana ebiet, tutu enye ɔwɔrɔ; ntem ke enye edisio isop esiemɔ, ye eke ufɔk esiemɔ, ye eke ofuri esop Israel. 18Ndien yak enye ɔwɔrɔ aka ke itie-uwa emi odude ke iso Jehovah, onyuŋ osio isop ɔnɔ enye: onyuŋ ada usuk iyip enaŋ oro, ye usuk iyip ebot, ɔtɔi ke nduk itie-uwa akanade okuk. 19Ndien yak enye ada iyip oro ke nnuenubɔk esie osime ke esit utim ikatiaba, onyuŋ anam enye asana, onyuŋ adianare enye ke ndek nditɔ Israel.
20Ndien ini enye ama osio isop edisana ebiet, ye eke efe esop, ye eke itie-uwa ama, yak enye ada ebot uwem edi: 21ndien Aaron ada ubɔk esiemɔ mbiba odori odu uwem ebot ke ibuot, onyuŋ ada enye ke enyɔŋ ayarare kpukpru mme idiɔk ido nditɔ Israel, ye kpukpru mme ukwaŋ-ŋkpɔ mmɔ, ye kpukpru mme idiɔk-ŋkpɔ mmɔ, ada mmɔ odori ebot oro ke ibuot, ndien esin enye ke ubɔk owo eke adade ebet, ete ada enye akayak ke wilderness. 22Ndien ebot oro eyebiom kpukpru mme ukwaŋ-ŋkpɔ emi odorode enye ke idem, aka ke isɔŋ udianare mfep: ntre ke enye ediyak ebot ke wilderness.
23Ndien Aaron ediduk ke efe esop, osio edisine-ŋkpɔ linen emi enye esinede ke ini odukde ke edisana ebiet, ayak mmɔ onim do: 24ndien yak enye eyet idem esie ke mmɔŋ ke edisana ebiet, onyuŋ esine edisine-ŋkpɔ esie, ndien ɔwɔrɔ, aka akawa edifɔp uwa-esiemɔ, ye edifɔp uwa mbio-obio, 25onyuŋ osio isop esiemɔ, ye eke mbio-obio. Ndien yak enye ada ikpɔŋ uwa idiɔk ido ɔfɔp ke itie uwa.
26Ndien owo oro akasanade ebot ayak ɔnɔ Azazel, enyene ndiyet edisine-ŋkpɔ esiemɔ, nnyuŋ nyet idem esie ke mmɔŋ; ndien ke ama akanam ntre oduk ke nna. 27Ndien ŋko yak emen enaŋ uwa idiɔk ido, ye ebot uwa idiɔk ido, emi edade iyip mmɔ eduk edisio isop ke edisana ebiet, ewɔrɔ eka edem nna, ekeda ikpa mmɔ, ye unam mmɔ, ye ifuɔ mmɔ, efɔp ke ikaŋ. 28Ndien ŋko owo eke ɔfɔpde mmɔ enyene ndiyet edisine-ŋkpɔ esiemɔ, nnyuŋ nyet idem esie ke mmɔŋ; ndien ke ama akanam ntre, oduk ke esit nna.
29Ndien eyedi nsinsi ewuhɔ mbufo, ke ɔyɔhɔ ɔfiɔŋ itiaba ke ɔyɔhɔ usen ɔfiɔŋ oro duop, mbufo esuhɔre esit mbufo, ekunyuŋ enam baba ubɔk-utom kiet, ekpedi eyen isɔŋ, onyuŋ edi esen owo eke oduŋde ke otu mbufo. 30Koro ke usen emi ke enye (oku) edisio isop inɔ mbufo, man anam mbufo esana, onyuŋ ofimede kpukpru mme idiɔk ido mbufo efep, anam esana ke iso Jehovah. 31Enye edidi akakan sabbath mbufo, mbufo enyuŋ esuhɔre esit mbufo: oro edi nsinsi ewuhɔ. 32Ndien oku emi ediyetde enye aran, emi edinyuŋ eyɔhɔde enye ubɔk, man enye ada oku ke ibuot ete esie enyene ndisio isop, nnyuŋ nsine edisine-ŋkpɔ linen, kpa edisana edisine-ŋkpɔ: 33enye edinyuŋ osio isop ɔnɔ edisana ebiet iduŋ, onyuŋ osio isop ɔnɔ efe esop, ye itie uwa, enye edinyuŋ osio isop ɔnɔ mme oku, ye kpukpru mbon esop. 34Ndien emi edidi nsinsi ewuhɔ mbufo, man esio isop enɔ nditɔ Israel, enyuŋ efimere kpukpru mme idiɔk-ŋkpɔ mmɔ efep, ini kiet ke isua kiet. Ndien enye anam kpa nte emi Jehovah eketemede Moses.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.