LUKE 17
17
Ŋkpɔ Iduɔ
(Mt 18.6-7,21-22; Mk 9.42)
1 ENYE onyuŋ ɔdɔhɔ mbet Esie ete, Ana nte ŋkpɔ iduɔ edu; edi eyedɔdiɔk ɔnɔ owo eke adade mmɔ edi. 2Ɔkpɔfɔn ye enye owo ndikpada itiat-ɔkɔk ibo-kpot ŋkɔŋɔ enye ke itɔŋ, ndien eduɔk enye ke inyaŋ, akan enye ndinam ŋkpri nditɔ emi kiet ɔduɔ. 3Etim ekpeme idem mbufo; edieke eyen-ete fo eduede fi, sua nɔ enye; ndien edieke enye atuade mkpɔfiɔk dahado nɔ enye. 4Edieke enye eduede fi utim ikatiaba ke usen kiet, onyuŋ afiakde etiene fi utim ikatiaba ke usen kiet edidɔhɔ ete, Mmatua mkpɔfiɔk; ana nte afo adahado ɔnɔ enye.
5Ekem mme apostle edɔhɔ Ɔbɔŋ ete, Nam mbuɔtidem nnyin okpon akan. 6Edi Ɔbɔŋ ete, Edieke mbufo enyenede mbuɔtidem eke etiede nte mkpasip mustard, mbufo ekpɔdɔhɔ eto sycamine emi ete, Wuhɔre mi ke ebiet emi, ka kɔwuhɔ ke inyaŋ; ndien enye akpanam uyo mbufo. 7Edi anie owo ke otu mbufo, emi enyenede ofin eke ofuŋde isɔŋ mme ɔbɔkde erɔŋ, edidɔhɔ enye, ke ini enye otode iŋwaŋ edi, ete, 8Sɔp di, tetie ke itie udia? nte idikam idɔhɔke enye ite, Nim udia nɔ mi ndia, nyuŋ beŋe idem, fak ɔfɔŋ fo, da mbet tutu ndia nnyuŋ ŋŋwɔŋ ŋkpɔ; ekem afo eyedia onyuŋ ɔŋwɔŋ okuo. 9Nte enye edikɔm ofin oro koro anamde uyo esie? 10Kpa ntre ke mbufo ŋko, ke adaŋemi mbufo enamde kpukpru se ekedɔhɔde mbufo, edɔhɔ ete, Nnyin idi ifin eke minamke utom ibe adaŋa; inam kpa se nnyin ikpanamde.
11Edikem nte mmɔ esaŋade eka Jerusalem, Enye ebe ke adaŋa Samaria ye Galilee. 12Ndien nte Enye odukde ke obio-iŋwaŋ kiet, owo akpa-mfia duop edisobo ye Enye, enyuŋ eda nsan-nsan, emenere uyo mmɔ efiori ete, 13Jesus, Andikpep, tua nnyin mbɔm. 14Ke ini Enye okutde mmɔ, Enye ɔdɔhɔ mmɔ ete, Eka ekowut mme oku idem mbufo. 15Edikem nte mmɔ esaŋade eka, enam mmɔ esana. Edi ke ini owo mmɔ kiet okutde ete ema enam udɔŋɔ okure imɔ, afiak edi editoro Abasi ke ɔkpɔsɔŋ uyo; 16onyuŋ ɔduɔ okibi iso esie ke isɔŋ ke ukot Jesus, ɔkɔm Enye; ndien enye edi eyen Samaria. 17Edi Jesus ete, Nte ikanamke owo mboduop esana? owo usukkiet enye? 18Nte owo baba kiet iduhe ndifiak nditoro Abasi, ke mibɔhɔke esen owo emi? 19Ndien Enye ɔdɔhɔ owo oro ete, Daha, nyɔŋ okuo: mbuɔtidem ama anam idem ɔsɔŋ fi.
20Edi ke ini mme Pharisee ebupde Enye ini eke Ubɔŋ Abasi edidide, Enye ɔbɔrɔ mmɔ ete, Ubɔŋ Abasi idige ke ido nte owo okutde enye ke enyin: 21owo idinyuŋ idɔhɔke ete, Se enye mi; midige, Se enye do: koro sese, Ubɔŋ Abasi odu ke otu mbufo.
