LEVITICUS 18
18
Abasi Asua Ɔnɔ Owo Ndisabare Idem
1EKEM Jehovah ɔdɔhɔ Moses, ete, Dɔhɔ nditɔ Israel, ete, 2Ami ndi Jehovah Abasi mbufo. 3Mbufo ekunam nte isɔŋ Egypt, emi mbufo ekeduŋde ke esit, enamde: ekunyuŋ enam nte isɔŋ Canaan, emi ami ndade mbufo nduk do, enamde: ekunyuŋ esaŋa ke mme ewuhɔ mmɔ. 4Mbufo enim ido mi, enyuŋ ekpeme mme ewuhɔ mi, enyuŋ esaŋa ke mmɔ: ami ndi Jehovah Abasi mbufo. 5Mbufo enim ndien mme ewuhɔ mi ye item mi: emi owo eke edinamde mmɔ edidude uwem ke esit: ami ndi Jehovah.
6Baba owo mbufo kiet okutiene owo oruk esie ekededi, ndifuhɔre mmɔ iferi: ami ndi Jehovah. 7Kufuhɔre usɔ iferi, kunyuŋ ufuhɔre uka iferi: enye edi uka; kufuhɔre enye iferi. 8Kufuhɔre ŋwan usɔ iferi: emi edi iferi usɔ. 9Ama edi iferi eyen-uka aŋwan, edide eyen-usɔ, onyuŋ edide eyen uka, edide amana ke ufɔk, onyuŋ edide amana ke ebiet efen, kufuhɔre mmɔ iferi. 10Ama edi iferi eyen eyen-eren fo, ye eke eyen eyen fo aŋwan, kufuhɔre mmɔ iferi: koro mmɔ edide iferi fo. 11Ama edi iferi eyen-aŋwan ŋwan usɔ, emi usɔ obonde, enye edi eyen-usɔ aŋwaŋ, kufuhɔre enye iferi. 12Kufuhɔre eyen-eka usɔ aŋwan iferi: enye edi oruk usɔ. 13Kufuhɔre eyen-eka uka aŋwan iferi: koro enye edide oruk uka. 14Kufuhɔre eyen-eka usɔ eren iferi, kutiene ŋwan esie: enye edi ŋwan eyen-eka usɔ eren. 15Kufuhɔre ŋwan eyen fo iferi: enye edi ŋwan eyen fo; kufuhɔre enye iferi. 16Kufuhɔre ŋwan eyen-uka iferi: iferi eyen uka edi oro: 17Kufuhɔre ŋwan ye eyen esie aŋwan iferi; kuda eyen eyen-eren ŋwan oro, mme eyen eyen esie aŋwan, ete ifuhɔre enye iferi; mmɔ edi oruk esie: ata oburobut ŋkpɔ edi oro. 18Kunyuŋ uda ŋwan ukɔrɔ ye eyen-eka esie aŋwan, ndifibe enye ufup, nnyuŋ mfuhɔre enye iferi, ŋkɔrɔ ye enye ke ini uwem esie.
19Kunyuŋ utiene ŋwan ke ini idiɔk itie esie, ete ifuhɔre enye iferi. 20Kunyuŋ ukot ŋwan mbɔhiduŋ fo, ndida idem fo ŋkasabade ye enye. 21Kunyuŋ uda ubon fo unɔ Molech man ebe oduk (ke ikaŋ), kunyuŋ ubiat enyiŋ Abasi fo: ami ndi Jehovah. 22Kunyuŋ udaŋ ye eren nte edaŋde ye ŋwan: mbubiam edi oro. 23Kunyuŋ udaŋ ye baba unam kiet, kunyuŋ usabare idem fo ke esit: ŋwan okunyuŋ ada ke iso unam ndidaŋ ye enye: ata mbubiam edi oro.
24Mbufo ekuda mme mmɔ emi ndomo kiet esabare idem mbufo ke esit: koro mme idut emi ami mmɔŋ mbin mmɔ mfep ke iso mbufo, edade kpukpru ŋkpɔ emi esabare idem mmɔ ke esit: 25isɔŋ omonyuŋ edehe: ndien nyeda ufen esie ntiene enye, isɔŋ onyuŋ ɔkpɔhi mme andiduŋ enye efep. 26Mbufo enim ndien mme ewuhɔ mi, ye item mi, ekunyuŋ enam baba ofuri mbubiam oro kiet, edide eyen isɔŋ, onyuŋ edide esen emi oduŋde ke otu mbufo: 27(koro mbio isɔŋ emi ebemde mbufo iso, ekenamde kpukpru ŋkpɔ mbubiam emi, isɔŋ oro onyuŋ edehe;) 28mbak isɔŋ oro edikpɔhi mbufo efep, ke ini mbufo esabarede enye, kpa nte ɔkɔkpɔhide mme idut emi ekebemde mbufo iso efep. 29Koro ama edi kpukpru owo eke enamde mbubiam ŋkpɔ oro ekededi, yak esibe kpa ukpɔŋ eke enamde, efep ke otu mbio-obio mmɔ. 30Mbufo enim ndien mme ewuhɔ mi, man ekunam baba ndek ido emi kiet, emi mmɔ ekebemde mbufo iso enam, ekunyuŋ esabare idem mbufo ke esit: ami ndi Jehovah Abasi mbufo.