22Enye onyuŋ ɔdɔhɔ mbet Esie ete, Ini eyedi eke mbufo ediyomde ndikut usen Eyen Owo kiet, edi mbufo idikwe. 23Ndien mmɔ eyedɔhɔ mbufo ete, Sese, ko! 24Sese, mi! ekuwɔrɔ eka, ekunyuŋ etiene mmɔ. Koro kpa nte emireŋ-mireŋ ɔwɔrɔde ke ŋkaŋ ikpa-enyɔŋ kiet, ayama osim ŋkaŋ eken, kpa ntre ke Eyen Owo eyedi ke usen Esie. 25Edi Enye enyene ndibem iso ŋkut ediwak ukut, mbio emana emi eyenyuŋ esin Enye. 26Ndien nte ekedide ke eyo Noah, kpa ntre ke edidi ke usen Eyen Owo. 27Mmɔ ekadia ŋkpɔ enyuŋ eŋwɔŋ ŋkpɔ; mmɔ edɔ ndɔ enyuŋ eda owo enɔ ke ndɔ, tutu osim usen emi Noah odukde ke ubom, ndien ukwɔ edi edisobo mmɔ kpukpru. 28Kpa nte okonyuŋ edide ke eyo Lot; mmɔ ekadia ŋkpɔ enyuŋ eŋwɔŋ ŋkpɔ; mmɔ edep, enyuŋ enyam; etɔ iŋwaŋ, enyuŋ ebɔp ufɔk: 29edi ke usen oro Lot ɔwɔrɔde ke Sodom, ikaŋ ye itai eto ke enyɔŋ edep edisobo mmɔ kpukpru: 30kpasuk ntre ke edidi ke usen emi Eyen Owo ediyararede idem. 31Ke usen oro, owo eke odude ke ɔkɔm ufɔk, ŋkpɔ esie enyuŋ edude ke esit ufɔk, okukam ɔsuhɔre oduk editaŋ mmɔ: kpa ntre ŋko owo eke odude ke iŋwaŋ okukam afiak aka, 32mbufo eti ŋwan Lot. 33Owo eke oyomde ndiyaŋa uwem esie eyeduɔk enye: edi owo eke ɔduɔkde uwem esie eyenyaŋa enye. 34Ndɔhɔ mbufo nte, Ke okoneyo oro owo iba eyena ke mbri kiet; 35eyeda kiet, ekpɔŋ enye eken. 36Iban iba eyekɔk ibokpot; eyeda kiet, ekpɔŋ enye eken. 37Ndien mmɔ ebɔrɔ Enye ete, Ɔbɔŋ, ke mmɔŋ? Enye ete mmɔ, Ɔtɔ nte okpo anade, do ke mme utere ediboho.
Currently Selected:
LUKE 17: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
LUKE 17
17
Ŋkpɔ Iduɔ
(Mt 18.6-7,21-22; Mk 9.42)
1 ENYE onyuŋ ɔdɔhɔ mbet Esie ete, Ana nte ŋkpɔ iduɔ edu; edi eyedɔdiɔk ɔnɔ owo eke adade mmɔ edi. 2Ɔkpɔfɔn ye enye owo ndikpada itiat-ɔkɔk ibo-kpot ŋkɔŋɔ enye ke itɔŋ, ndien eduɔk enye ke inyaŋ, akan enye ndinam ŋkpri nditɔ emi kiet ɔduɔ. 3Etim ekpeme idem mbufo; edieke eyen-ete fo eduede fi, sua nɔ enye; ndien edieke enye atuade mkpɔfiɔk dahado nɔ enye. 4Edieke enye eduede fi utim ikatiaba ke usen kiet, onyuŋ afiakde etiene fi utim ikatiaba ke usen kiet edidɔhɔ ete, Mmatua mkpɔfiɔk; ana nte afo adahado ɔnɔ enye.
5Ekem mme apostle edɔhɔ Ɔbɔŋ ete, Nam mbuɔtidem nnyin okpon akan. 6Edi Ɔbɔŋ ete, Edieke mbufo enyenede mbuɔtidem eke etiede nte mkpasip mustard, mbufo ekpɔdɔhɔ eto sycamine emi ete, Wuhɔre mi ke ebiet emi, ka kɔwuhɔ ke inyaŋ; ndien enye akpanam uyo mbufo. 7Edi anie owo ke otu mbufo, emi enyenede ofin eke ofuŋde isɔŋ mme ɔbɔkde erɔŋ, edidɔhɔ enye, ke ini enye otode iŋwaŋ edi, ete, 8Sɔp di, tetie ke itie udia? nte idikam idɔhɔke enye ite, Nim udia nɔ mi ndia, nyuŋ beŋe idem, fak ɔfɔŋ fo, da mbet tutu ndia nnyuŋ ŋŋwɔŋ ŋkpɔ; ekem afo eyedia onyuŋ ɔŋwɔŋ okuo. 9Nte enye edikɔm ofin oro koro anamde uyo esie? 10Kpa ntre ke mbufo ŋko, ke adaŋemi mbufo enamde kpukpru se ekedɔhɔde mbufo, edɔhɔ ete, Nnyin idi ifin eke minamke utom ibe adaŋa; inam kpa se nnyin ikpanamde.