Currently Selected:
LEVITICUS 18: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
LEVITICUS 18
18
Abasi Asua Ɔnɔ Owo Ndisabare Idem
1EKEM Jehovah ɔdɔhɔ Moses, ete, Dɔhɔ nditɔ Israel, ete, 2Ami ndi Jehovah Abasi mbufo. 3Mbufo ekunam nte isɔŋ Egypt, emi mbufo ekeduŋde ke esit, enamde: ekunyuŋ enam nte isɔŋ Canaan, emi ami ndade mbufo nduk do, enamde: ekunyuŋ esaŋa ke mme ewuhɔ mmɔ. 4Mbufo enim ido mi, enyuŋ ekpeme mme ewuhɔ mi, enyuŋ esaŋa ke mmɔ: ami ndi Jehovah Abasi mbufo. 5Mbufo enim ndien mme ewuhɔ mi ye item mi: emi owo eke edinamde mmɔ edidude uwem ke esit: ami ndi Jehovah.
6Baba owo mbufo kiet okutiene owo oruk esie ekededi, ndifuhɔre mmɔ iferi: ami ndi Jehovah. 7Kufuhɔre usɔ iferi, kunyuŋ ufuhɔre uka iferi: enye edi uka; kufuhɔre enye iferi. 8Kufuhɔre ŋwan usɔ iferi: emi edi iferi usɔ. 9Ama edi iferi eyen-uka aŋwan, edide eyen-usɔ, onyuŋ edide eyen uka, edide amana ke ufɔk, onyuŋ edide amana ke ebiet efen, kufuhɔre mmɔ iferi. 10Ama edi iferi eyen eyen-eren fo, ye eke eyen eyen fo aŋwan, kufuhɔre mmɔ iferi: koro mmɔ edide iferi fo. 11Ama edi iferi eyen-aŋwan ŋwan usɔ, emi usɔ obonde, enye edi eyen-usɔ aŋwaŋ, kufuhɔre enye iferi. 12Kufuhɔre eyen-eka usɔ aŋwan iferi: enye edi oruk usɔ. 13Kufuhɔre eyen-eka uka aŋwan iferi: koro enye edide oruk uka. 14Kufuhɔre eyen-eka usɔ eren iferi, kutiene ŋwan esie: enye edi ŋwan eyen-eka usɔ eren. 15Kufuhɔre ŋwan eyen fo iferi: enye edi ŋwan eyen fo; kufuhɔre enye iferi. 16Kufuhɔre ŋwan eyen-uka iferi: iferi eyen uka edi oro: 17Kufuhɔre ŋwan ye eyen esie aŋwan iferi; kuda eyen eyen-eren ŋwan oro, mme eyen eyen esie aŋwan, ete ifuhɔre enye iferi; mmɔ edi oruk esie: ata oburobut ŋkpɔ edi oro. 18Kunyuŋ uda ŋwan ukɔrɔ ye eyen-eka esie aŋwan, ndifibe enye ufup, nnyuŋ mfuhɔre enye iferi, ŋkɔrɔ ye enye ke ini uwem esie.
19Kunyuŋ utiene ŋwan ke ini idiɔk itie esie, ete ifuhɔre enye iferi. 20Kunyuŋ ukot ŋwan mbɔhiduŋ fo, ndida idem fo ŋkasabade ye enye. 21Kunyuŋ uda ubon fo unɔ Molech man ebe oduk (ke ikaŋ), kunyuŋ ubiat enyiŋ Abasi fo: ami ndi Jehovah. 22Kunyuŋ udaŋ ye eren nte edaŋde ye ŋwan: mbubiam edi oro. 23Kunyuŋ udaŋ ye baba unam kiet, kunyuŋ usabare idem fo ke esit: ŋwan okunyuŋ ada ke iso unam ndidaŋ ye enye: ata mbubiam edi oro.
24Mbufo ekuda mme mmɔ emi ndomo kiet esabare idem mbufo ke esit: koro mme idut emi ami mmɔŋ mbin mmɔ mfep ke iso mbufo, edade kpukpru ŋkpɔ emi esabare idem mmɔ ke esit: 25isɔŋ omonyuŋ edehe: ndien nyeda ufen esie ntiene enye, isɔŋ onyuŋ ɔkpɔhi mme andiduŋ enye efep. 26Mbufo enim ndien mme ewuhɔ mi, ye item mi, ekunyuŋ enam baba ofuri mbubiam oro kiet, edide eyen isɔŋ, onyuŋ edide esen emi oduŋde ke otu mbufo: 27(koro mbio isɔŋ emi ebemde mbufo iso, ekenamde kpukpru ŋkpɔ mbubiam emi, isɔŋ oro onyuŋ edehe;) 28mbak isɔŋ oro edikpɔhi mbufo efep, ke ini mbufo esabarede enye, kpa nte ɔkɔkpɔhide mme idut emi ekebemde mbufo iso efep. 29Koro ama edi kpukpru owo eke enamde mbubiam ŋkpɔ oro ekededi, yak esibe kpa ukpɔŋ eke enamde, efep ke otu mbio-obio mmɔ. 30Mbufo enim ndien mme ewuhɔ mi, man ekunam baba ndek ido emi kiet, emi mmɔ ekebemde mbufo iso enam, ekunyuŋ esabare idem mbufo ke esit: ami ndi Jehovah Abasi mbufo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.