11Edikem nte mmɔ esaŋade eka Jerusalem, Enye ebe ke adaŋa Samaria ye Galilee. 12Ndien nte Enye odukde ke obio-iŋwaŋ kiet, owo akpa-mfia duop edisobo ye Enye, enyuŋ eda nsan-nsan, emenere uyo mmɔ efiori ete, 13Jesus, Andikpep, tua nnyin mbɔm. 14Ke ini Enye okutde mmɔ, Enye ɔdɔhɔ mmɔ ete, Eka ekowut mme oku idem mbufo. 15Edikem nte mmɔ esaŋade eka, enam mmɔ esana. Edi ke ini owo mmɔ kiet okutde ete ema enam udɔŋɔ okure imɔ, afiak edi editoro Abasi ke ɔkpɔsɔŋ uyo; 16onyuŋ ɔduɔ okibi iso esie ke isɔŋ ke ukot Jesus, ɔkɔm Enye; ndien enye edi eyen Samaria. 17Edi Jesus ete, Nte ikanamke owo mboduop esana? owo usukkiet enye? 18Nte owo baba kiet iduhe ndifiak nditoro Abasi, ke mibɔhɔke esen owo emi? 19Ndien Enye ɔdɔhɔ owo oro ete, Daha, nyɔŋ okuo: mbuɔtidem ama anam idem ɔsɔŋ fi.
20Edi ke ini mme Pharisee ebupde Enye ini eke Ubɔŋ Abasi edidide, Enye ɔbɔrɔ mmɔ ete, Ubɔŋ Abasi idige ke ido nte owo okutde enye ke enyin: 21owo idinyuŋ idɔhɔke ete, Se enye mi; midige, Se enye do: koro sese, Ubɔŋ Abasi odu ke otu mbufo.
22Enye onyuŋ ɔdɔhɔ mbet Esie ete, Ini eyedi eke mbufo ediyomde ndikut usen Eyen Owo kiet, edi mbufo idikwe. 23Ndien mmɔ eyedɔhɔ mbufo ete, Sese, ko! 24Sese, mi! ekuwɔrɔ eka, ekunyuŋ etiene mmɔ. Koro kpa nte emireŋ-mireŋ ɔwɔrɔde ke ŋkaŋ ikpa-enyɔŋ kiet, ayama osim ŋkaŋ eken, kpa ntre ke Eyen Owo eyedi ke usen Esie. 25Edi Enye enyene ndibem iso ŋkut ediwak ukut, mbio emana emi eyenyuŋ esin Enye. 26Ndien nte ekedide ke eyo Noah, kpa ntre ke edidi ke usen Eyen Owo. 27Mmɔ ekadia ŋkpɔ enyuŋ eŋwɔŋ ŋkpɔ; mmɔ edɔ ndɔ enyuŋ eda owo enɔ ke ndɔ, tutu osim usen emi Noah odukde ke ubom, ndien ukwɔ edi edisobo mmɔ kpukpru. 28Kpa nte okonyuŋ edide ke eyo Lot; mmɔ ekadia ŋkpɔ enyuŋ eŋwɔŋ ŋkpɔ; mmɔ edep, enyuŋ enyam; etɔ iŋwaŋ, enyuŋ ebɔp ufɔk: 29edi ke usen oro Lot ɔwɔrɔde ke Sodom, ikaŋ ye itai eto ke enyɔŋ edep edisobo mmɔ kpukpru: 30kpasuk ntre ke edidi ke usen emi Eyen Owo ediyararede idem. 31Ke usen oro, owo eke odude ke ɔkɔm ufɔk, ŋkpɔ esie enyuŋ edude ke esit ufɔk, okukam ɔsuhɔre oduk editaŋ mmɔ: kpa ntre ŋko owo eke odude ke iŋwaŋ okukam afiak aka, 32mbufo eti ŋwan Lot. 33Owo eke oyomde ndiyaŋa uwem esie eyeduɔk enye: edi owo eke ɔduɔkde uwem esie eyenyaŋa enye. 34Ndɔhɔ mbufo nte, Ke okoneyo oro owo iba eyena ke mbri kiet; 35eyeda kiet, ekpɔŋ enye eken. 36Iban iba eyekɔk ibokpot; eyeda kiet, ekpɔŋ enye eken. 37Ndien mmɔ ebɔrɔ Enye ete, Ɔbɔŋ, ke mmɔŋ? Enye ete mmɔ, Ɔtɔ nte okpo anade, do ke mme utere ediboho.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.